Jesus nOvazamumwe ve
1 Kombunda yoviṋa mbi Jesus wa ryangere mOgalilea. Eye kaa vanga okuryanga mOjudea, ovanane vOvajuda tjinga aave vanga okumuzepa. 2 Oruveze rOmukandi wOviranda vyOmaso rwa ri popezu. 3 Ovangu va Jesus opu va tjera ku ye: “Za mo muno u yende kOjudea kokutja ovahongewa voye mbe ri ngo wina ve kamune imbi mbi u tjita. 4 Omundu ngu ma vanga okutjiukwa akuhe kamaa tjiti otjiṋa mongumumu. Ove tjinga au tjita oviṋa mbi, ritjiukisa omuini kouye auhe!”
5 Nangarire imba ovangu ve kave kamburire ko mu ye.
6 Jesus arire tja tja ku wo: “Oruveze ku ami ingee karuye ya, nungwari eṋe aruhe mu noruveze ndwa pwira eṋe. 7 Ouye kau nakumutonda, nungwari ami we ndji tonda, tjinga ambi panḓera pokuuraera kutja ozondjira zawo ozombi. 8 Eṋe twendeye komayuva omanene nga. Ami hi nokuyenda, oruveze ku ami tjinga aru hiye ya.” 9 Eye wa hungirire omambo nga, tjazumba a kara mo mOgalilea.
Jesus pOmukandi wOviranda vyOmaso
10 Ovangu va Jesus tji va ire kOmukandi wOviranda vyOmaso, eye omuini wina wa kaya ngo mongumumu. 11 Ovanane vOvajuda aave mu paha pOmayuva omanene nga amave pura: “Eye u ri pi?”
12 Ovandu motjimbumba aave hungire amave hokora ohunga na ye, tjiva tjandje mave tja: “Eye omundu omuwa”, novakwao va tja: “Kako ka tjiperi, eye omupukise wovandu.” 13 Nungwari kapa ri omundu nguye mu hungire ama zuvaka, tjinga aave tira ovanane vOvajuda.
14 Nu omayuva omanene ngunda aye ri ndjirakati kokumanuka, Jesus arire tja i kondjuwo ya Muhona na kauta okuhonga ovandu. 15 Ovanane vOvajuda va himinwe tjinene nave tja: “Okutjavi omundu ngwi tje nondjiviro tjinene nai? Eye ke na indu wa rorere okumuna omahongero.”
16 Jesus arire tja ziri a tja: “Imbi mbi me hongo ovandu ovyo kavyomahongero wandje omuini, nungwari mavi zu ku Ndjambi ngwe ndji hinda. 17 Ingwi ngu ma vanga okutjita ombango ya Ndjambi ma tjiwa kutja omahongero wandje maye zu ku Ndjambi poo kutja ami mbi rihungirira mouvara wandje omuini. 18 Omundu ngu rihungirira mouvara we omuini u vanga okuripahera omuini ondjozikiro. Nungwari ingwi ngu vangera ingwi ngwe mu hinda ondjozikiro, eye u nouatjiri, nu mu ye kamu novizeze. 19 Moses ke mu pere Omatwako are? Nungwari kape nomundu mokati keṋu ngu nonḓuviro kOmatwako nga. Okutjavi tji mamu vanga okundjizepa?”
20 Otjimbumba atji ziri atji tja: “Ove u nombepo ohakohoke! Ngu ma vanga okukuzepa owaṋi?”
21 Jesus arire tja ziri a tja: “Ami mba tjita otjihimise tjimwe, neṋe amuhe amu himwa. 22 Moses we mu rakizire kutja mu sukareke ovanatje veṋu (e he ri kutja otjiṋa hi tja zire mu Moses, nungwari tja zire mooiho mukururume) neṋe otji mamu sukareke okazandu mesabata. 23 Okanatje okazandu tji make sukarekwa mesabata, kokutja Omatwako wa Moses aye ha katukwa, indu mamu ndji pindikire tjike tji mba verukisa omundu okumana mesabata? 24 Amu pangurire kombunikiro, nungwari ombanguriro yeṋu ngai rire osemba nouatjiri.”
Eye onguri Omutwirisiwa?
25 Ovature tjiva va Jerusalem va purire ave tja: “Omundu ngwi kangu ri ye ngwi ovahona ngu ve vanga okuzepa are? 26 Tareye, eye ma hungire povanane wOvajuda, nowo kave notjiṋa tji mave hungire ku ye! Owo hapo nai mave tjiwa kutja, tjiri, eye Omutwirisiwa are? 27 Nungwari Omutwirisiwa tje ya, kape nomundu ngu ma tjiwa kutja eye ma zu pi. Neṱe atuhe matu tjiwa kutja omundu ngwi wa za pi.”
