OMAZUVARISIRO KOMBANDA YONDUNDU
1 Nu Jesus tja munine otjimbumba tjovandu wa rondere kondundu, nu tja kakara pehi, ovahongewa ve arire tji ve ya ku ye, 2 neye a utu okuvehonga a tja:
Mbe ri ovaṋingandu ooveṋe?
(Lk 6:20-23)3 “Ovaṋingandu imba mbe ritjiwa
kutja owo ovasyona mombepo,
ouhona womayuru tjinga au ri owawo!
4 Ovaṋingandu imba mbe noruhoze,
Ndjambi tjinga ame ve huhumiṋa!
5 Ovaṋingandu imba ozongozu,
owo tjinga amave rumatisiwa indi ehi!
6 Ovaṋingandu imba mbe nondjara
nonyota yaimbi mbi ri ovisemba,
Ndjambi tjinga ame ve kutisa
nokuvekovisa okumana!
7 Ovaṋingandu imba mbe notjari,
owo tjinga amave ṱirwa otjari!
8 Ovaṋingandu imba mbe nomitima omikohoke,
owo tjinga amave munu Ndjambi!
9 Ovaṋingandu imba mbe hanganisa,
Ndjambi tjinga ame ve isa po ovanatje ve!
10 Ovaṋingandu imba mbe
tatumisirwa ombango ya Ndjambi,
ouhona womayuru tjinga au ri owawo!
11 “Oweṋe ovaṋingandu, ovandu tji mave mu yamburura nave mu tatumisa nave mu hungirire ovizeze ngamwa avihe pu pe he ri ouatjiri, tjinga amu ri ovendjikongorere. 12 Nyandeye nu mu yoroke, ondjambi yeṋu tjinga ai ri onene meyuru. Ovaprofete mba ri po komurungu weṋu wina otjinga ava tatumisirwe nao.
Omongwa nondjerera
(Mk 9:50Lk 14:34-35)13 “Eṋe oweṋe omongwa wehi. Nungwari omongwa tji wa mana omutjato mau tjatisiwa na tjike rukwao? Owo kau tji nombatero, posi yokuimbirahiwa uriri, novandu ave u yata nozombaze.
14 “Oweṋe ondjerera youye. Otjihuro tji tja tungwa kombanda yondundu kamaatji horekwa. 15 Kape nomundu ngu yakisa emunine nu a twa kehi yehoro, nungwari ma twa kotjikurameno ku mari yandja ondjerera ku avehe mbe ri mondjuwo. 16 Nu momuhingo tjingewo ondjerera yeṋu ngai yere komurungu wovandu, kokutja owo ve mune oviṋa oviwa mbi mamu tjiti, nu ve hivirike Iho ngu ri meyuru.
Omahongero wOmatwako
17 “Amu tjangovasi ami mbe era okuisapo Omatwako wa Moses nomahongero wovaprofete. Ami hi ere okuyeisa po, nungwari mbe era okuyenenisa omahongero wawo. 18 Tjiri, me mu raere, nga eyuru nehi tji vyaanda, kape nokaṋa nangarire kemwe okaṱiṱiṱiṱi kOmatwako ku make isiwa po, okutja avihe ngunda avi hiya yenenisiwa. 19 Nu tjinangara pe nomundu ngu hi nokuṱakamisa etwako nangarire indi ehinanḓengu tjinene pomakwao, nu a hongo ovakwao okutjita nao, eye ma rire omuṱiṱi tjinene mouhona womayuru. Nungwari wina auhe ngu ma ṱakamisa Omatwako, nu a hongo ovakwao okutjita tjingetjo, eye ma rire omunene mouhona womayuru. 20 Ami me mu raere kutja tji mu he ri ovaṱakame tjinene okuyenenisa ombango ya Ndjambi okukapita ozonongo zomambo nOvafarisei, kamaamu hiti mouhona womayuru.
