Joahas ma rire ombara mOisrael
1 Mombura oitjamirongo vivari nandatu youhona wa Joas, omuzandu wa Ahasia, ombara ya Juda, Joahohas, omuzandu wa Jehu, otja rira ombara mOisrael; neye wa honapara oure wozombura omurongo na hambombari mOsamaria. 2 Eye wa tura ondjo komurungu wa Muhona tjimuna ombara Jerobeam, omuzandu wa Nebat, ngwa ri po komurungu we; nu wina wa pora Ovaisrael ku Muhona. Eye ke na pa isa ozondjira ze ozombi. 3 Muhona otja ṱomazenge na Israel; neye wa isa Hasael, ombara ya Sirie, nomuzandu we Benhadad kutja ve havere Israel aruhe. 4 Joahohas wa kumba ku Muhona, nu Muhona tja muna ombara ya Sirie tji mai ṋiṋikiza Ovaisrael noutwe nai, otja zuvira ongumbiro ye. 5 Muhona wa pendurira Ovaisrael omukuture, ngwe ve kutura kOvasirie, nOvaisrael otji va kara mohange tjimuna indu rukuru. 6 Nungwari owo ingee kave isire omauvi ngu va katukisirwe i Jerobeam; nu va panḓera pu wo. Notjiserekarera tjomukuru wotjisenginina oserekaze Asera wina tja kara mOsamaria.
7 Joahohas ka hupire notjimbumba tjovita; pa hupa ovakavire omirongo vitano, nomatemba wovita omurongo novarwe wovita vopehi omayovi omurongo uriri, ombara ya Sirie tjinga aya nyonene imba ovakwao, mba hupa, naye we ve ṱukuṱurire tjimuna oruuma.
8 Oviṋa avihe vyarwe Joahohas mbya tjita nouvanḓe we vya tjangwa mEkuruhungi rOzombara za Israel. 9 Eye wa koka na pakwa mOsamaria, nomuzandu we Joahohas we mu pingena mouhona.
Joas ma rire ombara mOisrael
10 Mombura oitjamirongo vitatu na hambombari youhona wa Joas, ombara ya Juda, Jehoas, omuzandu wa Joahohas, otja rira ombara mOisrael; neye wa honapara mOsamaria oure wozombura omurongo na hamboumwe. 11 Eye wina wa tura ondjo komurungu wa Muhona na kongorere otjihorera otjivi tjombara Jerobeam ngwa katukisire Ovaisrael. 12 Oviṋa avihe vyarwe Joas mbya tjita, nouvanḓe we tja rwisa Amasja, ombara ya Juda, vya tjangwa mEkuruhungi rOzombara za Israel. 13 Joas wa koka na pakwa momaendo wouhona mOsamaria, nomuzandu we Jerobeam II we mu pingena mouhona.
Onḓiro ya Elisa
14 Omuprofete Elisa wa vera omutjise omuzeu; nu tja ri pokukoka, Joas, ombara ya Israel, we kemuvarura. Eye wa ura ama riri na tja: “Tate, tate, ove wa ri omuyeure omunamasa wa Israel!”
15 Elisa we mu rakiza na tja: “Eta outa noviku!” Joas we vi eta, 16 nu Elisa we mu raera kutja e rirongere okuyaha. Ombara ya tjita nao, nu Elisa wa twa omake we pomake wombara. 17 Nu ombara ya paturura oruiho ndwa hungama kOsirie otja komaraerero womuprofete Elisa. Nu Elisa we mu rakiza na tja: “Yumba otjiku!” Mokamanga ombara tji ya zu nokuyumba otjiku, ingwi omuprofete otja ravaera nai: “Oove ngu u ri otjiku tja Muhona, eye tji ma toṋa na tjo Ovasirie. Mo rwisa Ovasirie mOafek, nga tji we ve havere.”
18 Elisa wa raera kutja ombara i toore oviku mbi ovikwao nu i tone na vyo ehi. Ombara ya tona ehi potutatu; tjazumba ai hirimana. 19 Ihi tja pindikisire Elisa, neye wa tja nai kombara: “Andakuzu wa tono ehi povikando vitano poo hamboumwe otjo havera Ovasirie oparukaze; nungwari nambano mo ve havere ovikando vitatu uriri.”
20 Elisa wa koka na pakwa.
Nombura aihe ovira vyovapunde vyOvamoab aavi rwisa Ovaisrael. 21 Otjikando tjimwe, mombakero yomundu worive, otjira tjimwe tjOvamoab tja munika mbo, novandu va yumba orurova ndwi meyendo ra Elisa, nave tupuka. Mokamanga orurova ndwi tji rwa ṱuna komaṱupa wa Elisa, ingwi omukoke otja rira omunamuinyo, na kurama.
Ovita pokati kOvaisrael nOvasirie
22 Hasael, ombara ya Sirie, wa ṋiṋikiza Ovaisrael moure woruveze aruhe rwouhona wa Joahohas; 23 nungwari Muhona wa ṱondjenda na kara notjari nOvaisrael. Eye ke ve isire kutja ve yandekwe, nungwari we ve vatera mena romerikutiropamwe eye nga tjita na Abraham na Isak na Jakob. Ke na pa zemba otjiwaṋa tje.
24 Hasael, ombara ya Sirie, tja koka, omuzandu we Benhadad otja rira ombara. 25 Joas, ombara ya Israel, wa havera Benhadad ovikando vitatu na kambura ovihuro vyawo rukwao mbya huurirwe i Benhadad moruveze rwouhona wa Joahohas, ihe ya Joas.
