Kareye nonḓuviro kouhonapare
1 Omundu auhe nge riwise kehi youhonapare. Orondu kape nouvara mbu ha zu mu Ndjambi; nu inga omauvara nge ri po ya tuwa po i Ndjambi. 2 Nu ingwi ngu ma pirukire ouvara mbu ri po, ma pirukire omaraerero wa Ndjambi; nu ngu ma tjiti nao me riyetere omuini ombanguriro. 3 Orondu ovahonapare kave tiriwa i imba mbe tjita ouwa, nungwari ve tiriwa i imba mbe tjita ouvi. Nove tji u hi nokuvanga okutira imba mbe ri mouhonapare, tjita imbi mbi ri ouwa, nowo mave ku tanga, 4 owo tjinga ave ri ovakarere va Ndjambi mbe ungurira ouwa woye. Nungwari tji mo tjiti ouvi, ove mo sokuvetira, owo, tjiri, tjinga ave nousemba wokuvera. Owo ovakarere va Ndjambi, mbe yenenisa omberero ya Ndjambi ku imba mbe tjita ouvi. 5 Komuhingo mbwi opu wa sokuriwisa kehi youhonapare, nu a rire mena rokutja ove mo tira omberero ya Ndjambi porwayo, nungwari wina nga rire mena romeritjiviro woye womomutima.
6 Eṋe wina opu mu sokusuta otjisuta tjouhona, ovahonapare tjinga averi ovakarere va Ndjambi mbe ri yandjerera otjiungura tjawo. 7 Suteye ondjo ndji mu na yo ku wo; kutja ondjo yotjimariva tjotjisuta tjouhona poo otjisuta tjondjambi yeṋu notjouini weṋu, nu yandjeye ondengero nondjozikiro ku imba mbe ri mouhonapare.
Suverasaneye
8 Amu kara nondjo yomundu posiya ingwi okusuverasaneno. Ngu ma suvere omukwao eye ma yenenisa Omatwako aehe wa Ndjambi. 9 Nomatwako nga: “Ko nakukatuka ko orukupo; ko nakuzepa ko; ko nakuvaka ko; ko nakunanukira ko otjiṋa tjomukweṋu” omatwako aehe nga nomakwao ya wanena metwako rimwe ndi: “Suvera omukweṋu otja tji we risuvera omuini.” 10 Tji wa suvere omukweṋu, komoo mu tjiti ouvi, norusuvero orwo omayenenisiro wOmatwako aehe.
11 Neṋe mamu sokutjita nao, tjinga amamu tjiwa kutja oruveze ku eṋe rwokupenduka mozomboṱu rweya; orondu eyuva rondjamo yetu nambano ri ri popezu komeho yaindu tji twa uta okukambura. 12 Ouṱuku u ri pokukapita, neyuva mari hara okupita. Ngatu twe pehi oviungura vyonḓorera, nu tu ripangaṋe novirwise vyondjerera. 13 Ngatu hupe otja ovandu wondjerera otja tji pe sokukara. Amu ha kara mevyaro romikandi nokuripurukisa nomeva wamururu, nu ape ha kara otuvakiro nouhakohoke noviposa neruru. 14 Kareye nongarero ombwa otja ovakongorere va Muhona Jesus Kristus, nu amu nanukire okukovisa ozonḓuma zeṋu zouvi.
Kareye nonḓuviro kouhonapare
1 Omundu auhe nge riwise kehi youhonapare. Orondu kape nouvara mbu ha zu mu Ndjambi; nu inga omauvara nge ri po ya tuwa po i Ndjambi. 2 Nu ingwi ngu ma pirukire ouvara mbu ri po, ma pirukire omaraerero wa Ndjambi; nu ngu ma tjiti nao me riyetere omuini ombanguriro. 3 Orondu ovahonapare kave tiriwa i imba mbe tjita ouwa, nungwari ve tiriwa i imba mbe tjita ouvi. Nove tji u hi nokuvanga okutira imba mbe ri mouhonapare, tjita imbi mbi ri ouwa, nowo mave ku tanga, 4 owo tjinga ave ri ovakarere va Ndjambi mbe ungurira ouwa woye. Nungwari tji mo tjiti ouvi, ove mo sokuvetira, owo, tjiri, tjinga ave nousemba wokuvera. Owo ovakarere va Ndjambi, mbe yenenisa omberero ya Ndjambi ku imba mbe tjita ouvi. 5 Komuhingo mbwi opu wa sokuriwisa kehi youhonapare, nu a rire mena rokutja ove mo tira omberero ya Ndjambi porwayo, nungwari wina nga rire mena romeritjiviro woye womomutima.
6 Eṋe wina opu mu sokusuta otjisuta tjouhona, ovahonapare tjinga averi ovakarere va Ndjambi mbe ri yandjerera otjiungura tjawo. 7 Suteye ondjo ndji mu na yo ku wo; kutja ondjo yotjimariva tjotjisuta tjouhona poo otjisuta tjondjambi yeṋu notjouini weṋu, nu yandjeye ondengero nondjozikiro ku imba mbe ri mouhonapare.
Suverasaneye
8 Amu kara nondjo yomundu posiya ingwi okusuverasaneno. Ngu ma suvere omukwao eye ma yenenisa Omatwako aehe wa Ndjambi. 9 Nomatwako nga: “Ko nakukatuka ko orukupo; ko nakuzepa ko; ko nakuvaka ko; ko nakunanukira ko otjiṋa tjomukweṋu” omatwako aehe nga nomakwao ya wanena metwako rimwe ndi: “Suvera omukweṋu otja tji we risuvera omuini.” 10 Tji wa suvere omukweṋu, komoo mu tjiti ouvi, norusuvero orwo omayenenisiro wOmatwako aehe.
11 Neṋe mamu sokutjita nao, tjinga amamu tjiwa kutja oruveze ku eṋe rwokupenduka mozomboṱu rweya; orondu eyuva rondjamo yetu nambano ri ri popezu komeho yaindu tji twa uta okukambura. 12 Ouṱuku u ri pokukapita, neyuva mari hara okupita. Ngatu twe pehi oviungura vyonḓorera, nu tu ripangaṋe novirwise vyondjerera. 13 Ngatu hupe otja ovandu wondjerera otja tji pe sokukara. Amu ha kara mevyaro romikandi nokuripurukisa nomeva wamururu, nu ape ha kara otuvakiro nouhakohoke noviposa neruru. 14 Kareye nongarero ombwa otja ovakongorere va Muhona Jesus Kristus, nu amu nanukire okukovisa ozonḓuma zeṋu zouvi.
