1 “Vakwetu nootate, purateneye komambo wandje ngu me riyeura na wo mba komurungu weṋu!” 2 Nowo tji ve mu zuva ama hungire Otjiheberi ku wo, arire tji va mwinine ko tjinene; nu Paulus wa hungira komurungu a tja:
3 “Owami Omujuda, ngu mba kwaterwa mOtarsus mehi ra Silisie, nungwari ngu mbe kurira muno mOjerusalem e rire omuhongewa wa Gamaliel. Ami mba pewa omahongero omakukutu mOmatwako wootate mukururume nu mba panḓera pokuyenenisa ombango ya Ndjambi otja eṋe amuhe punga amu tjita ndinondi. 4 Ami mba tatumisa ovandu mba mbaa ve kongorere ondjira ndji yovakambure neve yandja kokuṱa. Ami mba kambura ovarumendu novakazendu neve twa motjovakamburwa. 5 Omupristeri Otjiuru novanene avehe votjira tjOvajuda mave hongonona kutja ami me hungire ouatjiri. Owo ve ndji pa otutuu tu twa tjangerwa Ovajuda ovakwao mOdamaskus, nami opu mba ira ngo okukakambura ovakambure nokuveeta kOjerusalem ava pandekwa kutja ve yokuverwa.
Paulus ma serekarere ondanaukiro ye
(Oviu 9:1-19Oviu 26:12-18)6 “Ngunda ame kayenda nambi ri popezu na Damaskus oiri mangara mutenya, tjimanga ondjerera onamasa ndja zire keyuru arire tji ye ndji kondoroka. 7 Ami mba wira pehi nu e zuu eraka nda tjere nai ku ami: ‘Saul, Saul, mo ndji tjerere tjike okundjizepa?’ 8 Ami mba pura e tja: ‘Oove aṋi, Muhona?’ Eye a ziri a tja: ‘Owami Jesus wa Nasaret ngu mo tjere okuzepa.’ 9 Ovarumendu mba ri puna ami va muna indji ondjerera, nungwari owo kave mwine ingwi omundu ngwaa hungire na ami. 10 Ami mba pura e tja: ‘Hi tjite tjike, Muhona?’ Nu Muhona e ndji ziri a tja: ‘Sekama u kahite mOdamaskus, nu ingo oku mo karaererwa avihe Ndjambi mbye ku pa okutjita.’ 11 Nami tjinga amba poṱuparisiwa i ondjerera onamasa, ovendjikongorere otjinga ave ndji kambura pokuoko nave ndji hitisa mOdamaskus.
12 “Motjihuro hi mwa ri omurumendu wena Ananias, omunangamburiro ngwaa ṱakamisa Omatwako wetu, nu ngwa yozikirwe tjinene i Ovajuda avehe mba turire mo. 13 Eye weya ku ami, a kurama meṋe yandje a tja: ‘Mukwetu Saul, muna rukwao!’ Moiri tjingeyo ndji ami mba uta okumuna rukwao nu e tara mu ye. 14 Eye wa tjere nai: ‘Ndjambi wootate mukururume we ku toororera okutjiwa ombango ye, nokumuna Omunausemba nokuzuva ombosiro yeraka re omuini, 15 ove tjinga amo rire omumuhongononene okuraera ovandu avehe imbi mbi wa muna na mbi wa zuva. 16 Nambano mo wombere tjike nai? Sekama u papitisiwe nu u kohwe kourunde woye indu tji wa isana ena re!’
Paulus ma isanenwa okukazuvarisira imba mbe he ri Ovajuda
17 “Ami mba yaruka kOjerusalem, nu ngunda ame kumbu mondjuwo ya Muhona, arire tji mba munu otjirimunikise. 18 Mu tjo mba muna mo Muhona ama tja ku ami: ‘Hakahana u ze mo tjimanga mOjerusalem, ovandu muno tjinga ave hi nokuyakura imbi mbi mo hongonene ami!’ 19 Ami e ziri e tja: ‘Muhona, owo mave tjiwa nawa kutja ami mba ire kozosinagoge okukakambura nokukatona imba mba kambura move. 20 Nomuhongonone woye Stefanus tja ṱa, ami omuini opu mba ri ame nyandere onḓiro ye nu amba ṱiza ozombanda zovemuzepe.’ 21 Muhona arire tja tja ku ami: ‘Twende, orondu ami me ku hindi kokure ku imba mbe he ri Ovajuda.’ ”
22 Ovandu va puratenene ku Paulus nga tja hungire omambo nga aehe; nungwari okuzambo va uta okuravaera neraka enene ave tja: “Nga ze po! Nga ṱe! Eye ka pwire okukara nomuinyo!” 23 Owo va rokoha ave ritaura ozombanda zawo nave yumbu ehi meyuru. 24 Omuhongore wovita Omuroma wa rakiza kovandu ve ve tware Paulus komaturiro wovarwe wovita, nu we ve raera kutja ve kemutone a rire pa tjivirwa po kutja Ovajuda mave mu urire tjike nai. 25 Nungwari owo tji va pandeka Paulus kutja ve mu tone, eye arire tja tja komunane wovita ngwa kuramene mbo: “Eṋe kamu yandjererwe okutona omukwatera wa Roma ngunda e hiya pangurwa namunikwondjo?”
