Omatwako wokutjita Omikandi vyOpaska
1 Rukwao Muhona wa yandja ku Moses 2 omazikamisiro womayuva womikandi ngu ma sokutjivisa kOvaisrael, kutja ye rire omayuva womaworonganeno wawo womerikotameneno. 3 Muna omayuva hamboumwe okuungura mo oviungura vyeṋu, nungwari eyuva oritjahambombari esabata, okutja Eyuva rOkusuva. Meyuva ndo amu ungura mo otjiungura, nungwari nga rire eyuva romaworonganeno womerikotameneno. Esabata, eyuva ra Muhona momaturiro weṋu aehe. 4 Omikandi vya Muhona mbi, mamu sokutjivisa moruveze rwawo ndwa tuwa po.
Opaska nOzomboroto nḓe hi nosurise
(Num 28:16-25)5 “ ‘Meyuva oritjamurongo na yane romueze omutenga, kuṱa komuihi, omukandi wOpaska ya Muhona otji mai utwa. 6 Meyuva oritjamurongo na yetano romueze tjingewo womukandi wOzomboroto nḓe hi nosurise otji ri uta kondjozikiro ya Muhona; oure womayuva hambombari ryee ozomboroto nḓe hi nosurise. 7 Nu meyuva etenga mamu sokuya pamwe okurikotamena; amu ungura ko otjiungura tjeṋu tjeyuva arihe mu ro. 8 Oure womayuva hambombari punguhireye Muhona ombunguhiro oningiririsiwa. Nungwari meyuva oritjahambombari woronganeneye okurikotamena, nungwari amu ungura ko otjingura tjeṋu tjeyuva arihe mu ro.’”
9 Muhona wa hungira ku Moses a tja: 10 “Raera nai kOvaisrael: ‘Tji mamu hiti mehi ami ndi me mu pe, namu kondo ovikunwa vyaro, twareye otjitengakuhora tjomakondero weṋu komupristeri. 11 Eye nge tji yandje ku Muhona kutja mu yakurirwe tjo norutjato; omupristeri nge tji yandje meyuva rokombunda yaindi rOkusuva. 12 Meyuva eṋe mu mamu eta ovikondwa vyeṋu ovitenga, wina punguhireye Muhona ondjona yombura imwe ndji hi notjipo i rire ombunguhiro oningiririsiwa. 13 Nu eteye ozokirograma mbari zoruhere orunḓunḓura ndwa rungwa nomaze womiṋinga ru rire ombunguhiro yovikurya. Omuṋuko wombunguhiro oningiririsiwa mbwi, omunanyuṋe ku Muhona. Nu noho punguha ombunguhiro yomanuwa, ngai rire orita imwe yomavinu. 14 Amu ri ko omboroto poo ovikokotwa mbya terekwa mezuko poo ovirya ovipe, nga keyuva ndi mamu etere Ndjambi weṋu otjiyambo tjombunguhiro. Inga owo omazikamisiro omakarerere kozondekurona zeṋu momaturiro weṋu aehe.
Omukandi wOmakondero wovikokotwa
(Num 28:26-31)15 “‘Vareye ovivike hambombari okuza keyuva rokombunda yesabata, eṋe mu mamu eta ombunguhiro yovikokotwa, okuviyandja ku Muhona. 16 Meyuva oritjamirongo vitano, indi rokombunda yaindi yesabata eyuva oritjahambombari, punguhireye Muhona ombunguhiro ongwao ombe yovikurya. 17 Eṱunḓu arihe nga ri yete ozomboroto mbari otja otjiyandjewa tjapeke ku Muhona. Nu omboroto aihe ngai ungurwe poruhere orunḓunḓura rwozokirograma mbari; ngaze terekwe nosurise, nu ze etwe ku Muhona ze rire ombunguhiro yovitengakuhora vyovikunino vyeṋu. 18 Puna inḓa ozomboroto wina eteye ozondjona hambombari zombura imwe nḓe hi notjipo, nondwiyona imwe yongombe, nozondwezu mbari zozonḓu. Ozongaze rire ombunguhiro oningiririsiwa ku Muhona puna indji yovikurya na inḓa zomanuwa. Omuṋuko wombunguhiro oningiririsiwa mbwi, omunanyuṋe ku Muhona. 19 Wina punguheye ondwezu yongombo i rire ombunguhiro yokuisapo ourunde, nozondjona mbari zombura imwe ze rire ombunguhiro yohange. 20 Omupristeri nga yandje omboroto puna ozondjona mbari okurira otjiyandjewa tjapeke ku Muhona; imbi avihe ngavi yapurirwe Muhona, nu vi rire ovyovapristeri. 21 Nu meyuva tjingero ndo amu ungura ko otjiungura tjeṋu tjeyuva arihe, nungwari woronganeye pamwe okurikotamena. Inga owo omazikamisiro omakarerere kozondekurona zeṋu, momaturiro weṋu aehe.
