Omaukiro wa Semaja
(1Ozo 12:21-24)1 Ombara Rehabeam tje ya mOjerusalem otja woronganisa ovarwe wovita ovatoororwa 180,000 momuhoko wa Benjamin nowa Juda. Eye we rimana okuyenda kovita okukayarura ko ouhona we komihoko vya Israel mbya turire keyuva kokunene. 2 Nungwari Muhona wa raera komuprofete Semaja 3 kutja a yandje ombuze ndji ku Rehabeam, ombara ya Juda, na kovandu avehe womuhoko wa Juda nowa Benjamin, ama tja: 4 “Amu karwisa Ovaisrael ovakweṋu. Yarukeye konganda amuhe. Avihe mbya tjitwa, ovyo ombango yandje.” Owo va zuva komarakiza wa Muhona nave ha karwisa Jerobeam.
Rehabeam ma zeuparisa ovihuro
5 Rehabeam wa kara mOjerusalem na zeuparisa omatungiro wovihuro mbi vya Juda novya Benjamin: 6 Betlehem na Etam na Tekoa, 7 na Bet-Sur na Soko na Adulam, 8 na Gat na Maresa na Sif, 9 na Adoraim na Lakis na Aseka, 10 na Sora na Ajalon na Hebron. 11 Eye wa zeuparisa ovihuro mbi nomasa na ziki omuhongore motjihuro atjihe na twa mo ombwiko yovikurya noyomaze womiṋinga nomavinu, 12 notuvao nomanga wina. Komuhingo mbwi eye wa ṱakamisira Juda na Benjamin kehi youhona we.
Ovapristeri nOvalevi mave ya kehi ra Juda
13 Ovapristeri nOvalevi ve ya keyuva kokumuho okukara mOjuda, okuza korukondwa aruhe rwehi ra Israel. 14 Ovalevi va isa omahi wawo womaryo nouini wawo nave tjindire kOjuda na Jerusalem, orondu Jerobeam, ombara ya Israel, novemupingene kaave vanga kutja owo ve karere Muhona otja ovapristeri. 15 Jerobeam wa zika ovapristeri ve omuini ve karere poṋa pomerikotameneno kovisenginina kozondunda, nokurikotamena kozombepo ozohakohoke na koviserekarera mbya ungurire mombunikiro yozondwezu zozongombe. 16 Okuza momihoko avihe vyOvaisrael ovandu mbaa ve vanga, tjiri, okurikotamena ku Muhona, Ndjambi wa Israel, va kongorera Ovalevi kOjerusalem, kokutja ve kapunguhire Muhona, Ndjambi wooihe mukururume, ozombunguhiro. 17 Komuhingo mbwi owo va zeuparisa ouhona wa Juda; moure wozombura ndatu va vatera Rehabeam, omuzandu wa Salomo, amave horere kovikaro vyombara David novyombara Salomo.
Eṱunḓu ra Rehabeam
18 Rehabeam wa kupire Mahalat, omusuko wa Jerimot, omuzandu wa David. Ina wa ri Abihail, omusuko wa Eliab, omuzandu wa Isai. 19 Owo va ri novazandu vetatu: OoJeus na Semarja na Saham. 20 Kombunda Rehabeam wa kupire Maaka, omusuko wa Absalom; nowo va ri novazandu vane: OoAbija na Atai na Sisa na Selomit. 21 Rehabeam wa ri novakazendu avehe kumwe omurongo na hambondatu, novakazendu ovambanda omirongo hamboumwe; eye wa kwata ovazandu omirongo vivari na hambondatu, novakazona omirongo hamboumwe movakazendu mba. Nungwari mokati kovakazendu ve avehe na imba ovambanda eye wa hurire Maaka tjinene. 22 Eye wa ingoneka Abija, omuzandu wa Maaka, povanatje ve avehe varwe, ne mu toorora kutja e mu pingene okurira ombara. 23 Rehabeam wa yandja nounongo ozondyero kovazandu ve; eye we ve zika mehi arihe ra Juda nora Benjamin movihuro mbya zeuparisiwa. Eye we ve pa oviparure ovingi tjinene ne ve pahere ovakazendu ovengi.
