Ombara mai tja okuhepa ku Ndjambi mena rondoṋeno
Epsalme ra David.
1 Muhona nga tangwe,
eye omuyame wandje.
Eye me ndji hongo okurwa,
nu me ndji rongerisire ovita.
2 Eye omasa nomaundiro wandje,
otjiṱunga tjandje nomukuture wandje;
eye omutjevere wandje mu mbi unda,
eye u wisa oviwaṋa kehi yandje.
3 Muhona, omundu omukwatjike
kutja mo rikendere ye,
nomuatje womundu kutja mo ningi
ko na tja na ye?
4 Omundu wa sana nomasuvaneno,
omayuva womuinyo we ye ri otja
otjizire tji tji kapita.
5 Raurira omayuru woye pehi,
Muhona, nu heruka;
ṱuna kozondundu kutja ze twimise omuise!
6 Tjenisa otutjeno twombura u pize
ovanavita, yaha oviku vyoye
nu u ve rambe ve tupuke.
7 Roporora okuoko kwoye okuza kombanda,
ndji nana momeva omakoto u ndji yame;
ndji kutura kouvara wovandu wozonganda
8 mbe ha hungire ouatjiri,
nu mbe yana amave kora ovizeze.
9 Ami me ku imburire eimburiro epe, Ndjambi;
me ku imburire ame
nyanda otjiharpe kondjozikiro yoye.
10 Ove u yandja outoṋi kozombara,
nu u yama omukarere woye David.
11 Ndji yama kovanavita na ami ovindandi,
nu u ndji kuture kouvara
wovandu wozonganda,
mbe ha hungire ouatjiri,
nu mbe yana amave kora ovizeze.
12 Ovanatje vetu ovazandu moumutanda
wawo ngave kare otja
omiti mbya hapa okurira omire.
Ovanatje vetu ovakazona ngave kare
otja ozongunḓe,
nḓa sembama nu nḓa hongwa nawa
okuhareka na zo ondjuwo youhona.
13 Ovipwikiro vyetu ngavi urisiwe
novihape ovingi ngamwa avihe;
otupanda tozonḓu zetu ngatu
takavare momahi womaryo,
tu rire omayovi nomayovi.
14 Ozongombe zetu ngaze kwate
ozondana ozengi nokuhinokuhukura
poo okupandjara.
Amu kara ondjuriro yombamisiro
momivanda vyetu.
15 Otjiṋingandu otjiwaṋa tji tji ri nai;
otjiṋingandu otjiwaṋa tji tji na
Ndjambi, eye ngu ri Muhona!
Ombara mai tja okuhepa ku Ndjambi mena rondoṋeno
Epsalme ra David.
1 Muhona nga tangwe,
eye omuyame wandje.
Eye me ndji hongo okurwa,
nu me ndji rongerisire ovita.
2 Eye omasa nomaundiro wandje,
otjiṱunga tjandje nomukuture wandje;
eye omutjevere wandje mu mbi unda,
eye u wisa oviwaṋa kehi yandje.
3 Muhona, omundu omukwatjike
kutja mo rikendere ye,
nomuatje womundu kutja mo ningi
ko na tja na ye?
4 Omundu wa sana nomasuvaneno,
omayuva womuinyo we ye ri otja
otjizire tji tji kapita.
5 Raurira omayuru woye pehi,
Muhona, nu heruka;
ṱuna kozondundu kutja ze twimise omuise!
6 Tjenisa otutjeno twombura u pize
ovanavita, yaha oviku vyoye
nu u ve rambe ve tupuke.
7 Roporora okuoko kwoye okuza kombanda,
ndji nana momeva omakoto u ndji yame;
ndji kutura kouvara wovandu wozonganda
8 mbe ha hungire ouatjiri,
nu mbe yana amave kora ovizeze.
9 Ami me ku imburire eimburiro epe, Ndjambi;
me ku imburire ame
nyanda otjiharpe kondjozikiro yoye.
10 Ove u yandja outoṋi kozombara,
nu u yama omukarere woye David.
11 Ndji yama kovanavita na ami ovindandi,
nu u ndji kuture kouvara
wovandu wozonganda,
mbe ha hungire ouatjiri,
nu mbe yana amave kora ovizeze.
12 Ovanatje vetu ovazandu moumutanda
wawo ngave kare otja
omiti mbya hapa okurira omire.
Ovanatje vetu ovakazona ngave kare
otja ozongunḓe,
nḓa sembama nu nḓa hongwa nawa
okuhareka na zo ondjuwo youhona.
13 Ovipwikiro vyetu ngavi urisiwe
novihape ovingi ngamwa avihe;
otupanda tozonḓu zetu ngatu
takavare momahi womaryo,
tu rire omayovi nomayovi.
14 Ozongombe zetu ngaze kwate
ozondana ozengi nokuhinokuhukura
poo okupandjara.
Amu kara ondjuriro yombamisiro
momivanda vyetu.
15 Otjiṋingandu otjiwaṋa tji tji ri nai;
otjiṋingandu otjiwaṋa tji tji na
Ndjambi, eye ngu ri Muhona!
