Omasanekero womukune
(Mk 4:1-9Lk 8:4-8)1 Meyuva tjingero ndo Jesus wa zire po pondjuwo ndjo, a i komukuro womuronga na kakara pehi okuhonga. 2 Otjimbumba tjovandu tji tja woronganene pu ye tja ri otjingi tjinene nai nga eye tja karonda mokayaha na kakara pehi mu tjo, ihi otjimbumba tjovandu ngunda atja kurama pomukuro womuronga. 3 Eye we ve honga oviṋa ovingi momasanekero na tja:
“Eyuva rimwe omukune wa ire okukakuna ovikokotwa. 4 Neye ngunda ama kunu ozondwi motjikunino, tjiva za wira meṋe yondjira, nozonḓera aze ya naze ze ri. 5 Tjiva za wira mehi romawe pu pe ha ri nehi enyingi; nozo za pita tjimanga, ehi tjinga ari ha hitire oukoto. 6 Nungwari eyuva tji ra pita ra nyosa ozondwi nḓa nḓa pita, nozo tjinga aze ha nangananisire nawa omize vyazo mehi, za hakahana okukukuta. 7 Ozongwao za wira mokati kozohongwe; nozohongwe za hapa naze ṋee inḓa ozondwi. 8 Nungwari ozondwi tjiva za wira mehi ewa, nozo za hapa aze twako ovikokotwa; tjiva za twako esere, tjiva aze twako omirongo hamboumwe, nozongwao aze twako omirongo vitatu.”
9 Nu Jesus wa hungirire komurungu a tja: “Ngu nomatwi okuzuva nga zuve!”
Omaheero womasanekero
(Mk 4:10-12Lk 8:9-10)10 Ovahongewa ve ere ku Jesus nave mu pura ave tja: “Okutjavi tji mo hungire novandu tji u hungira momasanekero?”
11 Jesus wa zirire a tja: “Eṋe mwa pewa okutjiwa oviundikwa vyouhona womayuru, nungwari imba ovandu varwe kave perwe ko. 12 Orondu auhe ngu notjiṋa ma wezirwako komeho na kara novingi okukapita pupaenene, nungwari ingwi ngu hi notjiṋa ma yekwa nangarire ihi otjiṱiṱi tje na tjo. 13 Pu mbi zokuhungira momasanekero tji me hungire ku novandu okongwi okutja owo ve tara, nungwari kave munu, ve puratena, nungwari kave zuu. 14 Omaprofetero wa Jesaja opu maye zu okuyenenisirwa wo ngu maye tja:
‘Otjiwaṋa hi matji puratene atji puratene,
nungwari atji ha zuu;
nu matji tara atji tara,
nungwari atji ha munu.
15 Otjo tja kukutisa omutima watjo;
nu tja woroparisa omatwi watjo,
na tji pata omeho watjo.
Tjarwe ma tji munu nomeho watjo,
na tji zuu nomatwi
nomutima watjo,
nu Ndjambi ma tja otjo nga tji ritanaurire ku ami,
nami me tji verukisa.’
16 “Nungwari omeho weṋu omaṋingandu tjinga amamu munu, nomatwi weṋu tjinga amamu zuu. 17 Tjiri, memu raere kutja ovaprofete ovengi novengi votjiwaṋa tja Ndjambi wina va vangere tjinene okumuna imbi mbi mamu munu, nungwari kave vi mwine ko, nokuzuva imbi mbi mamu zuu, nungwari kave vi zuvire ko.
