Jesus ma verukisa omunangana
(Mk 1:40-45Lk 5:12-16)1 Jesus tja herukire kondundu, otjimbumba otjinene tjovandu arire tji tje mu kongorere. 2 Nu tjimanga omurumendu ngwa ri nomutjise wongana we ere ku ye, a wora ozongoro komurungu we na tja: “Muhona, ove tji wa vanga mo sora okundjiverukisa.”
3 Jesus wa roporora okuoko kwe na ṱunu ku ye a tja: “Ami me vanga, veruka!” Tjimanga omutjise wongana arire tji wa zu mo momurumendu ngwi. 4 Okuzambo Jesus a tja ku ye: “Puratena! Ngoo raere omundu otjiṋa hi, nungwari twende osemba komupristeri u keritarise ku ye; kokutja a raise ku avehe kutja ove wa veruka, nu u punguhe ombunguhiro yotjiyandjewa Moses ndja rakizire.”
Jesus ma verukisa omukarere womuhongore Omuroma
(Lk 7:1-10)5 Nu Jesus tja hitire mOkapernaum, omuhongore wotjimbumba tjovarwe wovita arire tje mu tjakanene na ningire ombatero ama tja: 6 “Muhona, omukarere wandje wa vera, u ri momara konganda, ke nokusora okunyinganyinga, nu ma hihamwa tjinene.”
7 Jesus wa zira a tja: “Ami meya e kemuverukisa.”
8 Omunane wotjimbumba tjovarwe esere wovita arire tja ziri a tja: “Muhona! Ami hi pwire kutja ove u kahite mondjuwo yandje. Hungira embo rimwe uriri, nomukarere wandje ma veruka. 9 Ami omuini wina owami omundu ngu mbi ri kehi youvara wovanane wokombanda, nu mbina ovarwe wovita kehi yandje. Mbi tja nai ku umwe: ‘Twende,’ a i; nu e tja komukwao: ‘Indjo,’ eya; nu e tja komukarere wandje: ‘Tjita nai,’ nu a tjiti nao.”
10 Nu Jesus tja zuvire omambo nga wa himinwe tjinene, na rire tja tja kovandu mbaa ve mu kongorere: “Tjiri, ami me mu raere, hi na pu mba mwine omundu mOisrael ngu nongamburiro ndji ṱa mba. 11 Nu me mu raere, ovengi mave zu komuhuka na kongurova nave yokukara pehi puna Abraham na Isak na Jakob pomukandi mouhona womayuru. 12 Nungwari imba mbe ha sere okukara mouhona mbwi mave nakaurirwa monḓorera mu mave karirira nokukakweya omayo.” 13 Okuzambo Jesus a tja: “Yaruka koyoye, nu mo tjitirwa otja kongamburiro yoye.”
Nomukarere womunane wotjimbumba tjovarwe wovita wa verukire moiri tjingeyo ndjo.
Jesus ma verukisa ovandu ovengi
(Mk 1:29-34Lk 4:38-41)14 Jesus wa ire kondjuwo ya Petrus nu a kavaza ina yomukazendu wa Petrus momara e notjindjumba otjizeu. 15 Jesus wa ṱuna keke re, notjindjumba atji piti mu ye, neye arire tje ṱunine omariro.
16 Nu tja rira ongurova, ovandu va eta ovavere ovengi ku Jesus mba ri nozombepo ozohakohoke. Jesus wa pitisa ozombepo nḓa nembo rimwe uriri nu a verukisa avehe mba ri nomitjise. 17 Oviṋa mbi we vi tjitira kutja omambo womuprofete Jesaja ye yenenisiwe, indu tja tjere: “Eye omuini wa zara omihihamo vyetu, nu wa tjinda omitjise vyetu.”
Ovakongorere va Jesus ooveṋe?
(Lk 9:57-62)18 Jesus tja munine otjimbumba otjingi tjovandu tji tje mu kondorokere arire tja rakiza kovahongewa ve kutja ve konde munda mbwina yomuronga. 19 Onongo imwe yomambo ye ya ku ye ai tja: “Muhona, ami mbe rirongere okukukongorera ngamwa akuhe ku mo i.”
20 Jesus we mu zira a tja: “Ozombandje ze nomiṋa, nozonḓera ze noviruwo, nungwari Omuna wOmundu ke nopoṋa puma rangavara nokusuva.”
21 Omundu warwe ngwa ri omuhongewa arire tja tja: “Muhona, ko tji ndji esa mbi kapake tate rutenga.”
22 Jesus a ziri a tja: “Ndji kongorera, nu vesa ovaṱi ve pake ovaṱi vawo oveni.”
Jesus ma porimanisa otjivepo
(Mk 4:35-41Lk 8:22-25)23 Jesus wa rondere mokayaha, novahongewa ve ve mu kongorera. 24 Tjimanga kwa hinga otjivepo otjindandi momuronga, nokayaha ka ri moumba wokuṱomwina. Nungwari Jesus tjandje wa rara. 25 Ovahongewa ve kemupendura ave tja: “Tu yama, Muhona! Eṱe matu ṱu!”
