Oupanga wooDavid na Jonatan
1 David wa taura mOnaiot, a i ku Jonatan na kapura nai ku ye: “Ami mba tjita tjike, mba tataiza tjike, nouvi mbu mba tjita ku iho, eye puma vangere okundjizepa, owatjike?”
2 Nu Jonatan wa zira nai ku ye: “Ndjambi ma tjaere kutja o ha ṱu. Mo tjiwa uri, tate kamaa tjiti otjiṋa nokuhinokundjiraera, nandarire kutja otjinanḓengu poo otjauriri. Tate atja horekera tjike otjiṋa ku ami? Kamaape kara nao!”
3 David arire tja ziri a tja: “Iho ma tjiwa nawanawa kutja ove we ndji suvera, notje ripura nai mu ye omuini: ‘Jonatan ke nakusokutjiwa otjiṋa hi kutja ha hihamwa omutima.’ Tjimbe tja Muhona omunamuinyo na ove, pokati kandje nonḓiro pe nomukambo umwe uriri.”
4 Jonatan wa tja nai: “Atjihe tji movanga me ku tjitire.”
5 David wa zira a tja: “Tara, muhuka o romukandi wOmatendameno wOmueze, nami mbi sokurya puna ombara. Nungwari ndji esa mbi yende, mbi kaṱare mokuti nga kongurova oitjatatu. 6 Nu iho tje ndji varura, itja nai ku ye: ‘David we riyarikaṋa tjinene ku ami, mbi mu pe okuyenda tjimanga kotjihuro tjaihe Betlehem, orondu koṋa ngo maku tjitwa omukandi wombunguhiro keṱunḓu re arihe.’ 7 Neye tja tja: ‘Osemba!’ Okutja omukarere woye ke notjipo. Nungwari tja pindike tjinene, otji mo tjiwa kutja eye we rimana okundjitjita otjipo. 8 Arikana, ndji tjitira ondjingonekero; ove wa tjita omakwizikiro omayapuke ku ami. Tjinangara mba tjita ondjo, arikana, nga rire ove omuini ngu mo ndji zepa; nungwari o ndji twara ku iho.”
9 Jonatan wa zira nai: “O ripure notjiṋa tji tja sana ngo! Andakuzu mba tjiwa kutja, tjiri, tate we rimana okukutjita otjipo, hitje ku raere are?”
10 David we mu pura a tja: “Owaṋi ngu me ndji tjivisa, tjinangara iho we ku ziri nomazenge?”
11 Jonatan wa tja nai ku David: “Indjo tu yende mokuti!” 12 Naveyevari otji va ya, nu Jonatan wa tja nai ku David: “Muhona, Ndjambi wa Israel, nga rire omuhongonone pokati ketu! Muhuka moruveze ndunondwi poo muhuka yandina ami me pura tate; nomihingo vye kuna ove tji vi ri omiwa, ami me ku tjivisa. 13 Tate tje rimana okutjita otjipo kove, Muhona nge ndji zepe, tji mbi he ku hindire ombuze yokukuisa mo motjipo. Muhona nga kare puna ove, otja tja kara puna tate! 14 Nu ngunda ambi nomuinyo, arikana yenenisa omakwizikiro woye omayapuke, nu kara nouṱakame ku ami. 15 Nungwari tji mba koka, raisa ouṱakame tjingewo keṱunḓu randje nga aruhe. Nu Muhona tja mana okunyona ovanavita na ove avehe oparukaze, 16 omakwizikiro wetu na ove aye ha teyewa; tji ya teyewa Muhona me ku vere.”
17 Jonatan otja yanena David rukwao okumusuvera; orondu Jonatan we mu suverere tjinene otja tje risuvera omuini. 18 Nu Jonatan wa tja ku ye: “Muhuka o romukandi wOmatendameno wOmueze, nu tji u he ri po, mo varurwa, orondu oruveze rwoye kotjiriro tjandje ru ri tjo. 19 Nungwari muhuka yandina mo varurwa tjinene komeho; otji mo sokuyenda poṋa pu wa kaṱarere meyuva ndi nduyavevanga okukuzepa, nu kerihoreke ngo kongotwe yondundu yomawe. 20 Tjazumba otji me yumbu oviku vitatu popezu na yo, aayo me yaha ouhunga. 21 Nu me hindi omukarere wandje nomambo nga: ‘Twende u katjinge oviku!’ Nu tji mba tja nai ku ye: ‘Tara, oviku vi ri kuṱa kove, katoore!’ Mape hee kutja pe ri nawa kove, notji mo sora okupita. Tjimbe tja Muhona omunamuinyo komoo munu otjipo. 22 Nungwari tji mba tja kuye: ‘Oviku vi ri komurungu woye!’ Vyesa, Muhona tjinga e ri ngu ma vanga kutja u ze po. 23 Otja komakwizikiro ngu twa tjita na ove, Muhona ma kara omuhongonone pokati ketu nga aruhe.”
