Omuano Outjahamboumwe
1 Tji mo haama potjiriro tjomundu omutjiukwa, sosonona nawa imbi mbi ri momurungu woye. 2 Ritjaera omuini tji u neraru rokurya ovikurya. 3 O nanukire omariro we omawa tjinene, mapeya aye rire ovikurya oviwovise.
Omuano Outjahambombari
4 O ri ungurisa tjinene nga tji wa mana omasa mokukondja kutja u munine po outumbe ouingi, rira onongo nu u ise okuriungurisa. 5 Tji wa tara ku wo, tjandje kau tji po rukwao, orondu owo mau hara ovivava na utuka otja onguvi mevaverwa.
Omuano Outjahambondatu
6 O ri omboroto yomundu omuruvandu, nu o nanukire ko ovikurya vye vyomuzeze. 7 Orondu otja eye tjinga e ripura momutima we, otjinga e ri; ma tja nai kove: “Ryaa nu u nwe!”, nungwari katji me ripura nao momutima we. 8 Ove mo kungu ihi otjiṱiṱi tji wa ri, nomambo woye aehe omawa maye rire omungandjo uriri.
Omuano Outjamuvyu
9 O kondjo okuhungira nozondunge kuna eyova; oro mari nyengwa omambo woye omanazondunge.
Omuano Outjamurongo
10 Orundurura omawe womuruko omukuru, nu o yeka ozosewa ehi razo romakunino. 11 Muhona onguri Omukuture wazo omunamasa, neye me ze kuramenepo motjiposa tjazo okukupirukira.
Omuano Outjamurongo na Umwe
12 Omutima woye ngau kare nonḓuviro komavyuriro, nomatwi woye ngaye zuve komambo wondjiviro.
Omuano Outjamurongo na Vivari
13 O ivaiva okuvyura omuatje woye; okumutona noruhongwe kaku nokumuzepa. 14 Mu tona uri noruhongwe, nu vari mo yama omuinyo we.
Omuano Outjamurongo na Vitatu
15 Muatje wandje, tji wa rire onongo, ami me kara nenyando. 16 Nu moukoto wandje mamu yoroka, tji mo hungire omambo wounongo.
Omuano Outjamurongo na Vine
17 O ṱeruru novanauvi, nungwari kondja okukara nondira ku Muhona aruhe. 18 Tjiri, u na muhuka; nomaundjiro woye kaye nokurira omungandjo.
Omuano Outjamurongo na Vitano
19 Puratena, muatje wandje, nu u rire onongo; ripura nawa tjinene nondjira yomuinyo woye. 20 O rikutu kuna ovandu mbe nwa omavinu tjinene poo mbe rarukira onyama tjinene. 21 Orondu omundu ngu ripurukisa nomavinu, na ingwi ngu nanukira ovikurya, aveyevari ve risyonaparisa oveni. Tji u rya nokurara uriri korusenina moka zara ovisasaukiro.
Omuano Outjamurongo na Hamboumwe
22 Zuva ku iho ngwe ku kwata, nu o nyengura nyoko moukurukaze we.
23 Randa ouatjiri, o u randisa ko; mu wo omu mu nounongo nomavyuriro nozondunge.
24 Ihe yomuzandu omusemba u yoroka tjinene; omundu tja kwata onongo, u yorokera onongo ndji.
25 Yorokisa iho nu rira enyando ranyoko ngwe ku kwata.
Omuano Outjamurongo na Hambombari
26 Muatje wandje, ndji pao omutima woye auhe, nu tjita kutja omuinyo wandje u rire otjihorera kove. 27 Omukazendu omurirandise, eye orutjiva orukoto, nomukazendu omukorondu womurumendu warwe, eye ondjombo osina. 28 Ovakazendu otja imba ve yevayeva ovarumendu tjimuna ovapunde voviṋa, owo ve yandja ouhaṱakama kovarumendu ovengi vovakwao.
Omuano Outjamurongo na Hambondatu
29 Ouṋe ngu ṱirwa ondjenda i ovandu? Ouṋe ngu nyengwa i avehe? Ouṋe ngu kara nozombata aruhe? Ouṋe ngu hi nohange? Ouṋe ngu tonwa ominda avihe? Ouṋe ngu nomeho nge nepoṱu? 30 Owo mba ovandu mbe kakatera komavinu, mbe kondja okurora omavinu womihoro pekepeke. 31 O nanukire omavinu tji maye munika ouserandu nawa, tji maye keṋakeṋa motjinwino, tji maye hezere nawa momuryu. 32 Owo korusenina ye rumata tjimuna onyoka, nu ye tjeka ouzuwo tjimuna ongoroka. 33 Omeho woye maye munu oviṋa ovindunguru, notjinyo tjoye matji hungire omeripuriro woposyo. 34 Nove mo sana otja omundu ngwa rangavara mokati kokuvare, notja ngwa haama potjitumbure tjondjuwoyomomeva ama koṱura. 35 Ove motja nai: “Mba tonwa, nu hi nokuhihamwa; mba vandwa pehi, nu hi nokurimuna omihihamo. Me yanḓimuka ruṋe? Tjazumba mbi yaruke nomanuwa wandje rukwao.”
