Omazunḓakero wa Israel
1 Owee ku ami! Tjinga ambi ri otja omundu ngwa ṱondjara nu ngu ha vazere ko otjihape tji tja sewa komuti, nu komuti womandjembere ka ku nomandjembere. Omapunda omasenina womandjembere nomakuyu omatenga ayehe omutima wandje mbi mau zeri ya wongwa pa sewa tjo. 2 Kape tji nomundu omunauatjiri mehi, nu kape tji nomusemba mokati kovandu; avehe ve paha okutirahi ombinḓu, auhe u tjera omukwao okuzepa. 3 Owo avehe omapenda mokutjita ouvi. Ovahongore novapangure ve ningira otjisuta tjombopero, nomurumendu omutjiukwa u ve raera avihe mbi ma vanga, nu otji ve zuvasana mouhasemba wawo. 4 Omusemba povakwao wa sana komutaurambuku, nomuṱakame onguri omuvi tjinene porumbo rwomakuiya.
Eyuva Ndjambi mu ma vere ovandu mari ya otja tje ve rongera po novinyo vyovaprofete. Nowo otji mave pambauka. 5 O kambura momuraranganda na ove, nu o riyameke kepanga roye. Ṱakamisa imbi mbi mo hungire, nangarire komukazendu woye. 6 Moruveze ndwi omuzandu u tengurura ihe, nomukazona u sekamena ina, nomukwe omukazona u sekamena ina omukwe we, novanavita kumwe owo mba ovondjuwo imwe.
7 Nungwari ami me tara ku Muhona nu me undju ku Ndjambi ngu ri ondjamo yandje. Ndjambi wandje me ndji zuvire.
Muhona ma eta ondjamo
8 O nyandere ami, munavita na ami! Nandi mba u, me sekama rukwao; nandi mba haama monḓorera, Muhona onguri ondjerera yandje. 9 Omazenge wa Muhona ami me ye tjindi, orondu tjinga amba tjita ourunde komurungu we. Nungwari korusenina eye ma ṱunu otjiposa tjandje ne ndji pe ousemba. Eye me ndji twara kondjerera; nami me munu nondjoroka eye tji ma tjiti ousemba. 10 Omunavita na ami ma munu otjiṋa hi, nohoṋi mai mu vandeke ingwi ngwe ndji nyekerera ama pura nai: “Muhona, Ndjambi woye u ri pi?” Omeho wandje maye tara nondjoroka eye tji ma tombwa otja omunoko momuvanda.
11 Vature va Jerusalem, oruveze rwomatungururiro worumbo rwotjihuro maru ya. Moruveze ndo ehi reṋu mari tandaurwa. 12 Ovandu veṋu mave kotoka ku eṋe okuza kOasirie komuhuka na kOengipte keyuva kokumuho na kehi ronḓonḓu Eufrat na komakuvare wokokure na kozondundu zokokure. 13 Nungwari ehi mari rire onguza mena rouvi wovature varo.
Ondjenda ya Muhona kOisrael
14 Risa otjiwaṋa tjoye, Muhona, indwi orupanda ndu ri otjirumatwa tjoye ndwa tura peke mokuti onguza ku kwa kondorokwa i ehi ehapise. Ve esa ve karye omaryo wondjoura wa Basan na mOgilead tjimuna tjaave tjiti rukuru.
15 Tu tjitira ovihimise, Muhona, tjimuna tji wa tjitire momayuva ngu we tu pitisire mOengipte. 16 Noviwaṋa tji vya munu omasa wa Ndjambi mavi ṱohoṋi, nandarire kutja vi nomasa tjinene, novyo mavi twa omake kovinyo navi pata omatwi wavyo. 17 Novyo mavi rasa oruuma otja ozonyoka notja oupuka womehi; mavi piti moviṱunga vyavyo amavi zezera nokutira. Ovyo mavi ya momburuma ku Muhona, Ndjambi weṋu.
18 Kapena Ndjambi nguri tjimuna ove Muhona. Ove wa isira omauvi wotjiwaṋa tjoye tji tja hupa kouhuura. Ove ko panḓere pomazenge woye nga aruhe, nungwari u nonyuṋe mokuturaisira orusuvero rwoye orukarerere. 19 Ove mo tu tjariparere rukwao, mo yata ourunde wetu aehe nu mo ye nakaurire mourekoto wokuvare! 20 Ove mo raisa ouṱakame woye norusuvero rwoye orukarerere kotjiwaṋa tjoye, inḓa ozondekurona za Abraham na Jakob, otja tji wa kwizikira ootate mukururume okuza korukuru.
