Omeritjindiro woukriste
1 Zemburukisa ovandu voye kutja ve riwise kehi yovahonapare novanauvara, ve kare nonḓuviro ku wo nu ve rirongerere okuungura otjiungura atjihe otjiwa. 2 Ve raera kutja ave ha yamburura omundu worive nave ha paha oviposa, nungwari ngave rire ovanahange nozongozu kovandu avehe. 3 Eṱe rukuru wina twa ri omayova novahazuva novapuke. Eṱe twa ri ovakarere vozonḓuma novevyaro ngamwa arihe peke. Ongarero yetu ya ri oyouvi neraru; twa tondwa natu tondasana. 4 Nungwari ondjingonekero norusuvero rwa Ndjambi, Omuyame wetu, vya vandururwa kovandu. 5 Eye we tu yama, nu ku ku he ri motjimbe tjoviungura ngamwa oviwa, mbi twa ungura, nungwari e ri motjimbe tjotjari tje omuini. Momasa wOmbepo Ondjapuke, Ndjambi wa kohorora omitima vyetu, mokutukwata rukwao, ne tu pe omuinyo omupe. 6 Mu Jesus Kristus, Omuyame wetu, Ndjambi we tu pa Ombepo Ondjapuke okutakavara. 7 Komuhingo mbwi otji matu rire ovasemba motjari tje, novarumate vomuinyo waaruhe mbu tu undja. 8 Oviṋa mbi me hungire ouatjiri.
Ami opu me vangere kutja u hongonone oviṋa mbi nomasa, kokutja imba mba kambura mu Ndjambi ve rikendere okuungura oviungura oviwa, okutja imbi oviungura mbi ri oviwa novinanḓengu kovandu. 9 Nungwari pirukira ozombata zouyova nomatjangero womana wooihe mukururume, noviposa novirwa mbi mavi tjitirwa Omatwako wa Moses. Ovyo omungandjo noviporoporo. 10 Omundu ngu ma tjiti ohaṋi mu ronga rumwe poo tuvari, nu tje hi nokuzuva, humburuka kokure na ye. 11 Ove mo tjiwa kutja omundu otja ingwi wa zunḓaka, neye me riyetere omuini ombanguriro nourunde we.
Omarongero omasenina
12 Tji mba hindi Artemas poo Tikikus kove, kondja okuya ku ami kOnikopolis, ami tjinga amba tye okukakara ngo mokupepera. 13 Nu wina kondja okurongerisa Senas, omuhonge wOmatwako, na Apolos mouyenda wawo, nokutja ave ha hepa otjiṋa. 14 Ovandu vetu ngave rihonge okurira ozohongora moviungura oviwa kokutja ve yandje ombatero, ndji mai hepwa po. Ongarero yawo otji i hi nokurira oyomungandjo.
15 Ovandu avehe mbe ri puna ami mave ku minike. Minikirira ovakwetu avehe mongamburiro.
Otjari tja Ndjambi ngatji kare na eṋe amuhe!
Omeritjindiro woukriste
1 Zemburukisa ovandu voye kutja ve riwise kehi yovahonapare novanauvara, ve kare nonḓuviro ku wo nu ve rirongerere okuungura otjiungura atjihe otjiwa. 2 Ve raera kutja ave ha yamburura omundu worive nave ha paha oviposa, nungwari ngave rire ovanahange nozongozu kovandu avehe. 3 Eṱe rukuru wina twa ri omayova novahazuva novapuke. Eṱe twa ri ovakarere vozonḓuma novevyaro ngamwa arihe peke. Ongarero yetu ya ri oyouvi neraru; twa tondwa natu tondasana. 4 Nungwari ondjingonekero norusuvero rwa Ndjambi, Omuyame wetu, vya vandururwa kovandu. 5 Eye we tu yama, nu ku ku he ri motjimbe tjoviungura ngamwa oviwa, mbi twa ungura, nungwari e ri motjimbe tjotjari tje omuini. Momasa wOmbepo Ondjapuke, Ndjambi wa kohorora omitima vyetu, mokutukwata rukwao, ne tu pe omuinyo omupe. 6 Mu Jesus Kristus, Omuyame wetu, Ndjambi we tu pa Ombepo Ondjapuke okutakavara. 7 Komuhingo mbwi otji matu rire ovasemba motjari tje, novarumate vomuinyo waaruhe mbu tu undja. 8 Oviṋa mbi me hungire ouatjiri.
Ami opu me vangere kutja u hongonone oviṋa mbi nomasa, kokutja imba mba kambura mu Ndjambi ve rikendere okuungura oviungura oviwa, okutja imbi oviungura mbi ri oviwa novinanḓengu kovandu. 9 Nungwari pirukira ozombata zouyova nomatjangero womana wooihe mukururume, noviposa novirwa mbi mavi tjitirwa Omatwako wa Moses. Ovyo omungandjo noviporoporo. 10 Omundu ngu ma tjiti ohaṋi mu ronga rumwe poo tuvari, nu tje hi nokuzuva, humburuka kokure na ye. 11 Ove mo tjiwa kutja omundu otja ingwi wa zunḓaka, neye me riyetere omuini ombanguriro nourunde we.
Omarongero omasenina
12 Tji mba hindi Artemas poo Tikikus kove, kondja okuya ku ami kOnikopolis, ami tjinga amba tye okukakara ngo mokupepera. 13 Nu wina kondja okurongerisa Senas, omuhonge wOmatwako, na Apolos mouyenda wawo, nokutja ave ha hepa otjiṋa. 14 Ovandu vetu ngave rihonge okurira ozohongora moviungura oviwa kokutja ve yandje ombatero, ndji mai hepwa po. Ongarero yawo otji i hi nokurira oyomungandjo.
15 Ovandu avehe mbe ri puna ami mave ku minike. Minikirira ovakwetu avehe mongamburiro.
Otjari tja Ndjambi ngatji kare na eṋe amuhe!