24 David otja ṱara mokuti. Meyuva romukandi wOmatendameno wOmueze tji re ya, ombara ya ya kotjiriro okukarya, 25 nai kahaama poṋa payo keṋe yekuma rondjuwo, nu Abner wa haamene meṋe yayo; nungwari Jonatan a haamene kotjiriro tji tjari ouhunga nombara, nu poruveze rwa David pa ri tjo. 26 Nungwari eyuva ndo Saul ka hungirire otjiṋa, eye tjinga a tjangovasi kwa tjitwa otjiṋa ku David, notja rire omuhakohoke. 27 Mependukirwa kombunda yeyuva romukandi wOmatendameno wOmueze poruveze rwa David pa ri tjo rukwao. Saul arire tja pura komuzandu we Jonatan a tja: “Otjikwatjike omuzandu wa Isai tje he ere kotjiriro, erero na ndino?”
28 Nu Jonatan wa zira a tja: “Eye we ndji ningire kutja a yende kObetlehem. 29 Eye wa tja: ‘Ndji esa mbi yende, onganda yetu aihe tjinga amai tjiti ombunguhiro motjihuro, nomarumbi wandje ave ndji rakiza kutja mbi kare po. Nu tjiri, tji u ri epanga randje, ndji esa mbi katare omuhoko wandje.’ David ope ha zire okuhaama poṋa pe sokuhaama potjiriro tjoye.”
30 Saul arire tja ṱomazenge tjinene na Jonatan na tja ku ye: “Muatje, oove wa nyoko wotjivepotjipiku! Hapo, ami mba tjiwa kutja we ritoororera omuzandu wa Isai, no riyamburura omuini na nyoko! 31 David ngunda e nomuinyo, ove komoo rire ombara yehi ndi. Nambano twende kemuete mba, eye u sokuṱa.”
32 Jonatan wa zira ku ihe Saul a tja: “Ma ṱire tjike? Wa ungura tjike?”
33 Saul otja yerera Jonatan enga kutja e mu zepe, nu Jonatan otja muna kutja nangwari ihe, tjiri, we rimana okuzepa David. 34 Jonatan wa sekama kotjiriro nomazenge omanene, na ha ri otjiṋa meyuva ndi oritjavari rOmatendameno womueze. Neye wa hihamwa omutima tjinene mena ra David, ihe tjinga a yamburura David. 35 Nu mependukirwa Jonatan wa ya mokuti okukahakaena na David otja pu va zuvasana; neye wa twaerera omukarere omutanda. 36 Jonatan wa tja nai komukarere ngwi: “Tupuka, u katjinge oviku mbi me yumbu!” Nomukarere ngunda ama tupuka, Jonatan arire tja yumbu otjiku okururumisa ye. 37 Nomukarere tje ya poṋa pu pa wire otjiku, Jonatan wa ravaere ku ye a tja: “Otjiku tji ri komurungu woye! 38 Okurama mbo uriri, hakahana!” Nomukarere wa toora otjiku na kotoka komuhona we. 39 Omukarere ngwi kaa tjiwa kutja ihi matji hee tjike posi ya Jonatan na David ombaa ve tjiwa. 40 Jonatan wa yandja oviyumbe vye komukarere ne mu raere kutja e vi yarure kotjihuro.
41 Nomukarere tja za nokuyaruka, David wa sekama kongotwe yondundu yomawe ne riwisa onḓurumika ne ripete tutatu; tjazumba David na Jonatan arire tji va hupitasana nave riri, noruhoze rwa David rwa ri orunene tjinene pu indwi orwa Jonatan. 42 Jonatan wa tja nai ku David “Twende mohange mape kara otja tji twa kwizikasana mena ra Ndjambi. Muhona ma kara omuhongonone pokati ketu na ove, na pokati kozondekurona zandje nozoye nga aruhe.” Tjazumba David wa sekama na i, nu Jonatan wa yaruka kotjihuro.