Omazunḓakero wa Israel
1 Owee ku ami! Tjinga ambi ri otja omundu ngwa ṱondjara nu ngu ha vazere ko otjihape tji tja sewa komuti, nu komuti womandjembere ka ku nomandjembere. Omapunda omasenina womandjembere nomakuyu omatenga ayehe omutima wandje mbi mau zeri ya wongwa pa sewa tjo. 2 Kape tji nomundu omunauatjiri mehi, nu kape tji nomusemba mokati kovandu; avehe ve paha okutirahi ombinḓu, auhe u tjera omukwao okuzepa. 3 Owo avehe omapenda mokutjita ouvi. Ovahongore novapangure ve ningira otjisuta tjombopero, nomurumendu omutjiukwa u ve raera avihe mbi ma vanga, nu otji ve zuvasana mouhasemba wawo. 4 Omusemba povakwao wa sana komutaurambuku, nomuṱakame onguri omuvi tjinene porumbo rwomakuiya.
Eyuva Ndjambi mu ma vere ovandu mari ya otja tje ve rongera po novinyo vyovaprofete. Nowo otji mave pambauka. 5 O kambura momuraranganda na ove, nu o riyameke kepanga roye. Ṱakamisa imbi mbi mo hungire, nangarire komukazendu woye. 6 Moruveze ndwi omuzandu u tengurura ihe, nomukazona u sekamena ina, nomukwe omukazona u sekamena ina omukwe we, novanavita kumwe owo mba ovondjuwo imwe.
7 Nungwari ami me tara ku Muhona nu me undju ku Ndjambi ngu ri ondjamo yandje. Ndjambi wandje me ndji zuvire.
Muhona ma eta ondjamo
8 O nyandere ami, munavita na ami! Nandi mba u, me sekama rukwao; nandi mba haama monḓorera, Muhona onguri ondjerera yandje. 9 Omazenge wa Muhona ami me ye tjindi, orondu tjinga amba tjita ourunde komurungu we. Nungwari korusenina eye ma ṱunu otjiposa tjandje ne ndji pe ousemba. Eye me ndji twara kondjerera; nami me munu nondjoroka eye tji ma tjiti ousemba. 10 Omunavita na ami ma munu otjiṋa hi, nohoṋi mai mu vandeke ingwi ngwe ndji nyekerera ama pura nai: “Muhona, Ndjambi woye u ri pi?” Omeho wandje maye tara nondjoroka eye tji ma tombwa otja omunoko momuvanda.
11 Vature va Jerusalem, oruveze rwomatungururiro worumbo rwotjihuro maru ya. Moruveze ndo ehi reṋu mari tandaurwa. 12 Ovandu veṋu mave kotoka ku eṋe okuza kOasirie komuhuka na kOengipte keyuva kokumuho na kehi ronḓonḓu Eufrat na komakuvare wokokure na kozondundu zokokure. 13 Nungwari ehi mari rire onguza mena rouvi wovature varo.
Ondjenda ya Muhona kOisrael
14 Risa otjiwaṋa tjoye, Muhona, indwi orupanda ndu ri otjirumatwa tjoye ndwa tura peke mokuti onguza ku kwa kondorokwa i ehi ehapise. Ve esa ve karye omaryo wondjoura wa Basan na mOgilead tjimuna tjaave tjiti rukuru.
15 Tu tjitira ovihimise, Muhona, tjimuna tji wa tjitire momayuva ngu we tu pitisire mOengipte. 16 Noviwaṋa tji vya munu omasa wa Ndjambi mavi ṱohoṋi, nandarire kutja vi nomasa tjinene, novyo mavi twa omake kovinyo navi pata omatwi wavyo. 17 Novyo mavi rasa oruuma otja ozonyoka notja oupuka womehi; mavi piti moviṱunga vyavyo amavi zezera nokutira. Ovyo mavi ya momburuma ku Muhona, Ndjambi weṋu.
18 Kapena Ndjambi nguri tjimuna ove Muhona. Ove wa isira omauvi wotjiwaṋa tjoye tji tja hupa kouhuura. Ove ko panḓere pomazenge woye nga aruhe, nungwari u nonyuṋe mokuturaisira orusuvero rwoye orukarerere. 19 Ove mo tu tjariparere rukwao, mo yata ourunde wetu aehe nu mo ye nakaurire mourekoto wokuvare! 20 Ove mo raisa ouṱakame woye norusuvero rwoye orukarerere kotjiwaṋa tjoye, inḓa ozondekurona za Abraham na Jakob, otja tji wa kwizikira ootate mukururume okuza korukuru.
