Muhona ma vere Engipte
1 Muhona wa hungira rukwao 2 a tja: “Muatje womundu, uka u zuvarise imbi ami, ngu mbi ri Muhona Ndjambi, mbi me hungire. Hungira omambo nga:
Eyuva rondirisiro mari ya!
3 Eyuva riri popezu, indi eyuva Muhona
mu ma ungura otjiungura tje,
eyuva ronḓorera noroumba koviwaṋa.
4 Mamu kara ovita mOengipte
nombamisiro onene mOetiopie.
Ovandu ovengi mOengipte mave ṱu;
ehi mari pundwa,
notumbo twawo matu haṋewa.
5 “Movita mbyo wina mamu ṱu ovarwe, mba yazemwa kOetiopie na Lidie na Libie na Araba na Kub, nangarire kovandu vandje omuini wina.”
6 Muhona ma tja nai: “Okuza kOmigdol, komukuma wokeyuva kokunene nga kOaswan, komukuma wokeyuva kokumuho, ovayeure va Engipte avehe mave ṱu motjirwa. Otjimbumba tja Engipte tjovita tjozombangaṋe matji yandekwa. Ami, ngu mbi ri Muhona Ndjambi, owami ngu mba hungire. 7 Ehi mari rire ongaango tjinene pomahi aehe mouye, novihuro vyaro mavi sewa omatundutundu. 8 Tji mba nyosa Engipte, novayeure varo tji va ṱu, nowo mave tjiwa kutja owami ngu mbi ri Muhona.
9 “Eyuva ndo tji re ya, nehi ra Engipte tji ra nyonwa, ami me tumu ovahindwa vandje mozondjuwozomomeva okukapendura Ovaetiopie mbe ri mohei, nowo mave kaurumisiwa. Eyuva ndo, tjiri, mari ya!”
10 Muhona Ndjambi ma tja nai: “Ami me tjiti kutja Nebukadnesar, ombara ya Babilon, a yandise omeritongamisiro wa Engipte. 11 Eye notjimbumba tje tjovita otjindandi mave yekunyona ehi. Mave rwisa Engipte nomangaruvyo, nehi mari ura noturova. 12 Ami me pwirisa onḓonḓu Nil nu e yandja Engipte mouvara wovanauvi. Ovandu wozonganda mave nyono ehi arihe. Ami, ngu mbi ri Muhona, owami ngu mba hungire.”
13 Muhona Ndjambi ma tja nai: “Ami me nyono oviserekarera vyovisenginina noomukuru woposyo mOmemfis. Kape nokukara omunane umwe ngu ma honaparere Engipte, nami me urumisa Ovaengipte avehe. 14 Ehi ra Engipte rokokumuho kweyuva me ri ririsa ongaango, nu e nyosa otjihuro Soan tji tji ri komukuma wokokunene kweyuva. Me vere otjihuro ohongora Tebes. 15 Ami me raisire otjihuro Sin, ihi otjihuro tjotjiṱunga otjinene tja Engipte, omazenge wandje. Me yandeke outumbe wa Tebes. 16 Me nyosa Engipte, nu Sin matji zezerisiwa i omburuma. Orumbo rwa Tebes maru haṋewa, nu motjihuro hi mamu pupu omupupo omuzeu. 17 Ovarumendu omitanda vovihuro ooHeliopolis na Bubastis mave ṱu movita, novature ovakwao mave huurwa. 18 Oumba ounene mau ya kombanda ya Takpanhes ami tji me teya ouvara wa Engipte na tji me yandeke omasa nguyave rihivire tjinene nai. Ovikamba mavi zorerisa Engipte, novature vovirongo vyaro avihe mave huurwa. 19 Ami tji mba vere Engipte komuhingo mbwi, ovature varo otji mave tjiwa kutja owami ngu mbi ri Muhona.”
Ouvara wombara ya Engipte wa teyewa
20 Meyuva oritjahambombari komueze omutenga wombura oitjamurongo na imwe youhuura wetu Muhona wa hungira ku ami 21 a tja: “Muatje womundu, ami mba teya okuoko kwombara ya Engipte. Kape na ngwe ku kuta kutja ku hondje poo ngwe ku panga kokutja ku veruke nu ku hare omasa nawa nga tji maku sora okukambura engaruvyo rukwao. 22 Nambano ami, ngu mbi ri Muhona Ndjambi, me tja nai: Owami omunavita nombara ya Engipte. Ami me teya omaoko wayo ayeyevari, ooingwi ku ku ri nawa na ingwi ku kwa teka rukuru, nengaruvyo rayo mari u meke rayo. 23 Ami me rimbi Ovaengipte mokati koviwaṋa mouye auhe. 24 Tjazumba e zeuparisa omaoko wombara ya Babilon nu e twa engaruvyo randje momake wayo. Nungwari me teya omaoko wombara ya Engipte, noyo mai tjeme nai ṱire momurungu womunavita na yo. 25 Ii, ami me ngundiparisa ombara ya Engipte nu e zeuparisa ombara ya Babilon. Tji mba yandja engaruvyo randje kombara ya Babilon noyo ai hungamisa ro kuṱa kOengipte, ovandu avehe mave tjiwa kutja owami ngu mbi ri Muhona. 26 Ami me rimbi Ovaengipte mokati koviwaṋa mouye auhe. Notji mave tjiwa kutja owami ngu mbi ri Muhona.”