26 Jesus wa zirire a tja: “Mamu mumaparere tjike nai, vanangamburiro okaṱiṱi?” Tjazumba arire tja penduka na rakiza otjivepo nozongazona kutja ze porimane, nu aku mwina aku tja nduu.
27 Ovandu avehe va himwa nave tja: “Hapo omukendu ngwi ngu zuvirwa nangarire i otjivepo nozongazona!”
Jesus ma verukisa ovarumendu vevari mbe nozombepo ozohakohoke
(Mk 5:1-20Lk 8:26-39)28 Jesus tje ere kehi ra Gadara munda mbwina yomuronga arire tja hakaene novarumendu vevari mbaa ve zu komaendo. Ovarumendu mba va ri nozombepo ozohakohoke mu wo, nu va ri ovindandi tjinene nai nga tji pe ha ri omundu ngwaa roro okuryanga mondjira ndjo. 29 Nu tjimanga arire tji va ravaere ave tja: “Ove u na tjike na eṱe, Muna wa Ndjambi? We ere okutuvera, oruveze orusemba ngunda aru hiya yenena are?”
30 Nu popezu mbo pa ri orupanda orunene rwozombinda nḓaa ze ri. 31 Ozombepo ozohakohoke otji ze riyarikaṋa ku Jesus aze tja: “Tjinangara mo tu pitisa movarumendu mba, tu yandjera tu kahite morupanda rwozombinda nḓena.”
32 Jesus we ze raera a tja: “Nu twendeye!” Ozo arire tji za piti aze kahita mozombinda. Orupanda aruhe rwozombinda rwa raukira morutjeṋe notjikara otjinene, aru kawira momuronga, nu aru ṋiṋiwa i omeva.
33 Ovandu mbaa ve risa ozombinda nḓa va tupuka ave kahita motjirongo. Owo va kaserekarera ehungi arihe na imbi mbya tjitwa kovarumendu mba mba ri nozombepo ozohakohoke. 34 Ovandu avehe opu va pitira motjirongo okukatjakanena Jesus; nu tji ve mu munu, arire tji ve riyarikaṋa ku ye, kutja aze mo mehi rawo.
Jesus ma verukisa omunangana
(Mk 1:40-45Lk 5:12-16)1 Jesus tja herukire kondundu, otjimbumba otjinene tjovandu arire tji tje mu kongorere. 2 Nu tjimanga omurumendu ngwa ri nomutjise wongana we ere ku ye, a wora ozongoro komurungu we na tja: “Muhona, ove tji wa vanga mo sora okundjiverukisa.”
3 Jesus wa roporora okuoko kwe na ṱunu ku ye a tja: “Ami me vanga, veruka!” Tjimanga omutjise wongana arire tji wa zu mo momurumendu ngwi. 4 Okuzambo Jesus a tja ku ye: “Puratena! Ngoo raere omundu otjiṋa hi, nungwari twende osemba komupristeri u keritarise ku ye; kokutja a raise ku avehe kutja ove wa veruka, nu u punguhe ombunguhiro yotjiyandjewa Moses ndja rakizire.”
Jesus ma verukisa omukarere womuhongore Omuroma
(Lk 7:1-10)5 Nu Jesus tja hitire mOkapernaum, omuhongore wotjimbumba tjovarwe wovita arire tje mu tjakanene na ningire ombatero ama tja: 6 “Muhona, omukarere wandje wa vera, u ri momara konganda, ke nokusora okunyinganyinga, nu ma hihamwa tjinene.”
7 Jesus wa zira a tja: “Ami meya e kemuverukisa.”
8 Omunane wotjimbumba tjovarwe esere wovita arire tja ziri a tja: “Muhona! Ami hi pwire kutja ove u kahite mondjuwo yandje. Hungira embo rimwe uriri, nomukarere wandje ma veruka. 9 Ami omuini wina owami omundu ngu mbi ri kehi youvara wovanane wokombanda, nu mbina ovarwe wovita kehi yandje. Mbi tja nai ku umwe: ‘Twende,’ a i; nu e tja komukwao: ‘Indjo,’ eya; nu e tja komukarere wandje: ‘Tjita nai,’ nu a tjiti nao.”
10 Nu Jesus tja zuvire omambo nga wa himinwe tjinene, na rire tja tja kovandu mbaa ve mu kongorere: “Tjiri, ami me mu raere, hi na pu mba mwine omundu mOisrael ngu nongamburiro ndji ṱa mba. 11 Nu me mu raere, ovengi mave zu komuhuka na kongurova nave yokukara pehi puna Abraham na Isak na Jakob pomukandi mouhona womayuru. 12 Nungwari imba mbe ha sere okukara mouhona mbwi mave nakaurirwa monḓorera mu mave karirira nokukakweya omayo.” 13 Okuzambo Jesus a tja: “Yaruka koyoye, nu mo tjitirwa otja kongamburiro yoye.”
