Ndjambi eye omutoṋe
Komuimburise wotjiketara. Epsalme ra Asaf. Eimburiro.
1 Ndjambi u tjiukwa mOjuda;
ena re enene mOisrael.
2 Onganda ye i ri mOjerusalem;
eye u tura kondundu Sion.
3 Koṋa ngo eye wa teya oviku vyovanavita,
notuvao nomangaruvyo wawo, ii,
imbi ovirwise vyawo avihe.
4 Oove omunene, tjiri, Ndjambi!
Oove omunene, tjiri, tji mo
kotoka okuza kozondundu ku wa
kahaverera ovanavita na ove.
5 Ovarwe vawo wovita omapenda
va huurwa avihe mbi va ri na vyo.
Nambano owo va rara okukoka;
Omasa nondjiviro yawo yari oviṋa uriri.
6 Ove tji we ve tirisa, Ndjambi wa Jakob,
oukambe novakavire vawo otji va wa okukoka.
7 Nungwari ove, Muhona, oove omutirise.
Kape nomundu ngu ma sora
okukurama komurungu woye,
ove tji wa ṱomazenge.
8 Ove wa tjivisa ombanguriro yoye
okuza meyuru;
ouye wa tira nu au mwina,
9 indu tji wa sekama okupangura
kutja u yame imba avehe
mbe ṋiṋikiziwa kombanda yehi.
10 Ovandu ovindandi wina mave sokukutanga,
nu imba mba hupa movita,
mave ku tjitire omikandi.
11 Tjiteye omakwizikiro nu mu ye
yenenisire Muhona, Ndjambi weṋu;
mu etereye oviyandjewa viwaṋa amuhe,
mbu mwa tura omikuma avihe.
Ndjambi eye omutiriwa i ovandu avehe;
12 eye u susuparisa omeritongamisiro wovahona,
nu u urumisa ozombara zouye.
Ndjambi eye omutoṋe
Komuimburise wotjiketara. Epsalme ra Asaf. Eimburiro.
1 Ndjambi u tjiukwa mOjuda;
ena re enene mOisrael.
2 Onganda ye i ri mOjerusalem;
eye u tura kondundu Sion.
3 Koṋa ngo eye wa teya oviku vyovanavita,
notuvao nomangaruvyo wawo, ii,
imbi ovirwise vyawo avihe.
4 Oove omunene, tjiri, Ndjambi!
Oove omunene, tjiri, tji mo
kotoka okuza kozondundu ku wa
kahaverera ovanavita na ove.
5 Ovarwe vawo wovita omapenda
va huurwa avihe mbi va ri na vyo.
Nambano owo va rara okukoka;
Omasa nondjiviro yawo yari oviṋa uriri.
6 Ove tji we ve tirisa, Ndjambi wa Jakob,
oukambe novakavire vawo otji va wa okukoka.
7 Nungwari ove, Muhona, oove omutirise.
Kape nomundu ngu ma sora
okukurama komurungu woye,
ove tji wa ṱomazenge.
8 Ove wa tjivisa ombanguriro yoye
okuza meyuru;
ouye wa tira nu au mwina,
9 indu tji wa sekama okupangura
kutja u yame imba avehe
mbe ṋiṋikiziwa kombanda yehi.
10 Ovandu ovindandi wina mave sokukutanga,
nu imba mba hupa movita,
mave ku tjitire omikandi.
11 Tjiteye omakwizikiro nu mu ye
yenenisire Muhona, Ndjambi weṋu;
mu etereye oviyandjewa viwaṋa amuhe,
mbu mwa tura omikuma avihe.
Ndjambi eye omutiriwa i ovandu avehe;
12 eye u susuparisa omeritongamisiro wovahona,
nu u urumisa ozombara zouye.
