Ozombara nḓa haverwa i Moses
1 Ovaisrael va huurire ehi rokomuhuka wa Jordan nave ri kambura okuza komukutu wa Arnon nowa Jordan nga kondundu Hermon. Ozombara nḓa haverwa i Ovaisrael ozo nḓa: 2 O Sihon, ombara yOvaamori, ngwa turire mOhesbon; ouhona we wa tandavara okuza kOaroer, komukuro womukutu wa Arnon, nokuza mokati komukutu mbwi, norumbembera rwehi ra Gilead nga konḓonḓu Jabok, ndji ri omuruko wOvaamoni; 3 wina wa honapara komukuma wokomuhuka womukutu wa Jordan, okuza kOmuronga wa Galilea, okuhungama Bet-Jesimot nga kOmuronga wOmongwa, keyuva kokumuho meṋe yondundu Pisga.
4 Wina wa havera Og, ombara ya Basan, ngwa ri umwe wOvarefai mba hupa; eye wa turire mOastarot na mOedrei. 5 Ouhona we wa tandavara okuza kondundu Hermon notjihuro Salka, nehi arihe ra Basan nga komiruko vyOvagesuri novyOvamaaka, norumbembera rwehi ra Gilead nga komukuro wehi ra Sihon, ombara ya Hesbon.
6 Moses, omukarere wa Muhona, nOvaisrael va havera ozombara mbari nḓa. Nu Moses wa yandja omahi wazo komuhoko wa Ruben nowa Gad na korumbembera romuhoko wa Manasse ye rire ouini wawo.
Ozombara nḓa haverwa i Josua
7 Josua nOvaisrael va havera ozombara azehe zehi, ndi ri komukuma wokongurova kwa Jordan, okuza kObaal-Gad, momukutu wondundu Libanon nga kondundu Halak, omuhunga wa Seir. Nu Josua wa haṋa ehi ndi momihoko vyOvaisrael ne ri yandja ku vyo ri rire ouini wavyo oukarerere: 8 Okutja ehi ndi rozondundu, norutjandja, nomukutu wa Jordan, nomiṱurukira vyozondundu, nokuti onguza na Negeb. Ehi ndi ra ri omaturiro wOvahetite nowOvaamori nowOvakanaan nowOvaperesi nowOvahevi nowOvajebusi.
9 Ozombara nḓa haverwa ozo nḓa: Ombara ya Jeriko noya Ai tji tji ri popezu na Betel; 10 nombara ya Jerusalem noya Hebron; 11 nombara ya Jarmut noya Lakis; 12 nombara ya Eglon noya Geser; 13 nombara ya Debir noya Bet-Gader; 14 nombara ya Horma noya Arad; 15 nombara ya Libna noya Adulam; 16 nombara ya Makeda noya Betel; 17 nombara ya Tapuah noya Hefer; 18 nombara ya Afek noya Saron; 19 nombara ya Madon noya Hasor; 20 nombara ya Simron-Meron noya Aksaf; 21 nombara ya Taanak noya Megido; 22 nombara ya Kedes noya Jokneam, popezu nondundu Karmel; 23 nombara ya Dor komukuro wokuvare, noya Gojim tji tji ri mOgalilea; 24 nombara ya Tirsa. Azehe kumwe za ri ozombara omirongo vitatu na imwe.
Ozombara nḓa haverwa i Moses
1 Ovaisrael va huurire ehi rokomuhuka wa Jordan nave ri kambura okuza komukutu wa Arnon nowa Jordan nga kondundu Hermon. Ozombara nḓa haverwa i Ovaisrael ozo nḓa: 2 O Sihon, ombara yOvaamori, ngwa turire mOhesbon; ouhona we wa tandavara okuza kOaroer, komukuro womukutu wa Arnon, nokuza mokati komukutu mbwi, norumbembera rwehi ra Gilead nga konḓonḓu Jabok, ndji ri omuruko wOvaamoni; 3 wina wa honapara komukuma wokomuhuka womukutu wa Jordan, okuza kOmuronga wa Galilea, okuhungama Bet-Jesimot nga kOmuronga wOmongwa, keyuva kokumuho meṋe yondundu Pisga.
4 Wina wa havera Og, ombara ya Basan, ngwa ri umwe wOvarefai mba hupa; eye wa turire mOastarot na mOedrei. 5 Ouhona we wa tandavara okuza kondundu Hermon notjihuro Salka, nehi arihe ra Basan nga komiruko vyOvagesuri novyOvamaaka, norumbembera rwehi ra Gilead nga komukuro wehi ra Sihon, ombara ya Hesbon.
6 Moses, omukarere wa Muhona, nOvaisrael va havera ozombara mbari nḓa. Nu Moses wa yandja omahi wazo komuhoko wa Ruben nowa Gad na korumbembera romuhoko wa Manasse ye rire ouini wawo.
Ozombara nḓa haverwa i Josua
7 Josua nOvaisrael va havera ozombara azehe zehi, ndi ri komukuma wokongurova kwa Jordan, okuza kObaal-Gad, momukutu wondundu Libanon nga kondundu Halak, omuhunga wa Seir. Nu Josua wa haṋa ehi ndi momihoko vyOvaisrael ne ri yandja ku vyo ri rire ouini wavyo oukarerere: 8 Okutja ehi ndi rozondundu, norutjandja, nomukutu wa Jordan, nomiṱurukira vyozondundu, nokuti onguza na Negeb. Ehi ndi ra ri omaturiro wOvahetite nowOvaamori nowOvakanaan nowOvaperesi nowOvahevi nowOvajebusi.
9 Ozombara nḓa haverwa ozo nḓa: Ombara ya Jeriko noya Ai tji tji ri popezu na Betel; 10 nombara ya Jerusalem noya Hebron; 11 nombara ya Jarmut noya Lakis; 12 nombara ya Eglon noya Geser; 13 nombara ya Debir noya Bet-Gader; 14 nombara ya Horma noya Arad; 15 nombara ya Libna noya Adulam; 16 nombara ya Makeda noya Betel; 17 nombara ya Tapuah noya Hefer; 18 nombara ya Afek noya Saron; 19 nombara ya Madon noya Hasor; 20 nombara ya Simron-Meron noya Aksaf; 21 nombara ya Taanak noya Megido; 22 nombara ya Kedes noya Jokneam, popezu nondundu Karmel; 23 nombara ya Dor komukuro wokuvare, noya Gojim tji tji ri mOgalilea; 24 nombara ya Tirsa. Azehe kumwe za ri ozombara omirongo vitatu na imwe.
