Omaronga kokusuvera oviṋa vyouye na kokuritongamisa
1 Ovirwa vyeṋu avihe nozombata vi za pi? Vi za mozonḓuma zeṋu zeraru nḓe zungana aruhe moukoto weṋu. 2 Eṋe mu zera oviṋa, nungwari kamaamu vi munu ko, notji mu vanga okuzepa; eṋe mu ṱira oviṋa vyovakweṋu eruru, nungwari kamu nakuvipewa ko, notji mu posa nokurwa. Ihi tji mu vanga kamu pewa, tjinga amu ha kumbu ku Ndjambi. 3 Tji mu kumba, kamu pewa, tjinga amu kumba navi; eṋe mu kumbira oviṋa okukovisa na vyo ozonḓero zeṋu porwazo. 4 Kamu nokutjiwa are, eṋe vehinouṱakame, kutja okurira epanga rouye oko okurira omunavita na Ndjambi? Ingwi ngu ma vanga okurira epanga rouye me ritjiti omuini omunavita na Ndjambi. 5 Amu tjangovasi kamu nouatjiri momatjangwa ngu maye tja: “Ombepo Ndjambi ndja turisa mu eṱe, eye omuini ma vanga kutja i rire oye erike.” 6 Nungwari otjari Ndjambi tje yandja otjo otjinene komeho. Nomatjangwa opu maye tjere nai: “Ndjambi ma pirukire overitongamise, nungwari imba overisusuparise meve ṱire otjari.”
7 Notji mamu sokuriwisa kehi ya Ndjambi; pirukireye Satan, neye ma tupuka a zu po pu eṋe. 8 Indjeye ku Ndjambi, neye meya ku eṋe. Rikoheye omake, eṋe vanauvi! Rikohororeye omitima, vanatjavivi! 9 Riyarikaṋeye nondjenda, rireye nu mu kare noruhoze! Omayorero weṋu ngaye tjituke omaririro, nenyando reṋu ri tjituke oruhoze! 10 Risusupariseye komurungu wa Muhona, neye me mu tongamisa.
Amu hungirasana navi
11 Vakwetu, amu hungirasana navi. Ingwi ngu ma hungire omukambure omukwao navi poo ngu me mu pangura, eye ma hungire inga omatwako navi nokuyepangura. Tji mo pangura Omatwako, ove ko nakutjikara nonḓuviro kOmatwako nga, nungwari mo ritjindi aayo oove omupangure wawo. 12 Ndjambi erike porwe onguri omuzikamise wOmatwako nongu ri omupangure. Eye erike ongu yama nongu nyona. Nu mo tjangovasi oovyaṋi ngu mo pangura omukweṋu?
Okuhinakurihiva
13 Nambano purateneye ku ami, eṋe mbu mu tja: “Ndinondi poo muhuka matu i kotjihuro tjorive atu kakara ko oure wombura imwe okukaranda nokukarandisa kutja tu nyanyangizire po ovimariva ovingi.” 14 Eṋe nandarire nao kamu nokutjiwa kutja muhuka mape kara vi! Ongarero yeṋu ya sana nomuise mbu munika okaruveze okaṱiṱi, nu tjazumba au zengi. 15 Ihi eṋe tji mwa sokuhungira otjo hi: “Muhona tja vanga, tji tu ha ṱire, matu tjiti ihi poo hi na.” 16 Nungwari nambano mamu ritongamisa nokurihiva; omerihiviro nga aehe oposyo.
17 Nomundu ngu ma tjiwa okutjita otjiṋa otjiwa ne he tji tjiti, eye omunandjo.
Omaronga kokusuvera oviṋa vyouye na kokuritongamisa
1 Ovirwa vyeṋu avihe nozombata vi za pi? Vi za mozonḓuma zeṋu zeraru nḓe zungana aruhe moukoto weṋu. 2 Eṋe mu zera oviṋa, nungwari kamaamu vi munu ko, notji mu vanga okuzepa; eṋe mu ṱira oviṋa vyovakweṋu eruru, nungwari kamu nakuvipewa ko, notji mu posa nokurwa. Ihi tji mu vanga kamu pewa, tjinga amu ha kumbu ku Ndjambi. 3 Tji mu kumba, kamu pewa, tjinga amu kumba navi; eṋe mu kumbira oviṋa okukovisa na vyo ozonḓero zeṋu porwazo. 4 Kamu nokutjiwa are, eṋe vehinouṱakame, kutja okurira epanga rouye oko okurira omunavita na Ndjambi? Ingwi ngu ma vanga okurira epanga rouye me ritjiti omuini omunavita na Ndjambi. 5 Amu tjangovasi kamu nouatjiri momatjangwa ngu maye tja: “Ombepo Ndjambi ndja turisa mu eṱe, eye omuini ma vanga kutja i rire oye erike.” 6 Nungwari otjari Ndjambi tje yandja otjo otjinene komeho. Nomatjangwa opu maye tjere nai: “Ndjambi ma pirukire overitongamise, nungwari imba overisusuparise meve ṱire otjari.”
7 Notji mamu sokuriwisa kehi ya Ndjambi; pirukireye Satan, neye ma tupuka a zu po pu eṋe. 8 Indjeye ku Ndjambi, neye meya ku eṋe. Rikoheye omake, eṋe vanauvi! Rikohororeye omitima, vanatjavivi! 9 Riyarikaṋeye nondjenda, rireye nu mu kare noruhoze! Omayorero weṋu ngaye tjituke omaririro, nenyando reṋu ri tjituke oruhoze! 10 Risusupariseye komurungu wa Muhona, neye me mu tongamisa.
Amu hungirasana navi
11 Vakwetu, amu hungirasana navi. Ingwi ngu ma hungire omukambure omukwao navi poo ngu me mu pangura, eye ma hungire inga omatwako navi nokuyepangura. Tji mo pangura Omatwako, ove ko nakutjikara nonḓuviro kOmatwako nga, nungwari mo ritjindi aayo oove omupangure wawo. 12 Ndjambi erike porwe onguri omuzikamise wOmatwako nongu ri omupangure. Eye erike ongu yama nongu nyona. Nu mo tjangovasi oovyaṋi ngu mo pangura omukweṋu?
Okuhinakurihiva
13 Nambano purateneye ku ami, eṋe mbu mu tja: “Ndinondi poo muhuka matu i kotjihuro tjorive atu kakara ko oure wombura imwe okukaranda nokukarandisa kutja tu nyanyangizire po ovimariva ovingi.” 14 Eṋe nandarire nao kamu nokutjiwa kutja muhuka mape kara vi! Ongarero yeṋu ya sana nomuise mbu munika okaruveze okaṱiṱi, nu tjazumba au zengi. 15 Ihi eṋe tji mwa sokuhungira otjo hi: “Muhona tja vanga, tji tu ha ṱire, matu tjiti ihi poo hi na.” 16 Nungwari nambano mamu ritongamisa nokurihiva; omerihiviro nga aehe oposyo.
17 Nomundu ngu ma tjiwa okutjita otjiṋa otjiwa ne he tji tjiti, eye omunandjo.