Jesus ma hongo ohunga nokuṱomazenge
(Lk 12:57-59)21 “Eṋe mwa zuva kutja ovandu rukuru va raererwe nai: ‘Ko nakuzepa ko; auhe ngu ma zepa omukwao ma etwa kotjombanguriro!’ 22 Nungwari nambano ami me mu raere kutja auhe ngwa pindikire omukwao uriri ma etwa kotjombanguriro, nu auhe ngu ma tja omukwao otjiṋa tjakauriri ma etwa komurungu wOtjira tjOvajuda, nu auhe ngu ma tja omukwao eyova notjiporoporo ma verwa nomuriro wotjovasengwa. 23 Tji we yokupunguhira Ndjambi otjiyandjewa tjoye kotjipunguhiro no zemburuka omukweṋu ngu nouzeu na ove, 24 tjesa otjiyandjewa tjoye mbo komurungu wotjipunguhiro, nu u hakahane okukahangana nomukweṋu, tjazumba u kotoke u yekupunguhira Ndjambi otjiyandjewa tjoye.
25 “Omundu tje notjiposa na ove ne ku twara kotjombanguriro, rutenga zuvasaneye otjiposa hi ngunda ape noruveze nu ngunda au hiya ya kotjombanguriro, orondu tji mwa kavaza ngo eye me kekuyandja komupangure, nomupangure e ku yandja kovakarere wouhona, nowo ave ku patere motjovakamburwa. 26 Nu tjiri me ku raere, komoo piti mu yo nga tji wa sutu okamariva okasenina.
Jesus ma hongo ohunga nokukatuka orukupo
27 “Eṋe mwa zuva indu rukuru tji kwa zire: ‘Ko nakukatuka ko orukupo.’ 28 Nungwari nambano ami me mu raere kutja auhe ngu ma tara komukazendu noruhuro eye wa tura ondjo yokukatuka orukupo na ye momutima we. 29 Eho roye rokunene tji mari tjiti kutja u tjite ourunde, homona nu u ri imbirahi! Okokuwa tjinene kove okupandjarisa otjiṋepo tjimwe korutu rwoye posi yokukara norutu rwoye aruhe nu aru yumbwa motjovasengwa. 30 Neke roye rokunene tji mari tjiti kutja u tjite ourunde, konda nu u ri imbirahi! Okokuwa tjinene kove okupandjarisa otjiṋepo tjoye tjimwe korutu posi yokukara norutu rwoye aruhe nu aru yumbwa motjovasengwa.
Jesus ma hongo ohunga nohaṋi yorukupo
(Mt 19:9Mk 10:11-12Lk 16:18)31 “Wina kwa zire nai: ‘Auhe ngwa haṋika nomukazendu we u sokumutjangera orutuu rwohaṋikiro.’ 32 Nungwari nambano ami me mu raere kutja omurumendu tja isa omukazendu we motjiposa tji tji he ri otjoruvakiro, ingwi omurumendu me mu katukisa orukupo indu eye tja kupwa rukwao; nu omurumendu ngu me mu kupu wina ma katuka orukupo.
Jesus ma hongo ohunga nomakwizikiro
33 “Eṋe wina mwa zuva kutja ovandu rukuru va raererwe nai: ‘O tjiti ko omakwizikiro woposyo, nungwari yenenisa imbi mbi wa yana ku Muhona.’ 34 Nungwari nambano ami me mu raere kutja amu yana ko tji mamu tjiti omakwizikiro. Amu yana keyuru, tjinga e ri otjihavero tjouhona wa Ndjambi; 35 nu amu yana kehi, tjinga e ri omasuviro wozombaze ze; nu amu yana kOjerusalem, tjinga e ri otjihuro tjOmbara onene. 36 Nu wina amu yana koviuru vyeṋu, orondu kamaamu tjitukisa ondjise nangarire imwe okurira ombapa poo onḓorozu. 37 Omambo weṋu ngaye rire ‘Ii’ poo ‘Kako,’ nu o ii nga rire o ii, o kako ngai rire o kako; warwe aehe ngu mamu hungire ye za kOmunauvi.