22 “‘Tji mamu kondo ovihape vyovikunino vyeṋu amu he vi kondo nga kovikoro vyovikunino okumana, nu amu ha wongo ovihweka mbya wire pehi. Vi esireye ovasyona novozonganda. Owami ngu mbi ri Muhona, Ndjambi weṋu.’”
Omukandi wOmbura Ombe
(Num 29:1-6)23 Rukwao Muhona wa hungira ku Moses a tja: 24 “Raera nai kOvaisrael: ‘Eyuva etenga romueze outjahambombari ngari rire eyuva rokusuva ku eṋe; ozohiva tji za pose, woronganeye pamwe okurikotamena. 25 Amu ungura ko otjiungura tjeṋu tjeyuva arihe, nungwari punguhireye Muhona ombunguhiro oningiririsiwa.’ ”
Eyuva rOmbunguhiro yOmakohororero
(Num 29:7-11)26 Muhona wa hungira ku Moses a tja: 27 “Eyuva oritjamurongo romueze mbwi outjahambombari oro Eyuva rombunguhiro yomakohororero; meyuva ndo woronganeye pamwe okurikotamena, mu ritjaere kovikurya, nu mu punguhire Muhona ombunguhiro oningiririsiwa. 28 Meyuva tjingero ndo amu ungura ngamwa otjiungura, tjinga ari ri Eyuva rombunguhiro yomakohororero; eṋe mamu tjitirwa ombunguhiro yokuisapo ourunde. 29 Nu auhe ngu hi nokuritjaera kovikurya meyuva ndo, nga kondwe kotjiwaṋa tjawo. 30 Auhe ngu ma ungura otjiungura ngamwa atjihe meyuva tjingero ndo, ami omuini me mu zepa. 31 Amu ungura ko otjiungura ngamwa atjihe. Inga owo omazikamisiro omakarere kozondekurona zeṋu momaturiro weṋu aehe. 32 Oro ngari rire eyuva rokusuva katjotjiri ku eṋe, nu mamu sokuritjaera kovikurya; nu meyuva oritjamuvyu komueze mbwi, okuza komuihi weyuva ndo nga komuihi weyuva oritjamurongo, ṱakamiseye eyuva rokusuva.”
Omukandi wOviranda vyOmaso
(Num 29:12-40)33 Rukwao Muhona wa hungira ku Moses a tja: 34 “Raera nai kOvaisrael ‘Omukandi wOviranda vyOmaso mau kara meyuva oritjamurongo na yetano komueze mbwi outjahambombari kondjozikiro ya Muhona, nu ri kara oure womayuva hambombari kondjozikiro ya Muhona. 35 Meyuva etenga woronganeye pamwe okurikotamena; nu amu ungura ko otjiungura tjeṋu tjeyuva arihe mu ro. 36 Eyuva arihe oure womayuva hambombari punguheye ombunguhiro oningiririsiwa. Nu meyuva oritjahambondatu woronganeye rukwao okurikotamena, nu mu punguhire Muhona ombunguhiro oningiririsiwa. Eyuva ndi esenina oro eyuva enene romerikotameneno; amu ungura ko otjiungura tjeṋu tjeyuva arihe mu ro.