26 Omukarere tja zuvire omambo nga waya komuhongore wovita ne kemupura nai: “Mo vanga okutjita tjike? Omurumendu ngwi omukwatera wa Roma!”
27 Omuhongore wovita opa ira ku Paulus ne kemupura a tja: “Ndji raera, oove omukwatera wa Roma are?”
Paulus e mu ziri a tja: “Ii, owami omukwatera wa Roma.”
28 Omuhongore wovita arire tja tja: “Ami mba suta ovimariva ovingi tjinene okurira Omuroma.”
Paulus wa zirire a tja: “Nungwari ami owami Omuroma okukwatwa.”
29 Tjimanga ovarumendu mba mba vangere okukambura Paulus ave zu po pu ye; nomuhongore wovita wa tira indu tja muna kutja Paulus omukwatera wa Roma, na indu kutja eye we mu pandekisa nouketanga.
Paulus komurungu wotjombanguriro
30 Omuhongore wovita wa vangere okutjiwa ouatjiri wokutja Ovajuda Paulus mave mu pere tjike ondjo; nu mependukirwa eye opa pandurira Paulus na rakiza kovapristeri oviuru na kOtjira atjihe tjOvajuda kutja ve worongane. Tjazumba a eta Paulus ne mu kuramisa komurungu wawo.
1 “Vakwetu nootate, purateneye komambo wandje ngu me riyeura na wo mba komurungu weṋu!” 2 Nowo tji ve mu zuva ama hungire Otjiheberi ku wo, arire tji va mwinine ko tjinene; nu Paulus wa hungira komurungu a tja:
3 “Owami Omujuda, ngu mba kwaterwa mOtarsus mehi ra Silisie, nungwari ngu mbe kurira muno mOjerusalem e rire omuhongewa wa Gamaliel. Ami mba pewa omahongero omakukutu mOmatwako wootate mukururume nu mba panḓera pokuyenenisa ombango ya Ndjambi otja eṋe amuhe punga amu tjita ndinondi. 4 Ami mba tatumisa ovandu mba mbaa ve kongorere ondjira ndji yovakambure neve yandja kokuṱa. Ami mba kambura ovarumendu novakazendu neve twa motjovakamburwa. 5 Omupristeri Otjiuru novanene avehe votjira tjOvajuda mave hongonona kutja ami me hungire ouatjiri. Owo ve ndji pa otutuu tu twa tjangerwa Ovajuda ovakwao mOdamaskus, nami opu mba ira ngo okukakambura ovakambure nokuveeta kOjerusalem ava pandekwa kutja ve yokuverwa.
Paulus ma serekarere ondanaukiro ye
(Oviu 9:1-19Oviu 26:12-18)6 “Ngunda ame kayenda nambi ri popezu na Damaskus oiri mangara mutenya, tjimanga ondjerera onamasa ndja zire keyuru arire tji ye ndji kondoroka. 7 Ami mba wira pehi nu e zuu eraka nda tjere nai ku ami: ‘Saul, Saul, mo ndji tjerere tjike okundjizepa?’ 8 Ami mba pura e tja: ‘Oove aṋi, Muhona?’ Eye a ziri a tja: ‘Owami Jesus wa Nasaret ngu mo tjere okuzepa.’ 9 Ovarumendu mba ri puna ami va muna indji ondjerera, nungwari owo kave mwine ingwi omundu ngwaa hungire na ami. 10 Ami mba pura e tja: ‘Hi tjite tjike, Muhona?’ Nu Muhona e ndji ziri a tja: ‘Sekama u kahite mOdamaskus, nu ingo oku mo karaererwa avihe Ndjambi mbye ku pa okutjita.’ 11 Nami tjinga amba poṱuparisiwa i ondjerera onamasa, ovendjikongorere otjinga ave ndji kambura pokuoko nave ndji hitisa mOdamaskus.
