Omuprofete ma nyengwa omauvi wotjiwaṋa
1 Amu tjangovasi okuoko kwa Muhona kwa ngundipara tjinene okumuvatera, nokutja eye omboro okumuzuvira, tji mamu ku ombatero! 2 Ayee! Nungwari ozongatukiro zeṋu onḓe mu pora ku Ndjambi weṋu, tji mu kondja okurikotamena ku ye; nu omena rourunde weṋu eye tje he mu zuvire. 3 Orondu eṋe mwa tura ondjo yokuzepa nomake, nokutjita outwe nominwe, nokukora ovizeze nomiṋa, nokuhokora ouhasemba neraka.
4 Eṋe mu yenda kombanguriro, nungwari kape na ngu tjita omahongonona omasemba, nu kape na ngu hungira ouatjiri mombanguriro. Mu riyameka kovizeze nokuhungira omatiku; eṋe mu kara nomeripuriro wokuhihamisa ovakweṋu. 5-6 Omeripuriro weṋu omavi; owo ye zepa otja omai wonyoka youzuwo; ngu ma ri ku wo ma koka, nu rimwe tji ra pamunwa, tjandje mamu piti esu. Ozondjito zeṋu zoutwe ze ri otja otuauvi; katu yenenene okuungurwa po ozombanda, nomundu kamaa pu okurikutjira two. Nungwari ovakweṋu mave kamburwa mu two nave tu. 7 Eṋe aruhe mu ripura ouvi, nu kamu wombo okuutjita. Kamu ivaiva okuzepa ovandu ovehinandjo. Apehe pu mamu i, pe sewa omatundu nonyoneno. 8 Nungwari ondjira yohange kamu yi i. Ngamwa atjihe tji mu tjita otjo otjihasemba; mu twara ondjira ongoko, nu kape nomundu tja twara ondjira ndjo, ngu ma munu ohange.
Otjiwaṋa matji rihepura omauvi watjo
9 Ovandu ve tja: “Eṱe nambano matu tjiwa kutja omena ratjike Ndjambi tje he tu yama ku imba mbe tu ṋiṋikiza, nokutja okutjavi tji tu hi nokumuna ouṱakame wa Muhona. Tu paha ondjerera, nungwari ndji ri po onḓorera porwayo, nombaera yeyuva wina, nungwari tu kayenda monḓorera. 10 Tu ṋuṋunga apehe aayo oweṱe ovapoṱu; tu putara omutenya aayo ouṱuku, aayo tu ri monḓorera yotjovakoke. 11 Atuhe tu wenena otja ozongu, nu tu posa otja ozonguti amatu undju ousemba mbu hi na indu maau ya nondjamo ndja humburuka kokure na eṱe.
12 “Muhona, ozongatukiro zetu kove ozengi, nourunde wetu mau tu rondora. Eṱe matu u tjiwa auhe. 13 Eṱe twe ku pirukira, atu ku imbirahi natu panḓa okukukongorera. Twa ṋiṋikiza ovakwetu, nu twa poka kove. Omeripuriro wetu ye ri posyo; omambo wetu owo ovizeze. 14 Ousemba wa isiwa po, nouṱakame u ri ohumburuko. Pomarandasaneno kape kara ouatjiri, nomasembamisiro kaye munu po oruveze. 15 Ouṱakame wa zenga, nu ingwi ngu penga ourunde, u pundwa oviṋa vye.”
Muhona me rirongerere okuyama otjiwaṋa tje
Muhona wa muna oviṋa mbi avihe, nu a nyengwa tjinene kutja kape nousemba nu u munika. 16 Eye wa kumwa tja muna kutja kape nomundu okuvatera ovaṋiṋikiziwa. Eye otji ma ungurisa omasa we omuini okuveyama nokumuna outoṋi. 17 Eye ma zara ousemba otja ohako yotjitenda yovita, nondjamo otja ekori routoṋi rovita. Eye ma zara nonḓero onene yokusembamisa oviṋa, nokuvera nokusutisa ouhasemba auhe mbu tjitwa kovandu. 18 Eye ma vere ovanavita na ye otja ku imbi mbi va tjita, nandarire imba mba tura komahi wokokure. 19 Okuza komukuma wokomuhuka nowokongurova auhe ma yozike ena ra Muhona, nu ma tira omasa we omanene. Eye meya otja onḓonḓu, ndji mai rauka nomasa, notja otjipukupuku.
20 Muhona ma tja nai kotjiwaṋa tje: “Ami meya kOjerusalem okumuyeura nokumuyama amuhe mbu mamu isa omauvi weṋu. 21 Omerikutiropamwe wandje ku eṋe owonga: Ami mbe mu pa Ombepo yandje nomahongero wandje kutja ye rire oweṋu nga aruhe; nokuza ku nambano eṋe mamu kara nonḓuviro ku ami, nu mamu hongo ovanatje veṋu nozondekurona zeṋu kutja ze kare nonḓuviro ku ami oure woruveze aruhe ndu maru ya.”
