EMBO ORITJAVARI ROMAPSALME
Ongumbiro yomuhuurwa
Komuimburise. Epsalme rovazandu va Kora.
1 Otja ongoṱu tji i zera omeva woruharwi,
ami otjinga ame zeri ove, Ndjambi.
2 Ami mbi nonyota ya Ndjambi omunamuinyo;
me kerikotamena ruṋe komurungu woye?
3 Me riri omutenya nouṱuku,
omahoze onga rire ovikurya vyandje;
aruhe ovanavita na ami ve ndji pura nai:
“Nambano Ndjambi woye u ri pi?”
4 Omutima wandje mau nyaika tji
me rizemburuka noruveze ndwa kapita:
Ami mba ya puna ovimbumba ame
vi hongorere kondjuwo ya Ndjambi,
imbi ovimbumba mbya ri nenyando,
nu mbyaa vi imbura ondangero ku Ndjambi.
5 Muinyo wandje wa yumanene tjike?
Nu wa kurungire tjike nai?
Ami me riyameke ku Ndjambi!
Nu tjiri, ami me mu tanga rukwao,
ngu ri omuyame wandje na Ndjambi wandje.
6 Omuinyo wandje wa yumana,
opu me zu okuzemburuka ove mehi ra Jordan,
na mozondundu za Hermon,
na mondundu Mizar.
7 Omipupo mavi ravaere komipupo omikwao,
okuvare maku sekama,
nozongazona maze ndji ṱomwinisa.
8 Muhona nga raise orusuvero
rwe orukarerere mutenya,
nu ouṱuku ami me mu imburire eimburiro,
nu me kumbu ku Ndjambi ngu ndji pa omuinyo.
9 Me tja nai ku Ndjambi ngu ri Oruuwa rwandje:
“Ove we ndji zembire tjike?
Ami me kara pokutatumisirwa tjike
i ovanavita na ami ovindandi?”
10 Ami mba ṱukuṱurwa i omambo wawo omavi,
tji ve kara pokundjipura nai:
“Nambano Ndjambi woye u ri pi?”
11 Muinyo wandje wa yumanene tjike?
Nu wa kurungire tjike nai?
Ami me riyameke ku Ndjambi!
Nu tjiri, ami me mu tanga rukwao,
ngu ri omuyame wandje na Ndjambi wandje.
EMBO ORITJAVARI ROMAPSALME
Ongumbiro yomuhuurwa
Komuimburise. Epsalme rovazandu va Kora.
1 Otja ongoṱu tji i zera omeva woruharwi,
ami otjinga ame zeri ove, Ndjambi.
2 Ami mbi nonyota ya Ndjambi omunamuinyo;
me kerikotamena ruṋe komurungu woye?
3 Me riri omutenya nouṱuku,
omahoze onga rire ovikurya vyandje;
aruhe ovanavita na ami ve ndji pura nai:
“Nambano Ndjambi woye u ri pi?”
4 Omutima wandje mau nyaika tji
me rizemburuka noruveze ndwa kapita:
Ami mba ya puna ovimbumba ame
vi hongorere kondjuwo ya Ndjambi,
imbi ovimbumba mbya ri nenyando,
nu mbyaa vi imbura ondangero ku Ndjambi.
5 Muinyo wandje wa yumanene tjike?
Nu wa kurungire tjike nai?
Ami me riyameke ku Ndjambi!
Nu tjiri, ami me mu tanga rukwao,
ngu ri omuyame wandje na Ndjambi wandje.
6 Omuinyo wandje wa yumana,
opu me zu okuzemburuka ove mehi ra Jordan,
na mozondundu za Hermon,
na mondundu Mizar.
7 Omipupo mavi ravaere komipupo omikwao,
okuvare maku sekama,
nozongazona maze ndji ṱomwinisa.
8 Muhona nga raise orusuvero
rwe orukarerere mutenya,
nu ouṱuku ami me mu imburire eimburiro,
nu me kumbu ku Ndjambi ngu ndji pa omuinyo.
9 Me tja nai ku Ndjambi ngu ri Oruuwa rwandje:
“Ove we ndji zembire tjike?
Ami me kara pokutatumisirwa tjike
i ovanavita na ami ovindandi?”
10 Ami mba ṱukuṱurwa i omambo wawo omavi,
tji ve kara pokundjipura nai:
“Nambano Ndjambi woye u ri pi?”
11 Muinyo wandje wa yumanene tjike?
Nu wa kurungire tjike nai?
Ami me riyameke ku Ndjambi!
Nu tjiri, ami me mu tanga rukwao,
ngu ri omuyame wandje na Ndjambi wandje.