37 “‘Inga omazikamisiro womukandi wondjozikiro ya Muhona ngu tu woronganena pamwe okurikotamena ku ye noku mu punguhira ozombunguhiro zovikurya, ozombunguhiro ozoningiririsiwa nozovinamuinyo, nozombunguhiro zomanuwa otja punga aza tyerwa, aihe meyuva rayo peke. 38 Omayuva womikandi nga owo omaweziwa ku inga wOkusuva, nozombunguhiro nḓa ozombweziwa koviyandjewa vyeṋu mbi kara po na kozombunguhiro zomakwizikiro weṋu, na wina ku inḓa zombango yeṋu nḓu mamu punguhire Muhona oveni.
39 “‘Meyuva oritjamurongo na yetano komueze outjahambombari, tji mamu wongo ovihape vyovikunino, nyandereye Muhona omukandi oure womayuva hambombari. Eyuva etenga na indi oritjahambondatu owo omayuva wOkusuva. 40 Meyuva etenga rinikorereye ovihape oviwa tjinene komiti vyoye, tooreye omaso womavare notutavi twomiti omipote notwomihasuviwa, nu oure womayuva hambombari mu kare nomukandi wondjozikiro ku Muhona, Ndjambi weṋu. 41 Omukandi mbwi mamu sokukara nawo oure womayuva hambombari mombura aihe kondjozikiro ya Muhona. Inga owo omazikamisiro omakarerere kozondekurona zeṋu. 42 Ovaisrael avehe ngave ture moviranda oure womayuva hambombari, 43 kokutja ozondekurona zeṋu ze tjiwe kutja ami mba turisire Ovaisrael moviranda, indu tji mbe ve pitisire mehi ra Engipte. Owami ngu mbi ri Muhona, Ndjambi weṋu.’”
44 Komuhingo mbwi Moses wa yandja kOvaisrael omazikamisiro wokuṱakamisa omikandi vyondjozikiro ku Muhona.
Omatwako wokutjita Omikandi vyOpaska
1 Rukwao Muhona wa yandja ku Moses 2 omazikamisiro womayuva womikandi ngu ma sokutjivisa kOvaisrael, kutja ye rire omayuva womaworonganeno wawo womerikotameneno. 3 Muna omayuva hamboumwe okuungura mo oviungura vyeṋu, nungwari eyuva oritjahambombari esabata, okutja Eyuva rOkusuva. Meyuva ndo amu ungura mo otjiungura, nungwari nga rire eyuva romaworonganeno womerikotameneno. Esabata, eyuva ra Muhona momaturiro weṋu aehe. 4 Omikandi vya Muhona mbi, mamu sokutjivisa moruveze rwawo ndwa tuwa po.
Opaska nOzomboroto nḓe hi nosurise
(Num 28:16-25)5 “ ‘Meyuva oritjamurongo na yane romueze omutenga, kuṱa komuihi, omukandi wOpaska ya Muhona otji mai utwa. 6 Meyuva oritjamurongo na yetano romueze tjingewo womukandi wOzomboroto nḓe hi nosurise otji ri uta kondjozikiro ya Muhona; oure womayuva hambombari ryee ozomboroto nḓe hi nosurise. 7 Nu meyuva etenga mamu sokuya pamwe okurikotamena; amu ungura ko otjiungura tjeṋu tjeyuva arihe mu ro. 8 Oure womayuva hambombari punguhireye Muhona ombunguhiro oningiririsiwa. Nungwari meyuva oritjahambombari woronganeneye okurikotamena, nungwari amu ungura ko otjingura tjeṋu tjeyuva arihe mu ro.’”