Jesus ma hongo ohunga nongore
(Lk 6:29-30)38 “Eṋe mwa zuva indu rukuru tji kwa zire: ‘Eho keho neyo keyo.’ 39 Nungwari nambano ami me mu raere kutja amu kara nongore nomundu ngwe mu tjiti ouvi. Omundu tje ku tono kotjitama tjokunene, tanaurira ihi tjokumuho ku ye wina. 40 Nomundu tje ku twara kotjombanguriro okukakambura ohema yoye, mu pa ongwava yoye wina. 41 Nu ngu me ku kondjisa okumutoorera omutwaro we oure wokirometa imwe, mu toorera oure wozokirometa mbari 42 Omundu tji me ku ningire otjiṋa, mu pa; nu ngu ma vanga okuyazema kove, mu yazemisa.
Okusuvera ovanavita
(Lk 6:27-28, Lk 32-36)43 “Eṋe mwa zuva indu tji kwa zire: ‘Suvera omukweṋu nu u tonde omunavita na ove.’ 44 Nungwari nambano ami me mu raere kutja suvereye ovanavita na eṋe nu mu kumbire imba mbe mu tatumisa, 45 kokutja mu rire ovanatje va Iho ngu ri meyuru, eye tjinga e pitisa eyuva ri yere kombanda yovavi novawa, nu tjinga e rokisira ovasemba novarunde ombura. 46 Ndjambi wa sokumupera tjike ondjambi ndovazu mwa suvera imba mbe mu suvera porwe. Ovasutise votjimariva tjouhona otjinga ave tjita wina! 47 Nu tji mamu minike omapanga weṋu porwe mwa sora tjike okukapita ovakweṋu? Imba mbe he i Ndjambi owo otjinga ave tjita nao wina! 48 Neṋe rireye ovasore novapwe tjimuna Iho meyuru tjinga e ri omusore nomupwe!
OMAZUVARISIRO KOMBANDA YONDUNDU
1 Nu Jesus tja munine otjimbumba tjovandu wa rondere kondundu, nu tja kakara pehi, ovahongewa ve arire tji ve ya ku ye, 2 neye a utu okuvehonga a tja:
Mbe ri ovaṋingandu ooveṋe?
(Lk 6:20-23)3 “Ovaṋingandu imba mbe ritjiwa
kutja owo ovasyona mombepo,
ouhona womayuru tjinga au ri owawo!
4 Ovaṋingandu imba mbe noruhoze,
Ndjambi tjinga ame ve huhumiṋa!
5 Ovaṋingandu imba ozongozu,
owo tjinga amave rumatisiwa indi ehi!
6 Ovaṋingandu imba mbe nondjara
nonyota yaimbi mbi ri ovisemba,
Ndjambi tjinga ame ve kutisa
nokuvekovisa okumana!
7 Ovaṋingandu imba mbe notjari,
owo tjinga amave ṱirwa otjari!
8 Ovaṋingandu imba mbe nomitima omikohoke,
owo tjinga amave munu Ndjambi!
9 Ovaṋingandu imba mbe hanganisa,
Ndjambi tjinga ame ve isa po ovanatje ve!
10 Ovaṋingandu imba mbe
tatumisirwa ombango ya Ndjambi,
ouhona womayuru tjinga au ri owawo!
11 “Oweṋe ovaṋingandu, ovandu tji mave mu yamburura nave mu tatumisa nave mu hungirire ovizeze ngamwa avihe pu pe he ri ouatjiri, tjinga amu ri ovendjikongorere. 12 Nyandeye nu mu yoroke, ondjambi yeṋu tjinga ai ri onene meyuru. Ovaprofete mba ri po komurungu weṋu wina otjinga ava tatumisirwe nao.
