1 O rihivire eyuva ramuhuka, tjinga au hi nokutjiwa kutja eyuva ndo mari ku etere tjike.
2 Omundu warwe nga rire ngwe ku tanga, nangarire owozonganda; nungwari o rihivi omuini.
3 Ewe nangarire kutja oro ezeu, neheke nangarire kutja ri nondjinda, ongendisiro yomundu eyova oyo onḓeu tjinene poviṋa mbi aviyevari.
4 Omazenge owo omandandi, nomapindi ye surumuka; nungwari owaṋi ngu ma yenene okupirukira oukoze?
5 Okokuwa okuvyura omundu nokuhinokuhoreka komeho yokukara norusuvero oruundikwa.
6 Epanga ri kara nomeripura omawa nandarire kutja maye ku hihamisa, nungwari ṱakamisa nawa otuhupito twomunavita na ove.
7 Omundu ngwe kuta ka ningi ko na tja noruaze rwouitji wozonyutji; nungwari ku ingwi ngwa ṱondjara oviṋa avihe oviruru vi tjata omuzeze.
8 Otja onḓera punga ai tuka kokure notjiruwo tjayo, opunga ape ri omundu ngu taurira kokure nomaturiro we.
9 Omaze wotjize notjizumba tji tji ṋuka nawa vi nyandisa omutima, nomambo omananyuṋe wepanga ye huhumiṋa omuinyo.
10 O isa epanga roye nepanga raiho. Tji u ri moumba, o i kondjuwo yerumbi poo yomuangu woye ngu ri kokure; okokuwa okukara nomuraranganda ngu ri popezu komeho yokukara nerumbi poo nomuangu woye ngu ri kokure.
11 Rira onongo, muatje wandje, nu u yorokise omutima wandje kokutja mbi sore okuzira ingwi ngu me ndji yamburura.
12 Omunazondunge u muna oumba tji mau ya na ṱara; nu ingwi ngu hi nondjiviro u hita mu wo na kamunina po otjipo.
13 Auhe ngu ri eyova na kwizika kutja ma sutire owozonganda ozondjo, ouini we omuini mau sokuṱiziwa otja otjisuta tjomoruveze.
14 Ngu ma sere omuraranganda na ye ondaya neraka enene menyunguhuka ma ku yetere osengiro.
15 Omukazendu omuhahu wa sana nomata nge kara pokutota aruhe meyuva ndi ku nombura onḓeu. 16 Okupatera omukazendu omuhahu ngwi mondjuwo kwa sana nokupatera mo ombepo nokukambura momaze womiṋinga neke roye rokunene.
17 Otja otjitenda punga atji upika otjitenda otjikwao, ovandu wina opunga ave hongasana.
18 Ngu ma tjevere omukuyu ma ri ovihape vyawo; nomukarere ngu ṱakamisa omuhona we u yozikwa.
19 Otja omeva punga aye ri otjiritarero tjomurungu woye, omutima woye opunga au ri otjiritarero tjotjikaro tjoye.
20 Otja otjovakoke nopoṋa pomanyoneno punga avi he kuta, ozonḓero zovandu opunga aze ha kowa wina.
21 Otja osilveri nongoldo punga avi rorwa momuriro, opunga ape rorwa ondangu yomundu.
22 Nangarire kutja mo nyainya omundu eyova otja tji mo havere ovikokotwa motjiṋi, ouyova we kamaau zu mo mu ye.
23 Tjevera nawa ombunikiro yozonyanda zoye, nu tjevera orupanda rwozongombe zoye; 24 orondu orutumbo karu karerere nomautumbe kaye rumatisiwa okuza komuhoko nga komuhoko. 25 Omahozu tji ya kukuta nu inga omape aye nyomoka, nehozu tji ra kanyanyangiziwa kozondundu, 26 otji mo kara nozondjona okukupa ozombanda nozongombo okusuta na zo ehi roye romakunino, 27 nomaihi wozongombo okukuparura puna onganda yoye novakarere voye ovasuko wina.