Jesus ma handjaura omasanekero womukune
(Mk 4:13-20Lk 8:11-15)18 “Purateneye nu mu rihonge omaheero womasanekero womukune. 19 Imba mbe zuva embo rouhona nu ave ha ṱakamisa ro nawa momitima vyawo ve ri otja ozondwi nḓa nḓa wira meṋe yondjira. Ingwi Omunauvi meya na hakana imbi mbya kunwa momitima vyawo. 20 Ozondwi nḓa nḓa wira mehi romawe ozo ovandu mba mbe yakura indi embo nenyando tjimanga tji ve ri zuu. 21 Nungwari embo ndi ka ri hara omize mu wo, notji ve hi nomaramangero mu ro. Nombamisiro nomatatumisiro tji vye ya mena raindi embo, owo ve poka ku ro tjimanga. 22 Ozondwi nḓa nḓa wira mokati kozohongwe ozo ovandu mba mbe zuva indi embo, nungwari omerikendero wouye mbwi notjiwova tjoutumbe vi ṋeya indi embo, noro ari ha twamo ovihape mu wo. 23 Nozondwi nḓa nḓa kunwa mehi ewa ozo ovandu mba mbe zuva indi embo nave zuu nawa, owo ve kara novihape, tjiva a rire esere, tjiva avi rire omirongo hamboumwe, nu tjiva a rire omirongo vitatu.”
Omasanekero wozondombora
24 Jesus we ve serekarerera omasanekero omakwao a tja: “Ouhona womayuru u ri nai. Omundu worive wa kunine ozondwi ozombwa mehi re romakunino. 25 Nouṱuku umwe, avehe ngunda ava rara, kwe ya omunavita na kunu ozondombora mokati kovikokotwa nu a i. 26 Ozondwi tji za hapa novikokotwa tji vya uta okutwa ko, ozondombora wina arire tji za piti mehi. 27 Ovakarere vomundu ngwi ve ya ku ye ave tja: ‘Muhona, ove wa kuna ozondwi ozombwa mehi roye romakunino, nu inḓa ozondombora maze zu pi?’ 28 Eye wa zirire a tja: ‘Ozo za kunwa i omunavita worive.’ Ovakarere ave ziri ave tja: ‘Mo vanga kutja tu kahomone ozondombora nḓo?’ 29 Eye a ziri a tja: ‘Amu kezezukura mehi, orondu tji mamu kawonga inḓa ozondombora rumwe mamu kahomonena imbi ovikokotwa wina. 30 Ovikokotwa nozondombora ngavi isiwe vi hape mumwe nga oruveze rwomakondero tji rwa yenene. Nu ami me raere ovakonde kutja ve zukure inḓa ozondombora rutenga, ve ze kute momikuta nu ve ze nyosa momuriro, tjazumba ve wonge imbi ovikokotwa nu ve kevipwike motjipwikiro tjandje.’ ”
Omasanekero wondwi yomuti omumosteri
(Mk 5:30-32Lk 13:18-19)31 Jesus we ve serekarerera omasanekero omakwao a tja: “Ouhona womayuru u ri nai. Omundu worive ma toora ondwi yomuti omumosteri ne keikuna mehi re romakunino. 32 Oyo ondji ri onḓiṱinḓiṱi pozondwi azehe, nungwari oyo tji ya hapa ondji ri onenenene povihape avihe. Oyo i rira omuti omunene, nozonḓera zeyuru maze ya aze tungu oviruwo mozondavi zawo.”
Omasanekero wosurise
(Lk 13:20-21)33 Jesus we ve serekarera omasanekero omakwao rukwao a tja: “Ouhona womayuru wa sana nai. Owo u ri otja osurise omukazendu ndja hoveke mumwe noruhere orunguvize rwozorita omirongo vine nga oruhere aruhe tji rwa suru.”
Jesus u hungira momasanekero
(Mk 4:33-34)34 Jesus aa hongo ovandu oviṋa avihe mbi momasanekero; eye kaa hungire ku wo nokuhinomasanekero, 35 kokutja imbi omuprofete mbya hungirire vi yenenisiwe, indu tja tjere:
“Ami me hungire ku wo momasanekero;
meve raere oviṋa, mbi ve hi na ve vi tjivirwe okuza kombutiro youye.”
Jesus ma handjaura omasanekero wominanyiva
36 Jesus tja zire nokuisa ovandu wa ka hitire mondjuwo, novahongewa ve ve ere ku ye nave tja: “Tu raera kutja omasanekero wozondombora mehi romakunino maye hee tjike?”
