Omaronga kovatumbe
1 Nu nambano eṋe, vatumbe, purateneye ku ami! Rireye nu mu urire omauzeu ngu maye ya kombanda yeṋu! 2 Outumbe weṋu wa ora, nozombanda zeṋu za riwa i omatoto. 3 Ongoldo nosilveri yeṋu vya ṱomureru, nomureru mbwi mau mu rondora nau seseta onyama yeṋu tjimuna omuriro. Eṋe mwa nyanyangiza omautumbe momayuva omasenina nga. 4 Ovarumendu, mba ungura momahi womakunino weṋu kamu ve sutire ozondjambi zawo. Omauriro wawo maye zuvaka nga keyuru; nondavaerero ya imba mba wonga omakondero weṋu ya vaza komatwi wa Ndjambi, Muhona Omunamasaaehe. 5 Eṋe kombanda yehi mu nongarero yevyaro nenyando enene. Eṋe wina mwa ṋunisa omitima vyeṋu meyuva romazepero. 6 Eṋe mwa pangura nu mwa zepa ovehinandjo; nowo kave nokumupirukira.
Omuretima nongumbiro
7 Kareye nomuretima, vakwetu vandje, nga Muhona tji meya. Tareye omuungure wehi romakunino u undja nomuretima indi ehi re nga tji mari eta ovihape oviwa. Eye u undja nomuretima inga omatemunino wombura nokurooro. 8 Eṋe wina kareye nomuretima. Kareye nomaundjiro omanene, eyuva romeero wa Muhona tjinga ari ri popezu.
9 Vakwetu vandje, amu unauninasana, kokutja Ndjambi e he mu pangura. Tareye, omupangure weya, u ri pomuvero. 10 Vakwetu, zemburukeye ovaprofete mba mbaa ve hungire mena ra Muhona. Ve vareye otja otjihorera tjouretima ounene moruveze rwouzeu. 11 Eṱe tu tja owo ovaṋingandu, tjinga ava kara nonḓaro orure. Eṋe mwa zuva ouretima wa Job, nu mamu tjiwa kutja korusenina Muhona we mu tjita vi; orondu Muhona we ura notjari nondjenda.
12 Vakwetu, kombanda yoviṋa avihe amu yana ko tji mamu tjiti omakwizikiro. Amu yana keyuru poo kehi poo kotjiṋa ngamwa atjihe. Itjeye: “Ii,” tji mamu hee kutja ii, nu itjeye: “Kako,” tji mamu hee kutja kako, okutja kamu nokukara kehi yombanguriro ya Ndjambi.
13 Tji pe nomundu mokati keṋu ngu ri moumba, nga kumbe. Nu tji pe nomundu ngu nenyando, nga imbure omatangero. 14 Tji pe nomundu ngwa vera, eye nga isane ovanene wombongo, nowo mave mu kumbire nave mu twirisa nomaze womiṋinga mena ra Muhona. 15 Nongumbiro ndji tji ya kumbwa mongamburiro, oyo mai verukisa ingwi omuvere. Muhona me mu verukisa, nourunde, mbwa tjita, eye ma isirwa. 16 Punao, auhe weṋu nge rihepure ourunde we komukwao, nu mu kumbirasane, kokutja mu veruke. Ongumbiro yomusemba i nomasa nu i sora oviṋa avihe. 17 Elia wa ri omundu otja eṱe; eye wa kumbire nomasa kutja ombura ai ha roko, noure wozombura ndatu nohinga kamu rokere ombura mehi. 18 Nokuzambo wa kumbire rukwao, nevaverwa arire tji ra roko nehi ari eta ovihape vyaro.
19 Vakwetu ovasuverwa, tji pe nomundu ngwa poka kouatjiri, nomukwao e mu kotora, 20 tjiweye otjiṋa hi: Ngu ma tanaura omurunde kondjira ye yourunde, eye ma yama omuinyo womurunde ngo konḓiro, nu ma vatere kutja Ndjambi ma isire ourunde oungi womurunde ngo.