Muhona ma vere Engipte
1 Muhona wa hungira rukwao 2 a tja: “Muatje womundu, uka u zuvarise imbi ami, ngu mbi ri Muhona Ndjambi, mbi me hungire. Hungira omambo nga:
Eyuva rondirisiro mari ya!
3 Eyuva riri popezu, indi eyuva Muhona
mu ma ungura otjiungura tje,
eyuva ronḓorera noroumba koviwaṋa.
4 Mamu kara ovita mOengipte
nombamisiro onene mOetiopie.
Ovandu ovengi mOengipte mave ṱu;
ehi mari pundwa,
notumbo twawo matu haṋewa.
5 “Movita mbyo wina mamu ṱu ovarwe, mba yazemwa kOetiopie na Lidie na Libie na Araba na Kub, nangarire kovandu vandje omuini wina.”
6 Muhona ma tja nai: “Okuza kOmigdol, komukuma wokeyuva kokunene nga kOaswan, komukuma wokeyuva kokumuho, ovayeure va Engipte avehe mave ṱu motjirwa. Otjimbumba tja Engipte tjovita tjozombangaṋe matji yandekwa. Ami, ngu mbi ri Muhona Ndjambi, owami ngu mba hungire. 7 Ehi mari rire ongaango tjinene pomahi aehe mouye, novihuro vyaro mavi sewa omatundutundu. 8 Tji mba nyosa Engipte, novayeure varo tji va ṱu, nowo mave tjiwa kutja owami ngu mbi ri Muhona.
9 “Eyuva ndo tji re ya, nehi ra Engipte tji ra nyonwa, ami me tumu ovahindwa vandje mozondjuwozomomeva okukapendura Ovaetiopie mbe ri mohei, nowo mave kaurumisiwa. Eyuva ndo, tjiri, mari ya!”
10 Muhona Ndjambi ma tja nai: “Ami me tjiti kutja Nebukadnesar, ombara ya Babilon, a yandise omeritongamisiro wa Engipte. 11 Eye notjimbumba tje tjovita otjindandi mave yekunyona ehi. Mave rwisa Engipte nomangaruvyo, nehi mari ura noturova. 12 Ami me pwirisa onḓonḓu Nil nu e yandja Engipte mouvara wovanauvi. Ovandu wozonganda mave nyono ehi arihe. Ami, ngu mbi ri Muhona, owami ngu mba hungire.”
13 Muhona Ndjambi ma tja nai: “Ami me nyono oviserekarera vyovisenginina noomukuru woposyo mOmemfis. Kape nokukara omunane umwe ngu ma honaparere Engipte, nami me urumisa Ovaengipte avehe. 14 Ehi ra Engipte rokokumuho kweyuva me ri ririsa ongaango, nu e nyosa otjihuro Soan tji tji ri komukuma wokokunene kweyuva. Me vere otjihuro ohongora Tebes. 15 Ami me raisire otjihuro Sin, ihi otjihuro tjotjiṱunga otjinene tja Engipte, omazenge wandje. Me yandeke outumbe wa Tebes. 16 Me nyosa Engipte, nu Sin matji zezerisiwa i omburuma. Orumbo rwa Tebes maru haṋewa, nu motjihuro hi mamu pupu omupupo omuzeu. 17 Ovarumendu omitanda vovihuro ooHeliopolis na Bubastis mave ṱu movita, novature ovakwao mave huurwa. 18 Oumba ounene mau ya kombanda ya Takpanhes ami tji me teya ouvara wa Engipte na tji me yandeke omasa nguyave rihivire tjinene nai. Ovikamba mavi zorerisa Engipte, novature vovirongo vyaro avihe mave huurwa. 19 Ami tji mba vere Engipte komuhingo mbwi, ovature varo otji mave tjiwa kutja owami ngu mbi ri Muhona.”
Ouvara wombara ya Engipte wa teyewa
20 Meyuva oritjahambombari komueze omutenga wombura oitjamurongo na imwe youhuura wetu Muhona wa hungira ku ami 21 a tja: “Muatje womundu, ami mba teya okuoko kwombara ya Engipte. Kape na ngwe ku kuta kutja ku hondje poo ngwe ku panga kokutja ku veruke nu ku hare omasa nawa nga tji maku sora okukambura engaruvyo rukwao. 22 Nambano ami, ngu mbi ri Muhona Ndjambi, me tja nai: Owami omunavita nombara ya Engipte. Ami me teya omaoko wayo ayeyevari, ooingwi ku ku ri nawa na ingwi ku kwa teka rukuru, nengaruvyo rayo mari u meke rayo. 23 Ami me rimbi Ovaengipte mokati koviwaṋa mouye auhe. 24 Tjazumba e zeuparisa omaoko wombara ya Babilon nu e twa engaruvyo randje momake wayo. Nungwari me teya omaoko wombara ya Engipte, noyo mai tjeme nai ṱire momurungu womunavita na yo. 25 Ii, ami me ngundiparisa ombara ya Engipte nu e zeuparisa ombara ya Babilon. Tji mba yandja engaruvyo randje kombara ya Babilon noyo ai hungamisa ro kuṱa kOengipte, ovandu avehe mave tjiwa kutja owami ngu mbi ri Muhona. 26 Ami me rimbi Ovaengipte mokati koviwaṋa mouye auhe. Notji mave tjiwa kutja owami ngu mbi ri Muhona.”