Omaukiro wa Semaja
(1Ozo 12:21-24)1 Ombara Rehabeam tje ya mOjerusalem otja woronganisa ovarwe wovita ovatoororwa 180,000 momuhoko wa Benjamin nowa Juda. Eye we rimana okuyenda kovita okukayarura ko ouhona we komihoko vya Israel mbya turire keyuva kokunene. 2 Nungwari Muhona wa raera komuprofete Semaja 3 kutja a yandje ombuze ndji ku Rehabeam, ombara ya Juda, na kovandu avehe womuhoko wa Juda nowa Benjamin, ama tja: 4 “Amu karwisa Ovaisrael ovakweṋu. Yarukeye konganda amuhe. Avihe mbya tjitwa, ovyo ombango yandje.” Owo va zuva komarakiza wa Muhona nave ha karwisa Jerobeam.
Rehabeam ma zeuparisa ovihuro
5 Rehabeam wa kara mOjerusalem na zeuparisa omatungiro wovihuro mbi vya Juda novya Benjamin: 6 Betlehem na Etam na Tekoa, 7 na Bet-Sur na Soko na Adulam, 8 na Gat na Maresa na Sif, 9 na Adoraim na Lakis na Aseka, 10 na Sora na Ajalon na Hebron. 11 Eye wa zeuparisa ovihuro mbi nomasa na ziki omuhongore motjihuro atjihe na twa mo ombwiko yovikurya noyomaze womiṋinga nomavinu, 12 notuvao nomanga wina. Komuhingo mbwi eye wa ṱakamisira Juda na Benjamin kehi youhona we.
Ovapristeri nOvalevi mave ya kehi ra Juda
13 Ovapristeri nOvalevi ve ya keyuva kokumuho okukara mOjuda, okuza korukondwa aruhe rwehi ra Israel. 14 Ovalevi va isa omahi wawo womaryo nouini wawo nave tjindire kOjuda na Jerusalem, orondu Jerobeam, ombara ya Israel, novemupingene kaave vanga kutja owo ve karere Muhona otja ovapristeri. 15 Jerobeam wa zika ovapristeri ve omuini ve karere poṋa pomerikotameneno kovisenginina kozondunda, nokurikotamena kozombepo ozohakohoke na koviserekarera mbya ungurire mombunikiro yozondwezu zozongombe. 16 Okuza momihoko avihe vyOvaisrael ovandu mbaa ve vanga, tjiri, okurikotamena ku Muhona, Ndjambi wa Israel, va kongorera Ovalevi kOjerusalem, kokutja ve kapunguhire Muhona, Ndjambi wooihe mukururume, ozombunguhiro. 17 Komuhingo mbwi owo va zeuparisa ouhona wa Juda; moure wozombura ndatu va vatera Rehabeam, omuzandu wa Salomo, amave horere kovikaro vyombara David novyombara Salomo.
Eṱunḓu ra Rehabeam
18 Rehabeam wa kupire Mahalat, omusuko wa Jerimot, omuzandu wa David. Ina wa ri Abihail, omusuko wa Eliab, omuzandu wa Isai. 19 Owo va ri novazandu vetatu: OoJeus na Semarja na Saham. 20 Kombunda Rehabeam wa kupire Maaka, omusuko wa Absalom; nowo va ri novazandu vane: OoAbija na Atai na Sisa na Selomit. 21 Rehabeam wa ri novakazendu avehe kumwe omurongo na hambondatu, novakazendu ovambanda omirongo hamboumwe; eye wa kwata ovazandu omirongo vivari na hambondatu, novakazona omirongo hamboumwe movakazendu mba. Nungwari mokati kovakazendu ve avehe na imba ovambanda eye wa hurire Maaka tjinene. 22 Eye wa ingoneka Abija, omuzandu wa Maaka, povanatje ve avehe varwe, ne mu toorora kutja e mu pingene okurira ombara. 23 Rehabeam wa yandja nounongo ozondyero kovazandu ve; eye we ve zika mehi arihe ra Juda nora Benjamin movihuro mbya zeuparisiwa. Eye we ve pa oviparure ovingi tjinene ne ve pahere ovakazendu ovengi.
