Omeero wOmbepo Ondjapuke
1 Neyuva ra Pentekoste tji reya, owo avehe tjandje va woronganene poṋa pemwe. 2 Kamanga otji pa tjitwa ombosiro ndja zire meyuru tjimuna oyotjivepo tji matji hingi nomasa, noyo arire tji ye urisa ondjuwo aihe mu va karere pehi. 3 Nowo va muna omaraka womuriro nga haṋikire, nowo aye kakara kombanda yaauhe wawo. 4 Nowo avehe ve urisiwa nOmbepo Ondjapuke, narire tji va utu okuhungira omaraka wovandu varwe, Ombepo Ondjapuke punga aye ve pere okuhungira.
5 Moruveze ndwi tjandje nao mOjerusalem mwa tura Ovajuda mba ri nondira ku Ndjambi nu mba zire komahi pekepeke mouye. 6 Nu Ovajuda mba tji va zuva indji ombosiro, otjimbumba otjinene tjovandu arire tji tja wongara, tjandje nao avehe va himwa, owo avehe vari nenyando, tjinga auhe wawo tjeeri zuvire eraka re ama rihungirwa i ovakambure. 7 Nowo ngunda ava uruma nava himwa nao arire tji va purasana ave tja: “Tareye, ovandu mbu mave hungire mba, owo Ovagalilea, nu! 8 Okutjavi tji matu ve zuu auhe ama hungire eraka retu oveni mu twa kwatwa? 9 Eṱe twa zira kOpartie na Medie na Elam, na kOmesopotamie na Judea na Kapadosie, na kOpontus na Asie, 10 na kOfrigie na Pamfilie, na kOengipte na kotukondwa atuhe twehi ra Libie popezu na Kirene. Eṱe tjiva twa za kOroma, 11 atuhe pamwe Ovajuda naimba mbe he ri Ovajuda, okutja owo mba mba tanaurirwa kongamburiro yOvajuda, nu tjiva twa za kOkrete na Araba; nungwari matu ve zuu amave hungire oviungura ovihimise vya Ndjambi momaraka wetu oveni!” 12 Nu ngunda ava uruma nava puruka nao tjandje mave purasana nai: “Otjiṋa hi hapo matji hee tjike?”
13 Nungwari ovakwao tjiva aave ve nyekerere amave tja: “Ovarumendu mba va purukisiwa i omavinu.”
Ombuze ya Petrus
14 Petrus wa sekamene puna ovaapostele ovakwao imba omurongo na umwe, a hungire kotjimbumba tjovandu neraka enene a tja: “Eṋe varumendu Ovajuda na eṋe amuhe mbu mwa tura mOjerusalem, otjiṋa hi ngatji tjiukwe ku eṋe, nu purateneye nawa komambo ngu me hungire. 15 Ovarumendu mba kave purukisirwe i omavinu otja tji mamu hee. Tareye, ingee oiri oitjamuvyu yomuhuka omunene. 16 Tji tja tjitwa mba otjo hi omuprofete Joel tja hungirire indu tja tjere:
17 ‘Ndjambi ma tja: Momayuva omasenina ami me tjiti nai:
Me tirire Ombepo yandje kombanda yovandu avehe.
Ovanatje veṋu ovazandu novakazona
mave zuvarisa ombuze yandje;
omitanda vyeṋu mavi munu ovirimunikise;
novarumendu ovanene mave roto oturoto.
18 Nu momayuva ngo ami me tirire Ombepo yandje
kombanda yovakarere vandje avehe
nowo mave zuvarisa ombuze yandje.
19 Ami me tjiti oviraisiro ovihimise
kombanda meyuru nakombanda yehi,
maku kara ombinḓu nomuriro
nomatwimisiro womuise.
20 Eyuva mari zorerisiwa,
nomueze au tjituka ombinḓu,
Eyuva ra Muhona ngunda ari hiye ya,
indi enene netirise.
21 Nu auhe ngu ma isana ena ra Muhona ma yamwa.’
22 “Neṋe varumendu Ovaisrael, puratene komambo nga: Ndjambi wa tjiukisa Jesus wa Nasaret ku eṋe movihimise ovinamasa na moviraisiro eye mbya tjitire mu ye mokati keṋu, eṋe oveni otja tjinga amamu tjiwa. 23 Ndjambi omuini wa tyere nu wa zikamisire rukuru kutja Jesus ma yandjewa momake weṋu, neṋe mwe mu papera kotjikoroise mokumuyandja momake wovarunde nu amu mu zepa. 24 Nungwari Ndjambi we mu kutura komapando wonḓiro ne mu pendura movakoke, eye tjinga e ha sere okupandekwa i onḓiro. 25 Orondu David wa hungira ye, indu tja tjere:
‘Ami mba muna Muhona komurungu wandje.