Oupanga wooDavid na Jonatan
1 David wa taura mOnaiot, a i ku Jonatan na kapura nai ku ye: “Ami mba tjita tjike, mba tataiza tjike, nouvi mbu mba tjita ku iho, eye puma vangere okundjizepa, owatjike?”
2 Nu Jonatan wa zira nai ku ye: “Ndjambi ma tjaere kutja o ha ṱu. Mo tjiwa uri, tate kamaa tjiti otjiṋa nokuhinokundjiraera, nandarire kutja otjinanḓengu poo otjauriri. Tate atja horekera tjike otjiṋa ku ami? Kamaape kara nao!”
3 David arire tja ziri a tja: “Iho ma tjiwa nawanawa kutja ove we ndji suvera, notje ripura nai mu ye omuini: ‘Jonatan ke nakusokutjiwa otjiṋa hi kutja ha hihamwa omutima.’ Tjimbe tja Muhona omunamuinyo na ove, pokati kandje nonḓiro pe nomukambo umwe uriri.”
4 Jonatan wa tja nai: “Atjihe tji movanga me ku tjitire.”
5 David wa zira a tja: “Tara, muhuka o romukandi wOmatendameno wOmueze, nami mbi sokurya puna ombara. Nungwari ndji esa mbi yende, mbi kaṱare mokuti nga kongurova oitjatatu. 6 Nu iho tje ndji varura, itja nai ku ye: ‘David we riyarikaṋa tjinene ku ami, mbi mu pe okuyenda tjimanga kotjihuro tjaihe Betlehem, orondu koṋa ngo maku tjitwa omukandi wombunguhiro keṱunḓu re arihe.’ 7 Neye tja tja: ‘Osemba!’ Okutja omukarere woye ke notjipo. Nungwari tja pindike tjinene, otji mo tjiwa kutja eye we rimana okundjitjita otjipo. 8 Arikana, ndji tjitira ondjingonekero; ove wa tjita omakwizikiro omayapuke ku ami. Tjinangara mba tjita ondjo, arikana, nga rire ove omuini ngu mo ndji zepa; nungwari o ndji twara ku iho.”
9 Jonatan wa zira nai: “O ripure notjiṋa tji tja sana ngo! Andakuzu mba tjiwa kutja, tjiri, tate we rimana okukutjita otjipo, hitje ku raere are?”
10 David we mu pura a tja: “Owaṋi ngu me ndji tjivisa, tjinangara iho we ku ziri nomazenge?”
11 Jonatan wa tja nai ku David: “Indjo tu yende mokuti!” 12 Naveyevari otji va ya, nu Jonatan wa tja nai ku David: “Muhona, Ndjambi wa Israel, nga rire omuhongonone pokati ketu! Muhuka moruveze ndunondwi poo muhuka yandina ami me pura tate; nomihingo vye kuna ove tji vi ri omiwa, ami me ku tjivisa. 13 Tate tje rimana okutjita otjipo kove, Muhona nge ndji zepe, tji mbi he ku hindire ombuze yokukuisa mo motjipo. Muhona nga kare puna ove, otja tja kara puna tate! 14 Nu ngunda ambi nomuinyo, arikana yenenisa omakwizikiro woye omayapuke, nu kara nouṱakame ku ami. 15 Nungwari tji mba koka, raisa ouṱakame tjingewo keṱunḓu randje nga aruhe. Nu Muhona tja mana okunyona ovanavita na ove avehe oparukaze, 16 omakwizikiro wetu na ove aye ha teyewa; tji ya teyewa Muhona me ku vere.”
17 Jonatan otja yanena David rukwao okumusuvera; orondu Jonatan we mu suverere tjinene otja tje risuvera omuini. 18 Nu Jonatan wa tja ku ye: “Muhuka o romukandi wOmatendameno wOmueze, nu tji u he ri po, mo varurwa, orondu oruveze rwoye kotjiriro tjandje ru ri tjo. 19 Nungwari muhuka yandina mo varurwa tjinene komeho; otji mo sokuyenda poṋa pu wa kaṱarere meyuva ndi nduyavevanga okukuzepa, nu kerihoreke ngo kongotwe yondundu yomawe. 20 Tjazumba otji me yumbu oviku vitatu popezu na yo, aayo me yaha ouhunga. 21 Nu me hindi omukarere wandje nomambo nga: ‘Twende u katjinge oviku!’ Nu tji mba tja nai ku ye: ‘Tara, oviku vi ri kuṱa kove, katoore!’ Mape hee kutja pe ri nawa kove, notji mo sora okupita. Tjimbe tja Muhona omunamuinyo komoo munu otjipo. 22 Nungwari tji mba tja kuye: ‘Oviku vi ri komurungu woye!’ Vyesa, Muhona tjinga e ri ngu ma vanga kutja u ze po. 23 Otja komakwizikiro ngu twa tjita na ove, Muhona ma kara omuhongonone pokati ketu nga aruhe.”