Nomukarere womunane wotjimbumba tjovarwe wovita wa verukire moiri tjingeyo ndjo.
Jesus ma verukisa ovandu ovengi
(Mk 1:29-34Lk 4:38-41)14 Jesus wa ire kondjuwo ya Petrus nu a kavaza ina yomukazendu wa Petrus momara e notjindjumba otjizeu. 15 Jesus wa ṱuna keke re, notjindjumba atji piti mu ye, neye arire tje ṱunine omariro.
16 Nu tja rira ongurova, ovandu va eta ovavere ovengi ku Jesus mba ri nozombepo ozohakohoke. Jesus wa pitisa ozombepo nḓa nembo rimwe uriri nu a verukisa avehe mba ri nomitjise. 17 Oviṋa mbi we vi tjitira kutja omambo womuprofete Jesaja ye yenenisiwe, indu tja tjere: “Eye omuini wa zara omihihamo vyetu, nu wa tjinda omitjise vyetu.”
Ovakongorere va Jesus ooveṋe?
(Lk 9:57-62)18 Jesus tja munine otjimbumba otjingi tjovandu tji tje mu kondorokere arire tja rakiza kovahongewa ve kutja ve konde munda mbwina yomuronga. 19 Onongo imwe yomambo ye ya ku ye ai tja: “Muhona, ami mbe rirongere okukukongorera ngamwa akuhe ku mo i.”
20 Jesus we mu zira a tja: “Ozombandje ze nomiṋa, nozonḓera ze noviruwo, nungwari Omuna wOmundu ke nopoṋa puma rangavara nokusuva.”
21 Omundu warwe ngwa ri omuhongewa arire tja tja: “Muhona, ko tji ndji esa mbi kapake tate rutenga.”
22 Jesus a ziri a tja: “Ndji kongorera, nu vesa ovaṱi ve pake ovaṱi vawo oveni.”
Jesus ma porimanisa otjivepo
(Mk 4:35-41Lk 8:22-25)23 Jesus wa rondere mokayaha, novahongewa ve ve mu kongorera. 24 Tjimanga kwa hinga otjivepo otjindandi momuronga, nokayaha ka ri moumba wokuṱomwina. Nungwari Jesus tjandje wa rara. 25 Ovahongewa ve kemupendura ave tja: “Tu yama, Muhona! Eṱe matu ṱu!”
26 Jesus wa zirire a tja: “Mamu mumaparere tjike nai, vanangamburiro okaṱiṱi?” Tjazumba arire tja penduka na rakiza otjivepo nozongazona kutja ze porimane, nu aku mwina aku tja nduu.
27 Ovandu avehe va himwa nave tja: “Hapo omukendu ngwi ngu zuvirwa nangarire i otjivepo nozongazona!”
Jesus ma verukisa ovarumendu vevari mbe nozombepo ozohakohoke
(Mk 5:1-20Lk 8:26-39)28 Jesus tje ere kehi ra Gadara munda mbwina yomuronga arire tja hakaene novarumendu vevari mbaa ve zu komaendo. Ovarumendu mba va ri nozombepo ozohakohoke mu wo, nu va ri ovindandi tjinene nai nga tji pe ha ri omundu ngwaa roro okuryanga mondjira ndjo. 29 Nu tjimanga arire tji va ravaere ave tja: “Ove u na tjike na eṱe, Muna wa Ndjambi? We ere okutuvera, oruveze orusemba ngunda aru hiya yenena are?”
30 Nu popezu mbo pa ri orupanda orunene rwozombinda nḓaa ze ri. 31 Ozombepo ozohakohoke otji ze riyarikaṋa ku Jesus aze tja: “Tjinangara mo tu pitisa movarumendu mba, tu yandjera tu kahite morupanda rwozombinda nḓena.”
32 Jesus we ze raera a tja: “Nu twendeye!” Ozo arire tji za piti aze kahita mozombinda. Orupanda aruhe rwozombinda rwa raukira morutjeṋe notjikara otjinene, aru kawira momuronga, nu aru ṋiṋiwa i omeva.
33 Ovandu mbaa ve risa ozombinda nḓa va tupuka ave kahita motjirongo. Owo va kaserekarera ehungi arihe na imbi mbya tjitwa kovarumendu mba mba ri nozombepo ozohakohoke. 34 Ovandu avehe opu va pitira motjirongo okukatjakanena Jesus; nu tji ve mu munu, arire tji ve riyarikaṋa ku ye, kutja aze mo mehi rawo.
