Ovazandu va Aron
1 Inḓa ozo ozondekurona za Aron na Moses moruveze ndwi Muhona tja hungira na wo kondundu Sinai. 2 Aron wa ri novazandu vane: OoNadab, everi re, na Abihu na Eleasar na Itamar. 3 Owo va twirisiwa nave zikwa kutja ve rire ovapristeri. 4 Nungwari ooNadab na Abihu va ṱira momurungu wa Muhona, tji va punguha ombunguhiro oningiririsiwa ohasemba mokuti onguza Sinai, nu kava ri novanatje ovazandu; imba ooEleasar na Itamar opu va karera motjiungura tjoupristeri, ihe yawo Aron ngunda e nomuinyo.
Ovalevi mave zikwa okukarera ovapristeri
5 Nu Muhona wa tja nai ku Moses: 6 “Eta omuhoko wa Levi komurungu, nu u ve zike ve rire ovakarere va Aron motjiungura tje tjoupristeri. 7 Owo ngave tjite otjiungura tjOndanda yOmahakaeneno amave yenenisa imbi oviungura, mbi mavi sokutjitirwa ovapristeri nombongo aihe.Ondanda yOmahakaeneno 8 Owo ngave tjevere oviungurise avihe vyOndanda yOmahakaeneno, nu ngave vatere Ovaisrael okuyenenisa oviungura vyawo. 9 Otjiungura tjOvalevi okukarera Aron novazandu ve porwako. 10 Nove zika Aron novazandu ve kutja ve ungure otjiungura tjoupristeri, nungwari omundu ngamwa auhe ngu ha pwire okuungura otjiungura tjoupristeri na kondjisa okutjitjita, nga ṱe.”
11 Nu Muhona wa tja nai ku Moses: 12 “Ami nambano mbe ritoororere Ovalevi moruveze rwovazandu avehe omaveri wOvaisrael ve rire ovandje. 13 Orondu ovazandu avehe omaveri owo ovandje; moruveze ndo ami tji mba zepere omaveri aehe mOengipte, otji mbe riyapurira omuzandu everi mu ngamwa eṱunḓu arihe rOvaisrael, na wina otjiveri tjotjinamuinyo atjihe; owo ovandje. Owami ngu mbi ri Muhona.”
Omavarero wOvalevi
14 Muhona wa rakiza ku Moses mokuti onguza Sinai, 15 kutja a tjange Ovalevi otja komaṱunḓu nozonganda ama vara omuvena auhe okuuta powomueze umwe nokomurungu. 16 Nu Moses wa tjita nao. 17 Levi wa ri novazandu vetatu: OoGerson na Kehat na Merari. 18 Owo va ri ooihe mukururume otja komana wozonganda zawo. Gerson wa ri novazandu vevari: OoLibni na Simi. 19 Kehat wa ri novazandu vane: OoAmram na Jishar na Hebron na Usiel. 20 Merari wa ri novazandu vevari: OoMakli na Musi. Inḓa onḓe ri ozonganda zOvalevi otja komaṱunḓu wawo.
21 Omaṱunḓu yevari wonganda ya Gerson owo nga: Ovalibni nOvasimi. 22 Otjivaro atjihe kumwe tjovavena okuza powomueze umwe nokomurungu tja ri 7 500. 23 Onganda ya Gerson ngai tone ozondanda zayo kongotwe yOndanda yOmahakaeneno komukuma wokongurova. 24 Ingwi omunane wonganda ya Gerson nga rire Eljasaf, omuzandu wa Lael. 25 Otjiungura tjOvagerson kOndanda yOmahakaeneno otjo hi: Okuṱuna Ondanda yOmahakaeneno, notjikutjire tjokombanda, nerapi etjizikize romoukoto, nerapi etjizikize ropomahitiro wOndanda yOmahakaeneno, 26 nomarapi omatjizikize worumbo rwOndanda yOmahakaeneno, nerapi etjizikize ropomahitiro worumbo ndu kondoroka Ondanda yOmahakaeneno, notjipunguhiro, nozongoze zarwo. Owo omba ri nondjeverero yoviṋa mbi avihe.
