Omahaṋikiro wouhona
(2Eku 10:1-19)1 Rehabeam wa ya kOsikem Ovaisrael avehe vokomukuma wokeyuva kokunene ku va kaworonganena okumuzika okurira ombara. 2 Jerobeam, omuzandu wa Nebat, ngwa ire kOengipte okutaura kombara Salomo, tja zuva ombuze ndji otja kotoka okuza kOengipte. 3 Omihoko vyokeyuva kokunene vya hinda ombuze ku ye okukemuisana; novyo avihe otji vya ya ku Rehabeam navi katja nai: 4 “Iho Salomo we tu tatumisa tjinene nu we tu ungurisa noutwe. Tji wa puparisa omauzeu nga ku eṱe no tjiti kutja tu hupe nawa, matu ku karere.”
5 Eye wa zira a tja: “Kotokeye kombunda yomayuva yetatu, ami otji me mu pe eziriro randje.” Nowo otji va ya.
6 Tjazumba Rehabeam otja kapura kovayandjandunge va Salomo na tja: “Hi kayandje eziriro riṋe kovandu mba?”
7 Nowo va zira nai: “Tji movanga okukarera ovandu mba nawa, ve pa eziriro nda yenene ku ihi tji mave ningire; nowo aruhe otji mave ku karere nondengero.”
8 Nungwari Rehabeam ka zuvire komaronga wovayandjandunge mba. Moruveze rwanao eye wa ya kovayandjandunge ve omuini, ovarumendu mbe kurira pamwe na ye, nu mba ri motjiungura tje. 9 Eye we ve pura na tja: “Mamu ndji pe ondunge ine ndji me sokutjita? Ami hi tje vi kovandu mba mbu mave ningire kutja mbi puparise omauzeu wawo.”
10 Nowo va zira nave tja: “Ove ve raera nai: ‘Omunwe wandje kariwona omutindi pomavango wa tate. 11 Omitwaro vya tate tji vya ri omizeu ku eṋe, imbi ovyandje mavi rire omizeu tjinene komurungu; eye ee mu tono nozongora uriri, nungwari ami me mu tono nozongora zomakuiya.’ ”
12 Kombunda yomayuva yetatu Jerobeam novandu avehe va kotoka kombara Rehabeam otja pe ve raerere. 13 Ombara kai zuvire komaronga wovayandjandunge imba ovanene, nai hungire noutwe novandu, 14 otja ovayandjandunge vayo, imba omitanda, pu ve i raera kutja itje nai: “Omitwaro vya tate tji vya ri omizeu ku eṋe, imbi ovyandje mavi rire omizeu tjinene komurungu; eye ee mu tono nozongora, nungwari ami me mu tono nozongora zomakuiya.” 15 Rehabeam kutja a ha zuu kotjiwaṋa ya ri ombango ya Muhona, okuyenenisa omakwizikiro eye nga yandja ku Jerobeam, omuzandu wa Nebat, notjinyo tjomuprofete Ahija, Omusidon.
16 Ovaisrael tji va muna kutja ombara kai nokupuratena ku wo otji va ravaera nave tja: “David neṱunḓu re nga ze po! Owo hapo ve tu ungurira tjike? Vaisrael, indjeye tu yaruke kozoyetu! Rehabeam nge ritarere omuini!”
Komuhingo mbwi Ovaisrael otji va yaruka kozoyawo. 17 Rehabeam otja honaparera Ovaisrael imba mba tura mehi ra Juda porwe.
18 Nombara Rehabeam wa hinda Adoniram, omutjevere wovaungure voviungura vyoṋiṋikizire, a yende kOvaisrael; nungwari Ovaisrael ve mu zepa nomawe. Kamanga ombara Rehabeam opa rondera metemba re rovita na taurire kOjerusalem. 19 Okuza koruveze ndo nga ku ndinondi Ovaisrael avehe vokeyuva kokunene otji ve pirukira ouhona wa David.
20 Ovaisrael tji va zuva kutja Jerobeam wa kotoka okuza kOengipte otji ve mu ṋanga kombongarero yotjiwaṋa nave mu ziki okurira ombara ya Israel. Omuhoko wa Juda porwe ombwa panḓera pozondekurona za David.
Omaukiro wa Semaja
(2Eku 11:1-4)21 Ombara Rehabeam tje ya mOjerusalem otja woronganisa ovarwe wovita ovatoororwa 180,000 momuhoko wa Juda nowa Benjamin okukarwisa ovita nokuzikamisa ouhona we rukwao momihoko vyOvaisrael, mbi ri komukuma wokeyuva kokunene. 22 Nungwari Ndjambi wa raera omuprofete Semaja 23 kutja a yandje ombuze ndji ku Rehabeam, omuzandu wa Salomo, ombara ya Juda, na kovandu avehe vomuhoko wa Juda nowa Benjamin 24 kutja Muhona wa tja nai: “Amu rwisa ovazamumwe veṋu oveni imba Ovaisrael. Auhe nga yaruke koye, orondu ihi tji tja tjitwa, otjo tja tjitwa i ami.” Owo avehe otji va kara nonḓuviro komarakiza wa Muhona nave yaruka kozoyawo.
