1 Oove omuwa, musuverwa wandje,
ii, oove, omuwa, tjiri!
Omeho woye maye werawera
nawa kongotwe yewiwiri roye.
Ozondjise zoye maze munika
otja orupanda rwozongombo
nḓu maze rauka kovivanda vya Gilead.
2 Omayo woye omavapa tjimuna
ozonḓu nḓa zu nokuhorwa,
nu nḓa zu nokukohwa nokuhineṋi;
kapena rimwe rawo nda pandjara;
owo ya ṱekisiwa pamwe nawa.
3 Omiṋa vyoye vya sana
koruzenga oruserandu pyu;
ovyo omiwa tjinene tji mo hungire.
Ovitama vyoye kongotwe yewiwiri roye
vi ri otja otupambu twondenya.
4 Osengo yoye i ri otja oruhungu rwa David,
oyo ombutuputu noheze,
ndji noundjendje mbu rekareka
tjimuna outuvao eyovi rimwe.
5 Omavere woye ye ri tjimuna
oumbambyona uvari,
tjimuna ozombahona zonḓuno,
nḓu maze ri mokati kozongara.
6 Orumuinyo rwokongurova
ngunda aru hiya hinga,
novizire ngunda avi hiya za ko,
ami tjandje mba i
kozondundu zovizumba,
na kovivanda vyovyomoro omuwa.
7 Ae, oove omuwa omumanisa,
musuverwa wandje,
nu, tjiri, ko notjipo!
8 Indjo, za ko kozondundu za Libanon,
muvarekwa wandje;
indjo, za ko kOlibanon!
Heruka kondomba yondundu Amana,
kondomba yondundu
Senir noyondundu Hermon,
moviṱunga vyozongeyama nozovitotongwe!
9 Ombunikiro yomeho woye,
musuverwa nu muvarekwa wandje,
noundjendje mbu wa zara mosengo,
vya vaka omutima wandje.
10 Orusuvero roye rwe ndji yorokisa,
muvarekwa wandje
nu musuverwa wandje,
Orusuvero rwoye orwo
oruwa tjinene pomavinu;
otjizumba tjoye tji nomoro
omuwa povizumba avihe.
11 Omutjato wouitji
wozonyutji u ri komiṋa vyoye,
musuverwa wandje;
eraka roye ku ami oro
omaihi nouitji wozonyutji.
Omuṋuko wozombanda zoye
u ri otja otjizumba tja Libanon.
12 Omusuverwa wandje,
nomuvarekwa wandje,
eye otjikunino tji tja patwa,
otjikunino tji tja kondorokwa i orumbo,
oruharwi ndwa setikwa.
13 Mu tjo mu novikunwa mbya
sana komikono vyomindenya,
mbi twako ozondenya
ozombwa ozomanise.
Imo wina mu hapa ovihape mbi:
14 Ozondjendjere, nozombapu,
nozohamati, nozombanywi,
novyomoro omuwa ngamwa avihe,
otjizumba tjemira, notjindombo,
novihape ngamwa
avihe vyomaze omavawa.
15 Neye oruharwi ndu tjatja otjikunino,
ondjombo yomeva omanamuinyo,
omipupo mbi rauka kondundu Libanon.
Omuvarekwa
16 Mbepo yokeyuva kokunene, penduka;
mbepo yokeyuva kokumuho;
hinga motjikunino tjandje!
Urisa orumuinyo nomuṋuko omuwa wotjizumba.
Mu esa omusuverwa wandje e ye kotjikunino tje,
nu e ye okurya ovihape vyatjo
imbi oviwa ovisesemanwa.
1 Oove omuwa, musuverwa wandje,
ii, oove, omuwa, tjiri!
Omeho woye maye werawera
nawa kongotwe yewiwiri roye.
Ozondjise zoye maze munika
otja orupanda rwozongombo
nḓu maze rauka kovivanda vya Gilead.
2 Omayo woye omavapa tjimuna
ozonḓu nḓa zu nokuhorwa,
nu nḓa zu nokukohwa nokuhineṋi;
kapena rimwe rawo nda pandjara;
owo ya ṱekisiwa pamwe nawa.
3 Omiṋa vyoye vya sana
koruzenga oruserandu pyu;
ovyo omiwa tjinene tji mo hungire.
Ovitama vyoye kongotwe yewiwiri roye
vi ri otja otupambu twondenya.
4 Osengo yoye i ri otja oruhungu rwa David,
oyo ombutuputu noheze,
ndji noundjendje mbu rekareka
tjimuna outuvao eyovi rimwe.
5 Omavere woye ye ri tjimuna
oumbambyona uvari,
tjimuna ozombahona zonḓuno,
nḓu maze ri mokati kozongara.
6 Orumuinyo rwokongurova
ngunda aru hiya hinga,
novizire ngunda avi hiya za ko,
ami tjandje mba i
kozondundu zovizumba,
na kovivanda vyovyomoro omuwa.
7 Ae, oove omuwa omumanisa,
musuverwa wandje,
nu, tjiri, ko notjipo!
8 Indjo, za ko kozondundu za Libanon,
muvarekwa wandje;
indjo, za ko kOlibanon!
Heruka kondomba yondundu Amana,
kondomba yondundu
Senir noyondundu Hermon,
moviṱunga vyozongeyama nozovitotongwe!
9 Ombunikiro yomeho woye,
musuverwa nu muvarekwa wandje,
noundjendje mbu wa zara mosengo,
vya vaka omutima wandje.
10 Orusuvero roye rwe ndji yorokisa,
muvarekwa wandje
nu musuverwa wandje,
Orusuvero rwoye orwo
oruwa tjinene pomavinu;
otjizumba tjoye tji nomoro
omuwa povizumba avihe.
11 Omutjato wouitji
wozonyutji u ri komiṋa vyoye,
musuverwa wandje;
eraka roye ku ami oro
omaihi nouitji wozonyutji.
Omuṋuko wozombanda zoye
u ri otja otjizumba tja Libanon.
12 Omusuverwa wandje,
nomuvarekwa wandje,
eye otjikunino tji tja patwa,
otjikunino tji tja kondorokwa i orumbo,
oruharwi ndwa setikwa.
13 Mu tjo mu novikunwa mbya
sana komikono vyomindenya,
mbi twako ozondenya
ozombwa ozomanise.
Imo wina mu hapa ovihape mbi:
14 Ozondjendjere, nozombapu,
nozohamati, nozombanywi,
novyomoro omuwa ngamwa avihe,
otjizumba tjemira, notjindombo,
novihape ngamwa
avihe vyomaze omavawa.
15 Neye oruharwi ndu tjatja otjikunino,
ondjombo yomeva omanamuinyo,
omipupo mbi rauka kondundu Libanon.
Omuvarekwa
16 Mbepo yokeyuva kokunene, penduka;
mbepo yokeyuva kokumuho;
hinga motjikunino tjandje!
Urisa orumuinyo nomuṋuko omuwa wotjizumba.
Mu esa omusuverwa wandje e ye kotjikunino tje,
nu e ye okurya ovihape vyatjo
imbi oviwa ovisesemanwa.