28 Nu Jesus ngunda ama hongo mondjuwo ya Muhona wa hungira neraka enene a tja: “Eṋe nai, tjiri, mu ndji i, nu ku mba za mamu tjiwa are? Ami hi ere mouvara wandje omuini. Ingwi ngwe ndji hinda eye ouatjiri. Eṋe kamu mu i, 29 nungwari ami mbi mu i, tjinga amba za ku ye, neye tjinga e ri ngwe ndji hinda.”
30 Okuzambo ave vanga okumukambura, nu kape ningire omundu ngwa ṱunisire eke re ku ye, oiri ye tjinga ai hiye ya. 31 Nungwari ovandu ovengi motjimbumba va kamburire mu ye nave tja: “Omutwirisiwa tje ya, eye hapo ma tjiti ovihimise ovingi okukapita imbi omundu ngwi mbya tjita are?”
Ovatjevere mave hindwa okukakambura Jesus
32 Ovafarisei va zuvire otjimbumba ama tji hungirire Jesus oviṋa mbi mokuhokora. Nowo novapristeri oviuru arire tji va hindi ovatjevere okukemukambura. 33 Jesus a tja: “Ami inga me kara puna eṋe okaruveze okaṱiṱi uriri, tjazumba e yaruka ku ingwi ngwe ndji hinda. 34 Eṋe mamu ndji paha, nu kamu nokundjimuna, tjinga amu hi nokuyenda ingwi ami ku me kakara.”
35 Ovanane vOvajuda arire tji verihungirire oveni ave tja: “Eye hapo ma i pi, kokutja eṱe atu he mu munu? Eye ma i kovihuro vyOvagrike ku kwa tura ovandu vetu, nokukahonga Ovagrike? 36 Eye ma tja matu mu paha, nungwari katu nakumumuna, nokutja katu nokuyenda ingwi Eye ku ma kakara. Eye hapo ma hee tjike?”
Omipupo vyomeva omanamuinyo
37 Nu meyuva esenina, indi enanḓengu rOmukandi wOviranda vyOmaso, Jesus wa sekamene na hungire neraka enene a tja: “Tjinangara omundu wa ṱonyota nge ye ku ami e yokunwa. 38 Omatjangwa otja tjinga amaye hee: ‘Auhe ngu ma kambura mu ami, omipupo vyomeva omanamuinyo mavi pupu moukoto womutima we.’ ” 39 Omambo nga Jesus wa hungirira Ombepo ndji, ovandu mba mba kambura mu ye ndji mave pewa. Momayuva ngo Ombepo tjandje kaiya yandjwa, Jesus tjinga ingee a ri e hiya tongamisiwa kounene we.
Ohaṋi mokati kovandu
40 Ovandu tjiva motjimbumba ve mu zuvire ama hungire omambo nga nave tja: “Omundu ngwi, tjiri, omuprofete!”
41 Ovakwao ave tja: “Eye Omutwirisiwa!”
Nungwari ovakwao wina va tjere: “Omutwirisiwa kamaa sokuza kOgalilea! 42 Omatjangwa maye tja Omutwirisiwa ma rire ondekurona yombara David, nu ma kwaterwa mObetlehem, ihi otjihuro mu mwa turire David.” 43 Komuhingo mbwi ovandu votjimbumba otji va uta okuhinakuzuvasana motjimbe tja Jesus. 44 Ovandu tjiva aave vanga okumukambura, nungwari kape ningire omundu ngwa ṱunisire eke re ku ye.
Okuhakambura kwovanane vOvajuda
45 Novatjevere tji va kotokere, ovapristeri oviuru nOvafarisei arire tji ve ve pura ave tja: “Okutjavi tji mu he mu etere?”
46 Ovatjevere ave ziri ave tja: “Kape nomundu ngwa rorere okuhungira otja omundu ngwi!”
47 Ovafarisei ve ve pura ave tja: “Eye wina we mu pukisa are? 48 Mu na pu mwa zuvire omunane umwe poo Omufarisei umwe ngwa kambura mu ye are? 49 Otjimbumba hi katji nokutjiwa Omatwako wa Moses, ngatji sengwe!”
50 Nu Nikodemus, umwe wOvafarisei, nu ngwe ere ku Jesus rutenga, arire tja tja kovakwao: 51 “Otja kOmatwako wetu eṱe katu sokupangura omundu uriri nao ngunda rutenga atu hiya zuva mu ye omuini, nokutja wa ungura tjike.”
52 Owo ave ziri ave tja: “Osemba, ove wina wa za kOgalilea are? Konḓonona nawa momatjangwa, nove otji mo rihongo kutja kape nomuprofete ngwa zire kOgalilea.”