Jerobeam ma poka ku Muhona
25 Jerobeam, ombara ya Israel, wa zeuparisa omatungiro wotjihuro Sikem mehi rozondundu ra Efraim, na tura mo oruveze orusupi, okuzambo wa ya na kazeuparisa otjihuro Penuel. 26 Nu Jerobeam we ripura mu ye omuini a tja: “Ngahino ouhona mau yaruka rukwao kozondekurona za David. 27 Orondu otjiwaṋa tjandje tji tja kapunguhira Muhona ozombunguhiro mondjuwo ye mOjerusalem, matji kerikuta kuna Rehabeam, ombara ya Juda, natji ndji zepa.”
28 Jerobeam tja za nokuripura notjiṋa hi otja ungura oviserekarera vivari vyozondwezu zozongombe pongoldo na tja kotjiwaṋa tje: “Eṋe mwa ryangera kOjerusalem potuingi tjinene okukakumba, Vaisrael; oomukuru veṋu mbe mu pitisa mOengipte owo mba!” 29 Ondwezu imwe yongombe yongoldo we i zika mObetel, nongwao we i zika mOdan. 30 Komuhingo mbwi otjiwaṋa otji tja katuka, ama tji kakumbira mObetel na mOdan. 31 Jerobeam wina wa tunga otuveze twomerikotameneno kozondunda na toorora ovapristeri momaṱunḓu nge ha ri owomuhoko wa Levi.
Omerikotameneno mObetel maye nyengewa
32 Jerobeam wa zika omukandi meyuva oritjamurongo na yetano komueze outjahambondatu tjimuna omukandi mbu tjitwa mOjuda. Eye wa punguhira ozondwezu zozongombe zongoldo nḓa ungurira ozombunguhiro kotjipunguhiro mObetel, na ziki ovapristeri poṋa mbo, potuveze twomerikotameneno twokozondunda twa ungura. 33 Nu meyuva oritjamurongo na yetano komueze outjahambondatu, eyuva eye omuini nda zika, wa ya kObetel na katjita omukandi mbwa zikira Ovaisrael ama punguhire ozombunguhiro kotjipunguhiro.
Omahaṋikiro wouhona
(2Eku 10:1-19)1 Rehabeam wa ya kOsikem Ovaisrael avehe vokomukuma wokeyuva kokunene ku va kaworonganena okumuzika okurira ombara. 2 Jerobeam, omuzandu wa Nebat, ngwa ire kOengipte okutaura kombara Salomo, tja zuva ombuze ndji otja kotoka okuza kOengipte. 3 Omihoko vyokeyuva kokunene vya hinda ombuze ku ye okukemuisana; novyo avihe otji vya ya ku Rehabeam navi katja nai: 4 “Iho Salomo we tu tatumisa tjinene nu we tu ungurisa noutwe. Tji wa puparisa omauzeu nga ku eṱe no tjiti kutja tu hupe nawa, matu ku karere.”
5 Eye wa zira a tja: “Kotokeye kombunda yomayuva yetatu, ami otji me mu pe eziriro randje.” Nowo otji va ya.
6 Tjazumba Rehabeam otja kapura kovayandjandunge va Salomo na tja: “Hi kayandje eziriro riṋe kovandu mba?”
7 Nowo va zira nai: “Tji movanga okukarera ovandu mba nawa, ve pa eziriro nda yenene ku ihi tji mave ningire; nowo aruhe otji mave ku karere nondengero.”
8 Nungwari Rehabeam ka zuvire komaronga wovayandjandunge mba. Moruveze rwanao eye wa ya kovayandjandunge ve omuini, ovarumendu mbe kurira pamwe na ye, nu mba ri motjiungura tje. 9 Eye we ve pura na tja: “Mamu ndji pe ondunge ine ndji me sokutjita? Ami hi tje vi kovandu mba mbu mave ningire kutja mbi puparise omauzeu wawo.”
10 Nowo va zira nave tja: “Ove ve raera nai: ‘Omunwe wandje kariwona omutindi pomavango wa tate. 11 Omitwaro vya tate tji vya ri omizeu ku eṋe, imbi ovyandje mavi rire omizeu tjinene komurungu; eye ee mu tono nozongora uriri, nungwari ami me mu tono nozongora zomakuiya.’ ”
12 Kombunda yomayuva yetatu Jerobeam novandu avehe va kotoka kombara Rehabeam otja pe ve raerere. 13 Ombara kai zuvire komaronga wovayandjandunge imba ovanene, nai hungire noutwe novandu, 14 otja ovayandjandunge vayo, imba omitanda, pu ve i raera kutja itje nai: “Omitwaro vya tate tji vya ri omizeu ku eṋe, imbi ovyandje mavi rire omizeu tjinene komurungu; eye ee mu tono nozongora, nungwari ami me mu tono nozongora zomakuiya.” 15 Rehabeam kutja a ha zuu kotjiwaṋa ya ri ombango ya Muhona, okuyenenisa omakwizikiro eye nga yandja ku Jerobeam, omuzandu wa Nebat, notjinyo tjomuprofete Ahija, Omusidon.
