Omiano vya Salomo
1 Omiano vya Salomo ovyo mbi:
Omuatje omuzandu onongo u yorokisa ihe, nungwari ingwi eyova u yandja oruhoze ku ina.
2 Ovihuze omundu mbye muna mouhasemba kavi mu pe ouṋingandu, nungwari ousemba u yama omuinyo we.
3 Muhona ka kareke ovasemba nondjara, nungwari u tjaera ovanauvi okumuna imbi mbi mave vanga.
4 Okukara notjirweyo maku ku syonaparisa, nungwari okuungura noukukutu maku ku tumbisa.
5 Omunazondunge u wonga ovikokotwa moruveze rwomakondero; okurara moruveze ndwi oko ohoṋi.
6 Omusemba u serwa ondaya; omambo womunauvi ye horeka ondjito youtwe.
7 Omazemburukiro womusemba ya sana kondaya, nungwari ena romunauvi ri zembwa.
8 Ovanazondunge ve yakura omaronga omawa; ovandu mbe hungira ouyova mave munu otjipo.
9 Ngu ryanga mouatjiri u kara nokuhinatjipo, nungwari ingwi ngu ryanga mozondjira ozongoko u horoka.
10 Omundu ngu tjaera ouatjiri u eta oumba, nungwari ngu vyura omukwao u eta ohange.
11 Otjinyo tjomusemba otjo oruharwi rwomuinyo, nungwari ihi tjomunauvi tji horeka ondjito youtwe.
12 Onyengo i hohiza ozombata, nungwari orusuvero ru vandeka ozongatukiro azehe.
13 Omunazondunge u hungira ounongo, nungwari eyova ri hepa okuverwa nokati.
14 Ozonongo ze pwika ondjiviro, nungwari eyova tji mari hungire, oumba tjandje wa kwatwa.
15 Outumbe u yama omutumbe; ousyona u nyona omusyona.
16 Ondjambi yokutjita ouwa oyo omuinyo, nungwari ouvi u etera ko ouvi oukwao.
17 Omundu ngu ma puratene komavyuriro ma hupu, nungwari ingwi ngu ma nakaura omavyuriro ma pandjara.
18 Omundu ngu horeka onyengo eye omunavizeze; auhe ngu taka omambo pokati kovandu eye eyova.
19 Pu pena omambo omengi, ouvi kau kara nokuheripo, nungwari ngu ṱiza omambo we onongo.
20 Eraka romusemba ra sana kosilveri ongohoke. Omeripura womunauvi owo oviporoporo.
21 Omambo womusemba ye vatera ovandu ovengi, nungwari eyova ri ṱouyova.
22 Ondaya ya Muhona ondji ku tumbisa; ongondjero yoviungura kai ku wezire ko otjiṋa.
23 Okuyorokera ozondjito zohoṋi okwo ouyova. Omunazondunge u yorokera ounongo.
24 Omusemba u muna imbi mbi ma vanga, nungwari omunauvi u muna imbi mbye tira tjinene.
25 Otjivepo tji matji ya, omunauvi u hingwa i tjo, nungwari ingwi omusemba u zikama nga aruhe.
26 O yandjere ko omunatjirweyo kutja e ku ungurire otjiṋa; eye u ri otja omeva omayake komayo woye, notja omuise momeho woye.
27 Ondira ku Muhona i ku pa okuhupa orure. Omunauvi u koka oruveze rwe ngunda aru hiya yenena.
28 Omaundjiro wovasemba ye karira ondjoroka, nungwari inga wovanauvi ye karira omungandjo.
29 Muhona eye ondjamo komuṱakame, nungwari u yandeka imba mbe tjita ouhasemba.
30 Omusemba kamaa isiwa mo momaturiro we, nungwari omunauvi kamaa tura mehi.
31 Omusemba u hungira ounongo, nungwari eraka ndi hungira ovizeze ri homonwa.
32 Omusemba u tjiwa okuhungira ihi otjinanyuṋe, nungwari omunauvi aruhe u hungira ihi tji tji hihamisa.
Omiano vya Salomo
1 Omiano vya Salomo ovyo mbi:
Omuatje omuzandu onongo u yorokisa ihe, nungwari ingwi eyova u yandja oruhoze ku ina.
