1 Nambano woronganeye movimbumba, vature va Jerusalem! Ovanavita ve tu kovere! Owo mave rwisa omunane wa Israel!
Ndjambi ma kwizike omuhonapare okuza mObetlehem
2 Muhona ma tja nai: “Betlehem-Efrat, oove okaṱiṱi tjinene mokati kovihuro vya Juda, nungwari move mamu zu ombara ndji mai honaparere Israel, nomuze womuhoko we mau yaruka nga koruveze orukuru.”
3 Muhona opu ma zu okuyandja otjiwaṋa tje momake wovanavita na tjo, nga ingwi ngu ri pokupanduka tja panduka omuatje we omuzandu. Ovazamumwe ve mbe ri mouhuura otji mave kotoka kOvaisrael ovakwao. 4 Eye tji meya, ma honaparere otjiwaṋa tje momasa wa Muhona na mouvara wa Muhona Ndjambi omuini. Otjiwaṋa tje matji tura mohange, ovandu avehe mouye tjinga amave rizemburuka nounene we. 5 Neye omuini ma eta ohange.
Onguturiro nomberero
Ovaasirie tji va rwisa ehi retu nave ṱukuṱura oviṱunga vyetu, matu ve hindire ovanane vetu imba ovanamasa tjinene okukeverwisa. 6 Nowo mave kambura ehi ra Asirie na indi ora Nimrod komasa novirwise. Komuhingo mbwi otji mave tu yama kOvaasirie, owo tji mave hiti mehi retu okurirwisa.
7 Ovaisrael, mba sewa po, otji mave sana otja omueme mbwa hindwa i Muhona koviwaṋa ovingi, notja omata wombura kombanda yovihape; notjo kamaatji undju komundu, nungwari matji undju ku Ndjambi erike. 8 Nu Ovaisrael, mba sewa po mokati koviwaṋa ovingi mave sana kongeyama mokati kovipuka mehwa na kongeyama omutanda mokati kotupanda twozonyanda; oyo tji ya taurire mu zo mai yata nokuzenyondorora, nu kape nomundu ngu ma sora okuzeyama. 9 Israel matji havere ovanavita na tjo natji ve yandeke avehe.
10 Muhona ma tja nai: “Meyuva ndo ami me isa mo oukambe woye, nomatemba woye wovita ne ye hahaura. 11 Wina me yandeke ovihuro vyehi roye nu me haṋa oviṱunga vyoye avihe ovinamasa. 12 Ami me yandeke ozondjai nḓu ungurisa, nu ko tji nokukara nozombetere rukwao. 13 Me yandeke oomukuru woye vovisenginina nozongunḓe zoye ozonḓere kutja o ha uhara amo rikotamene koviungura vyomake woye rukwao. 14 Me zukura oviunda vyomiti omizere vyomukuru wotjisenginina oserekaze Asera mehi roye, nu e yandeke ovihuro vyoye. 15 Nu momazenge wandje omanene me sutisa oviwaṋa avihe, mbi ha ri nonḓuviro ku ami.”
1 Nambano woronganeye movimbumba, vature va Jerusalem! Ovanavita ve tu kovere! Owo mave rwisa omunane wa Israel!
Ndjambi ma kwizike omuhonapare okuza mObetlehem
2 Muhona ma tja nai: “Betlehem-Efrat, oove okaṱiṱi tjinene mokati kovihuro vya Juda, nungwari move mamu zu ombara ndji mai honaparere Israel, nomuze womuhoko we mau yaruka nga koruveze orukuru.”
3 Muhona opu ma zu okuyandja otjiwaṋa tje momake wovanavita na tjo, nga ingwi ngu ri pokupanduka tja panduka omuatje we omuzandu. Ovazamumwe ve mbe ri mouhuura otji mave kotoka kOvaisrael ovakwao. 4 Eye tji meya, ma honaparere otjiwaṋa tje momasa wa Muhona na mouvara wa Muhona Ndjambi omuini. Otjiwaṋa tje matji tura mohange, ovandu avehe mouye tjinga amave rizemburuka nounene we. 5 Neye omuini ma eta ohange.
Onguturiro nomberero
Ovaasirie tji va rwisa ehi retu nave ṱukuṱura oviṱunga vyetu, matu ve hindire ovanane vetu imba ovanamasa tjinene okukeverwisa. 6 Nowo mave kambura ehi ra Asirie na indi ora Nimrod komasa novirwise. Komuhingo mbwi otji mave tu yama kOvaasirie, owo tji mave hiti mehi retu okurirwisa.
7 Ovaisrael, mba sewa po, otji mave sana otja omueme mbwa hindwa i Muhona koviwaṋa ovingi, notja omata wombura kombanda yovihape; notjo kamaatji undju komundu, nungwari matji undju ku Ndjambi erike. 8 Nu Ovaisrael, mba sewa po mokati koviwaṋa ovingi mave sana kongeyama mokati kovipuka mehwa na kongeyama omutanda mokati kotupanda twozonyanda; oyo tji ya taurire mu zo mai yata nokuzenyondorora, nu kape nomundu ngu ma sora okuzeyama. 9 Israel matji havere ovanavita na tjo natji ve yandeke avehe.
10 Muhona ma tja nai: “Meyuva ndo ami me isa mo oukambe woye, nomatemba woye wovita ne ye hahaura. 11 Wina me yandeke ovihuro vyehi roye nu me haṋa oviṱunga vyoye avihe ovinamasa. 12 Ami me yandeke ozondjai nḓu ungurisa, nu ko tji nokukara nozombetere rukwao. 13 Me yandeke oomukuru woye vovisenginina nozongunḓe zoye ozonḓere kutja o ha uhara amo rikotamene koviungura vyomake woye rukwao. 14 Me zukura oviunda vyomiti omizere vyomukuru wotjisenginina oserekaze Asera mehi roye, nu e yandeke ovihuro vyoye. 15 Nu momazenge wandje omanene me sutisa oviwaṋa avihe, mbi ha ri nonḓuviro ku ami.”