Jesus nOvazamumwe ve
1 Kombunda yoviṋa mbi Jesus wa ryangere mOgalilea. Eye kaa vanga okuryanga mOjudea, ovanane vOvajuda tjinga aave vanga okumuzepa. 2 Oruveze rOmukandi wOviranda vyOmaso rwa ri popezu. 3 Ovangu va Jesus opu va tjera ku ye: “Za mo muno u yende kOjudea kokutja ovahongewa voye mbe ri ngo wina ve kamune imbi mbi u tjita. 4 Omundu ngu ma vanga okutjiukwa akuhe kamaa tjiti otjiṋa mongumumu. Ove tjinga au tjita oviṋa mbi, ritjiukisa omuini kouye auhe!”
5 Nangarire imba ovangu ve kave kamburire ko mu ye.
6 Jesus arire tja tja ku wo: “Oruveze ku ami ingee karuye ya, nungwari eṋe aruhe mu noruveze ndwa pwira eṋe. 7 Ouye kau nakumutonda, nungwari ami we ndji tonda, tjinga ambi panḓera pokuuraera kutja ozondjira zawo ozombi. 8 Eṋe twendeye komayuva omanene nga. Ami hi nokuyenda, oruveze ku ami tjinga aru hiye ya.” 9 Eye wa hungirire omambo nga, tjazumba a kara mo mOgalilea.
Jesus pOmukandi wOviranda vyOmaso
10 Ovangu va Jesus tji va ire kOmukandi wOviranda vyOmaso, eye omuini wina wa kaya ngo mongumumu. 11 Ovanane vOvajuda aave mu paha pOmayuva omanene nga amave pura: “Eye u ri pi?”
12 Ovandu motjimbumba aave hungire amave hokora ohunga na ye, tjiva tjandje mave tja: “Eye omundu omuwa”, novakwao va tja: “Kako ka tjiperi, eye omupukise wovandu.” 13 Nungwari kapa ri omundu nguye mu hungire ama zuvaka, tjinga aave tira ovanane vOvajuda.
14 Nu omayuva omanene ngunda aye ri ndjirakati kokumanuka, Jesus arire tja i kondjuwo ya Muhona na kauta okuhonga ovandu. 15 Ovanane vOvajuda va himinwe tjinene nave tja: “Okutjavi omundu ngwi tje nondjiviro tjinene nai? Eye ke na indu wa rorere okumuna omahongero.”
16 Jesus arire tja ziri a tja: “Imbi mbi me hongo ovandu ovyo kavyomahongero wandje omuini, nungwari mavi zu ku Ndjambi ngwe ndji hinda. 17 Ingwi ngu ma vanga okutjita ombango ya Ndjambi ma tjiwa kutja omahongero wandje maye zu ku Ndjambi poo kutja ami mbi rihungirira mouvara wandje omuini. 18 Omundu ngu rihungirira mouvara we omuini u vanga okuripahera omuini ondjozikiro. Nungwari ingwi ngu vangera ingwi ngwe mu hinda ondjozikiro, eye u nouatjiri, nu mu ye kamu novizeze. 19 Moses ke mu pere Omatwako are? Nungwari kape nomundu mokati keṋu ngu nonḓuviro kOmatwako nga. Okutjavi tji mamu vanga okundjizepa?”
20 Otjimbumba atji ziri atji tja: “Ove u nombepo ohakohoke! Ngu ma vanga okukuzepa owaṋi?”
21 Jesus arire tja ziri a tja: “Ami mba tjita otjihimise tjimwe, neṋe amuhe amu himwa. 22 Moses we mu rakizire kutja mu sukareke ovanatje veṋu (e he ri kutja otjiṋa hi tja zire mu Moses, nungwari tja zire mooiho mukururume) neṋe otji mamu sukareke okazandu mesabata. 23 Okanatje okazandu tji make sukarekwa mesabata, kokutja Omatwako wa Moses aye ha katukwa, indu mamu ndji pindikire tjike tji mba verukisa omundu okumana mesabata? 24 Amu pangurire kombunikiro, nungwari ombanguriro yeṋu ngai rire osemba nouatjiri.”
Eye onguri Omutwirisiwa?
25 Ovature tjiva va Jerusalem va purire ave tja: “Omundu ngwi kangu ri ye ngwi ovahona ngu ve vanga okuzepa are? 26 Tareye, eye ma hungire povanane wOvajuda, nowo kave notjiṋa tji mave hungire ku ye! Owo hapo nai mave tjiwa kutja, tjiri, eye Omutwirisiwa are? 27 Nungwari Omutwirisiwa tje ya, kape nomundu ngu ma tjiwa kutja eye ma zu pi. Neṱe atuhe matu tjiwa kutja omundu ngwi wa za pi.”
