Isboset ma ṱu
1 Isboset, omuzandu wa Saul, tja zuva kutja Abner wa ṱire mOhebron, wa uruma, nOvaisrael avehe va uruma. 2 Isboset wa ri novarumendu vevari, mba ri ovahongore vovira vyokuhuura, oBaana na Rekab, omuzandu wa Rimon, Omubeerot, womuhoko wa Benjamin. Beerot aatji varwa otja otjihuro tjOvabenjamin. 3 Ovabeerot va taurire rukuru mOgitaim, nave katura ngo otja ovozonganda nga ku ndinondi.
4 Jonatan, omuzandu wa Saul, wa ri nomuzandu wena Mefiboset. Nombuze yonḓiro ya Saul noya Jonatan tji ye ya okuza kOjesreel, Mefiboset tjandje u nozombura ndano. Nomusuko omuṱakamise we we mu toora na tupuka, nungwari eye tjinga a ri nohakahana tjinene, wa wisa omuzandu ngwi, notja remana ozombaze azeyembari.
5 Rekab na Baana, ovazandu va Rimon, Omubeerot, ve ya ponganda ya Isboset, eye ngunda a suva mutenya. 6 Omukazendu, omutjevere womuvero, aa koṱura ngunda ama sisa ovikokotwa, notja rara; komuhingo mbwi ooRekab na Baana otji va honina ondjuwo nave hiti. 7 Nowo va tuurunga nga metuwo romara Isboset ma rarere kotjiraro tje, narire tji ve mu zepa. Tjazumba ave kondo otjiuru tje, ave twaerere nave kayenda ouṱuku auhe amave tuurunga Orutjandja rwa Jordan. 8 Nowo va eta otjiuru tja Isboset ku David mOhebron, nave tja nai kombara: “Otjiuru tja Isboset, omuzandu wa Saul, omunavita na ove, ngwaa tjere omuinyo woye, otjo hi. Muhona ndino wa yandjere omuhona wandje, ombara David, kutja a sutise Saul nozondekurona ze.”
9 Nungwari David wa zira ooRekab nomuangu we Baana, ovazandu va Rimon, Omubeerot, noruyano ndwi: “Ami me yana ku Muhona omunamuinyo ngwe ndji yama koviwonga avihe! 10 Ami mba kambura omurumendu ngwi ngwa eta ombuze yokutja Saul wa koka, eye ame ripura kutja ombuze ndji ombwa; nu mbe mu zepera mOsiklag. Indji ondja ri ondjambi ndji mbe mu sutira ombuze ye! 11 Kakokuvi tjinene are, ovandu ovanauvi tji mave zepa omundu omuhinandjo ngwa rara mondjuwo ye omuini! Ami nambano me sutisa eṋe mena raindu tji mwe mu zepa, nu me mu zemisa kombanda yehi!” 12 David wa rakiza kovarwe ve wovita ve zepe Rekab na Baana, nave turike oturova twawo meṋe yotjizeva tja Hebron mOhebron. Nungwari otjiuru tja Isboset va toora nave tji paka meyendo ra Abner mOhebron.
Isboset ma ṱu
1 Isboset, omuzandu wa Saul, tja zuva kutja Abner wa ṱire mOhebron, wa uruma, nOvaisrael avehe va uruma. 2 Isboset wa ri novarumendu vevari, mba ri ovahongore vovira vyokuhuura, oBaana na Rekab, omuzandu wa Rimon, Omubeerot, womuhoko wa Benjamin. Beerot aatji varwa otja otjihuro tjOvabenjamin. 3 Ovabeerot va taurire rukuru mOgitaim, nave katura ngo otja ovozonganda nga ku ndinondi.
4 Jonatan, omuzandu wa Saul, wa ri nomuzandu wena Mefiboset. Nombuze yonḓiro ya Saul noya Jonatan tji ye ya okuza kOjesreel, Mefiboset tjandje u nozombura ndano. Nomusuko omuṱakamise we we mu toora na tupuka, nungwari eye tjinga a ri nohakahana tjinene, wa wisa omuzandu ngwi, notja remana ozombaze azeyembari.
5 Rekab na Baana, ovazandu va Rimon, Omubeerot, ve ya ponganda ya Isboset, eye ngunda a suva mutenya. 6 Omukazendu, omutjevere womuvero, aa koṱura ngunda ama sisa ovikokotwa, notja rara; komuhingo mbwi ooRekab na Baana otji va honina ondjuwo nave hiti. 7 Nowo va tuurunga nga metuwo romara Isboset ma rarere kotjiraro tje, narire tji ve mu zepa. Tjazumba ave kondo otjiuru tje, ave twaerere nave kayenda ouṱuku auhe amave tuurunga Orutjandja rwa Jordan. 8 Nowo va eta otjiuru tja Isboset ku David mOhebron, nave tja nai kombara: “Otjiuru tja Isboset, omuzandu wa Saul, omunavita na ove, ngwaa tjere omuinyo woye, otjo hi. Muhona ndino wa yandjere omuhona wandje, ombara David, kutja a sutise Saul nozondekurona ze.”
9 Nungwari David wa zira ooRekab nomuangu we Baana, ovazandu va Rimon, Omubeerot, noruyano ndwi: “Ami me yana ku Muhona omunamuinyo ngwe ndji yama koviwonga avihe! 10 Ami mba kambura omurumendu ngwi ngwa eta ombuze yokutja Saul wa koka, eye ame ripura kutja ombuze ndji ombwa; nu mbe mu zepera mOsiklag. Indji ondja ri ondjambi ndji mbe mu sutira ombuze ye! 11 Kakokuvi tjinene are, ovandu ovanauvi tji mave zepa omundu omuhinandjo ngwa rara mondjuwo ye omuini! Ami nambano me sutisa eṋe mena raindu tji mwe mu zepa, nu me mu zemisa kombanda yehi!” 12 David wa rakiza kovarwe ve wovita ve zepe Rekab na Baana, nave turike oturova twawo meṋe yotjizeva tja Hebron mOhebron. Nungwari otjiuru tja Isboset va toora nave tji paka meyendo ra Abner mOhebron.
