Eyuva rombanguriro yoviwaṋa
1 Muhona ma tja nai:
“Tara, momayuva ngo ami me yarura koupe
outumbe wa Juda na Jerusalem.
2 Ami me woronganisa oviwaṋa avihe
e vi twara kOrutjandja rwa Josafat.
Ingo ami oku me kevipangurira
oviṋa avihe mbi vya tjita kotjiwaṋa tjandje Israel
tji tji ri otjirumatwa tjandje.
Ovyo vya rimbarisa Ovaisrael mokati kovanavisenginina
navi haṋasana ehi randje.
3 Ovyo vya yumbira otjiwaṋa tjandje ozohanga nave
pimbi omuzandu omutanda nomukorondu.
Va randisa omukazona komavinu ve keyenwe.
4 “Neṋe, Tirus na kOsidon, na eṋe, wina, mikuma avihe vyokuti kwa Filisti, mamu vanga tjike ku ami? Mamu vanga okundjisutisira otjiṋa tji mba tjitire ku eṋe poo mamu vanga okundjitjita otjipo? Tji mamu tjiti nao, ami ohakahana nokuhawomba me mu sutisire ozondjito zeṋu tjimanga. 5 Eṋe mwa huura osilveri nongoldo yandje namu kahitisa ovihuze vyandje ovinanḓengu tjinene mozondjuwo zeṋu ozonḓere. 6 Ovajuda novature va Jerusalem meve randisa kOvagrike okuvehumburura kokure nehi rawo oveni. 7 Nambano ami me kevepitisa koṋa ku mwe keverandisire. Me tjiti ku eṋe imbi mbi mwa tjitire ku wo. 8 Ami me karandisa ovazandu novakazona veṋu kOvajuda, nowo mave ve randisa kOvasabei, mba tura kokure. Ami, ngu mbi ri Muhona, mba hungire.
9 “Tjiviseye hi koviwaṋa:
‘Rirongerereye ovita!
Sekamiseye ovarwe ozombanḓe wovita,
nu mu woronganise otjimbumba tjovita tji ye popezu!
10 Hambureye ozohonga zovitaure
vyeṋu vyehi okuisapo omangaruvyo,
notuvyo tu tu konda omiti okuisapo omanga.
Nandarire otjingundi nga tje owami ombanḓe.
11 Hakahaneye indjeye,
viwaṋa avihe komikuma avihe,
mu worongane.’ ”
Muhona, ozombanḓe zoye ngaze raukire mbo.
12 “Oviwaṋa ngavi rirongere
nu vi ye kOrutjandja rwa Josafat,
orondu ami me kahaama mo okukapangura
oviwaṋa avihe okuza komauto aehe.
13 Ovyo tjinga avi ri ovinauvi,
vi kondeye otja ovikokotwa moruveze rwomakondero,
vi ṱukuṱureye otja omandjembere nge ura
kotjikameno nga tji maye tikatika!”
14 Ovimbumba novimbumba vya
woronganene mOrutjandja rwOmbanguriro,
eyuva ra Muhona tjinga ari ri popezu.
15 Eyuva nomueze mavi zorere,
nozonyose kaze tji nakuyera ko rukwao.
Ndjambi ma sere otjiwaṋa tje ondaya
16 Muhona ma tye ovimboro
okuza kondundu Sion;
eraka re mari ṱuṱuma okuza mOjerusalem
nga eyuru nehi tji mavi nyinganyinga;
nungwari Muhona ma rire omaundiro kotjiwaṋa tje,
notjiṱunga otjinamasa tjOvaisrael.
17 “Neṋe, Vaisrael, otji mamu tjiwa kutja
owami ngu mbi ri Muhona,
Ndjambi weṋu ngu mba tura kOsion,
ondundu yandje ondjapuke.
Nu Jerusalem otji matji rire poṋa popayapuke;
nu imba owozonganda kamaave tuurunga mu tjo rukwao.
18 “Eyuva ndo tji re ya, ozondundu maze kutjirwa nomivite,
nozongombe maze kavazewa kovivanda avihe,
noturamba twa Juda matu pupu omeva omengi;
okuza mondjuwo ya Muhona mamu pupu
oruharwi ndu maru tjatja Orutjandja rwa Sitim.
19 “Engipte mari rire okuti onguza,
nu Edom mari rire okuti ongaango motjimbe
tjokutirahi ombinḓu ohinandjo mehi ra Juda.
20 Ami me sutisa imba mba ṱa,
nu imba ovanandjo himee ve hupisa.
Nungwari omuhoko wa Juda
mau karerere mehi rawo nga aruhe,
nu Jerusalem matji karerere okuza
komuhoko nga komuhoko.
21 Nu ami, ngu mbi ri Muhona,
me tura kondundu Sion.”
