Eraka ra Muhona motuṱuṱumo
Epsalme ra David.
1 Tangeye Muhona, oweṋe viutwa vyeyuru;
eye tjinga eri omunamasa nomunandjozikiro!
2 Yozikeye ena ra Muhona etongame;
rikotameneye ku ye,
eye tji me rimunikisa mouyapuke we.
3 Eraka ra Muhona ri zuvaka kombanda yomeva;
Ndjambi Omunamasaaehe u ṱuṱuma,
nombosiro ye i zuvakera kombanda yokuvare.
4 Eraka ra Muhona ri nomasa,
noro re urisiwa nouvara.
5 Eraka ra Muhona ri teya otupapa,
nandarire otupapa twa Libanon.
6 Eye u tukisa ondundu Libanon
ovindondooro tjimuna ondana,
nondundu Hermon tjimuna ondandona.
7 Eraka ra Muhona ri tjena orumunino romuriro.
8 Oro ri zezerisa okuti onguza kwa Kades;
Muhona u zezerisa okuti onguza kwa Kades.
9 Eraka ra Muhona ri kwatisa ozongoṱu ozonḓenḓu,
nu ri pukumuna omaso okuza komiti,
auhe mondjuwo ye ngunda ama ravaere nai:
“Ondjozikiro ku Ndjambi!”
10 Muhona u honapara kombanda yomeva omanene,
eye ma honapara otja ombara nga aruhe.
11 Muhona u yandja omasa kotjiwaṋa tje,
ne tji sere ondaya nohange.
Eraka ra Muhona motuṱuṱumo
Epsalme ra David.
1 Tangeye Muhona, oweṋe viutwa vyeyuru;
eye tjinga eri omunamasa nomunandjozikiro!
2 Yozikeye ena ra Muhona etongame;
rikotameneye ku ye,
eye tji me rimunikisa mouyapuke we.
3 Eraka ra Muhona ri zuvaka kombanda yomeva;
Ndjambi Omunamasaaehe u ṱuṱuma,
nombosiro ye i zuvakera kombanda yokuvare.
4 Eraka ra Muhona ri nomasa,
noro re urisiwa nouvara.
5 Eraka ra Muhona ri teya otupapa,
nandarire otupapa twa Libanon.
6 Eye u tukisa ondundu Libanon
ovindondooro tjimuna ondana,
nondundu Hermon tjimuna ondandona.
7 Eraka ra Muhona ri tjena orumunino romuriro.
8 Oro ri zezerisa okuti onguza kwa Kades;
Muhona u zezerisa okuti onguza kwa Kades.
9 Eraka ra Muhona ri kwatisa ozongoṱu ozonḓenḓu,
nu ri pukumuna omaso okuza komiti,
auhe mondjuwo ye ngunda ama ravaere nai:
“Ondjozikiro ku Ndjambi!”
10 Muhona u honapara kombanda yomeva omanene,
eye ma honapara otja ombara nga aruhe.
11 Muhona u yandja omasa kotjiwaṋa tje,
ne tji sere ondaya nohange.