37 Jesus wa zira a tja: “Omundu ngwi ngwa kuna ozondwi ozombwa eye Omuna wOmundu. 38 Ehi romakunino oro ouye; ozondwi ozombwa ovandu mba vouhona; ozondombora ozo ovandu mba vOmunauvi. 39 Nomunavita ngwa kuna ozondombora eye oSatan. Omakondero owo omaandero wouye, nu imba ovakonde owo ovaengeri. 40 Otja ozondombora punga aze wongwa naze nyosiwa momuriro, otjinga amape tjitwa tjingetjo komaandero wouye, 41 okutja Omuna wOmundu ma hindi ovaengeri ve okukawonga mouhona we imba avehe mba tjitisa kutja ovandu ve ture ondjo, na imba avehe ovatjite wouvi, 42 nowo mave ve yumbu mezuko romuriro mu mave karirira nokukakweya omayo. 43 Oruveze ndo otjiwaṋa tja Ndjambi matji yere otja eyuva mouhona wa Ihe yawo. Ngu nomatwi okuzuva nga zuve!
Omasanekero wotjihuze tji tja horekwa
44 “Ouhona womayuru u ri nai. Owo wa sana notjihuze tji tja horekwa mehi romakunino. Nomundu tje tji munu me tji horeke rukwao; nu tjinga e nenyando tjinene, a karandisa avihe mbye na vyo, okuzambo a kotoka e yokuranda ehi romakunino ndi.
Omasanekero womawe omahuze
45 “Norukwao ouhona womayuru wa sana nomundu ngu ma paha omawe omawa omahuze. 46 Nu tja munu rimwe ewa emanisa, eye ma karandisa avihe mbye na vyo nu e yokuranda ewe ewa emanisa ndi.
Omasanekero wombate
47 “Ouhona womayuru wina wa sana nombate yozohi. Novapate wozohi mave yumbu ombate yawo momuronga nave kambura ozohi omihoko pekepeke. 48 Ombate tji ye ura, owo mave i nanene komukuro nave kara pehi okutuka ozohi, nu inḓa ozombwa maze tuwa movitjuma, nu inḓa ozombi aze imbirahiwa. 49 Komaandero wouye mape kara nai: Ovaengeri mave haṋa ovanauvi movasemba, 50 nave ve yumbu mezuko romuriro mu mave karirira nokukakweya omayo.”
Ovihuze ovipe novikuru
51 Jesus we ve purire a tja: “Eṋe oviṋa avihe mbi mwe vi zuu nawa?”
Owo ave ziri ave tja: “Ii, twe vi zuu nawa.”
52 Jesus opa zirira a tja: “Ihi matji hee kutja onongo yomambo aihe ndji ma i rire omuhongewa mouhona womayuru wa sana nomuini wondjuwo ngu ma isa mo oviṋa ovipe novikuru mondjuwo ye yomapwikiro.”
Jesus ma nyengewa mOnasaret
(Mk 6:1-16Lk 4:16-30)53 Jesus tja manene okuserekarera omasanekero nga, arire tja zu po poṋa mbo 54 na yaruka kotjirongo ke kurira. Eye wa hongere mosinagoge, nu imba mbe mu zuva va himwa nave pura ave tja: “Ounongo mbwi nomasa wokutjita ovihimise wa isa pi? 55 Eye kamuna womuhonge womiti are? Nu Maria kangu ri ina are? Nu Jakobus na Josef na Simon na Juda kambe ri ovangu ve are? 56 Nu imba mba tura mokati ketu kavaṱena kwe are? Noviṋa mbi avihe eye wa isa pi?” 57 Nowo kave mu yakurire ko.
Nu Jesus wa tjere ku wo: “Omuprofete u yozikwa poṋa apehe posi yo moyawo na mokati kovazamumwe ve.” 58 Owo tjinga ave ha ri nongamburiro, Jesus otjinga e ha tjitire ovihimise ovingi mo.
