Ongumbiro yonguturiro yotjiwaṋa
Epsalme ra Asaf.
1 Ndjambi, ovanavisenginina va taurira mehi roye,
ave yamburura ondjuwo yoye ondjapuke,
nu ave tjiti Jerusalem okurira otjitambatundu.
2 Va yandja oturova twovakarere
voye okuriwa i ozonḓera zeyuru,
notutu twovaingona voye okuriwa i
ovipuka vyokuti.
3 Va tirahi ombinḓu yotjiwaṋa tjoye tjimuna
omeva kominda avihe vya Jerusalem,
nu kapa ri omundu okupaka ovaṱi.
4 Oviwaṋa mbye tu kondoroka kominda avihe,
vi tu yamburura;
ovyo vi tu yora nu vi tu nyekerera.
5 Nga ruṋe, Muhona?
Mo tu pindikire nga aruhe are?
Omazenge woye maye
yaka otja omuriro nga ruṋe?
6 Tirira omazenge woye koviwaṋa
mbi he rikotamene kove,
na komauhona nge ha kumbu kove.
7 Orondu owo va zepa otjiwaṋa tjoye,
nu va hahaura omaturiro watjo.
8 O tu verere omauvi wootate mukururume;
hakahana okututjariparera,
tjinga atwa ningisa ondjenda.
9 Tu vatera, Ndjambi, nu tu yama;
tu kutura nu tu isira ourunde wetu,
kondjozikiro yena roye.
10 Imba mbe he ri Ovajuda mave
tu purire tjike nai:
“Ndjambi weṋu u ri pi?”
Ngatu mune ove tji mo vere oviwaṋa,
mena rokutja vya tirahi ombinḓu
yovakarere voye.
11 Puratena komatjemeno wovahuurwa,
nu momasa woye omanene kutura
imba mba pangurwa kokuṱa.
12 Sutisa potuhambombari oviwaṋa
mbya tura meṋe yetu,
mena romayambururiro ngu vya tjita kove.
13 Nu eṱe mbu tu ri otjiwaṋa tjoye,
nozonḓu zouṱuta woye,
matu ku tanga nga aruhe,
nu matu serekarere ohiviro yoye
okuza kozondekurona nga kozondekurona.
Ongumbiro yonguturiro yotjiwaṋa
Epsalme ra Asaf.
1 Ndjambi, ovanavisenginina va taurira mehi roye,
ave yamburura ondjuwo yoye ondjapuke,
nu ave tjiti Jerusalem okurira otjitambatundu.
2 Va yandja oturova twovakarere
voye okuriwa i ozonḓera zeyuru,
notutu twovaingona voye okuriwa i
ovipuka vyokuti.
3 Va tirahi ombinḓu yotjiwaṋa tjoye tjimuna
omeva kominda avihe vya Jerusalem,
nu kapa ri omundu okupaka ovaṱi.
4 Oviwaṋa mbye tu kondoroka kominda avihe,
vi tu yamburura;
ovyo vi tu yora nu vi tu nyekerera.
5 Nga ruṋe, Muhona?
Mo tu pindikire nga aruhe are?
Omazenge woye maye
yaka otja omuriro nga ruṋe?
6 Tirira omazenge woye koviwaṋa
mbi he rikotamene kove,
na komauhona nge ha kumbu kove.
7 Orondu owo va zepa otjiwaṋa tjoye,
nu va hahaura omaturiro watjo.
8 O tu verere omauvi wootate mukururume;
hakahana okututjariparera,
tjinga atwa ningisa ondjenda.
9 Tu vatera, Ndjambi, nu tu yama;
tu kutura nu tu isira ourunde wetu,
kondjozikiro yena roye.
10 Imba mbe he ri Ovajuda mave
tu purire tjike nai:
“Ndjambi weṋu u ri pi?”
Ngatu mune ove tji mo vere oviwaṋa,
mena rokutja vya tirahi ombinḓu
yovakarere voye.
11 Puratena komatjemeno wovahuurwa,
nu momasa woye omanene kutura
imba mba pangurwa kokuṱa.
12 Sutisa potuhambombari oviwaṋa
mbya tura meṋe yetu,
mena romayambururiro ngu vya tjita kove.
13 Nu eṱe mbu tu ri otjiwaṋa tjoye,
nozonḓu zouṱuta woye,
matu ku tanga nga aruhe,
nu matu serekarere ohiviro yoye
okuza kozondekurona nga kozondekurona.