Omaronga kovatumbe
1 Nu nambano eṋe, vatumbe, purateneye ku ami! Rireye nu mu urire omauzeu ngu maye ya kombanda yeṋu! 2 Outumbe weṋu wa ora, nozombanda zeṋu za riwa i omatoto. 3 Ongoldo nosilveri yeṋu vya ṱomureru, nomureru mbwi mau mu rondora nau seseta onyama yeṋu tjimuna omuriro. Eṋe mwa nyanyangiza omautumbe momayuva omasenina nga. 4 Ovarumendu, mba ungura momahi womakunino weṋu kamu ve sutire ozondjambi zawo. Omauriro wawo maye zuvaka nga keyuru; nondavaerero ya imba mba wonga omakondero weṋu ya vaza komatwi wa Ndjambi, Muhona Omunamasaaehe. 5 Eṋe kombanda yehi mu nongarero yevyaro nenyando enene. Eṋe wina mwa ṋunisa omitima vyeṋu meyuva romazepero. 6 Eṋe mwa pangura nu mwa zepa ovehinandjo; nowo kave nokumupirukira.
Omuretima nongumbiro
7 Kareye nomuretima, vakwetu vandje, nga Muhona tji meya. Tareye omuungure wehi romakunino u undja nomuretima indi ehi re nga tji mari eta ovihape oviwa. Eye u undja nomuretima inga omatemunino wombura nokurooro. 8 Eṋe wina kareye nomuretima. Kareye nomaundjiro omanene, eyuva romeero wa Muhona tjinga ari ri popezu.
9 Vakwetu vandje, amu unauninasana, kokutja Ndjambi e he mu pangura. Tareye, omupangure weya, u ri pomuvero. 10 Vakwetu, zemburukeye ovaprofete mba mbaa ve hungire mena ra Muhona. Ve vareye otja otjihorera tjouretima ounene moruveze rwouzeu. 11 Eṱe tu tja owo ovaṋingandu, tjinga ava kara nonḓaro orure. Eṋe mwa zuva ouretima wa Job, nu mamu tjiwa kutja korusenina Muhona we mu tjita vi; orondu Muhona we ura notjari nondjenda.
12 Vakwetu, kombanda yoviṋa avihe amu yana ko tji mamu tjiti omakwizikiro. Amu yana keyuru poo kehi poo kotjiṋa ngamwa atjihe. Itjeye: “Ii,” tji mamu hee kutja ii, nu itjeye: “Kako,” tji mamu hee kutja kako, okutja kamu nokukara kehi yombanguriro ya Ndjambi.
13 Tji pe nomundu mokati keṋu ngu ri moumba, nga kumbe. Nu tji pe nomundu ngu nenyando, nga imbure omatangero. 14 Tji pe nomundu ngwa vera, eye nga isane ovanene wombongo, nowo mave mu kumbire nave mu twirisa nomaze womiṋinga mena ra Muhona. 15 Nongumbiro ndji tji ya kumbwa mongamburiro, oyo mai verukisa ingwi omuvere. Muhona me mu verukisa, nourunde, mbwa tjita, eye ma isirwa. 16 Punao, auhe weṋu nge rihepure ourunde we komukwao, nu mu kumbirasane, kokutja mu veruke. Ongumbiro yomusemba i nomasa nu i sora oviṋa avihe. 17 Elia wa ri omundu otja eṱe; eye wa kumbire nomasa kutja ombura ai ha roko, noure wozombura ndatu nohinga kamu rokere ombura mehi. 18 Nokuzambo wa kumbire rukwao, nevaverwa arire tji ra roko nehi ari eta ovihape vyaro.
19 Vakwetu ovasuverwa, tji pe nomundu ngwa poka kouatjiri, nomukwao e mu kotora, 20 tjiweye otjiṋa hi: Ngu ma tanaura omurunde kondjira ye yourunde, eye ma yama omuinyo womurunde ngo konḓiro, nu ma vatere kutja Ndjambi ma isire ourunde oungi womurunde ngo.