Omuprofete ma nyengwa omauvi wotjiwaṋa
1 Amu tjangovasi okuoko kwa Muhona kwa ngundipara tjinene okumuvatera, nokutja eye omboro okumuzuvira, tji mamu ku ombatero! 2 Ayee! Nungwari ozongatukiro zeṋu onḓe mu pora ku Ndjambi weṋu, tji mu kondja okurikotamena ku ye; nu omena rourunde weṋu eye tje he mu zuvire. 3 Orondu eṋe mwa tura ondjo yokuzepa nomake, nokutjita outwe nominwe, nokukora ovizeze nomiṋa, nokuhokora ouhasemba neraka.
4 Eṋe mu yenda kombanguriro, nungwari kape na ngu tjita omahongonona omasemba, nu kape na ngu hungira ouatjiri mombanguriro. Mu riyameka kovizeze nokuhungira omatiku; eṋe mu kara nomeripuriro wokuhihamisa ovakweṋu. 5-6 Omeripuriro weṋu omavi; owo ye zepa otja omai wonyoka youzuwo; ngu ma ri ku wo ma koka, nu rimwe tji ra pamunwa, tjandje mamu piti esu. Ozondjito zeṋu zoutwe ze ri otja otuauvi; katu yenenene okuungurwa po ozombanda, nomundu kamaa pu okurikutjira two. Nungwari ovakweṋu mave kamburwa mu two nave tu. 7 Eṋe aruhe mu ripura ouvi, nu kamu wombo okuutjita. Kamu ivaiva okuzepa ovandu ovehinandjo. Apehe pu mamu i, pe sewa omatundu nonyoneno. 8 Nungwari ondjira yohange kamu yi i. Ngamwa atjihe tji mu tjita otjo otjihasemba; mu twara ondjira ongoko, nu kape nomundu tja twara ondjira ndjo, ngu ma munu ohange.
Otjiwaṋa matji rihepura omauvi watjo
9 Ovandu ve tja: “Eṱe nambano matu tjiwa kutja omena ratjike Ndjambi tje he tu yama ku imba mbe tu ṋiṋikiza, nokutja okutjavi tji tu hi nokumuna ouṱakame wa Muhona. Tu paha ondjerera, nungwari ndji ri po onḓorera porwayo, nombaera yeyuva wina, nungwari tu kayenda monḓorera. 10 Tu ṋuṋunga apehe aayo oweṱe ovapoṱu; tu putara omutenya aayo ouṱuku, aayo tu ri monḓorera yotjovakoke. 11 Atuhe tu wenena otja ozongu, nu tu posa otja ozonguti amatu undju ousemba mbu hi na indu maau ya nondjamo ndja humburuka kokure na eṱe.
12 “Muhona, ozongatukiro zetu kove ozengi, nourunde wetu mau tu rondora. Eṱe matu u tjiwa auhe. 13 Eṱe twe ku pirukira, atu ku imbirahi natu panḓa okukukongorera. Twa ṋiṋikiza ovakwetu, nu twa poka kove. Omeripuriro wetu ye ri posyo; omambo wetu owo ovizeze. 14 Ousemba wa isiwa po, nouṱakame u ri ohumburuko. Pomarandasaneno kape kara ouatjiri, nomasembamisiro kaye munu po oruveze. 15 Ouṱakame wa zenga, nu ingwi ngu penga ourunde, u pundwa oviṋa vye.”
Muhona me rirongerere okuyama otjiwaṋa tje
Muhona wa muna oviṋa mbi avihe, nu a nyengwa tjinene kutja kape nousemba nu u munika. 16 Eye wa kumwa tja muna kutja kape nomundu okuvatera ovaṋiṋikiziwa. Eye otji ma ungurisa omasa we omuini okuveyama nokumuna outoṋi. 17 Eye ma zara ousemba otja ohako yotjitenda yovita, nondjamo otja ekori routoṋi rovita. Eye ma zara nonḓero onene yokusembamisa oviṋa, nokuvera nokusutisa ouhasemba auhe mbu tjitwa kovandu. 18 Eye ma vere ovanavita na ye otja ku imbi mbi va tjita, nandarire imba mba tura komahi wokokure. 19 Okuza komukuma wokomuhuka nowokongurova auhe ma yozike ena ra Muhona, nu ma tira omasa we omanene. Eye meya otja onḓonḓu, ndji mai rauka nomasa, notja otjipukupuku.
20 Muhona ma tja nai kotjiwaṋa tje: “Ami meya kOjerusalem okumuyeura nokumuyama amuhe mbu mamu isa omauvi weṋu. 21 Omerikutiropamwe wandje ku eṋe owonga: Ami mbe mu pa Ombepo yandje nomahongero wandje kutja ye rire oweṋu nga aruhe; nokuza ku nambano eṋe mamu kara nonḓuviro ku ami, nu mamu hongo ovanatje veṋu nozondekurona zeṋu kutja ze kare nonḓuviro ku ami oure woruveze aruhe ndu maru ya.”
