Omuvareke
1 Oove omukazendu omuwa tjinene!
Ozombaze zoye, tjiri,
ozo ozomanise mozongaku.
Omavango woye ye ri otja
oundjendje wourenga womosengo,
otjiungura tjounongo tjongongo.
2 Omuṱuu woye u ri otja
otjiyaha otjiwa otjiputuputu,
mu tjo kamu kara nokuhinomavinu,
nga rungwa novyomoro omuwa.
Ezumo roye ri ri otja ondundu yovikokotwa,
ndja kondorokisiwa nozongara zozonyanga.
3 Omavere woye ye ri tjimuna
oumbambyona uvari,
tjimuna ozombahona zonḓuno.
4 Osengo yoye i ri otja
ohonga womayo wondjou.
Omeho woye ya sana
novizeva vyotjihuro Hesbon,
meṋe yomuvero wotjihuro hi otjinene.
Eyuru roye oro emanisa
otja oruhungu rwa Libanon,
ndwa tarera komukuma wa Damaskus.
5 Ondomba yotjiuru tjoye i ri
otja indji ondundu Karmel;
ozondjise zoye nḓe rekareka
ozo ozonḓorozu otja orupera oruserarovazu;
ombara i kumisiwa i zo.
6 Oove omumanise, oove omupwe,
tjiri, musuverwa wandje,
ndjoroka yorusuvero rwandje.
7 Omuhapo woye u ri otja imbwi wevare,
nomavere woye
ye ri otja omapunda wevare.
8 Mbe ripura nai: Me rondo kevare,
e kapora omapunda wovihape vyaro;
omavere woye ku ami ye ri
otja omapunda womandjembere,
nomuṋuko womasuvaneno
woye u ri otja imbwi wozombe,
9 notjinyo tjoye tji ri otja
omavinu omawa tjinene.
Omuvarekwa
Omavinu nga maye pundu
nawa oupore momuriu
womusuverwa wandje,
amaye tanana omiṋa nomayo we.
10 Ami owami owomusuverwa wandje,
nomutima we u nonḓero na ami.
11 Indjo, musuverwa, ngatu karyange mokuti,
tu karare movirongo.
12 Menyunguhuka ngatu yende
kovikunino vyomivite,
tu katare kutja omivite vya hapa omikono,
nokutja omikono vya twako osunda,
nokutja omindenya vya ruka ozongara.
Ingo oku me kekupera orusuvero rwandje.
13 Ovihape vyorusuvero
vi yandja omoro omuwa,
nu pomivero vyetu pe
novihape pekepeke oviwaviwa
vyanambano novyombura ndja kapita;
tjiri, musuverwa wandje, ovyo
mbe vi pwikira ove!
Omuvareke
1 Oove omukazendu omuwa tjinene!
Ozombaze zoye, tjiri,
ozo ozomanise mozongaku.
Omavango woye ye ri otja
oundjendje wourenga womosengo,
otjiungura tjounongo tjongongo.
2 Omuṱuu woye u ri otja
otjiyaha otjiwa otjiputuputu,
mu tjo kamu kara nokuhinomavinu,
nga rungwa novyomoro omuwa.
Ezumo roye ri ri otja ondundu yovikokotwa,
ndja kondorokisiwa nozongara zozonyanga.
3 Omavere woye ye ri tjimuna
oumbambyona uvari,
tjimuna ozombahona zonḓuno.
4 Osengo yoye i ri otja
ohonga womayo wondjou.
Omeho woye ya sana
novizeva vyotjihuro Hesbon,
meṋe yomuvero wotjihuro hi otjinene.
Eyuru roye oro emanisa
otja oruhungu rwa Libanon,
ndwa tarera komukuma wa Damaskus.
5 Ondomba yotjiuru tjoye i ri
otja indji ondundu Karmel;
ozondjise zoye nḓe rekareka
ozo ozonḓorozu otja orupera oruserarovazu;
ombara i kumisiwa i zo.
6 Oove omumanise, oove omupwe,
tjiri, musuverwa wandje,
ndjoroka yorusuvero rwandje.
7 Omuhapo woye u ri otja imbwi wevare,
nomavere woye
ye ri otja omapunda wevare.
8 Mbe ripura nai: Me rondo kevare,
e kapora omapunda wovihape vyaro;
omavere woye ku ami ye ri
otja omapunda womandjembere,
nomuṋuko womasuvaneno
woye u ri otja imbwi wozombe,
9 notjinyo tjoye tji ri otja
omavinu omawa tjinene.
Omuvarekwa
Omavinu nga maye pundu
nawa oupore momuriu
womusuverwa wandje,
amaye tanana omiṋa nomayo we.
10 Ami owami owomusuverwa wandje,
nomutima we u nonḓero na ami.
11 Indjo, musuverwa, ngatu karyange mokuti,
tu karare movirongo.
12 Menyunguhuka ngatu yende
kovikunino vyomivite,
tu katare kutja omivite vya hapa omikono,
nokutja omikono vya twako osunda,
nokutja omindenya vya ruka ozongara.
Ingo oku me kekupera orusuvero rwandje.
13 Ovihape vyorusuvero
vi yandja omoro omuwa,
nu pomivero vyetu pe
novihape pekepeke oviwaviwa
vyanambano novyombura ndja kapita;
tjiri, musuverwa wandje, ovyo
mbe vi pwikira ove!