16 Ovaisrael tji va muna kutja ombara kai nokupuratena ku wo otji va ravaera nave tja: “David neṱunḓu re nga ze po! Owo hapo ve tu ungurira tjike? Vaisrael, indjeye tu yaruke kozoyetu! Rehabeam nge ritarere omuini!”
Komuhingo mbwi Ovaisrael otji va yaruka kozoyawo. 17 Rehabeam otja honaparera Ovaisrael imba mba tura mehi ra Juda porwe.
18 Nombara Rehabeam wa hinda Adoniram, omutjevere wovaungure voviungura vyoṋiṋikizire, a yende kOvaisrael; nungwari Ovaisrael ve mu zepa nomawe. Kamanga ombara Rehabeam opa rondera metemba re rovita na taurire kOjerusalem. 19 Okuza koruveze ndo nga ku ndinondi Ovaisrael avehe vokeyuva kokunene otji ve pirukira ouhona wa David.
20 Ovaisrael tji va zuva kutja Jerobeam wa kotoka okuza kOengipte otji ve mu ṋanga kombongarero yotjiwaṋa nave mu ziki okurira ombara ya Israel. Omuhoko wa Juda porwe ombwa panḓera pozondekurona za David.
Omaukiro wa Semaja
(2Eku 11:1-4)21 Ombara Rehabeam tje ya mOjerusalem otja woronganisa ovarwe wovita ovatoororwa 180,000 momuhoko wa Juda nowa Benjamin okukarwisa ovita nokuzikamisa ouhona we rukwao momihoko vyOvaisrael, mbi ri komukuma wokeyuva kokunene. 22 Nungwari Ndjambi wa raera omuprofete Semaja 23 kutja a yandje ombuze ndji ku Rehabeam, omuzandu wa Salomo, ombara ya Juda, na kovandu avehe vomuhoko wa Juda nowa Benjamin 24 kutja Muhona wa tja nai: “Amu rwisa ovazamumwe veṋu oveni imba Ovaisrael. Auhe nga yaruke koye, orondu ihi tji tja tjitwa, otjo tja tjitwa i ami.” Owo avehe otji va kara nonḓuviro komarakiza wa Muhona nave yaruka kozoyawo.
Jerobeam ma poka ku Muhona
25 Jerobeam, ombara ya Israel, wa zeuparisa omatungiro wotjihuro Sikem mehi rozondundu ra Efraim, na tura mo oruveze orusupi, okuzambo wa ya na kazeuparisa otjihuro Penuel. 26 Nu Jerobeam we ripura mu ye omuini a tja: “Ngahino ouhona mau yaruka rukwao kozondekurona za David. 27 Orondu otjiwaṋa tjandje tji tja kapunguhira Muhona ozombunguhiro mondjuwo ye mOjerusalem, matji kerikuta kuna Rehabeam, ombara ya Juda, natji ndji zepa.”
28 Jerobeam tja za nokuripura notjiṋa hi otja ungura oviserekarera vivari vyozondwezu zozongombe pongoldo na tja kotjiwaṋa tje: “Eṋe mwa ryangera kOjerusalem potuingi tjinene okukakumba, Vaisrael; oomukuru veṋu mbe mu pitisa mOengipte owo mba!” 29 Ondwezu imwe yongombe yongoldo we i zika mObetel, nongwao we i zika mOdan. 30 Komuhingo mbwi otjiwaṋa otji tja katuka, ama tji kakumbira mObetel na mOdan. 31 Jerobeam wina wa tunga otuveze twomerikotameneno kozondunda na toorora ovapristeri momaṱunḓu nge ha ri owomuhoko wa Levi.
Omerikotameneno mObetel maye nyengewa
32 Jerobeam wa zika omukandi meyuva oritjamurongo na yetano komueze outjahambondatu tjimuna omukandi mbu tjitwa mOjuda. Eye wa punguhira ozondwezu zozongombe zongoldo nḓa ungurira ozombunguhiro kotjipunguhiro mObetel, na ziki ovapristeri poṋa mbo, potuveze twomerikotameneno twokozondunda twa ungura. 33 Nu meyuva oritjamurongo na yetano komueze outjahambondatu, eyuva eye omuini nda zika, wa ya kObetel na katjita omukandi mbwa zikira Ovaisrael ama punguhire ozombunguhiro kotjipunguhiro.
