David ma yama omuinyo wa Saul
1 Saul tja kotoka okuza kotjirwa kuna Ovafilisti, wa raerwa nai: “Tara, David u ri mokuti onguza kwa Engedi.” 2 Saul otja toorora ovarumendu omayovi yetatu, imba ovarwe ovawa wovita mOisrael atjihe, nave kapaha David novarwe ve wovita komukuma wokomuhuka wOtuuwa twOmbwindja. 3 Neye weya ondimba popezu noviunda vyozonḓu mbya ri meṋe yondjira, na hiti mu yo okuyenda kosi yonganda, nungwari David novarumendu ve tjandje va haama kokure mokuara kwondimba. 4 Novarumendu va David va tja nai ku ye: “Tjiri, eyuva oro ndi Muhona nda tjere nai kove: ‘Ami me ku pe omunavita na ove meke roye kutja u yenene okutjita ku ye punga amape tjata kove.’ Tjazumba David otja sekama na kondo otjikoro tjombanda ya Saul mongumumu. 5 Nungwari kombunda David wa hihamisiwa i omeripura we momutima mena rokutja wa kondo otjikoro tjombanda ya Saul.” 6 Neye wa tja nai kovarumendu ve: “Muhona nge ndji ṱakamise, e ha tjiti otjiṋa otja ihi okutwa ko omake komuhona wandje, omutwirisiwa wa Muhona; eye tjinga e ri omutwirisiwa wa Muhona.” 7 Nu David wa tena ovarumendu ve kutja ave ha tjiti otjipo ku Saul.
Saul otja pita mondimba na twara ondjira ye. 8 David wina wa hakahana okupita mondimba, na ravaere kombunda ya Saul a tja: “Muhona wandje, mbara!” Nu Saul tja tanauka, David arire tja u onḓurumika ne rikotamene ku ye, 9 na tja: “Okutjavi tji u puratena kovandu mbe tja David u vanga okukutjita otjipo?” 10 Tara, ove omuini mo rimwine kutja Muhona ndino we ku yandja momake wandje mondimba. Nu tji mba popwa kutja hi ku zepe, mbe ku yama, ne tja: Ami himee twa omake wandje komuhona wandje, eye tjinga e ri omutwirisiwa wa Muhona. 11 Tate, nambano tara nguno! Tara, otjikoro tjombanda yoye tji ri meke randje. Ami mbe tji kondo, nu hi ku zepere; ihi tja sokukuraisira kutja hi nomeripuriro wokukupirukira poo wokukutjita otjipo. Nandarire kutja ove u ndji tjera okundjizepa, ami hi ku tjiti ouvi. 12 Muhona nga pangure pokati ketu na ove kutja owaṋi ngu nondjo. Eye nge ku verere ondjito yoye ku ami, tjinga ambi hi nakukutjita otjipo, nangarire kaṱiṱi. 13 Ove mo tjiwa omuano omukuru mbu mau tja: “Ouvi u tjitwa i ovandu ovanauvi porwe. Nungwari ami hi nakukutjita otjipo. 14 Ombara ya Israel mai tezere aṋi? Mai tjere omungendu? Ombwa ndja koka poo eze! 15 Muhona nga rire omupangure pokati ketu na ove; nga konḓonone otjiṋa hi, nu nge ndji yeure, nu nge ndji yame kove.”
16 David tja mana okuhungira omambo nga, Saul arire tja tja ku ye: “Eraka ndi karoye are, muatje wandje David?” Nu Saul wa uta okurira tjinene, 17 na tja nai ku David: “Ove oove omusemba pu ami, tjinga awe ndji raisira ouwa, ami ngunda ambe ku tjita ouvi. 18 Ndino we ndji raisire kutja we ndji tjiti ouwa; orondu Muhona we ndji twa meke roye, nungwari ove ko ndji zepere. 19 Omundu tja hakaene nomunavita na ye, nangwari u mu esa a kayende mondjira ye mohange are? Muhona nge ku sere ondaya mena raimbi mbi wa tjiti ku ami ndinondi. 20 Tara, nambano ami mba tjiwa kutja, tjiri, mo rire ombara mOisrael, nokutja ouhonapare mau karerere kehi youvara woye. 21 Nambano ndji yanena ku Muhona kutja kombunda yonḓiro yandje ko nakuzepa ozondekurona zandje nokutja ko nokuzemisa ena randje meṱunḓu randje.” 22 David otja yanena Saul.
Saul arire tja yaruka koye, nu David wa karonda kondundu puna ovandu ve.