27 Omaṱunḓu yane wonganda ya Kehat owo nga: Ovaamram nOvajishar nOvahebron nOvausiel. 28 Otjivaro atjihe kumwe tjovavena okuza powomueze umwe nokomurungu mbaa ve karere motjouyapuke tja ri 8 600. 29 Onganda ya Kehat ngai tone ozondanda zayo komukuma wokeyuva kokumuho kwOndanda yOmahakaeneno. 30 Ingwi omunane wonganda ya Kehat nga rire Elisafan, omuzandu wa Usiel. 31 Otjiungura tjOvakehat kOndanda yOmahakaeneno otjo hi: Okuṱuna Otjipwikiro tjOmerikutiropamwe, notjiriro notjikurameno tjomamunine novipunguhiro, noviungurise avihe ovapristeri mbi mave karere na vyo mOtjouyapuke, nerapi etjizikize ropomahitiro wOtjouyapukeyapuke. Owo omba ri nondjeverero yoviṋa mbi avihe.
32 Otjiuru tjovanane vOvalevi wa ri Eleasar, omuzandu womupristeri Aron. Eye ongwa ri omutjevere wa imba mbaa ve karere mOtjouyapuke.
33 Omaṱunḓu yevari wonganda ya Merari owo nga: Ovamahli nOvamusi. 34 Otjivaro atjihe kumwe tjovavena okuza powomueze umwe nokomurungu tja ri 6 200. 35 Ingwi omunane wonganda ya Merari wa ri Suriel, omuzandu wa Abihail. Onganda ndji ngai tone ozondanda zayo kongotwe yOndanda yOmahakaeneno, komukuma wokeyuva kokunene. 36 Otjiungura tjOvamerari otjo hi: Okuṱuna otutapo twOndanda yOmahakaeneno, nomiti omityakaṋa, nozongunḓe puna ozombaze zazo, noviungurise avihe. Owo omba ri nondjeverero yoviṋa mbi avihe; 37 wina va ri nondjeverero yozongunḓe zorumbo ndwa kondoroka Ondanda yOmahakaeneno puna ozombaze nozomboha nozongoze zarwo.
38 Moses na Aron novazandu ve ngave tone ozondanda zawo komurungu wOndanda yOmahakaeneno, komukuma wokomuhuka. Otjiungura tjawo okukarera Ovaisrael nOtjouyapuke. Auhe ngu ha yenenene okuungura otjiungura hi, na ungirire wina, nga ṱe. 39 Ihi otjivaro tjOvalevi avehe kumwe, ovavena okuza powomueze umwe nokomurungu Moses na Aron mbu va vara otja kozonganda zawo, Muhona pa rakiza, tja ri 22,000.
Ovalevi mave kambura oruveze rwomaveri omavena
40 Nu Muhona wa tja nai ku Moses: “Vara omaveri aehe omavena wOvaisrael okuza powomueze umwe nokomurungu, nu u tjange omana wawo. 41 Owami ngu mbi ri Muhona! Ndji pa Ovalevi ve rire ovandje moruveze rwomaveri aehe wOvaisrael, na wina oviveri vyovinamuinyo avihe vyOvalevi vi rire ovyandje moruveze rwoviveri avihe vyovinamuinyo vyOvaisrael.” 42 Moses wa vara omaveri omavena aehe wOvaisrael otja Muhona pa rakiza. 43 Otjivaro tjomaveri omavena aehe otja komana wawo okuza powomueze umwe nokomurungu tja ri 22 273.
44 Muhona wa hungira ku Moses a tja: 45 “Nambano ndji yapurira Ovalevi ve rire ovandje moruveze rwomaveri aehe wOvaisrael, na wina oviveri vyovinamuinyo vyOvalevi moruveze rwoviveri vyovinamuinyo vyOvaisrael. Owami ngu mbi ri Muhona. 46 Nungwari otja komarandururiro womaveri omavena wOvaisrael 273, mba kapita otjivaro tjOvalevi, 47 kambura mo ovisiliveri vitano motjiuru atjihe otja komasasanekero wotjouyapuke. 48 Novimariva mbi yandja ku Aron novazandu ve.” 49 Moses wa tjita otja Muhona pa rakiza, na kambura ovimariva vyomarandururiro. 50 Ovyo vya ri ovisilveri 1 265. 51 Nu Moses wa yandja ovimariva mbi kooAron novazandu ve.