Omuano Outjahamboumwe
1 Tji mo haama potjiriro tjomundu omutjiukwa, sosonona nawa imbi mbi ri momurungu woye. 2 Ritjaera omuini tji u neraru rokurya ovikurya. 3 O nanukire omariro we omawa tjinene, mapeya aye rire ovikurya oviwovise.
Omuano Outjahambombari
4 O ri ungurisa tjinene nga tji wa mana omasa mokukondja kutja u munine po outumbe ouingi, rira onongo nu u ise okuriungurisa. 5 Tji wa tara ku wo, tjandje kau tji po rukwao, orondu owo mau hara ovivava na utuka otja onguvi mevaverwa.
Omuano Outjahambondatu
6 O ri omboroto yomundu omuruvandu, nu o nanukire ko ovikurya vye vyomuzeze. 7 Orondu otja eye tjinga e ripura momutima we, otjinga e ri; ma tja nai kove: “Ryaa nu u nwe!”, nungwari katji me ripura nao momutima we. 8 Ove mo kungu ihi otjiṱiṱi tji wa ri, nomambo woye aehe omawa maye rire omungandjo uriri.
Omuano Outjamuvyu
9 O kondjo okuhungira nozondunge kuna eyova; oro mari nyengwa omambo woye omanazondunge.
Omuano Outjamurongo
10 Orundurura omawe womuruko omukuru, nu o yeka ozosewa ehi razo romakunino. 11 Muhona onguri Omukuture wazo omunamasa, neye me ze kuramenepo motjiposa tjazo okukupirukira.
Omuano Outjamurongo na Umwe
12 Omutima woye ngau kare nonḓuviro komavyuriro, nomatwi woye ngaye zuve komambo wondjiviro.
Omuano Outjamurongo na Vivari
13 O ivaiva okuvyura omuatje woye; okumutona noruhongwe kaku nokumuzepa. 14 Mu tona uri noruhongwe, nu vari mo yama omuinyo we.
Omuano Outjamurongo na Vitatu
15 Muatje wandje, tji wa rire onongo, ami me kara nenyando. 16 Nu moukoto wandje mamu yoroka, tji mo hungire omambo wounongo.
Omuano Outjamurongo na Vine
17 O ṱeruru novanauvi, nungwari kondja okukara nondira ku Muhona aruhe. 18 Tjiri, u na muhuka; nomaundjiro woye kaye nokurira omungandjo.
Omuano Outjamurongo na Vitano
19 Puratena, muatje wandje, nu u rire onongo; ripura nawa tjinene nondjira yomuinyo woye. 20 O rikutu kuna ovandu mbe nwa omavinu tjinene poo mbe rarukira onyama tjinene. 21 Orondu omundu ngu ripurukisa nomavinu, na ingwi ngu nanukira ovikurya, aveyevari ve risyonaparisa oveni. Tji u rya nokurara uriri korusenina moka zara ovisasaukiro.
Omuano Outjamurongo na Hamboumwe
22 Zuva ku iho ngwe ku kwata, nu o nyengura nyoko moukurukaze we.
23 Randa ouatjiri, o u randisa ko; mu wo omu mu nounongo nomavyuriro nozondunge.
24 Ihe yomuzandu omusemba u yoroka tjinene; omundu tja kwata onongo, u yorokera onongo ndji.
25 Yorokisa iho nu rira enyando ranyoko ngwe ku kwata.
Omuano Outjamurongo na Hambombari
26 Muatje wandje, ndji pao omutima woye auhe, nu tjita kutja omuinyo wandje u rire otjihorera kove. 27 Omukazendu omurirandise, eye orutjiva orukoto, nomukazendu omukorondu womurumendu warwe, eye ondjombo osina. 28 Ovakazendu otja imba ve yevayeva ovarumendu tjimuna ovapunde voviṋa, owo ve yandja ouhaṱakama kovarumendu ovengi vovakwao.
Omuano Outjamurongo na Hambondatu
29 Ouṋe ngu ṱirwa ondjenda i ovandu? Ouṋe ngu nyengwa i avehe? Ouṋe ngu kara nozombata aruhe? Ouṋe ngu hi nohange? Ouṋe ngu tonwa ominda avihe? Ouṋe ngu nomeho nge nepoṱu? 30 Owo mba ovandu mbe kakatera komavinu, mbe kondja okurora omavinu womihoro pekepeke. 31 O nanukire omavinu tji maye munika ouserandu nawa, tji maye keṋakeṋa motjinwino, tji maye hezere nawa momuryu. 32 Owo korusenina ye rumata tjimuna onyoka, nu ye tjeka ouzuwo tjimuna ongoroka. 33 Omeho woye maye munu oviṋa ovindunguru, notjinyo tjoye matji hungire omeripuriro woposyo. 34 Nove mo sana otja omundu ngwa rangavara mokati kokuvare, notja ngwa haama potjitumbure tjondjuwoyomomeva ama koṱura. 35 Ove motja nai: “Mba tonwa, nu hi nokuhihamwa; mba vandwa pehi, nu hi nokurimuna omihihamo. Me yanḓimuka ruṋe? Tjazumba mbi yaruke nomanuwa wandje rukwao.”
