1 Omutima wombara u ri meke ra Muhona tjimuna omipupo vyomeva; Muhona me u tumburire akuhe eye ku ma vanga.
2 Ovitjitwa vyomundu vi rira ovisemba kuye, nungwari zemburuka kutja Muhona u pangura omutima womundu.
3 Okutjita ousemba nouwa ku tjata ku Muhona komeho yokumupunguhira ombunguhiro.
4 Ovarunde ve hingwa i omeritongamisiro nourangaranga wawo, nu imbi ovyo ouvi porwe.
5 Omeripura wepatje ye eta ovihohe ovingi; nungwari ingwi ngu parapara tjinene ma kara nouhepe.
6 Outumbe mbu mo munu mokukora ovizeze u zenga uriri; nowo u ku twa mozongwehe zonḓiro.
7 Ovanauvi ve patwa i ozondjito zawo zoutwe, owo tjinga ave panḓa okutjita ousemba.
8 Omunandjo u kayenda ondjira yovineya; omuhinandjo u tjita imbi mbi ri ovisemba.
9 Okokuwa okutura mokatuwo ku ke ri komututu wondjuwo komurungu wokutura mondjuwo onene puna omukazendu ngu posa.
10 Omunauvi auhe u zera okutjita ouvi; eye ke notjari nomuraranganda we.
11 Omunyekerere tja verwa, omuhinandjiviro otje ririra ko onongo; onongo tji ya hongwa otji i munina ko ondjiviro.
12 Ndjambi ngu ri Umwe omusemba u tjiwa mbi mavi tjitwa mondjuwo yomunauvi, neye memu yandeke.
13 Tji mo panḓa okupuratena kondjuriro yomusyona, ove omuini wina ko nokuzuvirwa tji mo ku ombatero.
14 Omundu tja pindike na ove, otjiyandjewa tji ma pewa mongumumu otji matji wisa omazenge we pehi.
15 Ousemba tji wa tjitwa omundu omusemba otje yoroka, nungwari omunauvi eye u pewa omerihahiziro.
16 Onḓiro i undja ngamwa auhe ngu ryanga ohumburuko nozondunge.
17 Ngwa suvera ondjoroka nevyaro u rira omusyona; ngwa suvera omavinu nombyarero kamaa tumbu.
18 Omunauvi u riyetera omuini omihihamo mbi eye mbye kondja okutwa komusemba.
19 Okokuwa okutura mokuti onguza komurungu wokutura puna omukazendu ngu posa tjinene nomukendise.
20 Mondjuwo yonongo mu na ovihuze oviwa norutumbo, nungwari eyova ri piza avihe okumana.
21 Ngu notjari nousemba ma kamunina po omuinyo nondjozikiro.
22 Onongo i havera otjihuro tjozombanḓe nai vanda pehi ihi otjiṱunga ku ze riyameka.
23 Ngu tjevera otjinyo neraka re u ritjevera koumba.
24 Omundu otjirangaranga nomuritongamise ena re “Omunyekerere”, eye iumwe ngu nomeritjindiro womeritongamisiro.
25 Omunatjirweyo ngu ha vanga okuungura nomake we u ri zepa omuini; 26 eyuva arihe u ripura uriri na imbi mbye vanga okukara na vyo. Omusemba u sora okuyandja nokuhinokukopa.