Eyuva rombanguriro yoviwaṋa
1 Muhona ma tja nai:
“Tara, momayuva ngo ami me yarura koupe
outumbe wa Juda na Jerusalem.
2 Ami me woronganisa oviwaṋa avihe
e vi twara kOrutjandja rwa Josafat.
Ingo ami oku me kevipangurira
oviṋa avihe mbi vya tjita kotjiwaṋa tjandje Israel
tji tji ri otjirumatwa tjandje.
Ovyo vya rimbarisa Ovaisrael mokati kovanavisenginina
navi haṋasana ehi randje.
3 Ovyo vya yumbira otjiwaṋa tjandje ozohanga nave
pimbi omuzandu omutanda nomukorondu.
Va randisa omukazona komavinu ve keyenwe.
4 “Neṋe, Tirus na kOsidon, na eṋe, wina, mikuma avihe vyokuti kwa Filisti, mamu vanga tjike ku ami? Mamu vanga okundjisutisira otjiṋa tji mba tjitire ku eṋe poo mamu vanga okundjitjita otjipo? Tji mamu tjiti nao, ami ohakahana nokuhawomba me mu sutisire ozondjito zeṋu tjimanga. 5 Eṋe mwa huura osilveri nongoldo yandje namu kahitisa ovihuze vyandje ovinanḓengu tjinene mozondjuwo zeṋu ozonḓere. 6 Ovajuda novature va Jerusalem meve randisa kOvagrike okuvehumburura kokure nehi rawo oveni. 7 Nambano ami me kevepitisa koṋa ku mwe keverandisire. Me tjiti ku eṋe imbi mbi mwa tjitire ku wo. 8 Ami me karandisa ovazandu novakazona veṋu kOvajuda, nowo mave ve randisa kOvasabei, mba tura kokure. Ami, ngu mbi ri Muhona, mba hungire.
9 “Tjiviseye hi koviwaṋa:
‘Rirongerereye ovita!
Sekamiseye ovarwe ozombanḓe wovita,
nu mu woronganise otjimbumba tjovita tji ye popezu!
10 Hambureye ozohonga zovitaure
vyeṋu vyehi okuisapo omangaruvyo,
notuvyo tu tu konda omiti okuisapo omanga.
Nandarire otjingundi nga tje owami ombanḓe.
11 Hakahaneye indjeye,
viwaṋa avihe komikuma avihe,
mu worongane.’ ”
Muhona, ozombanḓe zoye ngaze raukire mbo.
12 “Oviwaṋa ngavi rirongere
nu vi ye kOrutjandja rwa Josafat,
orondu ami me kahaama mo okukapangura
oviwaṋa avihe okuza komauto aehe.
13 Ovyo tjinga avi ri ovinauvi,
vi kondeye otja ovikokotwa moruveze rwomakondero,
vi ṱukuṱureye otja omandjembere nge ura
kotjikameno nga tji maye tikatika!”
14 Ovimbumba novimbumba vya
woronganene mOrutjandja rwOmbanguriro,
eyuva ra Muhona tjinga ari ri popezu.
15 Eyuva nomueze mavi zorere,
nozonyose kaze tji nakuyera ko rukwao.
Ndjambi ma sere otjiwaṋa tje ondaya
16 Muhona ma tye ovimboro
okuza kondundu Sion;
eraka re mari ṱuṱuma okuza mOjerusalem
nga eyuru nehi tji mavi nyinganyinga;
nungwari Muhona ma rire omaundiro kotjiwaṋa tje,
notjiṱunga otjinamasa tjOvaisrael.
17 “Neṋe, Vaisrael, otji mamu tjiwa kutja
owami ngu mbi ri Muhona,
Ndjambi weṋu ngu mba tura kOsion,
ondundu yandje ondjapuke.
Nu Jerusalem otji matji rire poṋa popayapuke;
nu imba owozonganda kamaave tuurunga mu tjo rukwao.
18 “Eyuva ndo tji re ya, ozondundu maze kutjirwa nomivite,
nozongombe maze kavazewa kovivanda avihe,
noturamba twa Juda matu pupu omeva omengi;
okuza mondjuwo ya Muhona mamu pupu
oruharwi ndu maru tjatja Orutjandja rwa Sitim.
19 “Engipte mari rire okuti onguza,
nu Edom mari rire okuti ongaango motjimbe
tjokutirahi ombinḓu ohinandjo mehi ra Juda.
20 Ami me sutisa imba mba ṱa,
nu imba ovanandjo himee ve hupisa.
Nungwari omuhoko wa Juda
mau karerere mehi rawo nga aruhe,
nu Jerusalem matji karerere okuza
komuhoko nga komuhoko.
21 Nu ami, ngu mbi ri Muhona,
me tura kondundu Sion.”
