1 Tangeye Muhona!
Imburireye Muhona
eimburiro epe; Mu hivirikeye
mombongo yotjiwaṋa tje otjiṱakame!
2 Israel ngatji nyandere Omuute watjo,
notjiwaṋa tja Sion ngatji yorokere Muhona,
Ombara yatjo!
3 Ngave tange ena re amave pundu nozohiva;
ngave mu yozike amave
nyanda ozonḓukwa noviharpe.
4 Muhona u nonyuṋe motjiwaṋa tje;
eye u yozika overisusuparise
mokuvepa ondoṋeno.
5 Otjiwaṋa tja Ndjambi ngatji nyandere omasa we,
nu tji rare ama tji imbura nondjoroka
ouṱuku auhe.
6 Ngave tange Ndjambi neraka enene,
ngunda ave nomangaruvyo omatwe
momake wawo,
7 kutja ve toṋe na wo oviwaṋa
nokuvera omihoko,
8 nokutja ve pandeke ozombara
zoviwaṋa mbi nouketanga,
novanane vavyo nomapando wovitenda,
9 nokutja ve vere oviwaṋa otja Ndjambi pa rakiza.
Indji ondji ri ondoṋeno yotjiwaṋa tja Ndjambi.
Tangeye Muhona!
1 Tangeye Muhona!
Imburireye Muhona
eimburiro epe; Mu hivirikeye
mombongo yotjiwaṋa tje otjiṱakame!
2 Israel ngatji nyandere Omuute watjo,
notjiwaṋa tja Sion ngatji yorokere Muhona,
Ombara yatjo!
3 Ngave tange ena re amave pundu nozohiva;
ngave mu yozike amave
nyanda ozonḓukwa noviharpe.
4 Muhona u nonyuṋe motjiwaṋa tje;
eye u yozika overisusuparise
mokuvepa ondoṋeno.
5 Otjiwaṋa tja Ndjambi ngatji nyandere omasa we,
nu tji rare ama tji imbura nondjoroka
ouṱuku auhe.
6 Ngave tange Ndjambi neraka enene,
ngunda ave nomangaruvyo omatwe
momake wawo,
7 kutja ve toṋe na wo oviwaṋa
nokuvera omihoko,
8 nokutja ve pandeke ozombara
zoviwaṋa mbi nouketanga,
novanane vavyo nomapando wovitenda,
9 nokutja ve vere oviwaṋa otja Ndjambi pa rakiza.
Indji ondji ri ondoṋeno yotjiwaṋa tja Ndjambi.
Tangeye Muhona!