9 Muhona wa hungira ku Moses a tja: 10 “Raera nai kOvaisrael: ‘Tji mamu hiti mehi ami ndi me mu pe, namu kondo ovikunwa vyaro, twareye otjitengakuhora tjomakondero weṋu komupristeri. 11 Eye nge tji yandje ku Muhona kutja mu yakurirwe tjo norutjato; omupristeri nge tji yandje meyuva rokombunda yaindi rOkusuva. 12 Meyuva eṋe mu mamu eta ovikondwa vyeṋu ovitenga, wina punguhireye Muhona ondjona yombura imwe ndji hi notjipo i rire ombunguhiro oningiririsiwa. 13 Nu eteye ozokirograma mbari zoruhere orunḓunḓura ndwa rungwa nomaze womiṋinga ru rire ombunguhiro yovikurya. Omuṋuko wombunguhiro oningiririsiwa mbwi, omunanyuṋe ku Muhona. Nu noho punguha ombunguhiro yomanuwa, ngai rire orita imwe yomavinu. 14 Amu ri ko omboroto poo ovikokotwa mbya terekwa mezuko poo ovirya ovipe, nga keyuva ndi mamu etere Ndjambi weṋu otjiyambo tjombunguhiro. Inga owo omazikamisiro omakarerere kozondekurona zeṋu momaturiro weṋu aehe.
Omukandi wOmakondero wovikokotwa
(Num 28:26-31)15 “‘Vareye ovivike hambombari okuza keyuva rokombunda yesabata, eṋe mu mamu eta ombunguhiro yovikokotwa, okuviyandja ku Muhona. 16 Meyuva oritjamirongo vitano, indi rokombunda yaindi yesabata eyuva oritjahambombari, punguhireye Muhona ombunguhiro ongwao ombe yovikurya. 17 Eṱunḓu arihe nga ri yete ozomboroto mbari otja otjiyandjewa tjapeke ku Muhona. Nu omboroto aihe ngai ungurwe poruhere orunḓunḓura rwozokirograma mbari; ngaze terekwe nosurise, nu ze etwe ku Muhona ze rire ombunguhiro yovitengakuhora vyovikunino vyeṋu. 18 Puna inḓa ozomboroto wina eteye ozondjona hambombari zombura imwe nḓe hi notjipo, nondwiyona imwe yongombe, nozondwezu mbari zozonḓu. Ozongaze rire ombunguhiro oningiririsiwa ku Muhona puna indji yovikurya na inḓa zomanuwa. Omuṋuko wombunguhiro oningiririsiwa mbwi, omunanyuṋe ku Muhona. 19 Wina punguheye ondwezu yongombo i rire ombunguhiro yokuisapo ourunde, nozondjona mbari zombura imwe ze rire ombunguhiro yohange. 20 Omupristeri nga yandje omboroto puna ozondjona mbari okurira otjiyandjewa tjapeke ku Muhona; imbi avihe ngavi yapurirwe Muhona, nu vi rire ovyovapristeri. 21 Nu meyuva tjingero ndo amu ungura ko otjiungura tjeṋu tjeyuva arihe, nungwari woronganeye pamwe okurikotamena. Inga owo omazikamisiro omakarerere kozondekurona zeṋu, momaturiro weṋu aehe.
22 “‘Tji mamu kondo ovihape vyovikunino vyeṋu amu he vi kondo nga kovikoro vyovikunino okumana, nu amu ha wongo ovihweka mbya wire pehi. Vi esireye ovasyona novozonganda. Owami ngu mbi ri Muhona, Ndjambi weṋu.’”