24 David otja ṱara mokuti. Meyuva romukandi wOmatendameno wOmueze tji re ya, ombara ya ya kotjiriro okukarya, 25 nai kahaama poṋa payo keṋe yekuma rondjuwo, nu Abner wa haamene meṋe yayo; nungwari Jonatan a haamene kotjiriro tji tjari ouhunga nombara, nu poruveze rwa David pa ri tjo. 26 Nungwari eyuva ndo Saul ka hungirire otjiṋa, eye tjinga a tjangovasi kwa tjitwa otjiṋa ku David, notja rire omuhakohoke. 27 Mependukirwa kombunda yeyuva romukandi wOmatendameno wOmueze poruveze rwa David pa ri tjo rukwao. Saul arire tja pura komuzandu we Jonatan a tja: “Otjikwatjike omuzandu wa Isai tje he ere kotjiriro, erero na ndino?”
28 Nu Jonatan wa zira a tja: “Eye we ndji ningire kutja a yende kObetlehem. 29 Eye wa tja: ‘Ndji esa mbi yende, onganda yetu aihe tjinga amai tjiti ombunguhiro motjihuro, nomarumbi wandje ave ndji rakiza kutja mbi kare po. Nu tjiri, tji u ri epanga randje, ndji esa mbi katare omuhoko wandje.’ David ope ha zire okuhaama poṋa pe sokuhaama potjiriro tjoye.”
30 Saul arire tja ṱomazenge tjinene na Jonatan na tja ku ye: “Muatje, oove wa nyoko wotjivepotjipiku! Hapo, ami mba tjiwa kutja we ritoororera omuzandu wa Isai, no riyamburura omuini na nyoko! 31 David ngunda e nomuinyo, ove komoo rire ombara yehi ndi. Nambano twende kemuete mba, eye u sokuṱa.”
32 Jonatan wa zira ku ihe Saul a tja: “Ma ṱire tjike? Wa ungura tjike?”
33 Saul otja yerera Jonatan enga kutja e mu zepe, nu Jonatan otja muna kutja nangwari ihe, tjiri, we rimana okuzepa David. 34 Jonatan wa sekama kotjiriro nomazenge omanene, na ha ri otjiṋa meyuva ndi oritjavari rOmatendameno womueze. Neye wa hihamwa omutima tjinene mena ra David, ihe tjinga a yamburura David. 35 Nu mependukirwa Jonatan wa ya mokuti okukahakaena na David otja pu va zuvasana; neye wa twaerera omukarere omutanda. 36 Jonatan wa tja nai komukarere ngwi: “Tupuka, u katjinge oviku mbi me yumbu!” Nomukarere ngunda ama tupuka, Jonatan arire tja yumbu otjiku okururumisa ye. 37 Nomukarere tje ya poṋa pu pa wire otjiku, Jonatan wa ravaere ku ye a tja: “Otjiku tji ri komurungu woye! 38 Okurama mbo uriri, hakahana!” Nomukarere wa toora otjiku na kotoka komuhona we. 39 Omukarere ngwi kaa tjiwa kutja ihi matji hee tjike posi ya Jonatan na David ombaa ve tjiwa. 40 Jonatan wa yandja oviyumbe vye komukarere ne mu raere kutja e vi yarure kotjihuro.
41 Nomukarere tja za nokuyaruka, David wa sekama kongotwe yondundu yomawe ne riwisa onḓurumika ne ripete tutatu; tjazumba David na Jonatan arire tji va hupitasana nave riri, noruhoze rwa David rwa ri orunene tjinene pu indwi orwa Jonatan. 42 Jonatan wa tja nai ku David “Twende mohange mape kara otja tji twa kwizikasana mena ra Ndjambi. Muhona ma kara omuhongonone pokati ketu na ove, na pokati kozondekurona zandje nozoye nga aruhe.” Tjazumba David wa sekama na i, nu Jonatan wa yaruka kotjihuro.
