Ongumbiro yondjamo
Komuimburise. Epsalme ra David.
1 Ami mbi ri moumba, Ndjambi,
arikana, zuvira ongumbiro yandje!
Me tira ovanavita na ami,
arikana, yama omuinyo wandje!
2 Ndji yama kozondando zovanauvi,
na komatjendje wovatjite vouvi.
3 Owo ve upika omaraka wawo
tjimuna omangaruvyo,
ve yumba omambo omatwe
tjimuna oviku.
4 Owo ve yahera omuhinandjo
okuza momaṱarero wawo,
ve mu yaha tjimanga nokuhinohoṋi.
5 Ve popasana okutjita pamwe ouvi;
nu ve ripura pu mave
yara ozombate zawo,
nave ripura kutja:
“Owaṋi ngu me ze munu?”
6 Owo ve tanda okutjita ouvi ave tja:
“Eṱe twe ripura nozondjito
zoutwe ozosemba.”
Omutima nomeripuriro womundu
oviundikwa ovikoto,
ouṋe ngu ma yenene okuvikonḓonona?
7 Nungwari Ndjambi meve yaha
noviku vye,
nu tjimanga owo mave hara ovito.
8 Eye meve yandeke mena romambo ngo;
avehe mbu mave ve munu
mave taka oviuru vyawo.
9 Ovandu avehe mave tira;
mave ripura na imbi Ndjambi mbya tjita,
nu mave hongonona ovitjitwa vye.
10 Omusemba ma nyanda mu Muhona,
nu ma munu omaundiro we mu ye;
ovasemba avehe mave mu hivirike
momitima vyawo.
Ongumbiro yondjamo
Komuimburise. Epsalme ra David.
1 Ami mbi ri moumba, Ndjambi,
arikana, zuvira ongumbiro yandje!
Me tira ovanavita na ami,
arikana, yama omuinyo wandje!
2 Ndji yama kozondando zovanauvi,
na komatjendje wovatjite vouvi.
3 Owo ve upika omaraka wawo
tjimuna omangaruvyo,
ve yumba omambo omatwe
tjimuna oviku.
4 Owo ve yahera omuhinandjo
okuza momaṱarero wawo,
ve mu yaha tjimanga nokuhinohoṋi.
5 Ve popasana okutjita pamwe ouvi;
nu ve ripura pu mave
yara ozombate zawo,
nave ripura kutja:
“Owaṋi ngu me ze munu?”
6 Owo ve tanda okutjita ouvi ave tja:
“Eṱe twe ripura nozondjito
zoutwe ozosemba.”
Omutima nomeripuriro womundu
oviundikwa ovikoto,
ouṋe ngu ma yenene okuvikonḓonona?
7 Nungwari Ndjambi meve yaha
noviku vye,
nu tjimanga owo mave hara ovito.
8 Eye meve yandeke mena romambo ngo;
avehe mbu mave ve munu
mave taka oviuru vyawo.
9 Ovandu avehe mave tira;
mave ripura na imbi Ndjambi mbya tjita,
nu mave hongonona ovitjitwa vye.
10 Omusemba ma nyanda mu Muhona,
nu ma munu omaundiro we mu ye;
ovasemba avehe mave mu hivirike
momitima vyawo.
