Ongumbiro yokutja okuhepa ku Ndjambi
Epsalme ra David.
1 Ami me ku tanga nomutima
wandje auhe, Muhona;
komurungu woomukuru me ku
imburire nondjozikiro.
2 Me rikotamene ame tara
kondjuwo yoye ondjapuke,
nu me hivirike ena roye mena rorusuvero rwoye
orukarerere nouṱakame woye;
orondu ove wa zikamisa ena roye
nembo roye kombanda yoviṋa avihe.
3 Tji mba kwire kove,
ove wa zuvira ongumbiro yandje,
nu we ndji pa omasa omape.
4 Ozombara azehe mouye maze
hivirike ove, Muhona,
tji maze zuu omambo woye.
5 Ozo maze imburire imbi Muhona
mbya tjita, orondu omasa
wa Muhona owo omanene.
6 Nandarire kutja Muhona wa
tongama kombanda,
eye u na ko na tja noverisusuparise,
noveritongamise eye u ve mwina kokure.
7 Tji mbi ri mombamisiro, ove u
ndji kareka nomuinyo.
U sekamena ovanavita na ami
nu u ndji yama nomasa woye.
8 Muhona me ndji yenenisire imbi
eye mbye ndji kwizikira. Muhona,
orusuvero rwoye orwo orukarerere.
Mana oviungura, mbi wa utire!
Ongumbiro yokutja okuhepa ku Ndjambi
Epsalme ra David.
1 Ami me ku tanga nomutima
wandje auhe, Muhona;
komurungu woomukuru me ku
imburire nondjozikiro.
2 Me rikotamene ame tara
kondjuwo yoye ondjapuke,
nu me hivirike ena roye mena rorusuvero rwoye
orukarerere nouṱakame woye;
orondu ove wa zikamisa ena roye
nembo roye kombanda yoviṋa avihe.
3 Tji mba kwire kove,
ove wa zuvira ongumbiro yandje,
nu we ndji pa omasa omape.
4 Ozombara azehe mouye maze
hivirike ove, Muhona,
tji maze zuu omambo woye.
5 Ozo maze imburire imbi Muhona
mbya tjita, orondu omasa
wa Muhona owo omanene.
6 Nandarire kutja Muhona wa
tongama kombanda,
eye u na ko na tja noverisusuparise,
noveritongamise eye u ve mwina kokure.
7 Tji mbi ri mombamisiro, ove u
ndji kareka nomuinyo.
U sekamena ovanavita na ami
nu u ndji yama nomasa woye.
8 Muhona me ndji yenenisire imbi
eye mbye ndji kwizikira. Muhona,
orusuvero rwoye orwo orukarerere.
Mana oviungura, mbi wa utire!