Omasanekero womukune
(Mk 4:1-9Lk 8:4-8)1 Meyuva tjingero ndo Jesus wa zire po pondjuwo ndjo, a i komukuro womuronga na kakara pehi okuhonga. 2 Otjimbumba tjovandu tji tja woronganene pu ye tja ri otjingi tjinene nai nga eye tja karonda mokayaha na kakara pehi mu tjo, ihi otjimbumba tjovandu ngunda atja kurama pomukuro womuronga. 3 Eye we ve honga oviṋa ovingi momasanekero na tja:
“Eyuva rimwe omukune wa ire okukakuna ovikokotwa. 4 Neye ngunda ama kunu ozondwi motjikunino, tjiva za wira meṋe yondjira, nozonḓera aze ya naze ze ri. 5 Tjiva za wira mehi romawe pu pe ha ri nehi enyingi; nozo za pita tjimanga, ehi tjinga ari ha hitire oukoto. 6 Nungwari eyuva tji ra pita ra nyosa ozondwi nḓa nḓa pita, nozo tjinga aze ha nangananisire nawa omize vyazo mehi, za hakahana okukukuta. 7 Ozongwao za wira mokati kozohongwe; nozohongwe za hapa naze ṋee inḓa ozondwi. 8 Nungwari ozondwi tjiva za wira mehi ewa, nozo za hapa aze twako ovikokotwa; tjiva za twako esere, tjiva aze twako omirongo hamboumwe, nozongwao aze twako omirongo vitatu.”
9 Nu Jesus wa hungirire komurungu a tja: “Ngu nomatwi okuzuva nga zuve!”
Omaheero womasanekero
(Mk 4:10-12Lk 8:9-10)10 Ovahongewa ve ere ku Jesus nave mu pura ave tja: “Okutjavi tji mo hungire novandu tji u hungira momasanekero?”
11 Jesus wa zirire a tja: “Eṋe mwa pewa okutjiwa oviundikwa vyouhona womayuru, nungwari imba ovandu varwe kave perwe ko. 12 Orondu auhe ngu notjiṋa ma wezirwako komeho na kara novingi okukapita pupaenene, nungwari ingwi ngu hi notjiṋa ma yekwa nangarire ihi otjiṱiṱi tje na tjo. 13 Pu mbi zokuhungira momasanekero tji me hungire ku novandu okongwi okutja owo ve tara, nungwari kave munu, ve puratena, nungwari kave zuu. 14 Omaprofetero wa Jesaja opu maye zu okuyenenisirwa wo ngu maye tja:
‘Otjiwaṋa hi matji puratene atji puratene,
nungwari atji ha zuu;
nu matji tara atji tara,
nungwari atji ha munu.
15 Otjo tja kukutisa omutima watjo;
nu tja woroparisa omatwi watjo,
na tji pata omeho watjo.
Tjarwe ma tji munu nomeho watjo,
na tji zuu nomatwi
nomutima watjo,
nu Ndjambi ma tja otjo nga tji ritanaurire ku ami,
nami me tji verukisa.’
16 “Nungwari omeho weṋu omaṋingandu tjinga amamu munu, nomatwi weṋu tjinga amamu zuu. 17 Tjiri, memu raere kutja ovaprofete ovengi novengi votjiwaṋa tja Ndjambi wina va vangere tjinene okumuna imbi mbi mamu munu, nungwari kave vi mwine ko, nokuzuva imbi mbi mamu zuu, nungwari kave vi zuvire ko.
