Ozombunguhiro ozondenga za Aron novazandu ve
1 Meyuva oritjahambondatu kombunda yomazikiro, Moses wa isana Aron novazandu ve novanane vOvaisrael, 2 na tja ku Aron: “Kaete ondana ondume i rire ombunguhiro yokuisapo ourunde, nondwezu yonḓu i rire ombunguhiro oningiririsiwa, azeyembari nḓe hi notjipo, u ze punguhire Muhona. 3 Nu raera Ovaisrael kutja ngave ete ondwezu yongombo i rire ombunguhiro yokuisapo ourunde, nondana ondume nondjona i rire ombunguhiro oningiririsiwa, aviyevari vyombura imwe, nu mbi hi notjipo. 4 Wina eteye ondwezu yongombe noyonḓu ze rire ombunguhiro yohange, nu mu ze punguhire Muhona puna ombunguhiro yovikurya ndja hovekwa nomaze womiṋinga. Orondu Muhona me rimunikisa ku eṋe ndinondi.”
5 Nowo va eta avihe Moses mbya rakiza, momurungu wOndanda yOmahakaeneno. Nombongo aihe yeya nai kurama komurungu wa Muhona. 6 Nu Moses wa tja: “Ihi otjo otjiṋa Muhona tje mu raera okutjita kutja ongeṋangeṋeno ya Muhona i munike ku eṋe.” 7 Tjazumba Moses wa tja ku Aron: “Ryama popezu notjipunguhiro, u punguhe ombunguhiro yokuisapo ourunde nombunguhiro oningiririsiwa yokuisapo ourunde woye nowotjiwaṋa otja Muhona pa rakiza.”
8 Aron waya kotjipunguhiro na zepa ondana ondume ndja tyerwa ombunguhiro yokuisapo ourunde we omuini. 9 Novazandu ve ve mu etera ombinḓu, neye wa tjaveka omunwe mu yo ne i hu kozonya zotjipunguhiro. Okuzambo ombinḓu ndja hupa we i tirira pehi meṋe yotjipunguhiro. 10 Tjazumba wa ningiririsira ozonḓura nozosyoti, noruamba ndwa ri kehuri, kotjipunguhiro otja Muhona pa rakiza ku Moses. 11 Nungwari onyama nomukova we vi ningiririsira pendje yozondanda.
12 Tjazumba eye wa zepa otjinamuinyo tji tja ri otjombunguhiro ye oningiririsiwa. Ovazandu ve ve mu etera ombinḓu, neye we i pamenena keṋe yotjipunguhiro okukondorokisa. 13 Nowo wina ve mu etera otjiuru nozonyama zarwe zotjinamuinyo ne vi ningiririsire kotjipunguhiro. 14 Neye wa koha oviṋa vyopehuri nozonyu ne vi ningiririsire kombanda yombunguhiro oningiririsiwa ndja ri kotjipunguhiro.
15 Kombunda yanao Aron wa tjita ombunguhiro yotjiwaṋa. Eye wa eta ongombo, ne i zepa ne i punguha otja tja tjita nombunguhiro yokuisapo ourunde we omuini. 16 Nu wina wa eta otjinamuinyo tjombunguhiro oningiririsiwa ne tji punguha otja komazikamisiro. 17 Kombunda yanao wa eta oruhere orunḓunḓura na woto ko eke okuura ne ru ningiririsire kotjipunguhiro. Oyo ya tjitwa puna ombunguhiro oningiririsiwa, ndji etwa omuhuka auhe. 18 Aron wa zepa ondwezu yongombe noyonḓu ze rire ombunguhiro yohange kotjiwaṋa; novazandu ve ve mu etera ombinḓu, neye we i pamenena keṋe yotjipunguhiro okukondorokisa. 19 Tjazumba wa toora ozonḓura azehe zondwezu yongombe noyonḓu, 20 ne ze twa kombanda yotukoro ne vi ningiririsire kotjipunguhiro. 21 Nungwari itwi otukoro nokurama kwokunene we vi yandja ku Muhona otja otjiyandjewa tjapeke okuza komupristeri otja Moses pa rakiziwa.
22 Kombunda yanao Aron wa yera omake we kotjiwaṋa ne tji sere ondaya. Neye wa heruka kotjipunguhiro, tja za nokupunguha ombunguhiro yokuisapo ourunde noningiririsiwa noyohange. 23 Tjazumba ooMoses na Aron va hita mOndanda yOmahakaeneno; nu tji va pita, va sera otjiwaṋa ondaya. Nongeṋangeṋeno ya Muhona ya munika kotjiwaṋa atjihe. 24 Nu kamanga Muhona wa hinda omuriro, nowo wa seseta ombunguhiro oningiririsiwa nozonḓura azehe nḓa ri kotjipunguhiro. Notjiwaṋa atjihe tji tja muna nai tja yoroka natji u onḓurumika.