Omukandi wOmbura Ombe
(Num 29:1-6)23 Rukwao Muhona wa hungira ku Moses a tja: 24 “Raera nai kOvaisrael: ‘Eyuva etenga romueze outjahambombari ngari rire eyuva rokusuva ku eṋe; ozohiva tji za pose, woronganeye pamwe okurikotamena. 25 Amu ungura ko otjiungura tjeṋu tjeyuva arihe, nungwari punguhireye Muhona ombunguhiro oningiririsiwa.’ ”
Eyuva rOmbunguhiro yOmakohororero
(Num 29:7-11)26 Muhona wa hungira ku Moses a tja: 27 “Eyuva oritjamurongo romueze mbwi outjahambombari oro Eyuva rombunguhiro yomakohororero; meyuva ndo woronganeye pamwe okurikotamena, mu ritjaere kovikurya, nu mu punguhire Muhona ombunguhiro oningiririsiwa. 28 Meyuva tjingero ndo amu ungura ngamwa otjiungura, tjinga ari ri Eyuva rombunguhiro yomakohororero; eṋe mamu tjitirwa ombunguhiro yokuisapo ourunde. 29 Nu auhe ngu hi nokuritjaera kovikurya meyuva ndo, nga kondwe kotjiwaṋa tjawo. 30 Auhe ngu ma ungura otjiungura ngamwa atjihe meyuva tjingero ndo, ami omuini me mu zepa. 31 Amu ungura ko otjiungura ngamwa atjihe. Inga owo omazikamisiro omakarere kozondekurona zeṋu momaturiro weṋu aehe. 32 Oro ngari rire eyuva rokusuva katjotjiri ku eṋe, nu mamu sokuritjaera kovikurya; nu meyuva oritjamuvyu komueze mbwi, okuza komuihi weyuva ndo nga komuihi weyuva oritjamurongo, ṱakamiseye eyuva rokusuva.”
Omukandi wOviranda vyOmaso
(Num 29:12-40)33 Rukwao Muhona wa hungira ku Moses a tja: 34 “Raera nai kOvaisrael ‘Omukandi wOviranda vyOmaso mau kara meyuva oritjamurongo na yetano komueze mbwi outjahambombari kondjozikiro ya Muhona, nu ri kara oure womayuva hambombari kondjozikiro ya Muhona. 35 Meyuva etenga woronganeye pamwe okurikotamena; nu amu ungura ko otjiungura tjeṋu tjeyuva arihe mu ro. 36 Eyuva arihe oure womayuva hambombari punguheye ombunguhiro oningiririsiwa. Nu meyuva oritjahambondatu woronganeye rukwao okurikotamena, nu mu punguhire Muhona ombunguhiro oningiririsiwa. Eyuva ndi esenina oro eyuva enene romerikotameneno; amu ungura ko otjiungura tjeṋu tjeyuva arihe mu ro.
37 “‘Inga omazikamisiro womukandi wondjozikiro ya Muhona ngu tu woronganena pamwe okurikotamena ku ye noku mu punguhira ozombunguhiro zovikurya, ozombunguhiro ozoningiririsiwa nozovinamuinyo, nozombunguhiro zomanuwa otja punga aza tyerwa, aihe meyuva rayo peke. 38 Omayuva womikandi nga owo omaweziwa ku inga wOkusuva, nozombunguhiro nḓa ozombweziwa koviyandjewa vyeṋu mbi kara po na kozombunguhiro zomakwizikiro weṋu, na wina ku inḓa zombango yeṋu nḓu mamu punguhire Muhona oveni.
39 “‘Meyuva oritjamurongo na yetano komueze outjahambombari, tji mamu wongo ovihape vyovikunino, nyandereye Muhona omukandi oure womayuva hambombari. Eyuva etenga na indi oritjahambondatu owo omayuva wOkusuva. 40 Meyuva etenga rinikorereye ovihape oviwa tjinene komiti vyoye, tooreye omaso womavare notutavi twomiti omipote notwomihasuviwa, nu oure womayuva hambombari mu kare nomukandi wondjozikiro ku Muhona, Ndjambi weṋu. 41 Omukandi mbwi mamu sokukara nawo oure womayuva hambombari mombura aihe kondjozikiro ya Muhona. Inga owo omazikamisiro omakarerere kozondekurona zeṋu. 42 Ovaisrael avehe ngave ture moviranda oure womayuva hambombari, 43 kokutja ozondekurona zeṋu ze tjiwe kutja ami mba turisire Ovaisrael moviranda, indu tji mbe ve pitisire mehi ra Engipte. Owami ngu mbi ri Muhona, Ndjambi weṋu.’”
44 Komuhingo mbwi Moses wa yandja kOvaisrael omazikamisiro wokuṱakamisa omikandi vyondjozikiro ku Muhona.