2 Ovihuze omundu mbye muna mouhasemba kavi mu pe ouṋingandu, nungwari ousemba u yama omuinyo we.
3 Muhona ka kareke ovasemba nondjara, nungwari u tjaera ovanauvi okumuna imbi mbi mave vanga.
4 Okukara notjirweyo maku ku syonaparisa, nungwari okuungura noukukutu maku ku tumbisa.
5 Omunazondunge u wonga ovikokotwa moruveze rwomakondero; okurara moruveze ndwi oko ohoṋi.
6 Omusemba u serwa ondaya; omambo womunauvi ye horeka ondjito youtwe.
7 Omazemburukiro womusemba ya sana kondaya, nungwari ena romunauvi ri zembwa.
8 Ovanazondunge ve yakura omaronga omawa; ovandu mbe hungira ouyova mave munu otjipo.
9 Ngu ryanga mouatjiri u kara nokuhinatjipo, nungwari ingwi ngu ryanga mozondjira ozongoko u horoka.
10 Omundu ngu tjaera ouatjiri u eta oumba, nungwari ngu vyura omukwao u eta ohange.
11 Otjinyo tjomusemba otjo oruharwi rwomuinyo, nungwari ihi tjomunauvi tji horeka ondjito youtwe.
12 Onyengo i hohiza ozombata, nungwari orusuvero ru vandeka ozongatukiro azehe.
13 Omunazondunge u hungira ounongo, nungwari eyova ri hepa okuverwa nokati.
14 Ozonongo ze pwika ondjiviro, nungwari eyova tji mari hungire, oumba tjandje wa kwatwa.
15 Outumbe u yama omutumbe; ousyona u nyona omusyona.
16 Ondjambi yokutjita ouwa oyo omuinyo, nungwari ouvi u etera ko ouvi oukwao.
17 Omundu ngu ma puratene komavyuriro ma hupu, nungwari ingwi ngu ma nakaura omavyuriro ma pandjara.
18 Omundu ngu horeka onyengo eye omunavizeze; auhe ngu taka omambo pokati kovandu eye eyova.
19 Pu pena omambo omengi, ouvi kau kara nokuheripo, nungwari ngu ṱiza omambo we onongo.
20 Eraka romusemba ra sana kosilveri ongohoke. Omeripura womunauvi owo oviporoporo.
21 Omambo womusemba ye vatera ovandu ovengi, nungwari eyova ri ṱouyova.
22 Ondaya ya Muhona ondji ku tumbisa; ongondjero yoviungura kai ku wezire ko otjiṋa.
23 Okuyorokera ozondjito zohoṋi okwo ouyova. Omunazondunge u yorokera ounongo.
24 Omusemba u muna imbi mbi ma vanga, nungwari omunauvi u muna imbi mbye tira tjinene.
25 Otjivepo tji matji ya, omunauvi u hingwa i tjo, nungwari ingwi omusemba u zikama nga aruhe.
26 O yandjere ko omunatjirweyo kutja e ku ungurire otjiṋa; eye u ri otja omeva omayake komayo woye, notja omuise momeho woye.
27 Ondira ku Muhona i ku pa okuhupa orure. Omunauvi u koka oruveze rwe ngunda aru hiya yenena.
28 Omaundjiro wovasemba ye karira ondjoroka, nungwari inga wovanauvi ye karira omungandjo.
29 Muhona eye ondjamo komuṱakame, nungwari u yandeka imba mbe tjita ouhasemba.
30 Omusemba kamaa isiwa mo momaturiro we, nungwari omunauvi kamaa tura mehi.
31 Omusemba u hungira ounongo, nungwari eraka ndi hungira ovizeze ri homonwa.
32 Omusemba u tjiwa okuhungira ihi otjinanyuṋe, nungwari omunauvi aruhe u hungira ihi tji tji hihamisa.