Eye tjinga e ri popezu na ami,
hi na ku tira ko.
26 Omutima wandje opu wa zu okunyanda,
neraka randje ri nondjoroka onene.
Nami wina mbi nomaundjiro wokutja
orutu rwandje maru kasuva.
27 Orondu ove ko nokundjiesa motjovakoke,
nu ko nokuyandjera ko omukarere woye
omuṱakame kutja a mune omaworero.
28 Ove we ndji raisira ozondjira zomuinyo,
nu tji mbi ri pove,
mbi muna po enyando enene.’
29 “Varumendu ovakwetu, ndji eseye mbi hungire ku eṋe ongahukiro ingwi tate yetu omukururume omutjiukwa ombara David. Eye wa koka na pakwa, neyendo re ri ri mokati ketu nga ku ndinondi. 30 Neye wa ri omuprofete nu aa tjiwa kutja Ndjambi we mu kwizikira noruyano rwokutja ondekurona ye imwe maai kahaama kotjihavero tje tjouhona. 31 Eye wa muna imbi Ndjambi mbi maa katjita moruveze ndu maru ya, notja hungira ombendukiro yOmutwirisiwa a tja:
‘Eye ka serwe motjovakoke,
norutu rwe karu munine omaworero.’
32 Ndjambi ongwa pendura Jesus ngwi movakoke, neṱe atuhe oweṱe ovahongonone vombendukiro ndji. 33 Eye wa pendurwa okukakara kokunene kwa Ndjambi nu wa pewa Ombepo Ondjapuke i Ihe otja pa kwizikirire. Nu Jesus wina ongwa yandja Ombepo ndji ku eṱe nu otjiṋa hi nambano otji mamu munu notji mamu zuu. 34 Orondu David ke na pa rondere keyuru, nungwari wa tja:
‘Muhona Ndjambi wa tja nai kOmuhona wandje:
Kara pehi kokunene kwandje
35 nga ami tji mba tjiti ovanavita na ove ve rire otjihavero tjozombaze zoye.’
36 “Nambano Ovaisrael avehe ngave tjiwe, tjiri, kutja Jesus ngwi eṋe ngu mwa papera kotjikoroise onguri ngwi Ndjambi ngwa zika okurira oMuhona nu Omutwirisiwa!”
37 Nowo tji va zuva omambo nga ngu va raerwa i Petrus, arire tji va kurungisiwa nave tja nai ku Petrus na kovaapostele ovakwao: “Varumendu ovakwetu, ngatu tjite vi?”
38 Petrus arire tje ve ziri a tja: “Auhe weṋu nge ritanaure kourunde we, nu ma papitisiwe mena ra Jesus Kristus, nu Ndjambi me mu isire ourunde weṋu, neṋe mamu pewa otjiyandjewa tja Ndjambi, Ombepo Ondjapuke. 39 Orondu omakwizikiro wa Ndjambi ya tjitirwa eṋe novanatje veṋu na imba avehe mbe ri kokure, imba ngamwa avehe Muhona Ndjambi wetu mbu maa kaisanena ku ye.”
40 Nu Petrus we ve hongonononene omambo warwe ne ve rongo a tja: “Riyameye oveni komberero, ndji mai ya kombanda yomuhoko omurunde mbwi!” 41 Ngamwa avehe mba yakurire omambo we va papitisiwa, nu meyuva ndo kotjimbumba tjovaapostele kwe riwezira ko ovandu mangara omayovi yetatu. 42 Owo va panḓera pomahongero wovaapostele nave rire otjiṋa tjimwe amave ri pamwe nokukumba pamwe.
Ongarero pokati kombongo yovakambure
43 Ovaapostele va tjita ovihimise noviraisiro ovingi, nondira arire tji ya rire onene ku avehe. 44 Nu avehe, imba ovakambure, va kakatera kumwe, nouini wawo auhe ave waneke mumwe. 45 Owo ave randisa ouini noviṋa vyawo, nu imbi ovimariva otjaave haṋa movandu otja ngamwa auhe puya hepa. 46 Eyuva arihe owo aave woronganene mondjuwo ya Muhona nomitima mbya i kumwe, nu ave kara nomariro wawo pamwe mozondjuwondjuwo, amave ri nenyando nomitima omipore, 47 namave tanga Ndjambi. Owo va ingonekerwe i otjiwaṋa atjihe. Nu eyuva arihe peke Muhona aa weza kombongo imba mbaa ve hupisiwa komuinyo.
