Ongumbiro yombatero
Epsalme ra David.
1 Muhona, pirukira imba mbe ndji pirukira;
rwisa imba mbe ndji rwisa!
2 Toora ovirwise noruvao rwoye,
nu u sekame okundjivatera.
3 Toorera imba mbe ndji toorera enga nekuva;
nu u ndji raere nai:
“Owami ombatero yoye!”
4 Imba mbe kondja okundjizepa
ngave haverwe nu ve ṱisiwe ohoṋi!
Imba mbe paha okundjitjita oumba
ngave yarurwe ombunda nu ve
rihahize mouripura wawo.
5 Ngave rire otja oviyaya, mbi mavi piziwa i ombepo,
omuengeri wa Muhona tji meve ramba.
6 Ondjira yawo ngai rire onḓorera noheze,
omuengeri wa Muhona
ngunda ame ve vanda pehi.
7 Owo kave na otjiṋa pu va sokundjitwira po ombate
nokundjisera otjitoto mbi wire mo.
8 Omanyoneno wawo nga e ye ku
wo ngunda ave hi nokutjiwa;
ngave patwe i ombate yawo oveni,
nu ngave wire motjitoto tji va sa oveni.
9 Ami otji me yoroka muMuhona,
nu me nyanda mena rokutja eye we ndji yama.
10 Nomutima wandje auhe ami me tja nai ku Muhona:
“Muhona, ka pena ngu ri otja ove.
Ove u yama ingwi otjingundi ku
ingwi ngu nomasa pu ye,
nomusyona nomuhepe ku ingwi
ngu meve pundu oviṋa.”
11 Ovandu ovanauvi mave hongonona
ovizeze ohunga naami,
nu mave ndji kuminine oviṋa, mbi mbi hi nokutjiwa.
12 Owo mave yarura ouvi mouwa,
nami me yumana mokurihahiza.
13 Nungwari, owo tji va ri ava vera,
mba zara ombanda yokupirika,
nu mbe ritatumisa omuini mokuritjaera kovikurya;
mba kumba amba pete otjiuru tjandje,
14 aayo me kumbire epanga
poo omuzamumwe wandje.
Ami mbe rikota moruhoze otja
omundu ngwa ṱirwa ina.
15 Nungwari ami tji mba ri moumba,
owo avehe va nyanda
nave woronganene okundjinyekerera;
ovandu wozonganda mbaa ve ha tjiwa
ve ndji nyondorora, nu va kara pokundjitona.
16 Owo ve ndji hemba nokundjinyekerera,
nu ve ndji kweyera omayo.
17 Muhona, mo tarere nai nga ruṋe?
Ndji yama komayandekero wawo
nu yama omuinyo wandje wina kozongeyama nḓa!
18 Me ku tjere okuhepa mombongo yotjiwaṋa tjoye,
nu me ku tanga momurungu wawo avehe.
19 Oyandjere ovanavita naami
ve ndji nyekerere.
Oyandjere imba mbe ndji tonda uriri,
ve kare nondjoroka moruhoze rwandje.
20 Owo kave hungire omambo wohange,
nungwari ku imba mba suvera ohange,
owo ve ungurisa omambo wovineya.
21 Ve ndji kuminina,
nave yahamisa ovinyo vyawo
ave tja: “Tjok! Tjok!
Twa munu nomeho wetu!”
22 Nungwari, Muhona,
ove wa munu kutja ka tjiperi.
O mwina ko, Muhona.
O kara kokure na ami!
23 Penduka, Muhona, nu ndji yeura.
Sekama, Ndjambi wandje,
nu u ndji kondjera otjiposa tjandje.
24 Oove omunausemba,
Muhona, Ndjambi wandje;
oyandjere ovanavita na
ami okutja ve ndji nyekerere.
25 Ove yandjere kutja ve
rihungirire nai momitima vyawo:
“Ii, opu twa vanga nao!
Twe mu ṋiṋa!”
26 Imba avehe mbe nyandera oumba wandje,
ngave ṱisiwe ohoṋi
nu ve purukisiwe ozondunge;
imba mbe muna kutja owo ohee pu ami,
ngave ṱisiwe ohoṋi.
27 Ngave nyande nu ve yoroke imba
mbe vanga kutja mbi pangurwe osemba,
nu ngave kare pokutja:
“Muhona, tjiri, omunene!
Eye u nonyuṋe mohange yomukarere we!”
28 Ami otji me hongonona ousemba woye,
nu me ku tanga omayuva aehe.
