Ombuze ndja hungirirwa Tirus na kOsidon
1 Indji ondji ri ombuze ndja hungirirwa otjihuro Tirus.
Ureye noruhoze, eṋe mbu mu kayenda mokuvare! Tirus, ihi otjihuro tjeṋu tji tji ri pomukuro wokuvare, tja nyonwa; kamu tji nozondjuwo, nu otjihuro tjomaundiro weṋu tja rira etundu. Eṋe mwa tjivisiwa ombuze ndji, indu ozondjuwozomomeva zeṋu tji za kotoka okuza kOsiprus. 2 Yumaneye, eṋe vature vokomukuro wokuvare, eṋe va randise va kOsidon! Eṋe mwa hinda ovandu 3 munda mbwina yokuvare okukarandasana noviwaṋa avihe imbi ovikokotwa mbyaa vi hapa mOengipte.
4 Tjihuro kOsidon, ṱohoṋi! Okuvare nourekoto wakwo vye ku nyengwa navi tja: “Ami hi na pu mba karere novanatje ovazandu poo ovakazona.”
5 Nangarire Ovaengipte mave kumwa nave temwa, tji va zuu kutja Tirus tja nyonwa.
6 Ureye noruhoze, eṋe vature va Fenisie. Kondjeye okuhenena kOtarsis kehi ra Spanie! 7 Ihi otjo otjihuro tjeṋu tjondjoroka Tirus, tji tja utirwe rukuru nai are? Ihi otji tji ri otjihuro tji tja tuma ovature vatjo munda mbwina yokuvare okukatura ngo are? 8 Owaṋi ngwe ripura okueta oviṋa mbi kombanda ya Tirus, ihi otjihuro otjitumbe nu tjovarandise ovahivirikwa mbaa ve yozikwa mouye? 9 Muhona Omunamasaaehe ongwe ripura nao. Eye we ripura nao kokutja a yandise omeritongamisiro wawo mu imbi mbi va tjitire, nokutja ma susuparise ovandu vawo ovayozikwa.
10 Twendeye mu kaungure ehi romakunino, eṋe ovandu mbu mwa tura mehi ra Tarsis. Ihi otjihuro tjomaundiro weṋu pomukuro wokuvare katji tji po rukwao. 11 Muhona wa roporora okuoko kwe kombanda yokuvare kokutja a nakaure omauhona. Eye wa rakiza kutja oviṱunga vya Fenisie vi haṋewe. 12 Tjihuro kOsidon, ondjoroka yoye ya yanda, novature voye mave ṋiṋikiziwa. Nangarire kutja owo mave taurire kOsiprus, kamaave kara norusuvo.
13 Ovababilon omba tjita kutja ovipuka vyokuti vi taurire mOtirus, nungwari ka ri Ovaasirie. Ovababilon omba zika otuhungu twomatjeverero, ave haṋa oviṱunga vya Tirus mbya zeuparisiwa notjihuro ave tji sye etundu.
14 Ureye noruhoze, eṋe mbu mu kayenda mokuvare! Otjihuro tjomaundiro weṋu tja teyewa.
15 Omayuva maye ya otjihuro Tirus mu matji zembwa oure wozombura omirongo hambombari, inga omayuva woure womuinyo wombara. Ozombura nḓa tji za kapita, Tirus matji sana otja pu pa hewa meimburiro romukorondu, ndi mari tja nai:
16 Toora otjiharpe tjoye u kondoroke otjirongo, mukorondu ove ngu wa zembwa! Nyanda nu u imbure omaimburiro woye rukwao, ovandu ve ku zemburuke.
17 Ozombura nḓa omirongo hambombari tji za kapita, Muhona ma yarura Tirus momarandasaneno watjo warukuru, notjo matji riyandja otjini komauhona aehe mouye otja omukorondu tje tjita. 18 Ovimariva, mbi matji munu moviungura mbi, mavi yapurirwa Muhona. Otjo katji nokuvipwika ko, nungwari imba mbe rikotamena ku Muhona mave randa ovikurya nozombanda nḓu mave hepa novimariva mbi.
