Omazikamisiro kOvanasirite
1 Muhona wa rakiza Moses 2 kutja a yandje omazikamisiro nga kOvaisrael nu a tje nai ku wo: “Omurumendu poo omukazendu ngu ma tjiti omakwizikiro wapeke wokurira Omunasirite nokuriyapurira Muhona, 3 nge ritjaere komavinu na komanuwa omazeu; wina a nu ko omanuwa nga ungurwa pomandjembere, nu a ri ko omapunda womandjembere nga hora poo nga kaha. 4 Moruveze aruhe eye ngunda e ri Omunasirite ke nokuyenena okurora ngamwa otjiṋa tji matji zu komuvite, nandarire ozondwi poo ovitatu vyomandjembere.
5 “ ‘Moruveze aruhe eye ngunda e nomakwizikiro wounasirite, kaku nokuṱuna otjikonde kotjiuru tje. Eye ma varwa omuyapuke nga oruveze ndwa yapurirwa Muhona tji rwa kapita, nu nga hapise ozondjise ze. 6 Moruveze ndwi aruhe eye ngunda e riyapurira Muhona ke nakuya popezu norurova. 7 Nandarire kutja orurova orwa ihe poo orwaina poo orwomuṱena poo orwerumbi poo orwomuangu we, ke nakurizundarisa na rwo; orondu ozondjise ze ozo otjihako tjomeriyapuriro we ku Ndjambi. 8 Omayuva aehe ngunda e ri Omunasirite, eye wa yapurirwa Muhona.
9 “ ‘Tjinangara omundu worive wa kokere tjimanga pu ye, nu komuhingo mbwi wa yamburura ozondjise ze nḓa yapurwa, nga undje oure womayuva hambombari, tjazumba a hore ozondjise ze; neye otji ma rire omukohoke. 10 Nu meyuva oritjahambondatu nga ete ozohanda mbari poo ovingutyona vivari komupristeri pomahitiro wOndanda yOmahakaeneno. 11 Nomupristeri nga punguhe imwe i rire ombunguhiro yokuisapo ourunde, nongwao i rire ombunguhiro oningiririsiwa, okuvetjitira ombunguhiro yomakohororero mena raindu tja ture ondjo yokutuna korurova. Nu meyuva tjingero ndo eye otji ma yapura otjiuru tje rukwao. 12 Kombunda yanao otji me riyapurire Muhona rukwao oure womayuva wounasirite we, na eta ondjona yombura imwe i rire ombunguhiro yondjo. Nomayuva inga omatenga maye zu po, ounasirite we tjinga awa zunḓarisiwa.
13 “ ‘Omazikamisiro wounasirite owo nga: Omunasirite tja yenenisa omakwizikiro we, eye nga tjite ombunguhiro. Nu nga yende pomahitiro wOndanda yOmahakaeneno, 14 a punguhire Muhona ovinamuinyo vitatu mbi hi notjipo: Okutja ondjona ondume yombura imwe i rire oyombunguhiro oningiririsiwa, ondjona ondema yombura imwe i rire oyombunguhiro yokuisapo ourunde, nondjona yombunguhiro yohange. 15 Wina nga ete otjimbamba tjozomboroto nḓe hi nosurise nu nḓa huwa nomaze womiṋinga, nombunguhiro yovikurya, nozombunguhiro zomanuwa nḓe heperwa po.
16 “ ‘Nomupristeri nge vi ete komurungu wa Muhona ne mu punguhire ombunguhiro yokuisapo ourunde na indji oningiririsiwa. 17 Eye wina nga punguhire Muhona ondwezu yonḓu puna otjimbamba tjozomboroto nḓe hi nosurise vi rire ombunguhiro yohange; nomupristeri nge mu punguhire wina ombunguhiro yovikurya noyomanuwa. 18 Omupristeri nga horere ozondjise zotjiuru tje otjiyapurwa pomahitiro wOndanda yOmahakaeneno, e ze twe momuriro mbu ri kombunguhiro yohange.
19 “ ‘Nomupristeri nga toore eyambi rondwezu yonḓu nda pi, nomboroto imwe ndji hi nosurise, nevanda rimwe epapi motjimbamba; neye nge vi twe momake wOmunasirite, tja zu nokuhorwa ozondjise ze nḓa yapurwa. 20 Tjazumba omupristeri nge vi yandje ku Muhona otja otjiyandjewa tjapeke. Ovyo oviṋa oviyapuke komupristeri puna orukoro netambo. Tjazumba Omunasirite ma yenene okunwa omavinu.
21 “ ‘Inga onge ri omaraerero kOmunasirite; nungwari Omunasirite tja tjiti omakwizikiro komeho yaimbi eye mbye sokuyandja otja Omunasirite, nga yenenise nawanawa inga omakwizikiro nga tjita.’”
Ondaya youpristeri
22 Muhona wa hungira ku Moses a tja: 23 “Raera ku Aron novazandu ve nu itja: ‘Sereye ondaya kOvaisrael nomambo nga:
24 Muhona nge ku sere ondaya, nu nge ku tjevere.
25 Muhona nge ku ṱire ondjenda nu nga ṱotjari naove.
26 Muhona nga tare kove notjari nu nge ku pe ohange!’ ”
27 “Owo tji mave isana ena randje otja ondaya kOvaisrael, ami otji meve sere ondaya.”
