Muhona ma isana Jesaja a rire omuprofete
1 Mombura ombara Usija ma koka ami mba muna Muhona a haama kotjihavero tje tjouhona otjitongame, nombanda ye aye urisa ondjuwo ya Muhona aihe. 2 Ovaengeri ovaserafi aave tengerere kombanda ye, nu auhe wa ri novivava hamboumwe. Omuengeri auhe aa kutjire omurungu we omuini novivava vivari, novikwao vivari aa kutjire na vyo orutu rwe, novivava imbi vivari ovisenina aa tengerere na vyo. 3 Ovaengeri mba aave ravaerasana ave tja:
“Muyapuke, muyapuke, muyapuke!
Muhona Omunamasaaehe, eye omuyapuke!
Ehi arihe re ura nounene womasa we!”
4 Ombosiro yomaraka wawo ya nyinganyingisa omazikameno wondjuwo ya Muhona, nu indji ondjuwo oini ye urisiwa nomuise.
5 Ami otji mba tja nai: “Owee ku ami, ami mba zunḓaka. Orondu embo arihe, ndi me hungire, oro enauvi, nu mba tura motjiwaṋa tji tji hungira omambo omanauvi. Nu nambano ami mba munu Ombara, Muhona Omunamasaaehe, nomeho wandje omuini!”
6 Tjazumba omuengeri omuserafi umwe arire tja rauka eya ku ami, e nekara romuriro nda toora notjikambure tjomakara kotjipunguhiro. 7 Eye wa ṱuna komiṋa vyandje nekara romuriro ndi, a tja: “Tara, indi ra ṱunu komiṋa vyoye, nambano ondjo yoye ya zu po, nove wa isirwa ourunde woye.”
8 Mba zuva eraka ra Muhona, ndi mari tja: “Hi hinde aṋi? Owaṋi ngu ma rire omutumwa wetu?”
Ami mba zira e tja: “Owami ngwi, ndji hinda!”
9 Eye otje ndji raera kutja mbi yende, nu mbi kayandje ombuze ndji kotjiwaṋa: “Nangarire kutja mamu puratene tjinene nai, kamaamu zuu ko; nu nangarire kutja mamu tara tjinene nai, kamaamu tjiwa imbi mbi mavi tjitwa.” 10 Tjazumba arire tja tja ku ami: “Kukutisa omutima wotjiwaṋa hi u woroparise omatwi watjo, nu u poṱuparise omeho watjo, kokutja atji ha munu natji ha zuu natji ha konḓonona, nokutja atji he ritanaura omutima natji ha veruka.”
11 Ami otji mba pura e tja: “Mape kara nai nga ruṋe, Muhona?”
Eye wa zira a tja: “Mape kara nao nga ovihuro tji vya nyonwa nu tji vya rire omatundu, nu nga ozondjuwo tji za kara tjo, nu nga ehi romakunino tji ra rire ongaango. 12 Ami me rambere ovandu kokure nu e tjiti kutja ehi ri rire ongaango! 13 Nandi pa hupu omundu umwe movandu omurongo mehi, eye wina ma yandekwa; eye ma sana kotjiunda tjomumbonde mbwa kewa okuwisirwa pehi.”
Ihi otjiunda otjo otjiraisiro tjombutiro ombe kotjiwaṋa tja Ndjambi.
Muhona ma isana Jesaja a rire omuprofete
1 Mombura ombara Usija ma koka ami mba muna Muhona a haama kotjihavero tje tjouhona otjitongame, nombanda ye aye urisa ondjuwo ya Muhona aihe. 2 Ovaengeri ovaserafi aave tengerere kombanda ye, nu auhe wa ri novivava hamboumwe. Omuengeri auhe aa kutjire omurungu we omuini novivava vivari, novikwao vivari aa kutjire na vyo orutu rwe, novivava imbi vivari ovisenina aa tengerere na vyo. 3 Ovaengeri mba aave ravaerasana ave tja:
“Muyapuke, muyapuke, muyapuke!
Muhona Omunamasaaehe, eye omuyapuke!
Ehi arihe re ura nounene womasa we!”
4 Ombosiro yomaraka wawo ya nyinganyingisa omazikameno wondjuwo ya Muhona, nu indji ondjuwo oini ye urisiwa nomuise.
5 Ami otji mba tja nai: “Owee ku ami, ami mba zunḓaka. Orondu embo arihe, ndi me hungire, oro enauvi, nu mba tura motjiwaṋa tji tji hungira omambo omanauvi. Nu nambano ami mba munu Ombara, Muhona Omunamasaaehe, nomeho wandje omuini!”
6 Tjazumba omuengeri omuserafi umwe arire tja rauka eya ku ami, e nekara romuriro nda toora notjikambure tjomakara kotjipunguhiro. 7 Eye wa ṱuna komiṋa vyandje nekara romuriro ndi, a tja: “Tara, indi ra ṱunu komiṋa vyoye, nambano ondjo yoye ya zu po, nove wa isirwa ourunde woye.”
8 Mba zuva eraka ra Muhona, ndi mari tja: “Hi hinde aṋi? Owaṋi ngu ma rire omutumwa wetu?”
Ami mba zira e tja: “Owami ngwi, ndji hinda!”
9 Eye otje ndji raera kutja mbi yende, nu mbi kayandje ombuze ndji kotjiwaṋa: “Nangarire kutja mamu puratene tjinene nai, kamaamu zuu ko; nu nangarire kutja mamu tara tjinene nai, kamaamu tjiwa imbi mbi mavi tjitwa.” 10 Tjazumba arire tja tja ku ami: “Kukutisa omutima wotjiwaṋa hi u woroparise omatwi watjo, nu u poṱuparise omeho watjo, kokutja atji ha munu natji ha zuu natji ha konḓonona, nokutja atji he ritanaura omutima natji ha veruka.”
11 Ami otji mba pura e tja: “Mape kara nai nga ruṋe, Muhona?”
Eye wa zira a tja: “Mape kara nao nga ovihuro tji vya nyonwa nu tji vya rire omatundu, nu nga ozondjuwo tji za kara tjo, nu nga ehi romakunino tji ra rire ongaango. 12 Ami me rambere ovandu kokure nu e tjiti kutja ehi ri rire ongaango! 13 Nandi pa hupu omundu umwe movandu omurongo mehi, eye wina ma yandekwa; eye ma sana kotjiunda tjomumbonde mbwa kewa okuwisirwa pehi.”
Ihi otjiunda otjo otjiraisiro tjombutiro ombe kotjiwaṋa tja Ndjambi.