Omeero wOmbepo Ondjapuke
1 Neyuva ra Pentekoste tji reya, owo avehe tjandje va woronganene poṋa pemwe. 2 Kamanga otji pa tjitwa ombosiro ndja zire meyuru tjimuna oyotjivepo tji matji hingi nomasa, noyo arire tji ye urisa ondjuwo aihe mu va karere pehi. 3 Nowo va muna omaraka womuriro nga haṋikire, nowo aye kakara kombanda yaauhe wawo. 4 Nowo avehe ve urisiwa nOmbepo Ondjapuke, narire tji va utu okuhungira omaraka wovandu varwe, Ombepo Ondjapuke punga aye ve pere okuhungira.
5 Moruveze ndwi tjandje nao mOjerusalem mwa tura Ovajuda mba ri nondira ku Ndjambi nu mba zire komahi pekepeke mouye. 6 Nu Ovajuda mba tji va zuva indji ombosiro, otjimbumba otjinene tjovandu arire tji tja wongara, tjandje nao avehe va himwa, owo avehe vari nenyando, tjinga auhe wawo tjeeri zuvire eraka re ama rihungirwa i ovakambure. 7 Nowo ngunda ava uruma nava himwa nao arire tji va purasana ave tja: “Tareye, ovandu mbu mave hungire mba, owo Ovagalilea, nu! 8 Okutjavi tji matu ve zuu auhe ama hungire eraka retu oveni mu twa kwatwa? 9 Eṱe twa zira kOpartie na Medie na Elam, na kOmesopotamie na Judea na Kapadosie, na kOpontus na Asie, 10 na kOfrigie na Pamfilie, na kOengipte na kotukondwa atuhe twehi ra Libie popezu na Kirene. Eṱe tjiva twa za kOroma, 11 atuhe pamwe Ovajuda naimba mbe he ri Ovajuda, okutja owo mba mba tanaurirwa kongamburiro yOvajuda, nu tjiva twa za kOkrete na Araba; nungwari matu ve zuu amave hungire oviungura ovihimise vya Ndjambi momaraka wetu oveni!” 12 Nu ngunda ava uruma nava puruka nao tjandje mave purasana nai: “Otjiṋa hi hapo matji hee tjike?”
13 Nungwari ovakwao tjiva aave ve nyekerere amave tja: “Ovarumendu mba va purukisiwa i omavinu.”
Ombuze ya Petrus
14 Petrus wa sekamene puna ovaapostele ovakwao imba omurongo na umwe, a hungire kotjimbumba tjovandu neraka enene a tja: “Eṋe varumendu Ovajuda na eṋe amuhe mbu mwa tura mOjerusalem, otjiṋa hi ngatji tjiukwe ku eṋe, nu purateneye nawa komambo ngu me hungire. 15 Ovarumendu mba kave purukisirwe i omavinu otja tji mamu hee. Tareye, ingee oiri oitjamuvyu yomuhuka omunene. 16 Tji tja tjitwa mba otjo hi omuprofete Joel tja hungirire indu tja tjere:
17 ‘Ndjambi ma tja: Momayuva omasenina ami me tjiti nai:
Me tirire Ombepo yandje kombanda yovandu avehe.
Ovanatje veṋu ovazandu novakazona
mave zuvarisa ombuze yandje;
omitanda vyeṋu mavi munu ovirimunikise;
novarumendu ovanene mave roto oturoto.
18 Nu momayuva ngo ami me tirire Ombepo yandje
kombanda yovakarere vandje avehe
nowo mave zuvarisa ombuze yandje.
19 Ami me tjiti oviraisiro ovihimise
kombanda meyuru nakombanda yehi,
maku kara ombinḓu nomuriro
nomatwimisiro womuise.
20 Eyuva mari zorerisiwa,
nomueze au tjituka ombinḓu,
Eyuva ra Muhona ngunda ari hiye ya,
indi enene netirise.
21 Nu auhe ngu ma isana ena ra Muhona ma yamwa.’
22 “Neṋe varumendu Ovaisrael, puratene komambo nga: Ndjambi wa tjiukisa Jesus wa Nasaret ku eṋe movihimise ovinamasa na moviraisiro eye mbya tjitire mu ye mokati keṋu, eṋe oveni otja tjinga amamu tjiwa. 23 Ndjambi omuini wa tyere nu wa zikamisire rukuru kutja Jesus ma yandjewa momake weṋu, neṋe mwe mu papera kotjikoroise mokumuyandja momake wovarunde nu amu mu zepa. 24 Nungwari Ndjambi we mu kutura komapando wonḓiro ne mu pendura movakoke, eye tjinga e ha sere okupandekwa i onḓiro. 25 Orondu David wa hungira ye, indu tja tjere:
‘Ami mba muna Muhona komurungu wandje.
