Jeremia nOvarekabi
1 Jojakim, omuzandu wa Josija, tja ri ombara ya Juda, Muhona wa tja nai ku ami: 2 “Twende kouṋepo wonganda yOvarekabi u kahungire kuna wo. Tjazumba u ve hitise metuwo rimwe rondjuwo ya Muhona, nu u ve pe omavinu okunwa.” 3 Ami otji mba toora onganda aihe yOvarekabi, okutja oJaasanja, omuzandu wa Jeremia, omuzandu wa Habasinja, novangu nomarumbi va Jaasanja, novazandu ve avehe. 4 Mbe ve eta kondjuwo ya Muhona ne ve hitisa metuwo rovahongewa vomuprofete Hanan, omuzandu wa Jigdalja. Etuwo ndi ra ri kombanda yetuwo ra Maaseja, omuzandu wa Salum, ngwa ri omunane omunene mondjuwo ya Muhona, nu wina ra ri popezu nomatuwo wovahongore varwe. 5 Tjazumba otji mba twa ovikuve mbye ura nomavinu novinwino momurungu wOvarekabi ne tja nai ku wo: “Nweye omavinu!”
6 Nungwari owo va zira ave tja: “Eṱe katu nu ko omavinu. Tate mukururume Jonadab, omuzandu wa Rekab, we tu raera kutja eṱe nozondekurona zetu katu sokunwa omavinu oparukaze. 7 Eye wina we tu raera kutja atu ha tungu ozondjuwo nokutaura ehi romakunino, nokutja atu ha kunu ovikunino vyomivite nokuviranda. Eye we tu rakiza kutja aruhe tu ture mozondanda, kokutja tu sore okukara orure mehi ndi mu twa tura otja ovozonganda. 8 Eṱe twa kara nonḓuviro komarakiza aehe Jonadab nge tu pa. Eṱe oveni katu na pu twa nwine omavinu, nangarire ovakazendu vetu, nangarire ovanatje vetu ovazandu novakazona. 9 Eṱe katu tungu ozondjuwo okurira ozonganda, nu katu novikunino vyomivite nomahi womakunino. 10 Eṱe tu tura mozondanda. Twa kara nonḓuviro okuyenena koviṋa avihe tate mukururume Jonadab mbye tu rakiza. 11 Nungwari Nebukadnesar tja rwisa ehi, eṱe twa tya okuya kOjerusalem kutja tu ze po potjimbumba tjOvababilon tjovita, na ihi tjOvaasirie. Opu twa za okutura mOjerusalem.”
12-13 Muhona Omunamasaaehe, Ndjambi wa Israel, we ndji raera kutja mbi tje nai kotjiwaṋa tja Juda novature va Jerusalem: “Ami, ngu mbi ri Muhona, me mu pura kutja okutjavi tji mu panḓa okupuratena ku ami, nu tji mu ha kara nonḓuviro komarakiza wandje. 14 Ozondekurona za Jonadab za kara nonḓuviro komarakiza we wokutja ave ha nu omavinu; nu nga ku ndinondi kape na umwe wawo ngu nwa omavinu. Nungwari ami mba kara pokuhungira ku eṋe, neṋe kamu karere ko nonḓuviro ku ami. 15 Ami mba kara pokumuhindira ovakarere vandje avehe, imba ovaprofete; nowo ve mu raera kutja mu ise ozondjira zeṋu ozombi, nu mu tjite imbi mbi ri ovisemba. Ve mu ronga kutja amu he rikotamene koomukuru varwe nokuvekarera. Otji mamu sora okutura mehi, ndi mba yandja ku eṋe na kooiho mukururume. Nungwari eṋe kamu vangere okupuratena ku ami nokuninga ko na tja na ami. 16 Ozondekurona za Jonadab za ri nonḓuviro komarakiza wooihe mukururume ngu ve ze pa, nungwari eṋe kamu karere ko nonḓuviro ku ami. 17 Nambano ami, ngu mbi ri Muhona Omunamasaaehe, Ndjambi wa Israel, me eta oviwonga avihe, mbi mbe mu tanda na vyo, tjiwaṋa tja Juda novature va Jerusalem. Me tjiti nao, orondu eṋe kamu vangere okupuratena, indu tji mba hungira ku eṋe, nu wina kamu itaverere, tji mbe mu isana.”
18 Tjazumba otji mba raera onganda ya Rekab kutja Muhona Omunamasaaehe, Ndjambi wa Israel, wa tjere nai: “Eṋe mwa kara nonḓuviro komarakiza ngu mwa pewa i iho mukururume Jonadab, mwa kongorera omaraerero we aehe, nu mwa tjita oviṋa avihe eye mbye mu rakiza. 19 Ami, ngu mbi ri Muhona Omunamasaaehe, Ndjambi wa Israel, otji me kwizike kutja Jonadab, omuzandu wa Rekab, aruhe ma kare nondekurona yomuzandu ndji mai ndji karere.”