Omongwa nondjerera
(Mk 9:50Lk 14:34-35)13 “Eṋe oweṋe omongwa wehi. Nungwari omongwa tji wa mana omutjato mau tjatisiwa na tjike rukwao? Owo kau tji nombatero, posi yokuimbirahiwa uriri, novandu ave u yata nozombaze.
14 “Oweṋe ondjerera youye. Otjihuro tji tja tungwa kombanda yondundu kamaatji horekwa. 15 Kape nomundu ngu yakisa emunine nu a twa kehi yehoro, nungwari ma twa kotjikurameno ku mari yandja ondjerera ku avehe mbe ri mondjuwo. 16 Nu momuhingo tjingewo ondjerera yeṋu ngai yere komurungu wovandu, kokutja owo ve mune oviṋa oviwa mbi mamu tjiti, nu ve hivirike Iho ngu ri meyuru.
Omahongero wOmatwako
17 “Amu tjangovasi ami mbe era okuisapo Omatwako wa Moses nomahongero wovaprofete. Ami hi ere okuyeisa po, nungwari mbe era okuyenenisa omahongero wawo. 18 Tjiri, me mu raere, nga eyuru nehi tji vyaanda, kape nokaṋa nangarire kemwe okaṱiṱiṱiṱi kOmatwako ku make isiwa po, okutja avihe ngunda avi hiya yenenisiwa. 19 Nu tjinangara pe nomundu ngu hi nokuṱakamisa etwako nangarire indi ehinanḓengu tjinene pomakwao, nu a hongo ovakwao okutjita nao, eye ma rire omuṱiṱi tjinene mouhona womayuru. Nungwari wina auhe ngu ma ṱakamisa Omatwako, nu a hongo ovakwao okutjita tjingetjo, eye ma rire omunene mouhona womayuru. 20 Ami me mu raere kutja tji mu he ri ovaṱakame tjinene okuyenenisa ombango ya Ndjambi okukapita ozonongo zomambo nOvafarisei, kamaamu hiti mouhona womayuru.
Jesus ma hongo ohunga nokuṱomazenge
(Lk 12:57-59)21 “Eṋe mwa zuva kutja ovandu rukuru va raererwe nai: ‘Ko nakuzepa ko; auhe ngu ma zepa omukwao ma etwa kotjombanguriro!’ 22 Nungwari nambano ami me mu raere kutja auhe ngwa pindikire omukwao uriri ma etwa kotjombanguriro, nu auhe ngu ma tja omukwao otjiṋa tjakauriri ma etwa komurungu wOtjira tjOvajuda, nu auhe ngu ma tja omukwao eyova notjiporoporo ma verwa nomuriro wotjovasengwa. 23 Tji we yokupunguhira Ndjambi otjiyandjewa tjoye kotjipunguhiro no zemburuka omukweṋu ngu nouzeu na ove, 24 tjesa otjiyandjewa tjoye mbo komurungu wotjipunguhiro, nu u hakahane okukahangana nomukweṋu, tjazumba u kotoke u yekupunguhira Ndjambi otjiyandjewa tjoye.
25 “Omundu tje notjiposa na ove ne ku twara kotjombanguriro, rutenga zuvasaneye otjiposa hi ngunda ape noruveze nu ngunda au hiya ya kotjombanguriro, orondu tji mwa kavaza ngo eye me kekuyandja komupangure, nomupangure e ku yandja kovakarere wouhona, nowo ave ku patere motjovakamburwa. 26 Nu tjiri me ku raere, komoo piti mu yo nga tji wa sutu okamariva okasenina.
Jesus ma hongo ohunga nokukatuka orukupo
27 “Eṋe mwa zuva indu rukuru tji kwa zire: ‘Ko nakukatuka ko orukupo.’ 28 Nungwari nambano ami me mu raere kutja auhe ngu ma tara komukazendu noruhuro eye wa tura ondjo yokukatuka orukupo na ye momutima we. 29 Eho roye rokunene tji mari tjiti kutja u tjite ourunde, homona nu u ri imbirahi! Okokuwa tjinene kove okupandjarisa otjiṋepo tjimwe korutu rwoye posi yokukara norutu rwoye aruhe nu aru yumbwa motjovasengwa. 30 Neke roye rokunene tji mari tjiti kutja u tjite ourunde, konda nu u ri imbirahi! Okokuwa tjinene kove okupandjarisa otjiṋepo tjoye tjimwe korutu posi yokukara norutu rwoye aruhe nu aru yumbwa motjovasengwa.
