1 Okokuwa okurya outekero womboroto ongukutu au nohange mombepo komurungu wokukara nonyama onyingi mondjuwo yoviposa.
2 Omukarere omunazondunge ma kara nouvara kombanda yomuatje womuhona we ngu tjita oviṋa vyohoṋi; neye ma pewa orukondwa rwotjirumatwa puna ovazamumwe vyomuatje ngwi.
3 Osilveri nongoldo vi zuzurwa momuriro; nungwari omutima womundu u rorwa i Muhona.
4 Omunauvi u puratena komambo omavi, nomunavizeze u puratena kovizeze.
5 Tji mo nyekerere omusyona mo yamburura Ndjambi ngwe mu uta. Mo verwa tji mo kara nenyando, omundu umwe ngunda e ri mouzeu.
6 Ovanatje vovanatje owo enyando rovakurundu; ooihe owo ondengero yovanatje.
7 Ovatengwandu kave hungire ovizeze; nomayova kaye notjiṋa otjinanḓengu tji ye hungira.
8 Ovandu tjiva ve ripura kutja omapopero ye ungura otja oundjai; owo ve kambura kutja omapopero nga maye toṋa mu avihe.
9 Tji movanga kutja ovandu ve ku suvere, ve isira ozondataiziro zawo; okurizemburuka nozondataiziro aruhe ku haṋa oupanga.
10 Omunazondunge u rihonga ovingi mokuverwa rumwe komeho yeyova ndi rihonga tji ra zu nokutonwa povikando esere.
11 Omundu ngu hohiza oumba porwe ma hindirwa omutumwa omuhinotjari e mu hihamise.
12 Okokuwa okuhakaena nongu onḓenḓu ndja yekwa ounatje wayo komurungu wokuhakaena neyova ndi mari tjiti ouyova.
13 Tji mo yarura ouwa mouvi, komoo isa mo oviwonga mondjuwo yoye.
14 Okuuta ozombata ku ri otja okuhaṋa erindi; tjaera ozombata ngunda aze hiya ryama komurungu.
15 Okuisira omurunde nokupangura omuhinandjo imbi aviyevari vi nyengwa i Muhona.
16 Mape vatere tjike eyova okukara novimariva okuranda na vyo ounongo ngunda ari hi nozondunge?
17 Epanga aruhe ri raisa orusuvero rwaro; nungwari omuangu nerumbi ve riraisa moruveze rwombamisiro.
18 Omuhinazondunge porwe ongu yandja otjiyambo nongu ritwa mokusutira omukwao ozondjo.
19 Ngwa suvera otjiposa wa suvera okutona. Ngu ritongamisa aruhe u paha oumba.
20 Ngu nomutima wovineya ka munu ouṋingandu, nu ingwi ngu ripura okuhungira ovizeze u muna omayandekero porwe.
21 Ingwi ngwa kwata omuatje omuzandu eyova, eye we mu kwatera okurira oruhoze ku ye; ihe yeyova ke nenyando.
22 Okukara nondjoroka ku eta omberukiro. Okukara nondjenda ku ngundiparisa orutu.
23 Ovapangure ovavi ve yakura ovimariva vyombopero, nu tjazumba ousemba au ha tjitwa.
24 Komunazondunge ounongo u ri momurungu we; nungwari omeho weyova ye u paha nga komaandero wouye.
25 Omuatje omuzandu eyova u eta oruhoze ku ihe, nu u yandja omatetarero womutima ku ina.
26 Kasemba okusutisa omuhinandjo ovimariva; ousemba u zapo, indu omusemba tja verwa.
27 Ngamwa ngu nondjiviro mu ye omuini kahungire aruhe. Omundu ngwa mwina u nozondunge, tjiri.
28 Nangarire eyova tji ra mwina nari pata otjinyo tjaro, ri varwa aayo enongo nu e nazondunge.
1 Okokuwa okurya outekero womboroto ongukutu au nohange mombepo komurungu wokukara nonyama onyingi mondjuwo yoviposa.
2 Omukarere omunazondunge ma kara nouvara kombanda yomuatje womuhona we ngu tjita oviṋa vyohoṋi; neye ma pewa orukondwa rwotjirumatwa puna ovazamumwe vyomuatje ngwi.
3 Osilveri nongoldo vi zuzurwa momuriro; nungwari omutima womundu u rorwa i Muhona.
4 Omunauvi u puratena komambo omavi, nomunavizeze u puratena kovizeze.
5 Tji mo nyekerere omusyona mo yamburura Ndjambi ngwe mu uta. Mo verwa tji mo kara nenyando, omundu umwe ngunda e ri mouzeu.
6 Ovanatje vovanatje owo enyando rovakurundu; ooihe owo ondengero yovanatje.
7 Ovatengwandu kave hungire ovizeze; nomayova kaye notjiṋa otjinanḓengu tji ye hungira.
8 Ovandu tjiva ve ripura kutja omapopero ye ungura otja oundjai; owo ve kambura kutja omapopero nga maye toṋa mu avihe.
9 Tji movanga kutja ovandu ve ku suvere, ve isira ozondataiziro zawo; okurizemburuka nozondataiziro aruhe ku haṋa oupanga.
10 Omunazondunge u rihonga ovingi mokuverwa rumwe komeho yeyova ndi rihonga tji ra zu nokutonwa povikando esere.
11 Omundu ngu hohiza oumba porwe ma hindirwa omutumwa omuhinotjari e mu hihamise.
12 Okokuwa okuhakaena nongu onḓenḓu ndja yekwa ounatje wayo komurungu wokuhakaena neyova ndi mari tjiti ouyova.
13 Tji mo yarura ouwa mouvi, komoo isa mo oviwonga mondjuwo yoye.
14 Okuuta ozombata ku ri otja okuhaṋa erindi; tjaera ozombata ngunda aze hiya ryama komurungu.
15 Okuisira omurunde nokupangura omuhinandjo imbi aviyevari vi nyengwa i Muhona.
16 Mape vatere tjike eyova okukara novimariva okuranda na vyo ounongo ngunda ari hi nozondunge?
17 Epanga aruhe ri raisa orusuvero rwaro; nungwari omuangu nerumbi ve riraisa moruveze rwombamisiro.
18 Omuhinazondunge porwe ongu yandja otjiyambo nongu ritwa mokusutira omukwao ozondjo.
19 Ngwa suvera otjiposa wa suvera okutona. Ngu ritongamisa aruhe u paha oumba.
20 Ngu nomutima wovineya ka munu ouṋingandu, nu ingwi ngu ripura okuhungira ovizeze u muna omayandekero porwe.
21 Ingwi ngwa kwata omuatje omuzandu eyova, eye we mu kwatera okurira oruhoze ku ye; ihe yeyova ke nenyando.
22 Okukara nondjoroka ku eta omberukiro. Okukara nondjenda ku ngundiparisa orutu.
23 Ovapangure ovavi ve yakura ovimariva vyombopero, nu tjazumba ousemba au ha tjitwa.
24 Komunazondunge ounongo u ri momurungu we; nungwari omeho weyova ye u paha nga komaandero wouye.
25 Omuatje omuzandu eyova u eta oruhoze ku ihe, nu u yandja omatetarero womutima ku ina.
26 Kasemba okusutisa omuhinandjo ovimariva; ousemba u zapo, indu omusemba tja verwa.
27 Ngamwa ngu nondjiviro mu ye omuini kahungire aruhe. Omundu ngwa mwina u nozondunge, tjiri.
28 Nangarire eyova tji ra mwina nari pata otjinyo tjaro, ri varwa aayo enongo nu e nazondunge.