Jesus ma handjaura omasanekero womukune
(Mk 4:13-20Lk 8:11-15)18 “Purateneye nu mu rihonge omaheero womasanekero womukune. 19 Imba mbe zuva embo rouhona nu ave ha ṱakamisa ro nawa momitima vyawo ve ri otja ozondwi nḓa nḓa wira meṋe yondjira. Ingwi Omunauvi meya na hakana imbi mbya kunwa momitima vyawo. 20 Ozondwi nḓa nḓa wira mehi romawe ozo ovandu mba mbe yakura indi embo nenyando tjimanga tji ve ri zuu. 21 Nungwari embo ndi ka ri hara omize mu wo, notji ve hi nomaramangero mu ro. Nombamisiro nomatatumisiro tji vye ya mena raindi embo, owo ve poka ku ro tjimanga. 22 Ozondwi nḓa nḓa wira mokati kozohongwe ozo ovandu mba mbe zuva indi embo, nungwari omerikendero wouye mbwi notjiwova tjoutumbe vi ṋeya indi embo, noro ari ha twamo ovihape mu wo. 23 Nozondwi nḓa nḓa kunwa mehi ewa ozo ovandu mba mbe zuva indi embo nave zuu nawa, owo ve kara novihape, tjiva a rire esere, tjiva avi rire omirongo hamboumwe, nu tjiva a rire omirongo vitatu.”
Omasanekero wozondombora
24 Jesus we ve serekarerera omasanekero omakwao a tja: “Ouhona womayuru u ri nai. Omundu worive wa kunine ozondwi ozombwa mehi re romakunino. 25 Nouṱuku umwe, avehe ngunda ava rara, kwe ya omunavita na kunu ozondombora mokati kovikokotwa nu a i. 26 Ozondwi tji za hapa novikokotwa tji vya uta okutwa ko, ozondombora wina arire tji za piti mehi. 27 Ovakarere vomundu ngwi ve ya ku ye ave tja: ‘Muhona, ove wa kuna ozondwi ozombwa mehi roye romakunino, nu inḓa ozondombora maze zu pi?’ 28 Eye wa zirire a tja: ‘Ozo za kunwa i omunavita worive.’ Ovakarere ave ziri ave tja: ‘Mo vanga kutja tu kahomone ozondombora nḓo?’ 29 Eye a ziri a tja: ‘Amu kezezukura mehi, orondu tji mamu kawonga inḓa ozondombora rumwe mamu kahomonena imbi ovikokotwa wina. 30 Ovikokotwa nozondombora ngavi isiwe vi hape mumwe nga oruveze rwomakondero tji rwa yenene. Nu ami me raere ovakonde kutja ve zukure inḓa ozondombora rutenga, ve ze kute momikuta nu ve ze nyosa momuriro, tjazumba ve wonge imbi ovikokotwa nu ve kevipwike motjipwikiro tjandje.’ ”
Omasanekero wondwi yomuti omumosteri
(Mk 5:30-32Lk 13:18-19)31 Jesus we ve serekarerera omasanekero omakwao a tja: “Ouhona womayuru u ri nai. Omundu worive ma toora ondwi yomuti omumosteri ne keikuna mehi re romakunino. 32 Oyo ondji ri onḓiṱinḓiṱi pozondwi azehe, nungwari oyo tji ya hapa ondji ri onenenene povihape avihe. Oyo i rira omuti omunene, nozonḓera zeyuru maze ya aze tungu oviruwo mozondavi zawo.”
Omasanekero wosurise
(Lk 13:20-21)33 Jesus we ve serekarera omasanekero omakwao rukwao a tja: “Ouhona womayuru wa sana nai. Owo u ri otja osurise omukazendu ndja hoveke mumwe noruhere orunguvize rwozorita omirongo vine nga oruhere aruhe tji rwa suru.”
Jesus u hungira momasanekero
(Mk 4:33-34)34 Jesus aa hongo ovandu oviṋa avihe mbi momasanekero; eye kaa hungire ku wo nokuhinomasanekero, 35 kokutja imbi omuprofete mbya hungirire vi yenenisiwe, indu tja tjere:
“Ami me hungire ku wo momasanekero;
meve raere oviṋa, mbi ve hi na ve vi tjivirwe okuza kombutiro youye.”
Jesus ma handjaura omasanekero wominanyiva
36 Jesus tja zire nokuisa ovandu wa ka hitire mondjuwo, novahongewa ve ve ere ku ye nave tja: “Tu raera kutja omasanekero wozondombora mehi romakunino maye hee tjike?”