Omazikamisiro kOvanasirite
1 Muhona wa rakiza Moses 2 kutja a yandje omazikamisiro nga kOvaisrael nu a tje nai ku wo: “Omurumendu poo omukazendu ngu ma tjiti omakwizikiro wapeke wokurira Omunasirite nokuriyapurira Muhona, 3 nge ritjaere komavinu na komanuwa omazeu; wina a nu ko omanuwa nga ungurwa pomandjembere, nu a ri ko omapunda womandjembere nga hora poo nga kaha. 4 Moruveze aruhe eye ngunda e ri Omunasirite ke nokuyenena okurora ngamwa otjiṋa tji matji zu komuvite, nandarire ozondwi poo ovitatu vyomandjembere.
5 “ ‘Moruveze aruhe eye ngunda e nomakwizikiro wounasirite, kaku nokuṱuna otjikonde kotjiuru tje. Eye ma varwa omuyapuke nga oruveze ndwa yapurirwa Muhona tji rwa kapita, nu nga hapise ozondjise ze. 6 Moruveze ndwi aruhe eye ngunda e riyapurira Muhona ke nakuya popezu norurova. 7 Nandarire kutja orurova orwa ihe poo orwaina poo orwomuṱena poo orwerumbi poo orwomuangu we, ke nakurizundarisa na rwo; orondu ozondjise ze ozo otjihako tjomeriyapuriro we ku Ndjambi. 8 Omayuva aehe ngunda e ri Omunasirite, eye wa yapurirwa Muhona.
9 “ ‘Tjinangara omundu worive wa kokere tjimanga pu ye, nu komuhingo mbwi wa yamburura ozondjise ze nḓa yapurwa, nga undje oure womayuva hambombari, tjazumba a hore ozondjise ze; neye otji ma rire omukohoke. 10 Nu meyuva oritjahambondatu nga ete ozohanda mbari poo ovingutyona vivari komupristeri pomahitiro wOndanda yOmahakaeneno. 11 Nomupristeri nga punguhe imwe i rire ombunguhiro yokuisapo ourunde, nongwao i rire ombunguhiro oningiririsiwa, okuvetjitira ombunguhiro yomakohororero mena raindu tja ture ondjo yokutuna korurova. Nu meyuva tjingero ndo eye otji ma yapura otjiuru tje rukwao. 12 Kombunda yanao otji me riyapurire Muhona rukwao oure womayuva wounasirite we, na eta ondjona yombura imwe i rire ombunguhiro yondjo. Nomayuva inga omatenga maye zu po, ounasirite we tjinga awa zunḓarisiwa.
13 “ ‘Omazikamisiro wounasirite owo nga: Omunasirite tja yenenisa omakwizikiro we, eye nga tjite ombunguhiro. Nu nga yende pomahitiro wOndanda yOmahakaeneno, 14 a punguhire Muhona ovinamuinyo vitatu mbi hi notjipo: Okutja ondjona ondume yombura imwe i rire oyombunguhiro oningiririsiwa, ondjona ondema yombura imwe i rire oyombunguhiro yokuisapo ourunde, nondjona yombunguhiro yohange. 15 Wina nga ete otjimbamba tjozomboroto nḓe hi nosurise nu nḓa huwa nomaze womiṋinga, nombunguhiro yovikurya, nozombunguhiro zomanuwa nḓe heperwa po.
16 “ ‘Nomupristeri nge vi ete komurungu wa Muhona ne mu punguhire ombunguhiro yokuisapo ourunde na indji oningiririsiwa. 17 Eye wina nga punguhire Muhona ondwezu yonḓu puna otjimbamba tjozomboroto nḓe hi nosurise vi rire ombunguhiro yohange; nomupristeri nge mu punguhire wina ombunguhiro yovikurya noyomanuwa. 18 Omupristeri nga horere ozondjise zotjiuru tje otjiyapurwa pomahitiro wOndanda yOmahakaeneno, e ze twe momuriro mbu ri kombunguhiro yohange.
19 “ ‘Nomupristeri nga toore eyambi rondwezu yonḓu nda pi, nomboroto imwe ndji hi nosurise, nevanda rimwe epapi motjimbamba; neye nge vi twe momake wOmunasirite, tja zu nokuhorwa ozondjise ze nḓa yapurwa. 20 Tjazumba omupristeri nge vi yandje ku Muhona otja otjiyandjewa tjapeke. Ovyo oviṋa oviyapuke komupristeri puna orukoro netambo. Tjazumba Omunasirite ma yenene okunwa omavinu.
21 “ ‘Inga onge ri omaraerero kOmunasirite; nungwari Omunasirite tja tjiti omakwizikiro komeho yaimbi eye mbye sokuyandja otja Omunasirite, nga yenenise nawanawa inga omakwizikiro nga tjita.’”
Ondaya youpristeri
22 Muhona wa hungira ku Moses a tja: 23 “Raera ku Aron novazandu ve nu itja: ‘Sereye ondaya kOvaisrael nomambo nga:
24 Muhona nge ku sere ondaya, nu nge ku tjevere.
25 Muhona nge ku ṱire ondjenda nu nga ṱotjari naove.
26 Muhona nga tare kove notjari nu nge ku pe ohange!’ ”
27 “Owo tji mave isana ena randje otja ondaya kOvaisrael, ami otji meve sere ondaya.”