1 O rihivire eyuva ramuhuka, tjinga au hi nokutjiwa kutja eyuva ndo mari ku etere tjike.
2 Omundu warwe nga rire ngwe ku tanga, nangarire owozonganda; nungwari o rihivi omuini.
3 Ewe nangarire kutja oro ezeu, neheke nangarire kutja ri nondjinda, ongendisiro yomundu eyova oyo onḓeu tjinene poviṋa mbi aviyevari.
4 Omazenge owo omandandi, nomapindi ye surumuka; nungwari owaṋi ngu ma yenene okupirukira oukoze?
5 Okokuwa okuvyura omundu nokuhinokuhoreka komeho yokukara norusuvero oruundikwa.
6 Epanga ri kara nomeripura omawa nandarire kutja maye ku hihamisa, nungwari ṱakamisa nawa otuhupito twomunavita na ove.
7 Omundu ngwe kuta ka ningi ko na tja noruaze rwouitji wozonyutji; nungwari ku ingwi ngwa ṱondjara oviṋa avihe oviruru vi tjata omuzeze.
8 Otja onḓera punga ai tuka kokure notjiruwo tjayo, opunga ape ri omundu ngu taurira kokure nomaturiro we.
9 Omaze wotjize notjizumba tji tji ṋuka nawa vi nyandisa omutima, nomambo omananyuṋe wepanga ye huhumiṋa omuinyo.
10 O isa epanga roye nepanga raiho. Tji u ri moumba, o i kondjuwo yerumbi poo yomuangu woye ngu ri kokure; okokuwa okukara nomuraranganda ngu ri popezu komeho yokukara nerumbi poo nomuangu woye ngu ri kokure.
11 Rira onongo, muatje wandje, nu u yorokise omutima wandje kokutja mbi sore okuzira ingwi ngu me ndji yamburura.
12 Omunazondunge u muna oumba tji mau ya na ṱara; nu ingwi ngu hi nondjiviro u hita mu wo na kamunina po otjipo.
13 Auhe ngu ri eyova na kwizika kutja ma sutire owozonganda ozondjo, ouini we omuini mau sokuṱiziwa otja otjisuta tjomoruveze.
14 Ngu ma sere omuraranganda na ye ondaya neraka enene menyunguhuka ma ku yetere osengiro.
15 Omukazendu omuhahu wa sana nomata nge kara pokutota aruhe meyuva ndi ku nombura onḓeu. 16 Okupatera omukazendu omuhahu ngwi mondjuwo kwa sana nokupatera mo ombepo nokukambura momaze womiṋinga neke roye rokunene.
17 Otja otjitenda punga atji upika otjitenda otjikwao, ovandu wina opunga ave hongasana.
18 Ngu ma tjevere omukuyu ma ri ovihape vyawo; nomukarere ngu ṱakamisa omuhona we u yozikwa.
19 Otja omeva punga aye ri otjiritarero tjomurungu woye, omutima woye opunga au ri otjiritarero tjotjikaro tjoye.
20 Otja otjovakoke nopoṋa pomanyoneno punga avi he kuta, ozonḓero zovandu opunga aze ha kowa wina.
21 Otja osilveri nongoldo punga avi rorwa momuriro, opunga ape rorwa ondangu yomundu.
22 Nangarire kutja mo nyainya omundu eyova otja tji mo havere ovikokotwa motjiṋi, ouyova we kamaau zu mo mu ye.
23 Tjevera nawa ombunikiro yozonyanda zoye, nu tjevera orupanda rwozongombe zoye; 24 orondu orutumbo karu karerere nomautumbe kaye rumatisiwa okuza komuhoko nga komuhoko. 25 Omahozu tji ya kukuta nu inga omape aye nyomoka, nehozu tji ra kanyanyangiziwa kozondundu, 26 otji mo kara nozondjona okukupa ozombanda nozongombo okusuta na zo ehi roye romakunino, 27 nomaihi wozongombo okukuparura puna onganda yoye novakarere voye ovasuko wina.