37 Jesus wa zira a tja: “Omundu ngwi ngwa kuna ozondwi ozombwa eye Omuna wOmundu. 38 Ehi romakunino oro ouye; ozondwi ozombwa ovandu mba vouhona; ozondombora ozo ovandu mba vOmunauvi. 39 Nomunavita ngwa kuna ozondombora eye oSatan. Omakondero owo omaandero wouye, nu imba ovakonde owo ovaengeri. 40 Otja ozondombora punga aze wongwa naze nyosiwa momuriro, otjinga amape tjitwa tjingetjo komaandero wouye, 41 okutja Omuna wOmundu ma hindi ovaengeri ve okukawonga mouhona we imba avehe mba tjitisa kutja ovandu ve ture ondjo, na imba avehe ovatjite wouvi, 42 nowo mave ve yumbu mezuko romuriro mu mave karirira nokukakweya omayo. 43 Oruveze ndo otjiwaṋa tja Ndjambi matji yere otja eyuva mouhona wa Ihe yawo. Ngu nomatwi okuzuva nga zuve!
Omasanekero wotjihuze tji tja horekwa
44 “Ouhona womayuru u ri nai. Owo wa sana notjihuze tji tja horekwa mehi romakunino. Nomundu tje tji munu me tji horeke rukwao; nu tjinga e nenyando tjinene, a karandisa avihe mbye na vyo, okuzambo a kotoka e yokuranda ehi romakunino ndi.
Omasanekero womawe omahuze
45 “Norukwao ouhona womayuru wa sana nomundu ngu ma paha omawe omawa omahuze. 46 Nu tja munu rimwe ewa emanisa, eye ma karandisa avihe mbye na vyo nu e yokuranda ewe ewa emanisa ndi.
Omasanekero wombate
47 “Ouhona womayuru wina wa sana nombate yozohi. Novapate wozohi mave yumbu ombate yawo momuronga nave kambura ozohi omihoko pekepeke. 48 Ombate tji ye ura, owo mave i nanene komukuro nave kara pehi okutuka ozohi, nu inḓa ozombwa maze tuwa movitjuma, nu inḓa ozombi aze imbirahiwa. 49 Komaandero wouye mape kara nai: Ovaengeri mave haṋa ovanauvi movasemba, 50 nave ve yumbu mezuko romuriro mu mave karirira nokukakweya omayo.”
Ovihuze ovipe novikuru
51 Jesus we ve purire a tja: “Eṋe oviṋa avihe mbi mwe vi zuu nawa?”
Owo ave ziri ave tja: “Ii, twe vi zuu nawa.”
52 Jesus opa zirira a tja: “Ihi matji hee kutja onongo yomambo aihe ndji ma i rire omuhongewa mouhona womayuru wa sana nomuini wondjuwo ngu ma isa mo oviṋa ovipe novikuru mondjuwo ye yomapwikiro.”
Jesus ma nyengewa mOnasaret
(Mk 6:1-16Lk 4:16-30)53 Jesus tja manene okuserekarera omasanekero nga, arire tja zu po poṋa mbo 54 na yaruka kotjirongo ke kurira. Eye wa hongere mosinagoge, nu imba mbe mu zuva va himwa nave pura ave tja: “Ounongo mbwi nomasa wokutjita ovihimise wa isa pi? 55 Eye kamuna womuhonge womiti are? Nu Maria kangu ri ina are? Nu Jakobus na Josef na Simon na Juda kambe ri ovangu ve are? 56 Nu imba mba tura mokati ketu kavaṱena kwe are? Noviṋa mbi avihe eye wa isa pi?” 57 Nowo kave mu yakurire ko.
Nu Jesus wa tjere ku wo: “Omuprofete u yozikwa poṋa apehe posi yo moyawo na mokati kovazamumwe ve.” 58 Owo tjinga ave ha ri nongamburiro, Jesus otjinga e ha tjitire ovihimise ovingi mo.
