Omazuvarisiro wa Johanes Omupapitise
(Mk 1:1-18Lk 3:1-18Jhn 1:19-28)1 Momayuva ngo Johanes Omupapitise we ere mokuti onguza kwa Judea na utu okuzuvarisa, 2 a tja: “Ritanaureye kourunde weṋu, ouhona womayuru tjinga au ri popezu!” 3 Johanes onguri ngwi omuprofete Jesaja ngwa hungirire indu tja tjere:
“Eraka rangu ma ravaere mokuti onguza mari tja:
‘Ṱunineye Muhona ondjira;
Mu sembamisireye omirari kutja eye a ryange mo!’ ”
4 Johanes wa zarere ombanda ndja ungurirwe pomainya wongamero, nu wa kutire ekwamo romukova pehuri, novikurya vye vya ri ozombahu nouitji wozonyutji. 5 Ovature va Jerusalem na imba vehi arihe ra Judea novotukondwa atuhe twonḓonḓu Jordan ve ere ku ye. 6 Owo ve rihepura ourunde wawo nu Johanes e ve papitisire monḓonḓu Jordan.
7 Johanes tja muna Ovafarisei nOvasaduke ovengi mbu mave ya ku ye okuyekupapitisiwa, arire tja tja ku wo: “Zonyoka eṋe, owaṋi ngwe mu raera kutja mu taurire omberero Ndjambi ndje ri pokuhinda? 8 Tjiteye imbi mbi mavi raisa kutja eṋe mwe ritanaura kourunde weṋu. 9 Nu amu tjangovasi eṋe mamu taurire omberero mokutja Abraham oiho mukururume. Ami me mu raere kutja Ndjambi u nomasa okuungurira Abraham ovanatje pomawe nga! 10 Ekuva ra tuwa pomize vyomiti; nomuti auhe mbu hi nokutwa ko ovihape oviwa mau kewa nau yumbwa momuriro. 11 Ami me mu papitisa nomeva okuraisa kutja mwe ritanaura, nungwari ingwi ngu meya kombunda yandje eye me mu papitisa nOmbepo Ondjapuke nomuriro. Eye omunamasa tjinene pu ami; nami hi nokuyenena nandarire ingwi okutjinda ozongaku ze. 12 Eye u notjisise tje meke, ma sisa natjo ovikokotwa, ne vi wongere motjipwikiro tje, nungwari imbi oviyaya eye me vi nyosa nomuriro mbu ha zemi.”
Ombapitisimo ya Jesus
(Mk 1:9-11Lk 3:21-22)13 Momayuva ngo Jesus wa zire kOgalilea eya ku Johanes ponḓonḓu Jordan kutja e mu papitise. 14 Nungwari Johanes wa tjaera Jesus kutja a rundurure omeripura we, nopa tjera nai ku ye: “Ngu ma sokupapitisiwa i ove owami, nu nambano ove weya ku ami are?”
15 Nungwari Jesus we mu zira a tja: “Nambano ngape tjitwe nao, tjinga komuhingo mbwi amatu yenenisa ombango ya Ndjambi.” Nu Johanes arire tja itavere okumupapitisa.
16 Tjimanga Jesus tja za nokupapitisiwa wa pita momeva. Tjazumba eyuru ari mu paturukire, nu Johanes a munu Ombepo ya Ndjambi amai rauka tjimuna onguti nu amai ya kombanda ya Jesus. 17 Nu arire tji pa hungire eraka okuza meyuru ari tja: “Ingwi eye Omuna wandje omusuverwa ami mu mbi nonyuṋe.”
Omazuvarisiro wa Johanes Omupapitise
(Mk 1:1-18Lk 3:1-18Jhn 1:19-28)1 Momayuva ngo Johanes Omupapitise we ere mokuti onguza kwa Judea na utu okuzuvarisa, 2 a tja: “Ritanaureye kourunde weṋu, ouhona womayuru tjinga au ri popezu!” 3 Johanes onguri ngwi omuprofete Jesaja ngwa hungirire indu tja tjere:
“Eraka rangu ma ravaere mokuti onguza mari tja:
‘Ṱunineye Muhona ondjira;
Mu sembamisireye omirari kutja eye a ryange mo!’ ”
4 Johanes wa zarere ombanda ndja ungurirwe pomainya wongamero, nu wa kutire ekwamo romukova pehuri, novikurya vye vya ri ozombahu nouitji wozonyutji. 5 Ovature va Jerusalem na imba vehi arihe ra Judea novotukondwa atuhe twonḓonḓu Jordan ve ere ku ye. 6 Owo ve rihepura ourunde wawo nu Johanes e ve papitisire monḓonḓu Jordan.
7 Johanes tja muna Ovafarisei nOvasaduke ovengi mbu mave ya ku ye okuyekupapitisiwa, arire tja tja ku wo: “Zonyoka eṋe, owaṋi ngwe mu raera kutja mu taurire omberero Ndjambi ndje ri pokuhinda? 8 Tjiteye imbi mbi mavi raisa kutja eṋe mwe ritanaura kourunde weṋu. 9 Nu amu tjangovasi eṋe mamu taurire omberero mokutja Abraham oiho mukururume. Ami me mu raere kutja Ndjambi u nomasa okuungurira Abraham ovanatje pomawe nga! 10 Ekuva ra tuwa pomize vyomiti; nomuti auhe mbu hi nokutwa ko ovihape oviwa mau kewa nau yumbwa momuriro. 11 Ami me mu papitisa nomeva okuraisa kutja mwe ritanaura, nungwari ingwi ngu meya kombunda yandje eye me mu papitisa nOmbepo Ondjapuke nomuriro. Eye omunamasa tjinene pu ami; nami hi nokuyenena nandarire ingwi okutjinda ozongaku ze. 12 Eye u notjisise tje meke, ma sisa natjo ovikokotwa, ne vi wongere motjipwikiro tje, nungwari imbi oviyaya eye me vi nyosa nomuriro mbu ha zemi.”
Ombapitisimo ya Jesus
(Mk 1:9-11Lk 3:21-22)13 Momayuva ngo Jesus wa zire kOgalilea eya ku Johanes ponḓonḓu Jordan kutja e mu papitise. 14 Nungwari Johanes wa tjaera Jesus kutja a rundurure omeripura we, nopa tjera nai ku ye: “Ngu ma sokupapitisiwa i ove owami, nu nambano ove weya ku ami are?”
15 Nungwari Jesus we mu zira a tja: “Nambano ngape tjitwe nao, tjinga komuhingo mbwi amatu yenenisa ombango ya Ndjambi.” Nu Johanes arire tja itavere okumupapitisa.
16 Tjimanga Jesus tja za nokupapitisiwa wa pita momeva. Tjazumba eyuru ari mu paturukire, nu Johanes a munu Ombepo ya Ndjambi amai rauka tjimuna onguti nu amai ya kombanda ya Jesus. 17 Nu arire tji pa hungire eraka okuza meyuru ari tja: “Ingwi eye Omuna wandje omusuverwa ami mu mbi nonyuṋe.”
