Ongumbiro yondjeverero
Komuimburise otja kombosiro yOkuhina Okuṱukuṱura. Epsalme ra David, Saul tja za nokuhinda ovarumendu okukatjevera ondjuwo ya David kutja ve mu zepe.
1 Ndjambi wandje, ndji yama kovanavita na ami
nu u ndji tjevere kovendjipirukire.
2 Ndji yama kovatjite vouvi,
nu u ndji kuture kovazepe.
3 Tara, owo mave ndji tjungire okundjizepa;
ovarumendu ovindandi
ve rikutu kumwe okundjisekamena,
nandarire kutja hi tjitire ouvi
nu hi nondjo, Muhona.
4 Tjiri, ami hi nondjo, nungwari owo
mave kondjo okundjirwisa.
Penduka okuhakaena na ami kutja u ve mune!
5 Muhona, Ndjambi Omunamasaaehe,
Ndjambi wa Israel, sekama u vere oviwaṋa avihe!
O ṱotjari novanauvi ovehinauṱakame mbo!
6 Owo ve kotoka ongurova aihe
amave ukire otja ozombwa,
tji mave ryanga motjihuro.
7 Puratena komayambururiro na kozondandero zawo.
Omaraka wawo ye ri otja
omangaruvyo movinyo vyawo;
nungwari owo ve ripura kutja kape
nomundu ngu meve zuu.
8 Nungwari ove, Muhona u ve yora;
u nyekerera oviwaṋa
avihe ovinavisenginina.
9 Ami me riyameke komasa woye;
oove omaundiro wandje, Ndjambi.
10 Ndjambi we ndji suvera,
nu me ndji tjakanene;
eye me ndji munisa ovanavita na
ami amave haverwa.
11 O ve zepa, Ndjambi,
otjiwaṋa tjandje tjapo ngaa tji zembi.
Ve rimba momasa woye, nu u ve havere,
Muhona, ngu u ri oruvao rwetu.
12 Ourunde u ri komiṋa vyawo,
omambo wawo aehe omanauvi.
Ngave kamburwe mourangaranga wawo,
owo tjinga ave senga nokukora ovizeze.
13 Ve seseta momazenge woye,
nu ve yandeka okumana.
Auhe otji ma tjiwa kutja Ndjambi
u honapara mOisrael,
nokutja u honapara mouye auhe.
14 Ovanavita na ami ve kotoka ongurova aihe,
amave ukire otja ozombwa
tji mave ryanga motjihuro.
15 Owo ve ryanga otja ozombwa
nḓu maze paha ovikurya,
nu nḓu maze wenene,
tji ze hi nokuvimuna.
16 Nungwari ami me imburire omasa woye;
omuhuka auhe me yorokere otjari tjoye.
Orondu ove tjinga au ri omaundiro wandje,
nondjamo yandje moruveze rwombamisiro.
17 Ami me ku tanga,
ove ngu u ri omasa wandje.
Otjiṱunga tjandje oNdjambi,
Ndjambi ngwe ndji suvera.
Ongumbiro yondjeverero
Komuimburise otja kombosiro yOkuhina Okuṱukuṱura. Epsalme ra David, Saul tja za nokuhinda ovarumendu okukatjevera ondjuwo ya David kutja ve mu zepe.
1 Ndjambi wandje, ndji yama kovanavita na ami
nu u ndji tjevere kovendjipirukire.
2 Ndji yama kovatjite vouvi,
nu u ndji kuture kovazepe.
3 Tara, owo mave ndji tjungire okundjizepa;
ovarumendu ovindandi
ve rikutu kumwe okundjisekamena,
nandarire kutja hi tjitire ouvi
nu hi nondjo, Muhona.
4 Tjiri, ami hi nondjo, nungwari owo
mave kondjo okundjirwisa.
Penduka okuhakaena na ami kutja u ve mune!
5 Muhona, Ndjambi Omunamasaaehe,
Ndjambi wa Israel, sekama u vere oviwaṋa avihe!
O ṱotjari novanauvi ovehinauṱakame mbo!
6 Owo ve kotoka ongurova aihe
amave ukire otja ozombwa,
tji mave ryanga motjihuro.
7 Puratena komayambururiro na kozondandero zawo.
Omaraka wawo ye ri otja
omangaruvyo movinyo vyawo;
nungwari owo ve ripura kutja kape
nomundu ngu meve zuu.
8 Nungwari ove, Muhona u ve yora;
u nyekerera oviwaṋa
avihe ovinavisenginina.
9 Ami me riyameke komasa woye;
oove omaundiro wandje, Ndjambi.
10 Ndjambi we ndji suvera,
nu me ndji tjakanene;
eye me ndji munisa ovanavita na
ami amave haverwa.
11 O ve zepa, Ndjambi,
otjiwaṋa tjandje tjapo ngaa tji zembi.
Ve rimba momasa woye, nu u ve havere,
Muhona, ngu u ri oruvao rwetu.
12 Ourunde u ri komiṋa vyawo,
omambo wawo aehe omanauvi.
Ngave kamburwe mourangaranga wawo,
owo tjinga ave senga nokukora ovizeze.
13 Ve seseta momazenge woye,
nu ve yandeka okumana.
Auhe otji ma tjiwa kutja Ndjambi
u honapara mOisrael,
nokutja u honapara mouye auhe.
14 Ovanavita na ami ve kotoka ongurova aihe,
amave ukire otja ozombwa
tji mave ryanga motjihuro.
15 Owo ve ryanga otja ozombwa
nḓu maze paha ovikurya,
nu nḓu maze wenene,
tji ze hi nokuvimuna.
16 Nungwari ami me imburire omasa woye;
omuhuka auhe me yorokere otjari tjoye.
Orondu ove tjinga au ri omaundiro wandje,
nondjamo yandje moruveze rwombamisiro.
17 Ami me ku tanga,
ove ngu u ri omasa wandje.
Otjiṱunga tjandje oNdjambi,
Ndjambi ngwe ndji suvera.