Ongumbiro yombatero
Epsalme ra David.
1 Muhona, pirukira imba mbe ndji pirukira;
rwisa imba mbe ndji rwisa!
2 Toora ovirwise noruvao rwoye,
nu u sekame okundjivatera.
3 Toorera imba mbe ndji toorera enga nekuva;
nu u ndji raere nai:
“Owami ombatero yoye!”
4 Imba mbe kondja okundjizepa
ngave haverwe nu ve ṱisiwe ohoṋi!
Imba mbe paha okundjitjita oumba
ngave yarurwe ombunda nu ve
rihahize mouripura wawo.
5 Ngave rire otja oviyaya, mbi mavi piziwa i ombepo,
omuengeri wa Muhona tji meve ramba.
6 Ondjira yawo ngai rire onḓorera noheze,
omuengeri wa Muhona
ngunda ame ve vanda pehi.
7 Owo kave na otjiṋa pu va sokundjitwira po ombate
nokundjisera otjitoto mbi wire mo.
8 Omanyoneno wawo nga e ye ku
wo ngunda ave hi nokutjiwa;
ngave patwe i ombate yawo oveni,
nu ngave wire motjitoto tji va sa oveni.
9 Ami otji me yoroka muMuhona,
nu me nyanda mena rokutja eye we ndji yama.
10 Nomutima wandje auhe ami me tja nai ku Muhona:
“Muhona, ka pena ngu ri otja ove.
Ove u yama ingwi otjingundi ku
ingwi ngu nomasa pu ye,
nomusyona nomuhepe ku ingwi
ngu meve pundu oviṋa.”
11 Ovandu ovanauvi mave hongonona
ovizeze ohunga naami,
nu mave ndji kuminine oviṋa, mbi mbi hi nokutjiwa.
12 Owo mave yarura ouvi mouwa,
nami me yumana mokurihahiza.
13 Nungwari, owo tji va ri ava vera,
mba zara ombanda yokupirika,
nu mbe ritatumisa omuini mokuritjaera kovikurya;
mba kumba amba pete otjiuru tjandje,
14 aayo me kumbire epanga
poo omuzamumwe wandje.
Ami mbe rikota moruhoze otja
omundu ngwa ṱirwa ina.
15 Nungwari ami tji mba ri moumba,
owo avehe va nyanda
nave woronganene okundjinyekerera;
ovandu wozonganda mbaa ve ha tjiwa
ve ndji nyondorora, nu va kara pokundjitona.
16 Owo ve ndji hemba nokundjinyekerera,
nu ve ndji kweyera omayo.
17 Muhona, mo tarere nai nga ruṋe?
Ndji yama komayandekero wawo
nu yama omuinyo wandje wina kozongeyama nḓa!
18 Me ku tjere okuhepa mombongo yotjiwaṋa tjoye,
nu me ku tanga momurungu wawo avehe.
19 Oyandjere ovanavita naami
ve ndji nyekerere.
Oyandjere imba mbe ndji tonda uriri,
ve kare nondjoroka moruhoze rwandje.
20 Owo kave hungire omambo wohange,
nungwari ku imba mba suvera ohange,
owo ve ungurisa omambo wovineya.
21 Ve ndji kuminina,
nave yahamisa ovinyo vyawo
ave tja: “Tjok! Tjok!
Twa munu nomeho wetu!”
22 Nungwari, Muhona,
ove wa munu kutja ka tjiperi.
O mwina ko, Muhona.
O kara kokure na ami!
23 Penduka, Muhona, nu ndji yeura.
Sekama, Ndjambi wandje,
nu u ndji kondjera otjiposa tjandje.
24 Oove omunausemba,
Muhona, Ndjambi wandje;
oyandjere ovanavita na
ami okutja ve ndji nyekerere.
25 Ove yandjere kutja ve
rihungirire nai momitima vyawo:
“Ii, opu twa vanga nao!
Twe mu ṋiṋa!”
26 Imba avehe mbe nyandera oumba wandje,
ngave ṱisiwe ohoṋi
nu ve purukisiwe ozondunge;
imba mbe muna kutja owo ohee pu ami,
ngave ṱisiwe ohoṋi.
27 Ngave nyande nu ve yoroke imba
mbe vanga kutja mbi pangurwe osemba,
nu ngave kare pokutja:
“Muhona, tjiri, omunene!
Eye u nonyuṋe mohange yomukarere we!”
28 Ami otji me hongonona ousemba woye,
nu me ku tanga omayuva aehe.
