1 Omuzandu onongo u yakura omavyuriro wa ihe tji me mu vyura, nungwari omundu omunyekerere ka yakura kutja uri posyo.
2 Omundu omusemba u pewa ondjambi ombwa mena raimbi mbi ma hungire; nungwari imba ovahaṱakama ve nonḓero yokutjita outwe.
3 Ngu tjevera eraka re mu imbi mbi ma hungire, ma yama omuinyo we; nungwari ngu ha tjevere eraka re me rihihamisa omuini.
4 Nandarire kutja omunatjirweyo ma vanga otjiṋa, kemee tji munu. Ovandu omapatje mave kovisiwa moviṋa avihe, mbi mave vanga.
5 Omusemba wa tonda ovizeze, nungwari omunauvi u tjita oviṋa vyohoṋi novyondjambu.
6 Ousemba u yama omuhinandjo, nungwari ourunde u twara ovanauvi kotjipo.
7 Ovandu tjiva ve rivara aayo ovatumbe, nungwari tjandje kave notjiṋa. Ovakwao ve rivara aayo ovasyona, nungwari tjandje ombe noutumbe ouingi.
8 Omutumbe u ungurisa ovimariva vye kutja a yame omuinyo we; nungwari omusyona ka tandwa.
9 Omusemba u ri otja ondjerera ndji mai yere; omunauvi u ri otja emunine ndi mari papaiza ri kazeme.
10 Ourangaranga u eta ozombata porwazo; okurisusuparisa ku za mounongo.
11 Pu mo munu outumbe woye oupupu opu mo u pandjarisa tjimanga; pu mo u munu kouṱiṱiṱiṱi opu mau takavarere ko.
12 Omaundjiro nge womba orure ye verisa omutima; nungwari onḓero tji ya yenenisiwa, iri tjimuna omuti mbu yandja omuinyo.
13 Tji mo panḓa okupuratena komaronga omasemba mo riyandeke omuini; nungwari ngu puratena komaronga womatwako ma kara nokuhinatjipo.
14 Omahongero wonongo owo oruharwi rwomuinyo; omuinyo woye tji u ri moumba, owo maye ku vatere okutaura.
15 Ozondunge ze eta ondatero, nungwari ondjira yovahaṱakama oyo ombandjarero ku wo.
16 Omunazondunge aruhe rutenga u ripura ngunda e hiya tjita otjiṋa; nungwari ingwi eyova u handjaura okuhinandjiviro kwe.
17 Omuhindwa ngu hi nouṱakame u hohiza oumba; nungwari ingwi ngu nouṱakame u eta ohange.
18 Ngamwa ngu nyengura omavyuriro u syonapara na yambururwa; nungwari ngu puratena komavyuriro u yozikwa.
19 Tjiri, okokuwa okumuna imbi mbi movanga! Ovandu omayova ve panḓa okuisa ouvi.
20 Kara puna ozonongo nu mo rire onongo. Tji mo tjiti oupanga novandu omayova mo nyonoka.
21 Oumba u kongorera ovarunde ngamwa akuhe; nungwari ovandu ovasemba ve pewa ondjambi yoviṋa oviwa.
22 Omusemba u kara neṱa, ndi mari rumatisiwa kozondekurona ze; nungwari ouini womurunde u pwikirwa omusemba.
23 Ehi romakunino ndi mari taurwa otjikando otjitenga ri sora okuyandja ovikurya ovingi kovasyona, nungwari ovandu ovahasemba ve tjaera kutja ari ha kunwa.
24 Tji u ha vere omuatje woye omuzandu, okutja ko mu suverere; tji we mu suvera mo mu vyura.
25 Omusemba u novingi okurya nga tje kuta; nungwari omunauvi aruhe u kara nondjara.
1 Omuzandu onongo u yakura omavyuriro wa ihe tji me mu vyura, nungwari omundu omunyekerere ka yakura kutja uri posyo.
2 Omundu omusemba u pewa ondjambi ombwa mena raimbi mbi ma hungire; nungwari imba ovahaṱakama ve nonḓero yokutjita outwe.
3 Ngu tjevera eraka re mu imbi mbi ma hungire, ma yama omuinyo we; nungwari ngu ha tjevere eraka re me rihihamisa omuini.
4 Nandarire kutja omunatjirweyo ma vanga otjiṋa, kemee tji munu. Ovandu omapatje mave kovisiwa moviṋa avihe, mbi mave vanga.
5 Omusemba wa tonda ovizeze, nungwari omunauvi u tjita oviṋa vyohoṋi novyondjambu.
6 Ousemba u yama omuhinandjo, nungwari ourunde u twara ovanauvi kotjipo.
7 Ovandu tjiva ve rivara aayo ovatumbe, nungwari tjandje kave notjiṋa. Ovakwao ve rivara aayo ovasyona, nungwari tjandje ombe noutumbe ouingi.
8 Omutumbe u ungurisa ovimariva vye kutja a yame omuinyo we; nungwari omusyona ka tandwa.
9 Omusemba u ri otja ondjerera ndji mai yere; omunauvi u ri otja emunine ndi mari papaiza ri kazeme.
10 Ourangaranga u eta ozombata porwazo; okurisusuparisa ku za mounongo.
11 Pu mo munu outumbe woye oupupu opu mo u pandjarisa tjimanga; pu mo u munu kouṱiṱiṱiṱi opu mau takavarere ko.
12 Omaundjiro nge womba orure ye verisa omutima; nungwari onḓero tji ya yenenisiwa, iri tjimuna omuti mbu yandja omuinyo.
13 Tji mo panḓa okupuratena komaronga omasemba mo riyandeke omuini; nungwari ngu puratena komaronga womatwako ma kara nokuhinatjipo.
14 Omahongero wonongo owo oruharwi rwomuinyo; omuinyo woye tji u ri moumba, owo maye ku vatere okutaura.
15 Ozondunge ze eta ondatero, nungwari ondjira yovahaṱakama oyo ombandjarero ku wo.
16 Omunazondunge aruhe rutenga u ripura ngunda e hiya tjita otjiṋa; nungwari ingwi eyova u handjaura okuhinandjiviro kwe.
17 Omuhindwa ngu hi nouṱakame u hohiza oumba; nungwari ingwi ngu nouṱakame u eta ohange.
18 Ngamwa ngu nyengura omavyuriro u syonapara na yambururwa; nungwari ngu puratena komavyuriro u yozikwa.
19 Tjiri, okokuwa okumuna imbi mbi movanga! Ovandu omayova ve panḓa okuisa ouvi.
20 Kara puna ozonongo nu mo rire onongo. Tji mo tjiti oupanga novandu omayova mo nyonoka.
21 Oumba u kongorera ovarunde ngamwa akuhe; nungwari ovandu ovasemba ve pewa ondjambi yoviṋa oviwa.
22 Omusemba u kara neṱa, ndi mari rumatisiwa kozondekurona ze; nungwari ouini womurunde u pwikirwa omusemba.
23 Ehi romakunino ndi mari taurwa otjikando otjitenga ri sora okuyandja ovikurya ovingi kovasyona, nungwari ovandu ovahasemba ve tjaera kutja ari ha kunwa.
24 Tji u ha vere omuatje woye omuzandu, okutja ko mu suverere; tji we mu suvera mo mu vyura.
25 Omusemba u novingi okurya nga tje kuta; nungwari omunauvi aruhe u kara nondjara.