Ovazandu va Aron
1 Inḓa ozo ozondekurona za Aron na Moses moruveze ndwi Muhona tja hungira na wo kondundu Sinai. 2 Aron wa ri novazandu vane: OoNadab, everi re, na Abihu na Eleasar na Itamar. 3 Owo va twirisiwa nave zikwa kutja ve rire ovapristeri. 4 Nungwari ooNadab na Abihu va ṱira momurungu wa Muhona, tji va punguha ombunguhiro oningiririsiwa ohasemba mokuti onguza Sinai, nu kava ri novanatje ovazandu; imba ooEleasar na Itamar opu va karera motjiungura tjoupristeri, ihe yawo Aron ngunda e nomuinyo.
Ovalevi mave zikwa okukarera ovapristeri
5 Nu Muhona wa tja nai ku Moses: 6 “Eta omuhoko wa Levi komurungu, nu u ve zike ve rire ovakarere va Aron motjiungura tje tjoupristeri. 7 Owo ngave tjite otjiungura tjOndanda yOmahakaeneno amave yenenisa imbi oviungura, mbi mavi sokutjitirwa ovapristeri nombongo aihe.Ondanda yOmahakaeneno 8 Owo ngave tjevere oviungurise avihe vyOndanda yOmahakaeneno, nu ngave vatere Ovaisrael okuyenenisa oviungura vyawo. 9 Otjiungura tjOvalevi okukarera Aron novazandu ve porwako. 10 Nove zika Aron novazandu ve kutja ve ungure otjiungura tjoupristeri, nungwari omundu ngamwa auhe ngu ha pwire okuungura otjiungura tjoupristeri na kondjisa okutjitjita, nga ṱe.”
11 Nu Muhona wa tja nai ku Moses: 12 “Ami nambano mbe ritoororere Ovalevi moruveze rwovazandu avehe omaveri wOvaisrael ve rire ovandje. 13 Orondu ovazandu avehe omaveri owo ovandje; moruveze ndo ami tji mba zepere omaveri aehe mOengipte, otji mbe riyapurira omuzandu everi mu ngamwa eṱunḓu arihe rOvaisrael, na wina otjiveri tjotjinamuinyo atjihe; owo ovandje. Owami ngu mbi ri Muhona.”
Omavarero wOvalevi
14 Muhona wa rakiza ku Moses mokuti onguza Sinai, 15 kutja a tjange Ovalevi otja komaṱunḓu nozonganda ama vara omuvena auhe okuuta powomueze umwe nokomurungu. 16 Nu Moses wa tjita nao. 17 Levi wa ri novazandu vetatu: OoGerson na Kehat na Merari. 18 Owo va ri ooihe mukururume otja komana wozonganda zawo. Gerson wa ri novazandu vevari: OoLibni na Simi. 19 Kehat wa ri novazandu vane: OoAmram na Jishar na Hebron na Usiel. 20 Merari wa ri novazandu vevari: OoMakli na Musi. Inḓa onḓe ri ozonganda zOvalevi otja komaṱunḓu wawo.
21 Omaṱunḓu yevari wonganda ya Gerson owo nga: Ovalibni nOvasimi. 22 Otjivaro atjihe kumwe tjovavena okuza powomueze umwe nokomurungu tja ri 7 500. 23 Onganda ya Gerson ngai tone ozondanda zayo kongotwe yOndanda yOmahakaeneno komukuma wokongurova. 24 Ingwi omunane wonganda ya Gerson nga rire Eljasaf, omuzandu wa Lael. 25 Otjiungura tjOvagerson kOndanda yOmahakaeneno otjo hi: Okuṱuna Ondanda yOmahakaeneno, notjikutjire tjokombanda, nerapi etjizikize romoukoto, nerapi etjizikize ropomahitiro wOndanda yOmahakaeneno, 26 nomarapi omatjizikize worumbo rwOndanda yOmahakaeneno, nerapi etjizikize ropomahitiro worumbo ndu kondoroka Ondanda yOmahakaeneno, notjipunguhiro, nozongoze zarwo. Owo omba ri nondjeverero yoviṋa mbi avihe.