Ombuze ndja hungirirwa Tirus na kOsidon
1 Indji ondji ri ombuze ndja hungirirwa otjihuro Tirus.
Ureye noruhoze, eṋe mbu mu kayenda mokuvare! Tirus, ihi otjihuro tjeṋu tji tji ri pomukuro wokuvare, tja nyonwa; kamu tji nozondjuwo, nu otjihuro tjomaundiro weṋu tja rira etundu. Eṋe mwa tjivisiwa ombuze ndji, indu ozondjuwozomomeva zeṋu tji za kotoka okuza kOsiprus. 2 Yumaneye, eṋe vature vokomukuro wokuvare, eṋe va randise va kOsidon! Eṋe mwa hinda ovandu 3 munda mbwina yokuvare okukarandasana noviwaṋa avihe imbi ovikokotwa mbyaa vi hapa mOengipte.
4 Tjihuro kOsidon, ṱohoṋi! Okuvare nourekoto wakwo vye ku nyengwa navi tja: “Ami hi na pu mba karere novanatje ovazandu poo ovakazona.”
5 Nangarire Ovaengipte mave kumwa nave temwa, tji va zuu kutja Tirus tja nyonwa.
6 Ureye noruhoze, eṋe vature va Fenisie. Kondjeye okuhenena kOtarsis kehi ra Spanie! 7 Ihi otjo otjihuro tjeṋu tjondjoroka Tirus, tji tja utirwe rukuru nai are? Ihi otji tji ri otjihuro tji tja tuma ovature vatjo munda mbwina yokuvare okukatura ngo are? 8 Owaṋi ngwe ripura okueta oviṋa mbi kombanda ya Tirus, ihi otjihuro otjitumbe nu tjovarandise ovahivirikwa mbaa ve yozikwa mouye? 9 Muhona Omunamasaaehe ongwe ripura nao. Eye we ripura nao kokutja a yandise omeritongamisiro wawo mu imbi mbi va tjitire, nokutja ma susuparise ovandu vawo ovayozikwa.
10 Twendeye mu kaungure ehi romakunino, eṋe ovandu mbu mwa tura mehi ra Tarsis. Ihi otjihuro tjomaundiro weṋu pomukuro wokuvare katji tji po rukwao. 11 Muhona wa roporora okuoko kwe kombanda yokuvare kokutja a nakaure omauhona. Eye wa rakiza kutja oviṱunga vya Fenisie vi haṋewe. 12 Tjihuro kOsidon, ondjoroka yoye ya yanda, novature voye mave ṋiṋikiziwa. Nangarire kutja owo mave taurire kOsiprus, kamaave kara norusuvo.
13 Ovababilon omba tjita kutja ovipuka vyokuti vi taurire mOtirus, nungwari ka ri Ovaasirie. Ovababilon omba zika otuhungu twomatjeverero, ave haṋa oviṱunga vya Tirus mbya zeuparisiwa notjihuro ave tji sye etundu.
14 Ureye noruhoze, eṋe mbu mu kayenda mokuvare! Otjihuro tjomaundiro weṋu tja teyewa.
15 Omayuva maye ya otjihuro Tirus mu matji zembwa oure wozombura omirongo hambombari, inga omayuva woure womuinyo wombara. Ozombura nḓa tji za kapita, Tirus matji sana otja pu pa hewa meimburiro romukorondu, ndi mari tja nai:
16 Toora otjiharpe tjoye u kondoroke otjirongo, mukorondu ove ngu wa zembwa! Nyanda nu u imbure omaimburiro woye rukwao, ovandu ve ku zemburuke.
17 Ozombura nḓa omirongo hambombari tji za kapita, Muhona ma yarura Tirus momarandasaneno watjo warukuru, notjo matji riyandja otjini komauhona aehe mouye otja omukorondu tje tjita. 18 Ovimariva, mbi matji munu moviungura mbi, mavi yapurirwa Muhona. Otjo katji nokuvipwika ko, nungwari imba mbe rikotamena ku Muhona mave randa ovikurya nozombanda nḓu mave hepa novimariva mbi.
