1 Eyuva Muhona ndi ma haama mombanguriro ri ri popezu. Jerusalem otji matji pundwa, novipunda avi haṋenwa momeho weṋu. 2 Muhona ma woronganisa omihoko avihe vi tjite ovita kuna Jerusalem. Otjihuro matji huurwa, nozondjuwo maze pundwa, novakazendu mave tjerwa. Orumbembera rumwe rwotjiwaṋa maru i kouhuura, nungwari indwi orukwao karu nokuisiwa mo motjihuro. 3 Muhona otji ma piti a karwisa omihoko mbyo otja tja twire moruveze ndwa kapita. 4 Momayuva ngo eye ma kurama kOndundu yOmiṋinga, komuhuka wa Jerusalem. Ondundu yOmiṋinga mai taurwa mokati okuza komukuma wokomuhuka nga komukuma wokongurova, nu mape kara omukutu omunene tjinene. Orumbembera rumwe rwondundu maru i komukuma wokeyuva kokunene, nu indwi orukwao maru i komukuma wokeyuva kokumuho. 5 Eṋe mamu taurire momukutu mbwi mbwa haṋa ondundu motumbembera tuvari. Mamu tupuka otja ooiho mukururume tji va tjitire, indu ehi tji ra posisire omungunda moruveze rwa Usija, ombara ya Juda. Muhona, Ndjambi wandje otji meya ama eterere ovayapuke ve avehe.
6 Omayuva ngo tji ye ya, kaku tji nokukara ombepera nomakende wombepera, 7 nangarire onḓorera wina. Aruhe maku kara ondjerera yomutenya, nandarire kutja ouṱuku. Eyuva oviṋa mbi ndi mavi tjitwa mari tjiukwa i Muhona porwe.
8 Eyuva ndo tji re ya, omeva omanamuinyo maye pupu okuza mOjerusalem, ohinga imwe yawo maye i kOmuronga wOmongwa, nohinga ongwao maye i kOmuronga Mediterania. Maye pupu oure wombura aihe, moruveze rwoukukutu norwoutarazu. 9 Muhona ma rire ombara kombanda yehi arihe; ngamwa auhe me rikotamene ku ye otja ngu ri Ndjambi erike, neye me mu tjivirwa kena rimwe tjingero.
10 Orukondwa aruhe rwehi okuza kOgeba kokunene kweyuva nga kOrimon kokumuho kweyuva maru rire orutjandja. Nungwari Jerusalem matji tongama natji kara poṋa patjo; otjihuro matji utu okuza kOmuvero wa Benjamin nga kOmuvero wOkotjikoro ku kwa ri omuvero omukuru, nokuza koruhungu rwa Hananel nga kovikameno vyomavinu vyombara. 11 Ovandu mave tura mo nokuhinatjipo ave he tji nokutandwa nomayandekero.
12 Muhona ma eta omutjise omuzeu komihoko avihe, mbi rwisa Jerusalem. Onyama yawo mai romotoka ngunda ave nomuinyo; omeho wawo nomaraka wawo maye hokoka.
13 Momayuva nga Muhona meve purukisa tjinene nai nga omundu auhe tji ma kambura omukwao ngu ri popezu na ye ne mu rwisa. 14 Nandarire Juda mari rwisa Jerusalem. Outumbe womihoko avihe mau kamburwa okurira ovihuurwa, okutja ongoldo nosilveri nozombanda ouingi ouhimise.
15 Omutjise omuzeu wina mau wire moukambe nousinokambe nozongamero nousino, okutja omovinamuinyo avihe mozondanda zovanavita.
16 Nu imba avehe mba hupa po komihoko avihe mbya rwisa Jerusalem mave i ngo ombura aihe okukerikotamena ku Muhona Omunamasaaehe otja ngu ri Ombara nokukanyanda Omukandi wOviranda vyOmaso. 17 Omuhoko ngamwa auhe tji mau panḓa okukerikotamena ku Muhona Omunamasaaehe otja ngu ri Ombara, ombura kai nokuroka ko mehi rawo. 18 Ovaengipte tji mave panḓa okunyanda Omukandi wOviranda vyOmaso, owo mave verwa nomutjise tjingewo mbwi Muhona mbu ma hindi komihoko avihe, mbi mavi panḓa okuyenda. 19 Indji mai rire omberero ndji mai wire kOengipte na komihoko avihe, tji vi hi nokunyanda Omukandi wOviranda vyOmaso.
20 Momayuva ngo nandarire kozondiwo zokomivya vyoukambe maku tjangwa omambo nga: “Okuyapurirwa Muhona.” Ozonyungu zomaterekero mondjuwo ya Muhona maze rire ozondjapuke tjimuna oviyaha mbi ri momurungu wotjipunguhiro. 21 Onyungu aihe yomaterekero mOjerusalem na mOjuda arihe mai yapurwa okuungurirwa momerikotameneno ku Muhona Omunamasaaehe. Ovandu mbu mave punguha ozombunguhiro mave terekere mo onyama yozombunguhiro. Omayuva ngo tji ye ya kape tji nokukara omurandise nangarire umwe mondjuwo ya Muhona Omunamasaaehe.