12 “Motjihuro hi mwa ri omurumendu wena Ananias, omunangamburiro ngwaa ṱakamisa Omatwako wetu, nu ngwa yozikirwe tjinene i Ovajuda avehe mba turire mo. 13 Eye weya ku ami, a kurama meṋe yandje a tja: ‘Mukwetu Saul, muna rukwao!’ Moiri tjingeyo ndji ami mba uta okumuna rukwao nu e tara mu ye. 14 Eye wa tjere nai: ‘Ndjambi wootate mukururume we ku toororera okutjiwa ombango ye, nokumuna Omunausemba nokuzuva ombosiro yeraka re omuini, 15 ove tjinga amo rire omumuhongononene okuraera ovandu avehe imbi mbi wa muna na mbi wa zuva. 16 Nambano mo wombere tjike nai? Sekama u papitisiwe nu u kohwe kourunde woye indu tji wa isana ena re!’
Paulus ma isanenwa okukazuvarisira imba mbe he ri Ovajuda
17 “Ami mba yaruka kOjerusalem, nu ngunda ame kumbu mondjuwo ya Muhona, arire tji mba munu otjirimunikise. 18 Mu tjo mba muna mo Muhona ama tja ku ami: ‘Hakahana u ze mo tjimanga mOjerusalem, ovandu muno tjinga ave hi nokuyakura imbi mbi mo hongonene ami!’ 19 Ami e ziri e tja: ‘Muhona, owo mave tjiwa nawa kutja ami mba ire kozosinagoge okukakambura nokukatona imba mba kambura move. 20 Nomuhongonone woye Stefanus tja ṱa, ami omuini opu mba ri ame nyandere onḓiro ye nu amba ṱiza ozombanda zovemuzepe.’ 21 Muhona arire tja tja ku ami: ‘Twende, orondu ami me ku hindi kokure ku imba mbe he ri Ovajuda.’ ”
22 Ovandu va puratenene ku Paulus nga tja hungire omambo nga aehe; nungwari okuzambo va uta okuravaera neraka enene ave tja: “Nga ze po! Nga ṱe! Eye ka pwire okukara nomuinyo!” 23 Owo va rokoha ave ritaura ozombanda zawo nave yumbu ehi meyuru. 24 Omuhongore wovita Omuroma wa rakiza kovandu ve ve tware Paulus komaturiro wovarwe wovita, nu we ve raera kutja ve kemutone a rire pa tjivirwa po kutja Ovajuda mave mu urire tjike nai. 25 Nungwari owo tji va pandeka Paulus kutja ve mu tone, eye arire tja tja komunane wovita ngwa kuramene mbo: “Eṋe kamu yandjererwe okutona omukwatera wa Roma ngunda e hiya pangurwa namunikwondjo?”
26 Omukarere tja zuvire omambo nga waya komuhongore wovita ne kemupura nai: “Mo vanga okutjita tjike? Omurumendu ngwi omukwatera wa Roma!”
27 Omuhongore wovita opa ira ku Paulus ne kemupura a tja: “Ndji raera, oove omukwatera wa Roma are?”
Paulus e mu ziri a tja: “Ii, owami omukwatera wa Roma.”
28 Omuhongore wovita arire tja tja: “Ami mba suta ovimariva ovingi tjinene okurira Omuroma.”
Paulus wa zirire a tja: “Nungwari ami owami Omuroma okukwatwa.”
29 Tjimanga ovarumendu mba mba vangere okukambura Paulus ave zu po pu ye; nomuhongore wovita wa tira indu tja muna kutja Paulus omukwatera wa Roma, na indu kutja eye we mu pandekisa nouketanga.
Paulus komurungu wotjombanguriro
30 Omuhongore wovita wa vangere okutjiwa ouatjiri wokutja Ovajuda Paulus mave mu pere tjike ondjo; nu mependukirwa eye opa pandurira Paulus na rakiza kovapristeri oviuru na kOtjira atjihe tjOvajuda kutja ve worongane. Tjazumba a eta Paulus ne mu kuramisa komurungu wawo.