Eye tjinga e ri popezu na ami,
hi na ku tira ko.
26 Omutima wandje opu wa zu okunyanda,
neraka randje ri nondjoroka onene.
Nami wina mbi nomaundjiro wokutja
orutu rwandje maru kasuva.
27 Orondu ove ko nokundjiesa motjovakoke,
nu ko nokuyandjera ko omukarere woye
omuṱakame kutja a mune omaworero.
28 Ove we ndji raisira ozondjira zomuinyo,
nu tji mbi ri pove,
mbi muna po enyando enene.’
29 “Varumendu ovakwetu, ndji eseye mbi hungire ku eṋe ongahukiro ingwi tate yetu omukururume omutjiukwa ombara David. Eye wa koka na pakwa, neyendo re ri ri mokati ketu nga ku ndinondi. 30 Neye wa ri omuprofete nu aa tjiwa kutja Ndjambi we mu kwizikira noruyano rwokutja ondekurona ye imwe maai kahaama kotjihavero tje tjouhona. 31 Eye wa muna imbi Ndjambi mbi maa katjita moruveze ndu maru ya, notja hungira ombendukiro yOmutwirisiwa a tja:
‘Eye ka serwe motjovakoke,
norutu rwe karu munine omaworero.’
32 Ndjambi ongwa pendura Jesus ngwi movakoke, neṱe atuhe oweṱe ovahongonone vombendukiro ndji. 33 Eye wa pendurwa okukakara kokunene kwa Ndjambi nu wa pewa Ombepo Ondjapuke i Ihe otja pa kwizikirire. Nu Jesus wina ongwa yandja Ombepo ndji ku eṱe nu otjiṋa hi nambano otji mamu munu notji mamu zuu. 34 Orondu David ke na pa rondere keyuru, nungwari wa tja:
‘Muhona Ndjambi wa tja nai kOmuhona wandje:
Kara pehi kokunene kwandje
35 nga ami tji mba tjiti ovanavita na ove ve rire otjihavero tjozombaze zoye.’
36 “Nambano Ovaisrael avehe ngave tjiwe, tjiri, kutja Jesus ngwi eṋe ngu mwa papera kotjikoroise onguri ngwi Ndjambi ngwa zika okurira oMuhona nu Omutwirisiwa!”
37 Nowo tji va zuva omambo nga ngu va raerwa i Petrus, arire tji va kurungisiwa nave tja nai ku Petrus na kovaapostele ovakwao: “Varumendu ovakwetu, ngatu tjite vi?”
38 Petrus arire tje ve ziri a tja: “Auhe weṋu nge ritanaure kourunde we, nu ma papitisiwe mena ra Jesus Kristus, nu Ndjambi me mu isire ourunde weṋu, neṋe mamu pewa otjiyandjewa tja Ndjambi, Ombepo Ondjapuke. 39 Orondu omakwizikiro wa Ndjambi ya tjitirwa eṋe novanatje veṋu na imba avehe mbe ri kokure, imba ngamwa avehe Muhona Ndjambi wetu mbu maa kaisanena ku ye.”
40 Nu Petrus we ve hongonononene omambo warwe ne ve rongo a tja: “Riyameye oveni komberero, ndji mai ya kombanda yomuhoko omurunde mbwi!” 41 Ngamwa avehe mba yakurire omambo we va papitisiwa, nu meyuva ndo kotjimbumba tjovaapostele kwe riwezira ko ovandu mangara omayovi yetatu. 42 Owo va panḓera pomahongero wovaapostele nave rire otjiṋa tjimwe amave ri pamwe nokukumba pamwe.
Ongarero pokati kombongo yovakambure
43 Ovaapostele va tjita ovihimise noviraisiro ovingi, nondira arire tji ya rire onene ku avehe. 44 Nu avehe, imba ovakambure, va kakatera kumwe, nouini wawo auhe ave waneke mumwe. 45 Owo ave randisa ouini noviṋa vyawo, nu imbi ovimariva otjaave haṋa movandu otja ngamwa auhe puya hepa. 46 Eyuva arihe owo aave woronganene mondjuwo ya Muhona nomitima mbya i kumwe, nu ave kara nomariro wawo pamwe mozondjuwondjuwo, amave ri nenyando nomitima omipore, 47 namave tanga Ndjambi. Owo va ingonekerwe i otjiwaṋa atjihe. Nu eyuva arihe peke Muhona aa weza kombongo imba mbaa ve hupisiwa komuinyo.