Ozombunguhiro ozondenga za Aron novazandu ve
1 Meyuva oritjahambondatu kombunda yomazikiro, Moses wa isana Aron novazandu ve novanane vOvaisrael, 2 na tja ku Aron: “Kaete ondana ondume i rire ombunguhiro yokuisapo ourunde, nondwezu yonḓu i rire ombunguhiro oningiririsiwa, azeyembari nḓe hi notjipo, u ze punguhire Muhona. 3 Nu raera Ovaisrael kutja ngave ete ondwezu yongombo i rire ombunguhiro yokuisapo ourunde, nondana ondume nondjona i rire ombunguhiro oningiririsiwa, aviyevari vyombura imwe, nu mbi hi notjipo. 4 Wina eteye ondwezu yongombe noyonḓu ze rire ombunguhiro yohange, nu mu ze punguhire Muhona puna ombunguhiro yovikurya ndja hovekwa nomaze womiṋinga. Orondu Muhona me rimunikisa ku eṋe ndinondi.”
5 Nowo va eta avihe Moses mbya rakiza, momurungu wOndanda yOmahakaeneno. Nombongo aihe yeya nai kurama komurungu wa Muhona. 6 Nu Moses wa tja: “Ihi otjo otjiṋa Muhona tje mu raera okutjita kutja ongeṋangeṋeno ya Muhona i munike ku eṋe.” 7 Tjazumba Moses wa tja ku Aron: “Ryama popezu notjipunguhiro, u punguhe ombunguhiro yokuisapo ourunde nombunguhiro oningiririsiwa yokuisapo ourunde woye nowotjiwaṋa otja Muhona pa rakiza.”
8 Aron waya kotjipunguhiro na zepa ondana ondume ndja tyerwa ombunguhiro yokuisapo ourunde we omuini. 9 Novazandu ve ve mu etera ombinḓu, neye wa tjaveka omunwe mu yo ne i hu kozonya zotjipunguhiro. Okuzambo ombinḓu ndja hupa we i tirira pehi meṋe yotjipunguhiro. 10 Tjazumba wa ningiririsira ozonḓura nozosyoti, noruamba ndwa ri kehuri, kotjipunguhiro otja Muhona pa rakiza ku Moses. 11 Nungwari onyama nomukova we vi ningiririsira pendje yozondanda.
12 Tjazumba eye wa zepa otjinamuinyo tji tja ri otjombunguhiro ye oningiririsiwa. Ovazandu ve ve mu etera ombinḓu, neye we i pamenena keṋe yotjipunguhiro okukondorokisa. 13 Nowo wina ve mu etera otjiuru nozonyama zarwe zotjinamuinyo ne vi ningiririsire kotjipunguhiro. 14 Neye wa koha oviṋa vyopehuri nozonyu ne vi ningiririsire kombanda yombunguhiro oningiririsiwa ndja ri kotjipunguhiro.
15 Kombunda yanao Aron wa tjita ombunguhiro yotjiwaṋa. Eye wa eta ongombo, ne i zepa ne i punguha otja tja tjita nombunguhiro yokuisapo ourunde we omuini. 16 Nu wina wa eta otjinamuinyo tjombunguhiro oningiririsiwa ne tji punguha otja komazikamisiro. 17 Kombunda yanao wa eta oruhere orunḓunḓura na woto ko eke okuura ne ru ningiririsire kotjipunguhiro. Oyo ya tjitwa puna ombunguhiro oningiririsiwa, ndji etwa omuhuka auhe. 18 Aron wa zepa ondwezu yongombe noyonḓu ze rire ombunguhiro yohange kotjiwaṋa; novazandu ve ve mu etera ombinḓu, neye we i pamenena keṋe yotjipunguhiro okukondorokisa. 19 Tjazumba wa toora ozonḓura azehe zondwezu yongombe noyonḓu, 20 ne ze twa kombanda yotukoro ne vi ningiririsire kotjipunguhiro. 21 Nungwari itwi otukoro nokurama kwokunene we vi yandja ku Muhona otja otjiyandjewa tjapeke okuza komupristeri otja Moses pa rakiziwa.
22 Kombunda yanao Aron wa yera omake we kotjiwaṋa ne tji sere ondaya. Neye wa heruka kotjipunguhiro, tja za nokupunguha ombunguhiro yokuisapo ourunde noningiririsiwa noyohange. 23 Tjazumba ooMoses na Aron va hita mOndanda yOmahakaeneno; nu tji va pita, va sera otjiwaṋa ondaya. Nongeṋangeṋeno ya Muhona ya munika kotjiwaṋa atjihe. 24 Nu kamanga Muhona wa hinda omuriro, nowo wa seseta ombunguhiro oningiririsiwa nozonḓura azehe nḓa ri kotjipunguhiro. Notjiwaṋa atjihe tji tja muna nai tja yoroka natji u onḓurumika.