Joahas ma rire ombara mOisrael
1 Mombura oitjamirongo vivari nandatu youhona wa Joas, omuzandu wa Ahasia, ombara ya Juda, Joahohas, omuzandu wa Jehu, otja rira ombara mOisrael; neye wa honapara oure wozombura omurongo na hambombari mOsamaria. 2 Eye wa tura ondjo komurungu wa Muhona tjimuna ombara Jerobeam, omuzandu wa Nebat, ngwa ri po komurungu we; nu wina wa pora Ovaisrael ku Muhona. Eye ke na pa isa ozondjira ze ozombi. 3 Muhona otja ṱomazenge na Israel; neye wa isa Hasael, ombara ya Sirie, nomuzandu we Benhadad kutja ve havere Israel aruhe. 4 Joahohas wa kumba ku Muhona, nu Muhona tja muna ombara ya Sirie tji mai ṋiṋikiza Ovaisrael noutwe nai, otja zuvira ongumbiro ye. 5 Muhona wa pendurira Ovaisrael omukuture, ngwe ve kutura kOvasirie, nOvaisrael otji va kara mohange tjimuna indu rukuru. 6 Nungwari owo ingee kave isire omauvi ngu va katukisirwe i Jerobeam; nu va panḓera pu wo. Notjiserekarera tjomukuru wotjisenginina oserekaze Asera wina tja kara mOsamaria.
7 Joahohas ka hupire notjimbumba tjovita; pa hupa ovakavire omirongo vitano, nomatemba wovita omurongo novarwe wovita vopehi omayovi omurongo uriri, ombara ya Sirie tjinga aya nyonene imba ovakwao, mba hupa, naye we ve ṱukuṱurire tjimuna oruuma.
8 Oviṋa avihe vyarwe Joahohas mbya tjita nouvanḓe we vya tjangwa mEkuruhungi rOzombara za Israel. 9 Eye wa koka na pakwa mOsamaria, nomuzandu we Joahohas we mu pingena mouhona.
Joas ma rire ombara mOisrael
10 Mombura oitjamirongo vitatu na hambombari youhona wa Joas, ombara ya Juda, Jehoas, omuzandu wa Joahohas, otja rira ombara mOisrael; neye wa honapara mOsamaria oure wozombura omurongo na hamboumwe. 11 Eye wina wa tura ondjo komurungu wa Muhona na kongorere otjihorera otjivi tjombara Jerobeam ngwa katukisire Ovaisrael. 12 Oviṋa avihe vyarwe Joas mbya tjita, nouvanḓe we tja rwisa Amasja, ombara ya Juda, vya tjangwa mEkuruhungi rOzombara za Israel. 13 Joas wa koka na pakwa momaendo wouhona mOsamaria, nomuzandu we Jerobeam II we mu pingena mouhona.
Onḓiro ya Elisa
14 Omuprofete Elisa wa vera omutjise omuzeu; nu tja ri pokukoka, Joas, ombara ya Israel, we kemuvarura. Eye wa ura ama riri na tja: “Tate, tate, ove wa ri omuyeure omunamasa wa Israel!”
15 Elisa we mu rakiza na tja: “Eta outa noviku!” Joas we vi eta, 16 nu Elisa we mu raera kutja e rirongere okuyaha. Ombara ya tjita nao, nu Elisa wa twa omake we pomake wombara. 17 Nu ombara ya paturura oruiho ndwa hungama kOsirie otja komaraerero womuprofete Elisa. Nu Elisa we mu rakiza na tja: “Yumba otjiku!” Mokamanga ombara tji ya zu nokuyumba otjiku, ingwi omuprofete otja ravaera nai: “Oove ngu u ri otjiku tja Muhona, eye tji ma toṋa na tjo Ovasirie. Mo rwisa Ovasirie mOafek, nga tji we ve havere.”
18 Elisa wa raera kutja ombara i toore oviku mbi ovikwao nu i tone na vyo ehi. Ombara ya tona ehi potutatu; tjazumba ai hirimana. 19 Ihi tja pindikisire Elisa, neye wa tja nai kombara: “Andakuzu wa tono ehi povikando vitano poo hamboumwe otjo havera Ovasirie oparukaze; nungwari nambano mo ve havere ovikando vitatu uriri.”
20 Elisa wa koka na pakwa.
Nombura aihe ovira vyovapunde vyOvamoab aavi rwisa Ovaisrael. 21 Otjikando tjimwe, mombakero yomundu worive, otjira tjimwe tjOvamoab tja munika mbo, novandu va yumba orurova ndwi meyendo ra Elisa, nave tupuka. Mokamanga orurova ndwi tji rwa ṱuna komaṱupa wa Elisa, ingwi omukoke otja rira omunamuinyo, na kurama.
Ovita pokati kOvaisrael nOvasirie
22 Hasael, ombara ya Sirie, wa ṋiṋikiza Ovaisrael moure woruveze aruhe rwouhona wa Joahohas; 23 nungwari Muhona wa ṱondjenda na kara notjari nOvaisrael. Eye ke ve isire kutja ve yandekwe, nungwari we ve vatera mena romerikutiropamwe eye nga tjita na Abraham na Isak na Jakob. Ke na pa zemba otjiwaṋa tje.
24 Hasael, ombara ya Sirie, tja koka, omuzandu we Benhadad otja rira ombara. 25 Joas, ombara ya Israel, wa havera Benhadad ovikando vitatu na kambura ovihuro vyawo rukwao mbya huurirwe i Benhadad moruveze rwouhona wa Joahohas, ihe ya Joas.