28 Nu Jesus ngunda ama hongo mondjuwo ya Muhona wa hungira neraka enene a tja: “Eṋe nai, tjiri, mu ndji i, nu ku mba za mamu tjiwa are? Ami hi ere mouvara wandje omuini. Ingwi ngwe ndji hinda eye ouatjiri. Eṋe kamu mu i, 29 nungwari ami mbi mu i, tjinga amba za ku ye, neye tjinga e ri ngwe ndji hinda.”
30 Okuzambo ave vanga okumukambura, nu kape ningire omundu ngwa ṱunisire eke re ku ye, oiri ye tjinga ai hiye ya. 31 Nungwari ovandu ovengi motjimbumba va kamburire mu ye nave tja: “Omutwirisiwa tje ya, eye hapo ma tjiti ovihimise ovingi okukapita imbi omundu ngwi mbya tjita are?”
Ovatjevere mave hindwa okukakambura Jesus
32 Ovafarisei va zuvire otjimbumba ama tji hungirire Jesus oviṋa mbi mokuhokora. Nowo novapristeri oviuru arire tji va hindi ovatjevere okukemukambura. 33 Jesus a tja: “Ami inga me kara puna eṋe okaruveze okaṱiṱi uriri, tjazumba e yaruka ku ingwi ngwe ndji hinda. 34 Eṋe mamu ndji paha, nu kamu nokundjimuna, tjinga amu hi nokuyenda ingwi ami ku me kakara.”
35 Ovanane vOvajuda arire tji verihungirire oveni ave tja: “Eye hapo ma i pi, kokutja eṱe atu he mu munu? Eye ma i kovihuro vyOvagrike ku kwa tura ovandu vetu, nokukahonga Ovagrike? 36 Eye ma tja matu mu paha, nungwari katu nakumumuna, nokutja katu nokuyenda ingwi Eye ku ma kakara. Eye hapo ma hee tjike?”
Omipupo vyomeva omanamuinyo
37 Nu meyuva esenina, indi enanḓengu rOmukandi wOviranda vyOmaso, Jesus wa sekamene na hungire neraka enene a tja: “Tjinangara omundu wa ṱonyota nge ye ku ami e yokunwa. 38 Omatjangwa otja tjinga amaye hee: ‘Auhe ngu ma kambura mu ami, omipupo vyomeva omanamuinyo mavi pupu moukoto womutima we.’ ” 39 Omambo nga Jesus wa hungirira Ombepo ndji, ovandu mba mba kambura mu ye ndji mave pewa. Momayuva ngo Ombepo tjandje kaiya yandjwa, Jesus tjinga ingee a ri e hiya tongamisiwa kounene we.
Ohaṋi mokati kovandu
40 Ovandu tjiva motjimbumba ve mu zuvire ama hungire omambo nga nave tja: “Omundu ngwi, tjiri, omuprofete!”
41 Ovakwao ave tja: “Eye Omutwirisiwa!”
Nungwari ovakwao wina va tjere: “Omutwirisiwa kamaa sokuza kOgalilea! 42 Omatjangwa maye tja Omutwirisiwa ma rire ondekurona yombara David, nu ma kwaterwa mObetlehem, ihi otjihuro mu mwa turire David.” 43 Komuhingo mbwi ovandu votjimbumba otji va uta okuhinakuzuvasana motjimbe tja Jesus. 44 Ovandu tjiva aave vanga okumukambura, nungwari kape ningire omundu ngwa ṱunisire eke re ku ye.
Okuhakambura kwovanane vOvajuda
45 Novatjevere tji va kotokere, ovapristeri oviuru nOvafarisei arire tji ve ve pura ave tja: “Okutjavi tji mu he mu etere?”
46 Ovatjevere ave ziri ave tja: “Kape nomundu ngwa rorere okuhungira otja omundu ngwi!”
47 Ovafarisei ve ve pura ave tja: “Eye wina we mu pukisa are? 48 Mu na pu mwa zuvire omunane umwe poo Omufarisei umwe ngwa kambura mu ye are? 49 Otjimbumba hi katji nokutjiwa Omatwako wa Moses, ngatji sengwe!”
50 Nu Nikodemus, umwe wOvafarisei, nu ngwe ere ku Jesus rutenga, arire tja tja kovakwao: 51 “Otja kOmatwako wetu eṱe katu sokupangura omundu uriri nao ngunda rutenga atu hiya zuva mu ye omuini, nokutja wa ungura tjike.”
52 Owo ave ziri ave tja: “Osemba, ove wina wa za kOgalilea are? Konḓonona nawa momatjangwa, nove otji mo rihongo kutja kape nomuprofete ngwa zire kOgalilea.”