1 Eyuva Muhona ndi ma haama mombanguriro ri ri popezu. Jerusalem otji matji pundwa, novipunda avi haṋenwa momeho weṋu. 2 Muhona ma woronganisa omihoko avihe vi tjite ovita kuna Jerusalem. Otjihuro matji huurwa, nozondjuwo maze pundwa, novakazendu mave tjerwa. Orumbembera rumwe rwotjiwaṋa maru i kouhuura, nungwari indwi orukwao karu nokuisiwa mo motjihuro. 3 Muhona otji ma piti a karwisa omihoko mbyo otja tja twire moruveze ndwa kapita. 4 Momayuva ngo eye ma kurama kOndundu yOmiṋinga, komuhuka wa Jerusalem. Ondundu yOmiṋinga mai taurwa mokati okuza komukuma wokomuhuka nga komukuma wokongurova, nu mape kara omukutu omunene tjinene. Orumbembera rumwe rwondundu maru i komukuma wokeyuva kokunene, nu indwi orukwao maru i komukuma wokeyuva kokumuho. 5 Eṋe mamu taurire momukutu mbwi mbwa haṋa ondundu motumbembera tuvari. Mamu tupuka otja ooiho mukururume tji va tjitire, indu ehi tji ra posisire omungunda moruveze rwa Usija, ombara ya Juda. Muhona, Ndjambi wandje otji meya ama eterere ovayapuke ve avehe.
6 Omayuva ngo tji ye ya, kaku tji nokukara ombepera nomakende wombepera, 7 nangarire onḓorera wina. Aruhe maku kara ondjerera yomutenya, nandarire kutja ouṱuku. Eyuva oviṋa mbi ndi mavi tjitwa mari tjiukwa i Muhona porwe.
8 Eyuva ndo tji re ya, omeva omanamuinyo maye pupu okuza mOjerusalem, ohinga imwe yawo maye i kOmuronga wOmongwa, nohinga ongwao maye i kOmuronga Mediterania. Maye pupu oure wombura aihe, moruveze rwoukukutu norwoutarazu. 9 Muhona ma rire ombara kombanda yehi arihe; ngamwa auhe me rikotamene ku ye otja ngu ri Ndjambi erike, neye me mu tjivirwa kena rimwe tjingero.
10 Orukondwa aruhe rwehi okuza kOgeba kokunene kweyuva nga kOrimon kokumuho kweyuva maru rire orutjandja. Nungwari Jerusalem matji tongama natji kara poṋa patjo; otjihuro matji utu okuza kOmuvero wa Benjamin nga kOmuvero wOkotjikoro ku kwa ri omuvero omukuru, nokuza koruhungu rwa Hananel nga kovikameno vyomavinu vyombara. 11 Ovandu mave tura mo nokuhinatjipo ave he tji nokutandwa nomayandekero.
12 Muhona ma eta omutjise omuzeu komihoko avihe, mbi rwisa Jerusalem. Onyama yawo mai romotoka ngunda ave nomuinyo; omeho wawo nomaraka wawo maye hokoka.
13 Momayuva nga Muhona meve purukisa tjinene nai nga omundu auhe tji ma kambura omukwao ngu ri popezu na ye ne mu rwisa. 14 Nandarire Juda mari rwisa Jerusalem. Outumbe womihoko avihe mau kamburwa okurira ovihuurwa, okutja ongoldo nosilveri nozombanda ouingi ouhimise.
15 Omutjise omuzeu wina mau wire moukambe nousinokambe nozongamero nousino, okutja omovinamuinyo avihe mozondanda zovanavita.
16 Nu imba avehe mba hupa po komihoko avihe mbya rwisa Jerusalem mave i ngo ombura aihe okukerikotamena ku Muhona Omunamasaaehe otja ngu ri Ombara nokukanyanda Omukandi wOviranda vyOmaso. 17 Omuhoko ngamwa auhe tji mau panḓa okukerikotamena ku Muhona Omunamasaaehe otja ngu ri Ombara, ombura kai nokuroka ko mehi rawo. 18 Ovaengipte tji mave panḓa okunyanda Omukandi wOviranda vyOmaso, owo mave verwa nomutjise tjingewo mbwi Muhona mbu ma hindi komihoko avihe, mbi mavi panḓa okuyenda. 19 Indji mai rire omberero ndji mai wire kOengipte na komihoko avihe, tji vi hi nokunyanda Omukandi wOviranda vyOmaso.
20 Momayuva ngo nandarire kozondiwo zokomivya vyoukambe maku tjangwa omambo nga: “Okuyapurirwa Muhona.” Ozonyungu zomaterekero mondjuwo ya Muhona maze rire ozondjapuke tjimuna oviyaha mbi ri momurungu wotjipunguhiro. 21 Onyungu aihe yomaterekero mOjerusalem na mOjuda arihe mai yapurwa okuungurirwa momerikotameneno ku Muhona Omunamasaaehe. Ovandu mbu mave punguha ozombunguhiro mave terekere mo onyama yozombunguhiro. Omayuva ngo tji ye ya kape tji nokukara omurandise nangarire umwe mondjuwo ya Muhona Omunamasaaehe.