27 Omaṱunḓu yane wonganda ya Kehat owo nga: Ovaamram nOvajishar nOvahebron nOvausiel. 28 Otjivaro atjihe kumwe tjovavena okuza powomueze umwe nokomurungu mbaa ve karere motjouyapuke tja ri 8 600. 29 Onganda ya Kehat ngai tone ozondanda zayo komukuma wokeyuva kokumuho kwOndanda yOmahakaeneno. 30 Ingwi omunane wonganda ya Kehat nga rire Elisafan, omuzandu wa Usiel. 31 Otjiungura tjOvakehat kOndanda yOmahakaeneno otjo hi: Okuṱuna Otjipwikiro tjOmerikutiropamwe, notjiriro notjikurameno tjomamunine novipunguhiro, noviungurise avihe ovapristeri mbi mave karere na vyo mOtjouyapuke, nerapi etjizikize ropomahitiro wOtjouyapukeyapuke. Owo omba ri nondjeverero yoviṋa mbi avihe.
32 Otjiuru tjovanane vOvalevi wa ri Eleasar, omuzandu womupristeri Aron. Eye ongwa ri omutjevere wa imba mbaa ve karere mOtjouyapuke.
33 Omaṱunḓu yevari wonganda ya Merari owo nga: Ovamahli nOvamusi. 34 Otjivaro atjihe kumwe tjovavena okuza powomueze umwe nokomurungu tja ri 6 200. 35 Ingwi omunane wonganda ya Merari wa ri Suriel, omuzandu wa Abihail. Onganda ndji ngai tone ozondanda zayo kongotwe yOndanda yOmahakaeneno, komukuma wokeyuva kokunene. 36 Otjiungura tjOvamerari otjo hi: Okuṱuna otutapo twOndanda yOmahakaeneno, nomiti omityakaṋa, nozongunḓe puna ozombaze zazo, noviungurise avihe. Owo omba ri nondjeverero yoviṋa mbi avihe; 37 wina va ri nondjeverero yozongunḓe zorumbo ndwa kondoroka Ondanda yOmahakaeneno puna ozombaze nozomboha nozongoze zarwo.
38 Moses na Aron novazandu ve ngave tone ozondanda zawo komurungu wOndanda yOmahakaeneno, komukuma wokomuhuka. Otjiungura tjawo okukarera Ovaisrael nOtjouyapuke. Auhe ngu ha yenenene okuungura otjiungura hi, na ungirire wina, nga ṱe. 39 Ihi otjivaro tjOvalevi avehe kumwe, ovavena okuza powomueze umwe nokomurungu Moses na Aron mbu va vara otja kozonganda zawo, Muhona pa rakiza, tja ri 22,000.
Ovalevi mave kambura oruveze rwomaveri omavena
40 Nu Muhona wa tja nai ku Moses: “Vara omaveri aehe omavena wOvaisrael okuza powomueze umwe nokomurungu, nu u tjange omana wawo. 41 Owami ngu mbi ri Muhona! Ndji pa Ovalevi ve rire ovandje moruveze rwomaveri aehe wOvaisrael, na wina oviveri vyovinamuinyo avihe vyOvalevi vi rire ovyandje moruveze rwoviveri avihe vyovinamuinyo vyOvaisrael.” 42 Moses wa vara omaveri omavena aehe wOvaisrael otja Muhona pa rakiza. 43 Otjivaro tjomaveri omavena aehe otja komana wawo okuza powomueze umwe nokomurungu tja ri 22 273.
44 Muhona wa hungira ku Moses a tja: 45 “Nambano ndji yapurira Ovalevi ve rire ovandje moruveze rwomaveri aehe wOvaisrael, na wina oviveri vyovinamuinyo vyOvalevi moruveze rwoviveri vyovinamuinyo vyOvaisrael. Owami ngu mbi ri Muhona. 46 Nungwari otja komarandururiro womaveri omavena wOvaisrael 273, mba kapita otjivaro tjOvalevi, 47 kambura mo ovisiliveri vitano motjiuru atjihe otja komasasanekero wotjouyapuke. 48 Novimariva mbi yandja ku Aron novazandu ve.” 49 Moses wa tjita otja Muhona pa rakiza, na kambura ovimariva vyomarandururiro. 50 Ovyo vya ri ovisilveri 1 265. 51 Nu Moses wa yandja ovimariva mbi kooAron novazandu ve.
