1 Omauṱuku pekepeke motjiraro tjandje
ami ee paha omusuverwa womutima wandje.
Mbe mu paha, ne he mu munu.
2 Ami otji mba sekama nokuryanga motjihuro,
momivanda na pomarandero,
ame paha omusuverwa womutima wandje!
Mbe mu paha, nu e he mu munu.
3 Ovatjevere mbe ryanga
motjihuro ouṱuku ve ndji muna.
Ami mbe ve pura e tja:
“Eṋe omusuverwa womutima
wandje kamuye mu muna?”
4 Nu mokamanga tji mba zu po povatjevere mba,
arire tji mba munu omusuverwa womutima wandje.
Ami mbe mu pukata ne ha vanga okumuesa,
nga tji mbe mu twara kondjuwo ya mama,
e kemuhitisa metuwo mama me ndji pandukira.
5 Vasuko va Jerusalem,
ndji eseye mbi mu yanene
kozongoṱu na kozombambi,
kokutja amu ha kurungisa namu
ha yanḓimuna orusuvero rwetu.
Eimburiro oritjatatu
Omuvarekwa
6 Otjikeṋa hi tji matji tukuruka mokuti onguza,
tji tja sana kotjindamwise tjomuise,
tji matji ṋuka otjizumba nomoro omuwa,
notjizumba ngamwa atjihe
tji tji randisiwa i omurandise?
7 Tara, otja otjihavero ku ku tjindirwa ombara Salomo,
tji tja kondorokwa i ozombanḓe
omirongo hamboumwe,
inḓa ozombangaṋe zOvaisrael.
8 Owo avehe ve ripangaṋa nomangaruvyo,
nu ve rirongerera ovita;
auhe wa hweka engaruvyo motjihweka,
okuritjevera na ro kooma wouṱuku.
9 Ombara Salomo wa
ungurisa otjihavero ke tjindirwa,
potupapa twa Libanon.
10 Ozonguṋe zatjo za tuwa osilveri;
etambo ratjo ra ungurwa pongoldo;
omahaameno watjo owerapi eserarovazu nda
wozewa nawa i ovasuko va Jerusalem.
11 Vasuko va Sion,
indjeye mu tare ombara Salomo!
Eye wa zara ekori rouhona,
nda tuwa ko i ina kotjiuru tje,
meyuva rorukupo rwe,
meyuva renyando
norondjoroka ye.
1 Omauṱuku pekepeke motjiraro tjandje
ami ee paha omusuverwa womutima wandje.
Mbe mu paha, ne he mu munu.
2 Ami otji mba sekama nokuryanga motjihuro,
momivanda na pomarandero,
ame paha omusuverwa womutima wandje!
Mbe mu paha, nu e he mu munu.
3 Ovatjevere mbe ryanga
motjihuro ouṱuku ve ndji muna.
Ami mbe ve pura e tja:
“Eṋe omusuverwa womutima
wandje kamuye mu muna?”
4 Nu mokamanga tji mba zu po povatjevere mba,
arire tji mba munu omusuverwa womutima wandje.
Ami mbe mu pukata ne ha vanga okumuesa,
nga tji mbe mu twara kondjuwo ya mama,
e kemuhitisa metuwo mama me ndji pandukira.
5 Vasuko va Jerusalem,
ndji eseye mbi mu yanene
kozongoṱu na kozombambi,
kokutja amu ha kurungisa namu
ha yanḓimuna orusuvero rwetu.
Eimburiro oritjatatu
Omuvarekwa
6 Otjikeṋa hi tji matji tukuruka mokuti onguza,
tji tja sana kotjindamwise tjomuise,
tji matji ṋuka otjizumba nomoro omuwa,
notjizumba ngamwa atjihe
tji tji randisiwa i omurandise?
7 Tara, otja otjihavero ku ku tjindirwa ombara Salomo,
tji tja kondorokwa i ozombanḓe
omirongo hamboumwe,
inḓa ozombangaṋe zOvaisrael.
8 Owo avehe ve ripangaṋa nomangaruvyo,
nu ve rirongerera ovita;
auhe wa hweka engaruvyo motjihweka,
okuritjevera na ro kooma wouṱuku.
9 Ombara Salomo wa
ungurisa otjihavero ke tjindirwa,
potupapa twa Libanon.
10 Ozonguṋe zatjo za tuwa osilveri;
etambo ratjo ra ungurwa pongoldo;
omahaameno watjo owerapi eserarovazu nda
wozewa nawa i ovasuko va Jerusalem.
11 Vasuko va Sion,
indjeye mu tare ombara Salomo!
Eye wa zara ekori rouhona,
nda tuwa ko i ina kotjiuru tje,
meyuva rorukupo rwe,
meyuva renyando
norondjoroka ye.