Jesus ma hongo ohunga nohaṋi yorukupo
(Mt 19:9Mk 10:11-12Lk 16:18)31 “Wina kwa zire nai: ‘Auhe ngwa haṋika nomukazendu we u sokumutjangera orutuu rwohaṋikiro.’ 32 Nungwari nambano ami me mu raere kutja omurumendu tja isa omukazendu we motjiposa tji tji he ri otjoruvakiro, ingwi omurumendu me mu katukisa orukupo indu eye tja kupwa rukwao; nu omurumendu ngu me mu kupu wina ma katuka orukupo.
Jesus ma hongo ohunga nomakwizikiro
33 “Eṋe wina mwa zuva kutja ovandu rukuru va raererwe nai: ‘O tjiti ko omakwizikiro woposyo, nungwari yenenisa imbi mbi wa yana ku Muhona.’ 34 Nungwari nambano ami me mu raere kutja amu yana ko tji mamu tjiti omakwizikiro. Amu yana keyuru, tjinga e ri otjihavero tjouhona wa Ndjambi; 35 nu amu yana kehi, tjinga e ri omasuviro wozombaze ze; nu amu yana kOjerusalem, tjinga e ri otjihuro tjOmbara onene. 36 Nu wina amu yana koviuru vyeṋu, orondu kamaamu tjitukisa ondjise nangarire imwe okurira ombapa poo onḓorozu. 37 Omambo weṋu ngaye rire ‘Ii’ poo ‘Kako,’ nu o ii nga rire o ii, o kako ngai rire o kako; warwe aehe ngu mamu hungire ye za kOmunauvi.
Jesus ma hongo ohunga nongore
(Lk 6:29-30)38 “Eṋe mwa zuva indu rukuru tji kwa zire: ‘Eho keho neyo keyo.’ 39 Nungwari nambano ami me mu raere kutja amu kara nongore nomundu ngwe mu tjiti ouvi. Omundu tje ku tono kotjitama tjokunene, tanaurira ihi tjokumuho ku ye wina. 40 Nomundu tje ku twara kotjombanguriro okukakambura ohema yoye, mu pa ongwava yoye wina. 41 Nu ngu me ku kondjisa okumutoorera omutwaro we oure wokirometa imwe, mu toorera oure wozokirometa mbari 42 Omundu tji me ku ningire otjiṋa, mu pa; nu ngu ma vanga okuyazema kove, mu yazemisa.
Okusuvera ovanavita
(Lk 6:27-28, Lk 32-36)43 “Eṋe mwa zuva indu tji kwa zire: ‘Suvera omukweṋu nu u tonde omunavita na ove.’ 44 Nungwari nambano ami me mu raere kutja suvereye ovanavita na eṋe nu mu kumbire imba mbe mu tatumisa, 45 kokutja mu rire ovanatje va Iho ngu ri meyuru, eye tjinga e pitisa eyuva ri yere kombanda yovavi novawa, nu tjinga e rokisira ovasemba novarunde ombura. 46 Ndjambi wa sokumupera tjike ondjambi ndovazu mwa suvera imba mbe mu suvera porwe. Ovasutise votjimariva tjouhona otjinga ave tjita wina! 47 Nu tji mamu minike omapanga weṋu porwe mwa sora tjike okukapita ovakweṋu? Imba mbe he i Ndjambi owo otjinga ave tjita nao wina! 48 Neṋe rireye ovasore novapwe tjimuna Iho meyuru tjinga e ri omusore nomupwe!