27 Ombunguhiro yovanauvi ondjaukise, tjinenenene indu tji mave i punguha nomeripura omavi.
28 Omuhongonone omunavizeze ma kanyonoka; nungwari omundu ngu puratena nombakatwi, omambo we ye yakurwa nawa.
29 Omunauvi u tivaurisa omurungu wouhahu, nungwari omusemba u hungama ozondjira ze osemba.
30 Ounongo nozondunge nomaronga womundu kavi nombatero komurungu wa Muhona.
31 Okakambe ke ṱuninwa eyuva rotjirwa; nungwari ondoṋeno oya Muhona.
1 Omutima wombara u ri meke ra Muhona tjimuna omipupo vyomeva; Muhona me u tumburire akuhe eye ku ma vanga.
2 Ovitjitwa vyomundu vi rira ovisemba kuye, nungwari zemburuka kutja Muhona u pangura omutima womundu.
3 Okutjita ousemba nouwa ku tjata ku Muhona komeho yokumupunguhira ombunguhiro.
4 Ovarunde ve hingwa i omeritongamisiro nourangaranga wawo, nu imbi ovyo ouvi porwe.
5 Omeripura wepatje ye eta ovihohe ovingi; nungwari ingwi ngu parapara tjinene ma kara nouhepe.
6 Outumbe mbu mo munu mokukora ovizeze u zenga uriri; nowo u ku twa mozongwehe zonḓiro.
7 Ovanauvi ve patwa i ozondjito zawo zoutwe, owo tjinga ave panḓa okutjita ousemba.
8 Omunandjo u kayenda ondjira yovineya; omuhinandjo u tjita imbi mbi ri ovisemba.
9 Okokuwa okutura mokatuwo ku ke ri komututu wondjuwo komurungu wokutura mondjuwo onene puna omukazendu ngu posa.
10 Omunauvi auhe u zera okutjita ouvi; eye ke notjari nomuraranganda we.
11 Omunyekerere tja verwa, omuhinandjiviro otje ririra ko onongo; onongo tji ya hongwa otji i munina ko ondjiviro.
12 Ndjambi ngu ri Umwe omusemba u tjiwa mbi mavi tjitwa mondjuwo yomunauvi, neye memu yandeke.
13 Tji mo panḓa okupuratena kondjuriro yomusyona, ove omuini wina ko nokuzuvirwa tji mo ku ombatero.
14 Omundu tja pindike na ove, otjiyandjewa tji ma pewa mongumumu otji matji wisa omazenge we pehi.
15 Ousemba tji wa tjitwa omundu omusemba otje yoroka, nungwari omunauvi eye u pewa omerihahiziro.
16 Onḓiro i undja ngamwa auhe ngu ryanga ohumburuko nozondunge.
17 Ngwa suvera ondjoroka nevyaro u rira omusyona; ngwa suvera omavinu nombyarero kamaa tumbu.
18 Omunauvi u riyetera omuini omihihamo mbi eye mbye kondja okutwa komusemba.
19 Okokuwa okutura mokuti onguza komurungu wokutura puna omukazendu ngu posa tjinene nomukendise.
20 Mondjuwo yonongo mu na ovihuze oviwa norutumbo, nungwari eyova ri piza avihe okumana.
21 Ngu notjari nousemba ma kamunina po omuinyo nondjozikiro.
22 Onongo i havera otjihuro tjozombanḓe nai vanda pehi ihi otjiṱunga ku ze riyameka.
23 Ngu tjevera otjinyo neraka re u ritjevera koumba.
24 Omundu otjirangaranga nomuritongamise ena re “Omunyekerere”, eye iumwe ngu nomeritjindiro womeritongamisiro.
25 Omunatjirweyo ngu ha vanga okuungura nomake we u ri zepa omuini; 26 eyuva arihe u ripura uriri na imbi mbye vanga okukara na vyo. Omusemba u sora okuyandja nokuhinokukopa.
27 Ombunguhiro yovanauvi ondjaukise, tjinenenene indu tji mave i punguha nomeripura omavi.
28 Omuhongonone omunavizeze ma kanyonoka; nungwari omundu ngu puratena nombakatwi, omambo we ye yakurwa nawa.
29 Omunauvi u tivaurisa omurungu wouhahu, nungwari omusemba u hungama ozondjira ze osemba.
30 Ounongo nozondunge nomaronga womundu kavi nombatero komurungu wa Muhona.
31 Okakambe ke ṱuninwa eyuva rotjirwa; nungwari ondoṋeno oya Muhona.