David ma yama omuinyo wa Saul
1 Saul tja kotoka okuza kotjirwa kuna Ovafilisti, wa raerwa nai: “Tara, David u ri mokuti onguza kwa Engedi.” 2 Saul otja toorora ovarumendu omayovi yetatu, imba ovarwe ovawa wovita mOisrael atjihe, nave kapaha David novarwe ve wovita komukuma wokomuhuka wOtuuwa twOmbwindja. 3 Neye weya ondimba popezu noviunda vyozonḓu mbya ri meṋe yondjira, na hiti mu yo okuyenda kosi yonganda, nungwari David novarumendu ve tjandje va haama kokure mokuara kwondimba. 4 Novarumendu va David va tja nai ku ye: “Tjiri, eyuva oro ndi Muhona nda tjere nai kove: ‘Ami me ku pe omunavita na ove meke roye kutja u yenene okutjita ku ye punga amape tjata kove.’ Tjazumba David otja sekama na kondo otjikoro tjombanda ya Saul mongumumu. 5 Nungwari kombunda David wa hihamisiwa i omeripura we momutima mena rokutja wa kondo otjikoro tjombanda ya Saul.” 6 Neye wa tja nai kovarumendu ve: “Muhona nge ndji ṱakamise, e ha tjiti otjiṋa otja ihi okutwa ko omake komuhona wandje, omutwirisiwa wa Muhona; eye tjinga e ri omutwirisiwa wa Muhona.” 7 Nu David wa tena ovarumendu ve kutja ave ha tjiti otjipo ku Saul.
Saul otja pita mondimba na twara ondjira ye. 8 David wina wa hakahana okupita mondimba, na ravaere kombunda ya Saul a tja: “Muhona wandje, mbara!” Nu Saul tja tanauka, David arire tja u onḓurumika ne rikotamene ku ye, 9 na tja: “Okutjavi tji u puratena kovandu mbe tja David u vanga okukutjita otjipo?” 10 Tara, ove omuini mo rimwine kutja Muhona ndino we ku yandja momake wandje mondimba. Nu tji mba popwa kutja hi ku zepe, mbe ku yama, ne tja: Ami himee twa omake wandje komuhona wandje, eye tjinga e ri omutwirisiwa wa Muhona. 11 Tate, nambano tara nguno! Tara, otjikoro tjombanda yoye tji ri meke randje. Ami mbe tji kondo, nu hi ku zepere; ihi tja sokukuraisira kutja hi nomeripuriro wokukupirukira poo wokukutjita otjipo. Nandarire kutja ove u ndji tjera okundjizepa, ami hi ku tjiti ouvi. 12 Muhona nga pangure pokati ketu na ove kutja owaṋi ngu nondjo. Eye nge ku verere ondjito yoye ku ami, tjinga ambi hi nakukutjita otjipo, nangarire kaṱiṱi. 13 Ove mo tjiwa omuano omukuru mbu mau tja: “Ouvi u tjitwa i ovandu ovanauvi porwe. Nungwari ami hi nakukutjita otjipo. 14 Ombara ya Israel mai tezere aṋi? Mai tjere omungendu? Ombwa ndja koka poo eze! 15 Muhona nga rire omupangure pokati ketu na ove; nga konḓonone otjiṋa hi, nu nge ndji yeure, nu nge ndji yame kove.”
16 David tja mana okuhungira omambo nga, Saul arire tja tja ku ye: “Eraka ndi karoye are, muatje wandje David?” Nu Saul wa uta okurira tjinene, 17 na tja nai ku David: “Ove oove omusemba pu ami, tjinga awe ndji raisira ouwa, ami ngunda ambe ku tjita ouvi. 18 Ndino we ndji raisire kutja we ndji tjiti ouwa; orondu Muhona we ndji twa meke roye, nungwari ove ko ndji zepere. 19 Omundu tja hakaene nomunavita na ye, nangwari u mu esa a kayende mondjira ye mohange are? Muhona nge ku sere ondaya mena raimbi mbi wa tjiti ku ami ndinondi. 20 Tara, nambano ami mba tjiwa kutja, tjiri, mo rire ombara mOisrael, nokutja ouhonapare mau karerere kehi youvara woye. 21 Nambano ndji yanena ku Muhona kutja kombunda yonḓiro yandje ko nakuzepa ozondekurona zandje nokutja ko nokuzemisa ena randje meṱunḓu randje.” 22 David otja yanena Saul.
Saul arire tja yaruka koye, nu David wa karonda kondundu puna ovandu ve.