Jeremia nOvarekabi
1 Jojakim, omuzandu wa Josija, tja ri ombara ya Juda, Muhona wa tja nai ku ami: 2 “Twende kouṋepo wonganda yOvarekabi u kahungire kuna wo. Tjazumba u ve hitise metuwo rimwe rondjuwo ya Muhona, nu u ve pe omavinu okunwa.” 3 Ami otji mba toora onganda aihe yOvarekabi, okutja oJaasanja, omuzandu wa Jeremia, omuzandu wa Habasinja, novangu nomarumbi va Jaasanja, novazandu ve avehe. 4 Mbe ve eta kondjuwo ya Muhona ne ve hitisa metuwo rovahongewa vomuprofete Hanan, omuzandu wa Jigdalja. Etuwo ndi ra ri kombanda yetuwo ra Maaseja, omuzandu wa Salum, ngwa ri omunane omunene mondjuwo ya Muhona, nu wina ra ri popezu nomatuwo wovahongore varwe. 5 Tjazumba otji mba twa ovikuve mbye ura nomavinu novinwino momurungu wOvarekabi ne tja nai ku wo: “Nweye omavinu!”
6 Nungwari owo va zira ave tja: “Eṱe katu nu ko omavinu. Tate mukururume Jonadab, omuzandu wa Rekab, we tu raera kutja eṱe nozondekurona zetu katu sokunwa omavinu oparukaze. 7 Eye wina we tu raera kutja atu ha tungu ozondjuwo nokutaura ehi romakunino, nokutja atu ha kunu ovikunino vyomivite nokuviranda. Eye we tu rakiza kutja aruhe tu ture mozondanda, kokutja tu sore okukara orure mehi ndi mu twa tura otja ovozonganda. 8 Eṱe twa kara nonḓuviro komarakiza aehe Jonadab nge tu pa. Eṱe oveni katu na pu twa nwine omavinu, nangarire ovakazendu vetu, nangarire ovanatje vetu ovazandu novakazona. 9 Eṱe katu tungu ozondjuwo okurira ozonganda, nu katu novikunino vyomivite nomahi womakunino. 10 Eṱe tu tura mozondanda. Twa kara nonḓuviro okuyenena koviṋa avihe tate mukururume Jonadab mbye tu rakiza. 11 Nungwari Nebukadnesar tja rwisa ehi, eṱe twa tya okuya kOjerusalem kutja tu ze po potjimbumba tjOvababilon tjovita, na ihi tjOvaasirie. Opu twa za okutura mOjerusalem.”
12-13 Muhona Omunamasaaehe, Ndjambi wa Israel, we ndji raera kutja mbi tje nai kotjiwaṋa tja Juda novature va Jerusalem: “Ami, ngu mbi ri Muhona, me mu pura kutja okutjavi tji mu panḓa okupuratena ku ami, nu tji mu ha kara nonḓuviro komarakiza wandje. 14 Ozondekurona za Jonadab za kara nonḓuviro komarakiza we wokutja ave ha nu omavinu; nu nga ku ndinondi kape na umwe wawo ngu nwa omavinu. Nungwari ami mba kara pokuhungira ku eṋe, neṋe kamu karere ko nonḓuviro ku ami. 15 Ami mba kara pokumuhindira ovakarere vandje avehe, imba ovaprofete; nowo ve mu raera kutja mu ise ozondjira zeṋu ozombi, nu mu tjite imbi mbi ri ovisemba. Ve mu ronga kutja amu he rikotamene koomukuru varwe nokuvekarera. Otji mamu sora okutura mehi, ndi mba yandja ku eṋe na kooiho mukururume. Nungwari eṋe kamu vangere okupuratena ku ami nokuninga ko na tja na ami. 16 Ozondekurona za Jonadab za ri nonḓuviro komarakiza wooihe mukururume ngu ve ze pa, nungwari eṋe kamu karere ko nonḓuviro ku ami. 17 Nambano ami, ngu mbi ri Muhona Omunamasaaehe, Ndjambi wa Israel, me eta oviwonga avihe, mbi mbe mu tanda na vyo, tjiwaṋa tja Juda novature va Jerusalem. Me tjiti nao, orondu eṋe kamu vangere okupuratena, indu tji mba hungira ku eṋe, nu wina kamu itaverere, tji mbe mu isana.”
18 Tjazumba otji mba raera onganda ya Rekab kutja Muhona Omunamasaaehe, Ndjambi wa Israel, wa tjere nai: “Eṋe mwa kara nonḓuviro komarakiza ngu mwa pewa i iho mukururume Jonadab, mwa kongorera omaraerero we aehe, nu mwa tjita oviṋa avihe eye mbye mu rakiza. 19 Ami, ngu mbi ri Muhona Omunamasaaehe, Ndjambi wa Israel, otji me kwizike kutja Jonadab, omuzandu wa Rekab, aruhe ma kare nondekurona yomuzandu ndji mai ndji karere.”
